Minisguard

Per far chaschiel dovri latg, intginas culturas e quagl. Ordlonder datti quasi nundumbraivlas sorts da chaschiel e gist uschè blers gusts. Co po chaschiel avair uschè differents gusts? Il Minisguard ha fatg ina visita al signun Andreas Grob a Breil e mussa pass per pass co ch’il gust dal chaschiel sa sviluppescha. Ensolver, gentar e tschaina – las tschaveras ed il nutriment tutgan tar noss mintgadi e nus duvrain els per pudair funcziunar. La moda e maniera co che noss corp vegn da sparter las substanzas nutritivas da noss nutriment è cumplexa e fascinanta. Nus declarain co che noss tract digestiv funcziuna.

144 uffants che fan teater – quai è il festival Best Dad aut e caotic – gea quai èsi era mintgatant, sche passa 140 uffants s’entaupan per far teater. Ma betg adina. En l’emprim pass elavuran els in tema ed in toc da teater en classa. Suenter vai sin tribuna gronda en il teater da Cuira, nua che las classas da l’entir chantun preschentan ina a l’autra lur tocs e dattan resuns. Lura vegn anc ina giada trenà, glimà e collià las singulas parts. A la fin sa preschentan tuttas e tuts sin tribuna gronda davant il public. Sustegn dattan pedagogas e pedagogs da teater. Il Minisguard ha accumpagnà ina classa da Felsberg/Favugn ils ultims dis fin a la premiera. Co funcziuna atgnamain nossa vusch? Per far teater ston ins lavurar bler cun il corp – da tuttas sorts moviments magari acrobatics, saut e mimica. In ulteriur instrument impurtant è la vusch. Ma co funcziuna ella atgnamain? Co faschain nus tuns uschia che nus udin els? E daco tuna mintga vusch in zic auter? Il Minisguard declera.

Il favugn: la chalur misteriusa da las muntognas Il davos temp dat il favugn en il tact u almain fal l’aura. Saja sur Pasca cun vents intensivs, ma era questa fin d’emna cun temperaturas bunamain da stad. Il favugn, il pli vegl abitant dal Grischun. Ma pertge è il favugn in vent chaud e pertga sufla el uschè ferm? Il Minisguard declera. Passlung pli vegl che paun e latg Yann e Nico èn dus giuvens scuvriders da Trin. Avant intginas emnas han els chattà in skelet durant vulair bajegiar in plaz da seser gist sper lur chasa. Silsuenter han els infurmà l’uffizi d’archeologia Grischun. Cun agid dals profis han ils uffants pudì chavar or l’entir skelet ch'è tranter 1'000 e 1'500 onns vegls.

Ils scolars e las scolaras da Laax raquintan l'istorgia da Pasca. – A Zernez ha ina spezialista visità la scola per mussar co ch'ins tgira endretg ils dents.

La nova regulaziun da l’intelligenza artifiziala L’intelligenza artifiziala dovras ti dapertut ozendi. Sche ti vul chattar ina fotografia sin tes telefonin u er sche ti vul savair la pli sperta via a la lavur gida l’intelligenza artifiziala a tai. Ma i dat er tschella vart, la vart da la surveglianza e controlla che po vegnir duvrada per il bun u er per il schlet. Il Minisguard ha dà in sguard sin las schanzas ed ils ristgs da l’intelligenza artifiziala e co che questa duai vegnir regulada. Co emprenda la intelligenza artifiziala? Deep learning & co. Sco ils scolars e scolaras en scola, sto era l’intelligenza artifiziala emprender per vegnir megliera e per sa sviluppar vinavant. Quest emprender digital sa numna deep learning e machine learning. Duas metodas che funcziunan sumegliant a l'emprender en scola, ch’èn la fin finala dentant tuttina fitg differentas.

Fynn Mika e sia passiun per il motocross: questa emna avain nus vistià in buob cun ina fasczinaziun tut speziala. Sper quai declarain nus tge che organisaziun d'agid fan.

Fascinaziun per trens da modell: Quest'emna avain nus visità ina gruppa d'uffants ch'èn fascinads da trens da modell da la Viafier retica. Plinavant fain nus in viadi tras il temp e dain in sguard sin l'istorgia dal passlung.

Quest’emna en il Minisguard avain nus visità il Teater Giuven Grischun durant lur emna da project. Nus avain vulì savair tge che tutga tut tar far teater. Lura avain nus dà in sguard sin usits per stgatschar l’enviern en il Grischun, sco per exempel il Chalandamarz.

2024 è in onn basest – ma pertge? In onn basest ha in di dapli. Quai ed era ch’i dat mintga quatter onns in onn basest è cler. Ma pertge dovri quels onns cun in di dapli? Il Minisguard declera quai cun agid da la sisavla classa da Schluein. · Nossa pel – fina e fascinanta. Nossa pel sto proteger nus dal fraid e da chaliras, dal tschuf e da bacterias. Ella è nossa climatisaziun e noss schurmetg cunter fridas. E cunzunt cun nossa pel sentin nus il mund enturn nus. Nossa pel, noss pli grond organ, fina e fascinanta.

La gronda maschina d'unscher skis: Tge capita sche ti das giu tes skis per laschar far in service? E tge è propi impurtant sch'ins unscha in ski? Tge èn propi vitamins? Vitamins èn il pli en nossa mangiativa, ma els èn usche pitschens ch'ins na vesa betg els. Ma tuttina na pudessan nus betg viver senza vitamins.

Noss tscharvè – ina maschina fascinanta Attenziun: quai che suonda n’è betg in sbagl da scriver. Qiau è in eplmeex che musas a mdoa imtperinsasnau co ceh nsos tchraèv lvaaru e co ch’le è uhcsia bnu da lerge ina saatal da bastbus. Impressiunant u betg? Ma pertge pudain nus leger texts, era sche quels èn scrits quasi dal tuttafatg fallà. Il Minisguard dat la resposta. Pertge na poss jau betg? Dad ir cun skis ubain da currer per pudair tiers il bus da scola – insacura na po il corp simplamain betg pli. Ils musculs èn stanchels e las chommas sco puding. Ma pertge insumma na pon ins betg currer senza fin?

Emna da skis senza cunfins Las scolaras ed ils scolars da la Casa Depuoz da Trun han passentà l’emna passada sin ils skis. Per Asinat è quai stà l’emprima giada insumma sin pista. Ed era Livio ha dà tut a la cursa l’ultim di. Tgi sa sch’i tanscha per la medaglia? Matematica da tschaiver – il quint per chattar la data da la gievgia grassa Cler, Nadal è adina ils 24 da december, ma cura cumenza il tschaiver? Quai mida onn per onn. La raschun è in quint che cumpiglia la glina, l’entschatta da la primavaira e la data da Pasca. In quint che na respunda betg mo cura ch’il tschaiver cumenza, mabain che declera era las tradiziuns davos questas festas.

Blers chagniels, blera lavur Wuhhuuu igl ha dà 7 chagniels, tge gnoc! Dentant n’èn chagniels betg be charins e bellins, mabain dattan era bler lavur. Qua mussan Ava, Jon e Jerun - il chaun da lur tatta e tat ha survegnì pitschens. Els prendan cun nus là nua ch’ils chagniels vivan, mussan tgenin ch’è lur preferi e raquintan ch’els èn schon uss trists ch’ils chauns bandunan els en circa in mais. Pulvra dapertut Mitga per dis, èsi puspè da far cun tschitschapulvra. Quai fa blera lavur, e blera canera. La pulvra ha dentant era avantatgs. Uschè dovri per exempel pulvra, per chi sa dar naiv. Ina nova vignetta d’autostrada Tgi enconuscha betg il tatgader coluros, cun si ina cifra che tatga vida bunamain mintga auto. La vignetta d’autostrada. Quella datti quest onn era en furma digitala. Ma pertge dovri insumma quella?

Ils uffants da Tavau ed il WEF Quest’emna ha lieu in grond event a Tavau cun massa politichers, persunas da l’economia e scheffas e schefs da stadi – il WEF, il Forum mundial d’economia. Tranter tut questas persunas famusas èn er ils scolars e las scolaras da la 6avla classa da Tavau. Tge pensan ils uffants da quest WEF e tge capita propi là? Nus avain fatg ina visita en scola. Tge è il WEF? Il Forum mundial d’economia vegn organisà a Tavau gia dapi passa 50 onns da l’econom Klaus Schwab. Al WEF 2024 èn tranter auter stads preschents il president da l’Ucraina Wolodimir Selenski ed il primminister da la China Li Qiang. Nus declerain tge finamira che ha il WEF e tge che vegn discutà là, ma er ils puncts che vegnan crititgads. La schurnalista da RTR al WEF Il WEF pretenda ina gronda organisaziun ed in grond engaschi da massa persunas che lavuran a l’event. I sto vegnir cuschinà, transportà, coordinà e natiralmain era rapportà. Nossa schurnalista Fabia Caduff è gia dapi intgins onns al WEF e rapporta per RTR da quai che curra e passa.

La primavaira avant dus onns avain nus visità per l’emprima giada la duas soras Anya e Varya ch’èn fugidas da la guerra en l’Ucraina. Dapi bun in onn vivan ellas cun lur mamma a Cuira. La vita a Cuira, ina vita en in nov dachasa – ed il cor en dus lieus. – Igl è puspè vegnì pli fraid, ina stoda fradaglia malempernaivla! Mo per l’ambient, per ils animals ed er per ils carstgauns n’èn bunas betg mo temperaturas chaudas, era la fradaglia ha sia funcziun. Las temperaturas bassas tegnan ensemen nossas muntognas grazia a la schelira permanenta, procuran per naiv che protegia l’enviern nossas pradas ed èn era bunas per nossa circulaziun dal sang. – Questa emna datti purtrets spectaculars da las vias en Germania. Las puras ed ils purs n’èn betg cuntents cun il program da spargn da la regenza. L’emna da chauma blocheschan els vias, cruschadas, punts, vitgs e citads cun lur grondas maschinas.

Recicladi Rueun ed ils rests da Nadal: Il Minisguard è stà sin visita en in recicladi per guardar tge che vegn dismess e pertge ch’i fa senn da separar chartun, palpiri, metal, lain ed autra rauba. – Prevista sin l’onn 2024: Tge precis che quai onn nov porta, na sa nagin dir. Ma ina u duas chaussas èn uss gia segiras. Uschia è l’onn 2024 per exempel in onn plain elecziuns. Ma er en il mund da sport capita quest onn ina massa. – Vocabulari da naiv: Naiv nova, naiv entira ubain naiv arsa e marscha? La Rumantschia enconuscha ina massa pleds per l'alv bletsch che croda giu da tschiel. Il Minisguard porscha in pitschen curs da vocabulari d’enviern.

Muments positivs dal 2023 En la davosa emissiun da l’onn guardain nus enavos sin bels muments dal 2023. Mussain quant activs che uffants èn stads durant l’onn. Per lur dretgs, per il sport e per la lavur. In Minisguard plain bels muments, massa animals ed anc dapli uffants.

Cun famiglia Cathomas en il guaud per il pignol da Nadal: Per avair in bel pignol en stiva da Nadal pon ins cumprar in u ch’ins po ir sez en il guaud per in. En intginas vischnancas en il Grischun è quai anc lubì. Nus avain accumpagnà la famiglia Cathomas da Sumvitg en la Val Sumvitg a la tschertga da lur pignol perfetg da Nadal. Pignol da Nadal – cumprar, fittar u in da plastic? Pignols da Nadal datti en tuttas furmas e variantas, da quests da plastic, pignols cumprads d’ina tratga, da quests ch’ins va sez en il guaud per tut u er pignols ch’ins po affittar. Nus preschentain las differentas variantas uschia che ti poss decider sezza tgenin che è il pignol da Nadal per tai.

Mintgina e mintgin sa che la vigilgia da Nadal è ils 24 da december ed enconuscha in zic l’istorgia. Ma co è quai puspè stà cun ils Trais Sontgs Retgs e cura e co cumenza l’istorgia da Nadal? Uffants da la segunda fin sisavla classa da Breil e Donat raquintan l’istorgia da Nadal en differentas variaziuns. – Per la 28avla giada èn represchentantas e represchentants da las Naziuns unidas e d’organisaziuns d’ambient sco era persunas da la scienza e da l’economia s’entupadas a Dubai a la conferenza davart il clima. Var 70’000 persunas! Dimensiuns giganticas cun resultats survesaivels. Il Minisguard declera l’istorgia da las conferenzas davart il clima e tge ch’è vegnì decis fin oz.

Tge capita tut avant che ti pos ir cun skis u cun snowboard? - Il Cussegl federal, co funcziuna el e co vegn el elegì?