Noss chors

Noss chors dat in sguard enavos ad in'occurrenza cun grond success: Avant bun dus mais è Cuira daventada la citad svizra dal chant. In dals concerts da motto da la concurrenza svizra dals chors 2024 datti d'udir en l'emissiun dad oz. Il Choeur d'Oratorio de Montreux, il Chor viril Ligia Grischa, il ChorBasel, il Chor Zug e l'ensemble vocal Cake O'Phonie da Fribourg emplainan l'emissiun dad oz cun in repertori da chanzuns plain variaziun. D'arranschaments da chanzuns tradiziunalas fin tar chanzuns or dal mund da pop datti oz d'udir in pau da tut. Tgi sa? Forsa ch'in u l'auter survegn perfin gust da sa mover in zic cun tadlar quest'emissiun.

I vegn chantà da flurs, aua, muntognas ed auter pli. Cun in matg da chanzuns rumantschas faschain nus in viadi auditiv tras la natira. Tuns e texts da l'emissiun dad oz preschentan tut sias bellezzas. Cun chanzuns sco «L'En», «Minchületta» «Cumgio dil gôt» u «Laiet alpin» fa Noss chors oz viadi tras la natira – in tema adina puspè preschent en la litteratura da chors rumantscha. Mintgatant emblid'ins tge bels stgazis che la natira porscha. Ina selecziun da chanzuns che raquintan tranter auter da cuntradas, lieus e plantas duessan far endament quant bella che nossa patria è.

Cun ir ora en la natira sent'ins che la primavaira s'avischina. Las odurs en il liber daventan pli intensivas ed era ina u l'autra flura cucca gia or dal terren. Cun Noss chors datti oz era in pau primavaira per las ureglias. Cura che la primavaira vegn natiers nascha nova vita. Ils utschels cumenzan a chantar e las plantas a flurir. Las cuvertas alvas svaneschan plaun a plaun e la cuntrada daventa pli e pli colurusa. Differentas melodias procuran oz per ina primavaira auditiva – i vegn chantà da fluras, da l'amur u era dal return da las randulinas.

Prest è Pasca. Perquai piglia Noss Chors l'occasiun per preschentar trais cumposiziuns che cuntegnan ina poesia che raquinta da la dolur da Nossadunna che stat sut la crusch da ses figl. Il Stabat Mater è ina poesia che deriva dal temp medieval. Causa sia lung'istorgia datti differentas versiuns dal text. La pli veglia versiun deriva dal 13avel tschientaner. Il cuntegn central dal poem è la dolur da Maria che stat sut ses figl crucifitgà. Varsaquants cumponists da differentas epocas han mess en musica il text fitg renumà. Per trais da quellas cumposiziuns prendin nus peda en l'emissiun da Noss chors dad oz. L'emprim datti d'udir il Stabat Mater da Giuseppe Tartini, in cumponist talian che ha vivì durant il temp dal baroc. Qua sa tracti d'in'ovra a capella per trais vuschs da dunnas. Lura suondan duas cumposiziuns da Franz Schubert, il renumà cumponist romantic.

«Chante en mon coeur» – per finir noss gir musical tras la Svizra giain nus anc a tadlar tge chanzuns che la Svizra romanda ha da porscher. La quadrilinguitad en Svizra è ina da las grondas spezialitads da nossa cultura. Uschè chatt'ins era en mintga singula regiun linguistica in agen stgazi da chanzuns tradiziunalas. Chors da la Svizra franzosa ma era anc in u l'auter chor grischun chantan oz differentas cumposiziuns che derivan da la Svizra dal vest. Sper varsaquantas chanzuns dal renumà spiritual e cumponist Joseph Bovet udis oz anc in u l'auter titel tradiziunal sco «La Tchivra» ubain «Adyu mon bi payi».

«Avanti allegra banda» – nus faschain viadi dal Tessin fin en il Grischun. Oz datti musica or dal repertori da chanzuns da la Svizra taliana. La quadrilinguitad en Svizra è ina da las grondas spezialitads da nossa cultura. Uschè chatt'ins era en mintga singula regiun linguistica in agen stgazi da chanzuns tradiziunalas. Chors grischuns ma era chors d'autras regiuns svizras chantan oz ina schelta da chanzuns talianas. Cun «Bellezza mia cara», «La sera» o «La mi ümla ciäseta» faschain nus tranter auter viadi dal Tessin tras il Puschlav fin en Bergiaglia.

«Voukslied» «Volksliad» «Volksliäd» – tudestg svizzer n'è betg simplamain tudestg svizzer. Cun chanzuns in differents dialects vulain nus preschentar oz ina paletta da chanzuns da la Svizra tudestga. La quadrilinguitad en Svizra è ina da las grondas spezialitads da nossa cultura. Mintga singula regiun linguistica ha dentant anc atgnas particularitads. En la part tudestga discurr'ins da differents dialects. Uschè ha era mintga chantun sias atgnas chanzuns tradiziunalas en l'agen dialect. Sper la chanzun populara tradiziunala naschan adina dapli arranschaments novs che dattan ina nova tempra a quel gener da chanzuns. Oz datti ina maschaida d'innovaziun e tradiziun or dal repertori da chanzuns da las regiuns tudestgas da noss pajais.

En trais locals da concurrenza a Cuira èn ils chors sa preschentads avant la giuria. Bun 1'900 chantaduras e chantadurs da 66 chors han vulì mussar lur meglier chant. In da quels locals è stà la Baselgia Son Gliezi. Dals 2 fin ils 4 da favrer ha gì lieu a Cuira la concurrenza svizra dals chors. Igl è stà la 11avla ediziun dapi l'onn 1988 cura che la concurrenza ha per l'emprima giada gì lieu a Schaffusa. Dapi l'ultima giada han amaturas ed amaturs da chors gì da spetgar pulitamain ditg – l'ultima giada è numnadamain stada 2017 ad Aarau. En la Baselgia Son Gliezi èn la sonda e dumengia sa preschentads 26 chors da l'entira Svizra en las categorias ensembles vocals, chors d'elita e chors maschadads pitschens. L'emissiun dad oz preschenta ina selecziun da las registraziuns che RTR ha fatg durant quels dis. En questa emissiun datti la segunda part da las registraziuns da la Baselgia Son Gliezi. Cun chors da la categoria Chors maschadads, insaquants schatgs dal uschenumnà Mottokonzert cun il tema «Klangliches» e la fin mintgamai ina chanzun dals victurs e las victuras da las trais categorias.

En trais locals da concurrenza a Cuira èn ils chors sa preschentads avant la giuria. Bun 1'900 chantaduras e chantadurs da 66 chors han vulì mussar lur meglier chant. In da quels locals è stà la Baselgia Son Gliezi. Dals 2 fin ils 4 da favrer ha gì lieu a Cuira la concurrenza svizra dals chors. Igl è stà la 11avla ediziun dapi l'onn 1988 cura che la concurrenza ha per l'emprima giada gì lieu a Schaffusa. Dapi l'ultima giada han amaturas ed amaturs da chors gì da spetgar pulitamain ditg – l'ultima giada è numnadamain stada 2017 ad Aarau. En la Baselgia Son Gliezi èn la sonda e dumengia sa preschentads 26 chors da l'entira Svizra en las categorias ensembles vocals, chors d'elita e chors maschadads pitschens. L'emissiun dad oz preschenta ina selecziun da las registraziuns che RTR ha fatg durant quels dis. La baselgia Son Gliezi ch'è vegnida bajegiada enturn l'onn 730 è sin la glista dals bains culturals cun muntada naziunala en il chantun Grischun. Dapi lura è la baselgia vi da la veglia via dal Scanvetgvegnida renovada ed engrondida pliras giadas. L'onn 1811 è la baselgia ed il clutger sur il chor brischads. Suenter che la baselgia Son Gliezi è vegnida bajegiada da nov è ella vegnida renovada in'ultima giada ils onns 50.