La stailalva

Il mais settember – per bleras e blers grischuns il pli bel temp da l’onn. La chatscha ha cumenzà: Tgi sa, forsa ch'in u l’auter siemi è gia ì en vigur! Cun chanzuns da chatscha e natira vul era «La stailalva» far gust sin la 5avla stagiun. E giavischar a tuttas e tuts bels dis or en la natira, e natiralmain en bucca d’luf – e buna chatscha!

En la Stailalva dad oz gian bun 40 onns enavos e tadlain schlaghers dals onns 70. Savais anc sa regurdar da la Swiss Lady? La chanzun da Pepe Lienhard e sia band, plazza 6 a l'ESC anno 1976, vendì passa 50’000 singles ed uschia daventà in dals pli gronds hits en Svizra. Ni forsa dal titel «Anita» da Costa Cordalis, «Ein Bett im Kornfeld» da Jürgen Drews, ubain «Cindy» da Peter, Sue & Marc. Igl è sco dad ir en in auter mund! Dentant, tgi avess cartì, plirs dals hits da lezzas uras aud’ins anc oz – els èn daventads vairs semperverds. Redacziun: Christa Soliva

La Stailalva dad oz porscha musica per in e scadin, musica che fa buna luna, u sco l’emprim titel di simplamain «A Musig für die Leit». Differentas furmaziuns dal schlagher popular da lunsch e da manaivel fan curturella cun chanzuns d’amur, dals culms, da stailas, da la vita da musicant, da la patria ed auter pli. Redacziun: Christa Soliva

En la stailalva dad oz tadlain nus duets dad um e dunna, da pèrins ma era simplamain dus amis u amias che fan ensemen musica. Michelle & Matthias Reim dattan l’entschatta e quai cun lur hit «Nicht verdient». Plinavant tadlain nus Beatrice Egli & Eloy de Jong, Thomas Anders & Florian Silbereisen, Francine Jordi & Ross Antony, Vincent Gross & Olaf der Flipper cun il hit actual «Drinking Wine Feeling Fine» ed anc blers auters.

Il temp da stad è era temp dad openairs e festivals da musica. Ed uschia envidan ils stars dal schlagher popular vus oz ad in’ura cun chanzuns che fan buna luna e hits per chantar e far festa. En la stailalva dad oz udis hits sco «Donnewetter», «I sing a Liad für di», «Hey Baby (uhh, ahh)», «Cordula Grün» ubain «Aues geili Sieche» e «Petra Sturzenegger». Quests hits vegnan interpretads dals legendars Klostertaler, Andreas Gabalier, DJ Ötzi, Die Draufgänger, las duas bands svizras ChueLee e Stubete Gang ed anc blers auters stars dal schlagher popular che lain sfundrar nus en atmosfera dad openair. Redacziun: Christa Soliva

La Stailalva è emplenida cun melodias enconuschentas dals davos mais - ma era bain inqual single nova. L’entschatta fa Beatrice Egli cun sia nova single «Au Revoir». Plinavant tadlain nus Ben Zucker, Sonia Liebing, Laura Wilde cun sia novischma single «Boulevard Sehnsucht», Andrea Berg cun ses hit «Nächstes Mal sag ich dann Nein» ed anc bleras autras bellas chanzuns enconuschentas ma era bellas melodias novas.

«Zillertaler Reggae», «Zilltaki» ed auter pli La stailalva dad oz è emplenida cun melodias che fan gust sin vacanzas. Nus cumenzain nossa Stailalva cun il titel «Summanumma» cun die jungen Zillertaler. Er da la partida èn die Stoakogler cun lur hit «Quatro Stagioni», die Blechbixn cun la chanzun «Sommerliab», die Dorfrocker cun lur hit «Holadjer»... Redacziun: Christa Soliva

Hits e semperverds da pop e da schlagher – oz en furma da cover. «Eine neue Liebe ist wie ein neues Leben» – «Dschinghis Khan» – «Küss die Hand schöne Frau» – «Keine Sterne in Athen» – «Marmor, Stein und eisen Bricht» – «I bin a bayrisches Cowgirl» – «Mambo» euv. Quai èn hits e semperverds che mintgin enconuscha. En «La stailalva» dad oz tadlain nus dentant betg las versiuns originalas da Jürgen Markus, Dschinghis Khan, EAV, Stephan Remmler, Drafi Deutscher, Nicki u Herbert Grönemeier, mabain versiuns da cover interpretadas da furmaziuns dal schlagher popular. D’udir èn tranter auter Marc Pircher, die Draufgänger, die Grubertaler, Blechbixn, die Edlseer, voXXclub u er ils Original Zillertaler.

La stailalva dad oz ha rimnà ina schelta da chanzuns en tudestg svizzer. In’ura cun perlas sco «Hans stand uuf» ni «Es Praliné» lura er hits sco «Göschene Airolo» e «Tuusig Liebesbriefli», ed er «Dankbarkeit» da Heimweh na manca betg. Per vus da la partida èn Partyhelden & Sängerfreunde, Singvögel, Heimweh, Peter Reber, Härz, Willy Tell, Leonard, Furbaz, ChueLee, Trio Eugster, Margrit Rainer & Ruedi Walter, John Brack, Diana, Stubete Gäng, Beatrice Egli, Calimeros, Francine Jordi e Stefan Roos. Bun divertiment cun ina stailalva magari nostalgica e per ina giada in zic pli tradiziunala dentant total svizra! Redacziun: Christa Soliva

Tadlar «La stailalva» – ed in'ura curturella è garantida! Da la partida èn Die jungen Zillertaler, Monique, voXXclub, Bergfeuer, Michelle Ryser, die Grubertaler, Stefanie Hertel, Andreas Gabalier ed anc blers auters stars cun lur hits.

Die Paldauer, Calimeros e Nockis cun nova musica. Strusch da crair, ma questas trais bands tutgan tar ils oldies en la scena da musica dal schlagher. La band austriaca die Paldauer, die Paldauer è vegnida fundada l’onn 1968 da Franz Griesbacher ed Erwin Pfundner. Els dus èn anc oz activs. Cun semperverds sco «Tanz mit mir Corinna» e «Düsseldorfer Girl» èn els vegnids enconuschents. Er il hit actual «So bist nur du» ha purtà grond success. L’istorgia da success dals Calimeros ha cumenzà l'onn 1976. Roland Eberhart e Kurt Wyss han fundà ina saira da cumpagnia ord spir gaudi ina band. Ed oz, quatter decennis pli tard, van els anc adina da hit tar hit. Tranter ils gronds hits èn; «Tausend Liebesbriefe», «Du bist wie die Sterne so schön» ed il hit actual «Verliebtes Herz an Bord». Il Nockalm Quintett da l’Austria è vegnì fundà l’onn 1982 sco band dal schlagher popular. 10 onns pli tard han Gottfried Würcher è ses cumpogns midà stil e cumenzà cun musica da schlagher. Num e stil han els midà mintgatant, ma lur musica cun semperverds sco «Schuld sind deine himmelblauen Augen» ed il hit actual “Seit 1870” restan e paran da funcziunar vinavant! Redacziun: Christa Soliva

«La stailalva» fa viadi tras la natira. Sper amur èn culms e muntognas er in tema che fascinescha las interpretas ed ils interprets dal schlagher popular ed uschia datti era bleras chanzuns ch’èn deditgadas a quest tema. Il bainvegni fan oz Die Geschwister Niederbacher cun lur chanzun «Auf den Bergen ist die Freiheit». Plinavant tadlain nus «I sitz auf an Stoa», il hit «Luegid vo Bärg und Tal», «die Geissenalm», «Schon als Kind wollt ich ein Schäfer sein» ed anc bleras autras chanzuns che raquintan istorgias e represchentan nossa natira en ils auts. Redacziun: Christa Soliva

Francine Jordi, Leonard, Marianne Cathomen, Vincent Gross ils Furbaz e Beatrice Egli – quai èn mo intgins dals stars da schlaghers en Svizra. La paletta è gronda – ed uschia è «La stailalva» dad oz deditgada cumplainamain ad interpretas ed interprets svizzers. Redacziun: Christa Soliva

Mintgadi è auter – in di lavain nus cun il pe sanester – l’auter di essan fieu e flomma, forsa schabegia insatge penibel, forsa ha intgin cletg en l’amur u en il gieu. Ina giada uschia e l’autra giada uschia. Era las interpretas ed ils interprets dal schlagher popular s’occupan oz da temas dal mintgadi. Cun il titel «‘s Leb’n is stressig – aber lässig» entschaiva la Stailalva dad oz. Plinavant tadlain nus titels sco «Der Apfel fällt nicht weit vom Stamm», «Säg emol was hät er...», «Die 7 is’a Glückszahl», «Hauptsache Gratis», «So is’s scho guat» euv.

En questa «Stailalva» preschentain nus dus discs novs ed intginas singles ch’èn cumparidas il davos temp. Ils albums novs èn dad Eloy de Jong e da Giovanni Zarrella. Omadus interprets han fatg enfin avant intgins onns musica en bands da pop. Eloy de Jong era en la boygroup Caught In The Act e Giovanni Zarrella è stà chantadur da la band Bro’Sis. Oz èn omadus dasper chantadurs da schlagher er anc moderaturs d'emissiuns da schlagher. Las singles novas vegnan da Maite Kelly, DJ Herzbeat x Neonlicht, Madlen Rausch, ils Nockis, Linda Fäh, Norman Langen, Andrea Berg, Wokenbruch, Silvia Kaufmann, Beatrice Egli, Vincent Gross & Olaf der Flipper, Vanessa Mai, Francine Jordi e Leonard.

La furmaziun originala dad oberkrain exista ord l'accordeon, il bariton, in cuntrabass, ina ghitarra, ina clarinetta, ina trumbetta e natiralmain il chant. «La stailalva» dad oz è deditgada cumplainamain al stil da musica dad oberkrain. Il fundatur è sta nagin auter che Slavko Avsenik. Grazia ad el viva quest stil da musica vinavant, era suenter sia mort avant 10 onns. Da la partida èn sper las duas generaziuns dals Avseniks, bands da l’Austria, da la Slovenia, dal Tirol dal Sid, da la Germania e da la Svizra.

La NDW n’era betg in tipic gener da musica, mabain ina cumbinaziun da New Wave, punk, pop e schlagher cun texts tudestgs. Quai stil da musica ha cuzzà da l'entschatta dals onns 80 enfin la fin da l’onn 1984. Intgins dals interprets da quai gener da musica han gì success internaziunals remartgabels: Nena cun «99 Luftballons», la band Trio cun «Da da da», Falco cun la chanzun «Der Kommissar» e Peter Schilling cun «Major Tom». Els han gì grond success cun lur hits e quai er en regiuns da lingua englaisa. «La stailalva» è deditgada plainamain a quai stil da musica. Dentant, tgi avess cartì: plirs da quels hits aud’ins anc oz – els èn daventads vairs semperverds.

Damai che nus avain oz in di cun blers «5» (05-05-2025) ha la stailalva dad oz elegì tut titels da e cun cifras. L’entschatta fan la band Die Schäfer cun «Eins – zwei – drei». Plinavant tadlain «1000 und 1 Nacht», «Wolke 7», «Hier regiert die 11», «5 Jahr’ miteinand», «10 kloane Zillertaler». Ma er il grond hit «7 Sünden» da DJ Ötzi e Marc Pircher na manca betg.

Dus giubileums da tribuna stattan oz en il center da la Stailalva. Leonard – il chantadur e moderatur da Seedorf en il chanzun Uri po festivar ses 40avel giubileum da tribuna e Vincent Gross da Basilea ses 10avel. Omadus èn svizzers, lur via da success dentant fitg differenta. Leonard è il quiet ed adina stà fidaivel a ses stil. Sia musica è plitost il schlagher classic, gie bunamain en il stil da chanzunier (chanson) cun istorgias commuventantas or da la vita. Vincent Gross è gist il cuntrari. Il star da schlagher dal mument va da success tar success. Live è el strusch da franar cun ses carisma, scharm e ses talent musical. Uschia è el s’avanzà tar las medias da televisiun mo er en ils charts tar in dals gronds da la scena dal schlagher e quai betg be en Svizra mabain lunsch sur ils cunfins ora. Quai è bain motiv avunda da deditgar la Stailalva dad oz a dus giubilars. Nus main in zic enavos e laschain reviver inqual semperverd, ma tadlain era hits actuals. Redacziun: Christa Soliva

Hits e semperverds da pop e da schlagher – oz en furma da cover «Ein Stern, der deinen Namen trägt», «Du entschuldige, I kenn Di», «Despacito», «Keine Sterne in Athen», «Es fährt ein Zug nach nirgendo», «I bin a bayrisches Cowgirl», «Mambo», «Silberfäden», euv., quai èn hits e semperverds che mintgin enconuscha. En «La stailalva» dad oz na tadlain nus dentant betg las versiuns originalas da DJ Ötzi, Peter Cornelius, Luis Fonsi, Stephan Remmler, Christian Anders, Nicki, Herbert Grönemeier u Vico Torriani, mabain versiuns da cover interpretadas da furmaziuns dal schlagher popular. D’udir èn tranter auter die Edlseer, die Draufgänger, die Grubertaler, Marc Pircher, Blechbixn, die Granaten u er ils Original Zillertaler.