DiscoverMinisguard HD
Minisguard HD
Claim Ownership

Minisguard HD

Author: Radiotelevisiun Svizra Rumantscha (RTR)

Subscribed: 1Played: 20
Share

Description

Minisguard è l’emissiun d’infurmaziun per uffants. Ella dat ina survista da quai che succeda en la regiun, en il chantun e sin il mund. Tge capita cun ils peschs sch'il chametg dat en l'aua? Pertge san las flurs cura ch'ellas han da flurir? RTR elavura temas relevants da la politica, da la cultura e dal sport uschia ch’uffants pon chapir quels.
82 Episodes
Reverse
Sin 20'000 persunas ha be ina il sindrom dad Angelman. Quest defect genetic è pia rar e cun quai insatge spezial. Ma tge è auter sch'ins ha il sindrom? E co èsi sche la atgna sora è pertutgada?
Il Minisguard declera pertge ch'i vegn demonstrà ed er tge che rassissem è insumma.
Cun taxi en il orbit Bunamain uschia pudess‘ins numnar il start da la rachetta Falcon9, che fa la partenza ussa sonda. La finamira è la staziun ISS che sgola radund 400km sur la terra. Il pli spezial vid quai sgol è che per l’emprima gia sgolan astronauts americans cun ina rachetta bajegiada e controllada dad ina firma privata, la Space X. In mument da marca en l’istorgia astronautica. Dal «Sputnik» fin al «Perseverance» Nus guardain enavos sin passa 60 onns astronautica ed il muments-clav da svilup. Davent dal satellit Sputnik ch’è sgulà l’onn1957 per l’emprima giada enturn il mund fin als roboters sin il Mars ch’èn labors da hightec che lavuran autonom millis kilometers davent dal mund.
In sguard en nossa testa Noss tscharvè è la pli cumplexa apparatura sin quest mund. Nus na chapin ella anc ditg betg dal tut. La psicologia emprova però da chapir co che noss spiert funcziuna e guarda perquai exact sin tge che ina persuna di, fa u co ch’ella reagescha. Ina visita tar il servetsch psicologic da scola Cun quella metoda gida era il servetsch psicologic da scola a scolaras e scolars che han las pli differentas difficultads en scola. Nus avain emprendì d’enconuscher ina da lur psicologas ed vulì savair co che ella lavura.
Il mument manca la plievgia Dapi emnas hai, sche insumma, be pluvì fitg pauc. Ils meteorologs discurran da tants e tants mm plievgia. Dentant tge vul quai dir? Aua vegn bain mesirada en liters. Nus declerain co che quai vegn mesirà e quant sitg ch'igl è propi tar nus actualmain. Ils pollens fan starnidar – fructifitgeschan dentant era In ni l’auter vegn il mument a duvrar ils fazielets da nas pli savens che uschiglio. La strucca da fain è puspè in grond tema. Ma era sche quai è per inqualin stentus, il pollen è impurtant per che nossas plantas portian fritgs. Cò e cum declera il Minisguard.
Co funcziuna l’internet? Per in e scadin vala ussa star, sche pussaivel a chasa. Quai munta er scola e lavur davent da chasa. Senza internet strusch pussaivel. Durant che nus stuain star a chasa, fan nossas datas viadis sur l’entir mund. Il Minisguard declera co che l’internet funcziuna. Corona ed jau Pertge fatschenta il coronavirus ussa l’entir mund? E daco na dastgain nus ussa betg visitar la tatta ed il tat u il non e la nona e pertge stuain nus trasora lavar ils mauns? Tut quellas respostas ed anc bleras autras sur dal coronavirus, respundain nus en il Minisguard.
La seria Finamiras: Part 4 - Finanzas Per pudair daventar il proxim grond star dal sport dovra quai raps. L’entir equipament, tut ils viadis e trenaments, scolas ed anc bler dapli custa, e quai betg pauc. Ma tge dovra quai insumma per ina stagiun d’enviern, tge pussaivladad da finanziaziun dat quai e da tgi survegnan giuvens sportists vinavant anc sustegn? La seria Finamiras mussa ils temas che fatschentan mintga giuven atlet sin ses viadi vers sias finamiras. En 4 episodas avain nus discurrì davart las sfidas da Gian Andri Bolinger (15 onns da Zuoz), Gino Stucki (18 onns da Flond), e Fabiana Wieser (23 onns da Sent).
Seria «Finamiras» part 3 – La scolaziun Tuttina quant bler talent ch’ina giuvna u in giuven ha en ses sport: la scolaziun na dastgan els betg emblidar. Per ch’atletas ed atlets possian tuttina cumbinar lur ambiziuns sportivas cun la scolaziun, datti en Svizra differentas pussaivladads. Mo tgeninas, e quant grev èsi da cumbinar scolaziun e sport? La seria «Finamiras» mussa ils temas che fatschentan mintga giuven atlet sin ses viadi vers sias finamiras. En quatter episodas avain nus discurrì davart las sfidas da Gian Andri Bolinger (15 onns da Zuoz), Gino Stucki (18 onns da Flond), e Fabiana Wieser (23 onns da Sent).
Die Nachrichtensendung für Kinder und Jugendliche. Warum ist der Himmel blau? Was sind Menschenrechte? Was macht die Digitalisierung? Willst du wissen, was in der Welt los ist? Und willst du gut informiert sein und mehr verstehen? «Minisguard» präsentiert aktuelle Themen kinderleicht verständlich.
Seria «Finamiras» part 2 – Il cader Co funcziuna in cader, tge fa in cader e tge prestani per atletas ed atlets - e cura poi era esser da dischavantatg? La seria «Finamiras» mussa ils temas che fatschentan mintga giuven atlet sin ses viadi vers sias finamiras. En quatter episodas avain nus discurrì davart las sfidas da Gian Andri Bolinger (15 onns da Zuoz), Gino Stucki (18 onns da Flond), e Fabiana Wieser (23 onns da Sent).
La seria Finamiras: Part 1 – Sanadad Il corp è la pli impurtanta arma d’ina atleta en il cumbat per il podest. Ellas ston guardar bain da quella arma. I vala da trenar bler e bain, dentant betg massa bler. E dad evitar ristgs uschè bain sco pussaivel. Ma co far quai il meglier? La seria Finamiras mussa ils temas che fatschentan mintga giuven atlet sin ses viadi vers sias finamiras. En quatter episodas avain nus discurrì davart las sfidas da Gian Andri Bolinger (15 onns da Zuoz), Gino Stucki (18 onns da Flond), e Fabiana Wieser (23 onns da Sent).
loading
Comments 
Download from Google Play
Download from App Store