Leselaget

13 Episodes

Reverse

Siste leveår med Inger Johanne Sæterbakk (3:3)

2026-04-0941:49

Olav Duun-entusiast og språkkonsulent ved Det Norske Teatret, Inger Johanne Sæterbakk er gjest i siste episode av Leselaget. Ho har lese tredje band i Medmenneske-trilogien, Siste leveår frå 1933. No får vi vite korleis det går med Håkon og Ragnhild. Samtalen blir leia av Ingrid Weme Nilsen. Hosted on Acast. See acast.com/privacy for more information.

Ragnhild med Ameli Isungset Agbota (2:3)

2026-03-2033:03

Skodespelar Ameli Isungset Agbota speler rolla som Ragnhild i framsyninga Medmenneske, som går på Hovudscenen på Det Norske Teatret. I denne samtalen snakkar ho med Ingrid Weme Nilsen om korleis det går med Ragnhild, når ho kjem tilbake til vonlausheimen, etter å ha sona straffa si. Leselaget les bok to i Medmenneske-trilogien. Hosted on Acast. See acast.com/privacy for more information.

Medmenneske med Johannes Holmen Dahl (1:3)

2026-03-0438:27

Johannes Holmen Dahl er ein av Noregs mest meritterte regissørar. I 2026 har han dramatisert og hatt regi på Medmenneske, som no speler på Hovudscenen på Det Norske Teatret. Han er første gjest i denne sesongen av Leselaget, for å snakke om romanen Medmenneske av Olav Duun. Samtalen blir leia av Ingrid Weme Nilsen. Hosted on Acast. See acast.com/privacy for more information.

Leselaget les Medmenneske-trilogien av Olav Duun

2026-02-2701:45

I tredje sesong av podkasten Leselaget inviterer vi til å lese Medmenneske-trilogien av Olav Duun. Vi spelar inn med publikum til stades, så hent deg ut ein gratisbillett og bli med! I 2026 er det 150 år sidan forfattaren Olav Duun blei fødd. I høve jubileet skal podkasten Leselaget lese dei tre bøkene Medmenneske (1929), Ragnhild (1931) og Siste leveår (1933). Vi inviterer til tre direkteopptak der dramaturg Ingrid Weme Nilsen tar for seg kvar av dei tre romanane. Kvar episode har ein ny gjest. VI VIL GJERNE HA DEG MED PÅ DENNE LESEMARATONEN!Anten kan du lese saman med oss, bok for bok, eller la andre ta seg av lesinga og berre komme for den gode samtalen. Kvar episode blir lagt ut som podkast, men ønskjer du å vere til stades under samtalen, så kan du det!Hent deg ut gratisbillett. Hosted on Acast. See acast.com/privacy for more information.

Revolusjon med Jonas Bals (5:5)

2026-02-0545:51

Dagens gjest er forfattar, historikar og fagforeiningsmann Jonas Bals. Handlinga i Les Misérables går føre seg med ein uroleg politisk bakgrunn. Det er berre få år sidan revolusjonen, og statskuppet til Napoleon i 1799 er framleis ferskt. Fridommen er innskrenka. Dei sosiale skilnadane er enorme. Folket lir, svolt og urettferd framprovoserer frå tid til anna blodige gatekampar der desperate sivile gjer opprør mot politi og myndigheiter. Mot slutten av romanen lar Hugo oss få bli med inn i eit slikt opprør. Karakteren Marius, den unge og engasjerte kjærasten til Cosette, Jean Valjean si elska fosterdotter, blir nesten drepen i opprøret. Er revolusjonens tid forbi? Kven er villig til å gå til revolusjon i våre dagar? Treng vi ein skikkeleg revolusjon? Og kva er vi villige til å risikere livet for? Hosted on Acast. See acast.com/privacy for more information.

#box-pro-ellipsis-179091200827264{-webkit-line-clamp:2;}Leselaget