Xuan Prado y Frankie Delgado, parte esencial d’una de les bandes más emblemátiques del folk asturianu. Dende 1984, Beleño vien tejiendo tradición y modernidá, siendo memoria viva y referente pa xeneraciones nueves de músicos n’Asturies.Beleño nació en 1984 de la mano del arpista Fernando Largo, que tres un viaxe a Irlanda pa participar nel Panceltic Festival decidió crear una banda que xuniera tradición y modernidá. Con músicos como Frankie Delgado y Xuan Prado, el grupu entamó un camín que los llevaría a escenarios míticos del folk, como los festivales de Ortigueira o Lorient.
Dende Piloña, Maxi Areñes y Maitetxu Isla dan vida a Nuramay, un dúu folk que recuei soníos de munchos llugares. Una música que fala de raigaños, memoria y emoción compartida. Nuramay ye’l proyectu que xune a Maxi Areñes y Maitetxu Isla, dos músicos piloñeses que, dende la emoción y el rigor, tán construyendo un camín propiu dientro del folk asturianu contemporaneu. El dúu nacía como una desconexón creativa de Fontoria —el proyectu personal d’Areñes—, pero acabó convirtiéndose nuna propuesta con voz propia y fonda coherencia artística. Nel so primer discu, Cantares de tierra y mar, recueyen soníos y melodies de munchos llugares: romances medievales, cantares sefardíes, balades mediterránees y temes propios que beben d’eses fontes ensin perder autenticidá. Toos esos elementos xúntense como un mapa emocional que viaxa pela memoria colectiva. El nome Nuramay vien de la unión de Nura —el nome feniciu de Menorca— y May, por Maitetxu, simbolizando un diálogu ente territorios y sensibilidaes. Nel discu conviven l’intimismu, la tradición y la esperimentación, con voces, instrumentos y arreglos que faen de cada cantar una pieza viva. La propuesta de Nuramay fala de raigaños, pero tamién de modernidá, de la emoción como motor creativu y de la música como una forma de tender puentes ente cultures. Con Cantares de tierra y mar, Areñes y Isla amuesen que la tradición, cuando s’ama y se reinventa, sigue teniendo munchu que contar.
Frontman y showman de Los Berrones, Ramón Blanco repasa la trayectoria de la mítica banda de Tolivia y anuncia’l discu que tan a puntu de sacar cola retranca y la enerxía de siempre
Flavio R. Benito, maestru gaiteru y profesor d’esti instrumentu nel Conservatoriu de Xixón, pertenez a la xeneración de músicos que revolucionaron la gaita asturiana nos años 90
Natalia González y Viti Redondo integren una superbanda de power-punk que refresca la escena rock asturiana con puxu y honestidá Ochobre formóse en 2016. Natalia González y Viti Redondo son dos de los componentes d’esta superbanda de power-punk que tien abierto les ventanes de la escena rock asturiana pa qu’entre una potente rabesera d’aire fresco col puxu y la honestidá de les sos canciones. Heriedes del espíritu de Dixebra, Avientu o Desakato sonlo tamién de los Pistols, The Clash o Negu Gorriak. Son un auténticu Ochobre del 34 enriba un escenariu y un españíu d’enerxía positiva nos sos discos, como el más recién: ‘La rabia nos dientes’.
Con más de venti años d’andadura, lleva la tradición asturiana de les pandereteres a nuevos camínes ente emoción y herencia remocicada.Falamos con dos de les fundadores del grupu: Paula Cristóbal y María Vázquez. Herbamora. Venceyaes a diversos grupos de baille tradicional y d’investigación etnográfica, xuntáronse siendo unes moces col enfotu d’anovar la tradición asturiana de les pandereteres mucho enantes de qu’escomenzara a consolidase la gran revolución que diba venir puxada por artistes como Rodrigo Cuevas o les gallegues Tanxugueiras. Con tres discos editaos, el postreru: ‘247 llunes’, siguen faciendo música dende les coraes de la emoción y la herencia remocicada.
Diseñador gráficu y creador multidisciplinar, representa una voz nueva que conecta la tradición musical asturiana cola cultura contemporánea global. Ferla Megía. Llicenciáu en diseñu gráficu y artista multidisciplinar, esti creador sierense encarna nes sos propies inquietúes la reinterpretación que faen de la tradición musical asturiana les xeneraciones más moces y abiertes a la cultura contemporánea global. El futuru de la nuestra escena en llingua asturiana tán escribiéndolu xente como él y colo meyor del so talentu.
Dotada d’un rexistru vocal escepcional y d’una gran sensibilidá artística, ye la gran renovadora de l’asturianada.Anabel Santiago. Nacida en Bonos Aires y criada en Casu, la tierra de sos padres, familiarizóse cola tonada sintiéndola cantar a los veceros del chigre familiar. Deprendió a cantalo siguiendo a les últimes grandes maestres y maestros de la tradición oral, y bien llueu destacó nos concursos de canción asturiana como ganadora. Dotada d’un rexistru vocal fuera de serie y d’una inspiradísima sensibildá artística, ye, ensin dulda, la gran renovadora de l’asturianada. Facer que siga viva güei y nes xeneraciones del futuru ye l’enfotu que marcó tola so carrera musical y que la sigue afalando a siguir compartiendo emociones dende una música que-y sal del alma.
Cantante y alma de Dixebra, considérase más qu’artista un activista musical pola sobrevivencia de la llingua asturiana.Xune Elipe. Avilesín de Villalegre ye historia viva de la música asturiana. Cantante, alma y frontman del grupu Dixebra,del que foi fundador, más qu’artista considérase un activista musical pola sobrevivencia de la llingua asturiana. Dende la hestórica banda (decana del rock n’Asturies xunta Ilegales y Los Berrones) anovó la escena de la nuestra música meciendo los sones de la tradición colos del punk, el ska, el metal o los ritmos urbanos y punxo a bailar a varies xeneraciones de moces y mozos con cantares que llamen a la reflexón crítica y a la llucha pola xusticia social.
Vero Rubio, cantante y multiinstrumentista canguesa, ganadora del Premiu Camaretá al Meyor Cantar n’Asturianu y autora del discu-llibru Vou, representa la pasión y l’enraigame cola llingua asturiana na música actual
Faustino Blanco ye historiador, profesor d’institutu y anguaño empobina la Dirección Xeneral de Consumu del Principáu. Defendió la primer tesina n’asturianu de la Facultá de Xeografía y Hestoria, y ye autor, ente otros estudios, del ensayu: ‘La revolución de mayu de 1808 o l’aniciu de la historia contemporánea d’Asturies’. D’esos fechos, lo que significaron o del papel nellos de muyeres como Marica Andayón y Xuaca Bobela fálanos posao en ‘N’Ayuri’
José Luis Carmona ye profesor d’Historia Moderna y Contemporánea na UNED d’Asturies. Autor de diversos trabayos sobre la realidá social y política de la primer mitá del s.XX na nuestra tierra, ente ellos dellos n ‘Historia de Gijón’ publicada abenayá por EL COMERCIO, fue militante activu de Conceyu Bable y también presidente de Cruz Roja en Xixón. En ‘N’ayuri’ fálanos posao de la complexa entrada d’Asturies na modernidá
Doctor en Historia pola Universidá d’Uviéu y arqueólogu, Andrés Menéndez Blanco forma parte del Grupu d’Investigación Llabor y autor de diversos trabayos académicos alrodiu la presencia militar romana nel noroeste ibéricu. En ‘N’Ayuri’, fálanos posao d’ún de los motivos cimeros que llevó al Imperiu d’Augusto a la conquista encerrizada de la tierra de los Ástures y los sos pueblos vecinos
Pilar Sánchez Vicente, escritora d’esitoses y prestoses noveles, ye también historiadora y documentalista. Autora d’una pionera ‘Historia breve d’Asturies’ (reeditada na nuestra llingua),el so interés poles buelgues del pasáu ta bien presente na so obra de ficción talo amuesen títulos como ‘La diosa contra Roma’ o el más recién: ‘Madrebona’. D’esa llarga nueche nel territoriu que güei llamamos Asturies y que discurre nel tiempu d’entrambos relatos fálanos posao en ‘N’ayuri’
Llicenciada n’Historia y Máster n’Arqueoloxía y Patrimoniu, Arantza Margolles tien restaltao sobremanera pol so llabor como divulgadora y comunicadora. Nesi desempeñu empobinó la sección ‘Viejo Gijón’ en EL COMERCIO y conduxo el programa ‘Historias y misterios’, producíu por El Comercio Audiovisual y emitíu na Tpa. Anguaño dirixe el periódicu ‘A quemarropa’ de la Selmana Negra. En ‘N’ayuri’ fálanos posao y con rigor amenu de dos asturianes claves na nuestra historia, separaes nel tiempu y xuníes por un asemeyáu olvidu qu’agora paga la pena reparar
Caderalga d’Historia Medieval na Universidá d’Uviéu, Margarita Fernández Mier ye autora de numberosos trabayos académicos na so especialidá y tien dedicao una bona parte del so trabayu investigador nel grupu LLABOR, qu’empobina, al estudiu de l’arqueoloxía rural o agraria, un terrén sobremanera bayurosu pa entender la realidá d’Asturies nel pasáu y con bien de proyección nel presente. En ‘N’ayuri’ fálanos posao d’esi discursu históricu que guarda’l paisaxe de la nuestra tierra y desvela munches claves de lo que fuimos y somos
Xulio Viejo, ye doctor en Filoloxía Románica y profesor titular na Universidá d’Uviéu. Autor de novels claves como ‘Los araxales de la vida’ o la más recién ‘Onde’l casos se texe y se destexe’, ye un de los investigadores más brillantes de la so xeneración con obres como ‘La formación histórica de la llingua asturiana’ o ‘Llingua y cultura lliteraria na Edá media astur-lleonesa”. Foi tamién el primer editor académicu d’Antón de Marirreguera, l’autor qu’estrena la nuesa lliteratura escrita. De la so figura, envuelta n’escuridá y de la so obra, inxertada nel barrocu asturianu, fálanos posao y claro en ‘N’ayuri’, aportando lluz nueva
María Antonia Pedregal ye directora del Muséu Arqueolóxicu d’Asturies. Llicenciada en Xeografía ya Historia pola Universidá d’Uviéu, ye autora de dellos trabayos alrodiu la edá media asturiana, la especialidá na que tien desenvuelto bona parte de la so actividá investigadora. Traductora al asturianu de ‘El Llibru de les Maraviyes’ de Marco Polo o de ‘La palabra final. Diariu d’un suicidiu’ de Roberta Tatafiori (Premiu Florina Alías), foi tamién directora de Normalización Llingüística del Principáu. En ‘N’ayuri’ fálanos posao y ameno del relatu históricu que nos cuenten les pieces más significatives qu’abelluga la coleición del Muséu del que ye responsable.
Rafa Rodríguez Valdés ye historiador, director de la collección ‘Calume’ de Ediciones Trabe, dedicada a traducciones de clásicos del nuestru tiempu, y responsable de la Oficina de Normalización Llingüística de Corvera. Autor de los ensayos: “Discursos llingüísticos y movimientu obreru na Asturies decimonónica” (2009) y “Llingua asturiana y movimientu obreru. 1899-1937” (2004), alléganos a ún de los episodios más sonaos de la nuestra historia del sieglu XX y ún de los más escaecíos güei: ‘La revolución de ochobre del 34’, de la que se cumple esti añu el 90 aniversariu. Falamos posao con él d’estos fechos
En N'ayuri falamos posao con José Ramón García Fernández, Monchu'l Cura, sacerdote, pintor y autor d'una obra imprescindible pa conocer el nuestro pasáu: 'Astures Gens Hispaniae' (Trabe) de cuánto hai de mitu o realidá na batalla de Cuadonga. ¿Húbola?,¿Nació ellí el Reinu d'Asturies?, ¿Sabemos quién foi Pelayu? Las sos pallabres sabies dan rempuesta a too ello.