Ofurkona í orlofi

Bjargey og Birna Sif standa báðar á stórum tímamótum. Í þætti dagsins ræða þær stóru málin í þeirra lífi, skilnað, flutninga og ný heimili. Engar áhyggjur - Birna Sif og Bjargey voru ekki að skilja og Ofurkona í orlofi mun halda áfram. Það eina sem vinkonurnar vita á þessum tímapunkti er að það eru bjartari tímar framundan. Sól og sumar - við erum tilbúnar! Þátturinn er í boði: Lín DESIGN - https://lindesign.is Tertugallerí - https://www.tertugalleri.is LINDEX - bókaðu tíma í fría stílistaráðgjöf á https://lindex.is/pages/personal-shopper Slippfélagið - https://slippfelagid.is Visitor ferðaskrifstofu - https://visitor.is ICEWEAR MAGASÍN - https://www.icewear.is

Anna Sæunn kvikmyndagerðarkona, móðir, listakona og íþróttakona kom í frábært spjall um lífið og listina. Anna Sæunn hefur verið búsett með annan fótinn í Barcelona síðustu ár og segir okkur frá lífinu í stórborginni þar sem sólin skín. Hún segir frá því hvernig hún þurfti að finna sig á nýjan leik eftir skilnað og stór áföll í lífinu og hvernig hún notaði keppnisskapið til þess að komast lengra í íþróttum. Þessi þáttur er mikill innblástur fyrir allar konur sem langar að fara á eftir draumunum sínum en hafa kannski ekki ennþá tekið fyrsta skrefið. Þátturinn er í boði: ICEWEAR MAGASÍN - https://www.icewear.is Lín DESIGN - https://lindesign.is Tertugallerí - https://www.tertugalleri.is LINDEX - bókaðu tíma í fría stílistaráðgjöf á https://lindex.is/pages/personal-shopper Slippfélagið - https://slippfelagid.is Visitor ferðaskrifstofu - https://visitor.is

“Ég hélt að það væri hægt að læra að elska sjálfan sig en veit í dag að það er ekki hægt” segir Ólöf María sem hefur síðastliðin ár rannsakað hugtakið sjálfsást. Ólöf María er gift fjögurra barna móðir og fyrrum bóndi sem fór í háskólanám eftir þrítugt. Hún er með B.A. í nútímafræði og rannsóknartengda meistaragráðu í félagsvísindum og starfar í ráðgjöf hjá VIRK ásamt því að kenna við Háskólann á Akureyri. “Sjálfsást er vilji til vellíðunar og staðfesta á virði sjálfsins” segir Ólöf María. Sjálfsást er samtvinnuð því hvernig við sjáum okkur sjálf og hefur ekkert með eigingirni að gera. Það eru órjúfanleg tengsl milli þess hvernig við elskum okkur sjálf og hvernig við elskum aðra. Við viljum að þau sem við elskum líði vel og blómstri. Ást er frumafl og töfrar og það er hluti af því að vera manneskja að elska sig. Við myndum raunverulega deyja ef við elskuðum okkur ekki sjálf. Ekki missa af þessum einstaka þætti sem á eftir að koma þér skemmtilega á óvart. Þátturinn er í boði: Lín DESIGN - https://lindesign.is Tertugallerí - https://www.tertugalleri.is LINDEX - bókaðu tíma í fría stílistaráðgjöf á https://lindex.is/pages/personal-shopper ICEWEAR MAGASÍN - https://www.icewear.is Slippfélagið - https://slippfelagid.is Visitor ferðaskrifstofu - https://visitor.is

Emilia Gylfadóttir ofurkona með meiru kom í einlægt spjall um hamstrahjólið og þessa eilífu leit að jafnvægi. Væri lífið einfaldara ef við þyrftum ekki að vinna eða er hægt að lifa í sátt með verkefnalistum sem engan endi ætla að taka? Emilia segir frá því þegar hún áttaði sig á því að sjálfsvirði hennar er ekki mælt í einkunnum eða prófgráðum. Hún segist hafa áttað sig á því að hún var algjörlega aftengd sjálfri sér og inni í hamstrahjólinu hafi hún ekki heyrt í sjálfri sér. Í dag hlustar Emilia á hjartað sitt og stendur á stórum tímamótum. Ofurkonan er komin í orlof hún ætlar að fara á eftir draumum sínum því þar sem hjartað slær gerast töfrarnir!

Bryndís Ottesen eða Dísa eins og hún er alltaf kölluð kom í einlægt spjall um lífið með ADHD. Dísa er tveggja barna móðir, starfar sem ráðgjafi og heldur úti hlaðvarpinu Bresti með Birnu Sif vinkonu sinni. Dísa segir frá ADHD greiningarferlinu og léttinum við að fá að vita að hún var ekki vandamálið heldur samfélagið og skólakerfið. Hún segir ADHD heilann vera sturlaðan og þegar við lærum á styrkleika okkar og hættum að horfa neikvæðum augum á brestina eru okkur allir vegir færir. Dísa, Bjargey og Birna Sif hafa sameinað krafta sína og verða með spennandi ferð fyrir konur með ADHD til Tossa de Mar á Spáni í september. Ef þú vilt koma með í gleðina og sjá fegurðina í brestunum getur þú bókað þitt sæti hjá Visitor ferðaskrifstofu: https://visitor.is/ferdir/brestur-x-ofurkona-i-orlofi

BRESTUR X OFURKONA Í ORLOFI kynnir: Sjö daga ferð fulla af brestum og gleði til Tossa de Mar á Spáni 16.-23. september 2024 í samstarfi við VISITOR ferðaskrifstofu. Taugakerfið fær langþráða hvíld, sólin mun gefa og grímur fá að falla! Þegar þrjár ofvirkar koma saman er gaman! Bjargey, Birna Sif og Dísa munu dansa með ykkur inn í sólsetrið því frelsið er yndislegt þegar við leyfum okkur að sjá fegurðina öllum brestunum og vera við sjálfar - nákvæmlega eins og við erum! Frekari upplýsingar um ferðina má finna á: https://www.visitor.is/ferdir/brestur-x-ofurkona-i-orlofi

Bjargey getur tekið gleði sína á ný því Birna Sif er komin heim aftur frá Spáni eftir leit að framtíðarheimilinu. Birna Sif segir frá mjög spennandi fréttum en það eru stórar breytingar í vændum! Hvað er þetta Ehlers Danlos Syndrome sem tvíburasálusysturnar eru með og hvernig er hægt að vinna með það? Bjargey segir frá uppgötvun í Yin Yoga náminu og hvernig hún ætlar að velja gleði og vellíðan á nýju ári. Vertu velkominn febrúar og góða skemmtun!

Gummi kíró mætti til Ofurkonu í orlofi og úr varð þessi skemmtilegi þáttur um það hvers vegna sjálfsvinna getur verið svona drulluerfið! Gummi sagði í einlægu spjalli frá sinni reynslu af því að glíma við kvíða og þurfa að takast á við sjálfan sig sem getur verið erfitt verkefni en nauðsynlegt til þess að geta lifað lífinu til fulls. Bjargey og Gummi ræddu um karlmennsku og hvort það væri ennþá tabú fyrir karlmenn að ræða opinskátt um sína líðan og tilfinningar. Þau eru sammála um að það skiptir öllu máli í samböndum að vera í góðri tengingu við makann sinn og hvaða áhrif það hefur á líf okkar og heilsu að eiga góð og heilbrigð samskipti við fólkið sem við elskum.

Hjálmar Örn skemmtikraftur er alveg einstök manneskja sem hefur þann fallega hæfileika að sjá og laða fram það besta í öðru fólki. Í þessum þætti spjalla Bjargey og Hjálmar um það að synda á móti straumnum en Hjálmar segist vera sá maður sem hann er í dag af því hann tók allskonar rangar ákvarðanir. Hjálmar gerir lífið aðeins betra með því að gefa frá sér sína einstöku gleði og fallegt viðhorf til lífsins og þessi þáttur Ofurkonu í orlofi fékk heldur betur að njóta þess - góða skemmtun! Þátturinn er í boði: Lindex Tertugallerí Icewear Magasín

Bjargey og Birna taka fagnandi á móti nýju ári breytinga! Tvær ofvirkar ofurkonur ætla báðar að breyta til á nýju ári og prófa eitthvað alveg nýtt. Birna skoðar suðrænar slóðir og lætur sig dreyma um að flytja í sólina. Bjargey er búin að skrá sig í nýtt nám þar sem hún fær áfram að lifa drauminn um vera berfætt á ströndinni og fá borgað fyrir það! Vinkonurnar spjalla saman um góð ráð við skammdeginu sem dregur úr þeim alla lífsorku, fara yfir markmið og drauma ársins og hvernig þær ÆTLA að láta þá verða að veruleika!

Sigríður Lena er einstök móðir, fagurkeri, þroskaþjálfi og metnaðargjörn sjálfstæð kona. Sigga Lena eins og hún er oftast kölluð ákvað að stofna sína eigin fjölskyldu án þess að eiga maka og deilir með okkur vegferðinni en í dag á hún tvö yndisleg börn. Sigga Lena segir í einlægu spjalli frá barneignarferlinu og viðurkennir að það sé enginn dans á rósum að vera ein með tvö börn. Hún þekki þó ekkert annað en að vera ein á vaktinni og nýtur þess að vera einstök móðir sem lætur ekkert stoppa sig í að láta drauma sína verða að veruleika.

Helga Magga er matgæðingur með meiru og snillingur í eldhúsinu en hefur hún einhvern tímann klúðrað jólasteikinni? Helga Magga segir farir sínar ekki sléttar af því að undirbúa hátíðarkvöldverð fyrir fjölskylduna en það gerast allskonar dularfullir atburðir í Hlíðunum rétt fyrir jólin þar sem jólakötturinn liggur sterklega undir grun um að hafa framið hinn fullkomna glæp! Ekki missa af frábærum jólaþætti á léttu nótunum með Helgu Möggu í boði Icewear Magasín, Tertugallerí og Lindex. Takk fyrir að hlusta!

Bjargey og Birna Sif taka spjallið um lífið þessa dagana. Bjargey fór í smá framkvæmdir sem breyttust í martröð og hún veltir því fyrir sér hvort það sé of seint að hætta við núna? Birna Sif stendur á tímamótum og vinkonurnar ræða hvort það sé mögulegt að halda lífi í þessu myrkri og skammdegi með streituna í botni?

Ástrós Rut segir í einlægu spjalli frá því hvernig hún hefur unnið með sorgina eftir að hafa misst eiginmann sinn Bjarka Má aðeins þrítugan að aldri eftir erfiða baráttu við krabbamein. Ástrós Rut tók ákvörðun um að halda áfram með lífið eftir missinn og er búsett á Selfossi með manninum sínum og fjórum börnum ásamt hundinum Ronju. Ástrós tekur einn dag í einu eftir að hafa greinst með vefjagigt og áfallastreitu og vinnur markvisst að því að verða betri útgáfa af sjálfri sér.

Gleðisprengjan, markaðsstjórinn og ofurmamman Katrín Petersen kom í skemmtilegt spjall um lífið og tilveruna. Katrín talar um hvað það er mikill lúxus að hafa tíma til að rækta sjálfa sig en þó maður sé komin með börn og fjölskyldu þá verður maður að leyfa sér að taka tíma fyrir sig. Katrín er óhrædd við að prófa nýja hluti og elskar að ferðast. Hennar mottó er að vinnan er ekki lífið þó það sé gaman í vinnunni og við verðum að brjóta upp hversdagslífið og njóta augnabliksins. Þetta er þáttur sem þú vilt ekki missa af ef þú vilt smá hvatningu og aðeins meiri gleði í lífið!

Margrét Jóna Þórhallsdóttir myndlistarkona í einlægu spjalli um lífið og listina. Margrét Jóna hefur einstakt auga fyrir fallegri hönnun og tók á móti okkur á glæsilegu og listrænu heimili fjölskyldunnar í Kópavogi þar sem hún sýndi okkur fallegu vinnustofuna sína. Hún segir okkur frá ADHD greiningunni sem hún fékk á fullorðinsaldri, hvernig hún hefur tekist á við örmögnun og breytingaskeiðið sem hafði meðal annars þau áhrif á hana að hún hafði ekki gaman að neinu lengur en lagaðist mikið þegar hún fékk réttu meðferðina. Myndir frá upptökunni og fallegu heimili Margrétar Jónu má finna á Instagrammi Ofurkonu í orlofi - bjargeyogco

Í þætti dagsins ræða Bjargey og Sólveig um sjúkdóminn offitu, mikilvægi þess að elska sig eins og maður er og lifa í sátt við langvinna sjúkdóma. Sólveig er forseti ECPO - European Coalition for People living with Obesity og hefur unnið hörðum höndum að því að fræða um sjúkdóminn offitu um allan heim. Sólveig segir sína sögu og hvers vegna hún gefst aldrei upp.

Þórunn Högna, glæsilegasta kona landsins - stílisti og listrænn stjórnandi í einlægu spjalli um tísku, heimili og hönnun. Þórunn segir frá ævintýrinu með sumarbústaðinn sem þau hjónin hafa verið að taka í gegn og gera að fallegu heimili fyrir fjölskylduna til að njóta samveru í sveitinni. Þórunn hefur einstakan og glæsilegan stíl og deilir með okkur leyndarmálinu hversu mörg skópör hún í fataskápnum, hvaðan hún sækir innblástur og hvaða merki eru í uppáhaldi.

Í þessum þætti spjalla Bjargey og Sara Odds markþjálfi og lögfræðingur um ljósið sem við konur megum láta skína, að halda í gleðina og leika okkur meira. Það má hafa gaman þó lífið sé búið að færa okkur erfið verkefni og áskoranir. Endum við allar í örmögnun og kulnun eða er hægt að lifa lífinu með því að forgangsraða okkar heilsu og vellíðan í fyrsta sæti?

Hildur Gunnlaugsdóttir arkitekt, umhverfisfræðingur, fagurkeri og snillingur með meiru kom í frábært spjall um fjölbreytt verkefni, heimili og hönnun. Hildur er að gera upp hótel í miðbænum, starfar sem arkitekt og er búin að búa sér til fallegt heimili með fjölskyldu sinni. Hildur segir frá því hvernig hún heldur mörgum boltum á lofti samhliða því að hlúa vel að sjálfri sér meðal annars með því að kaupa sér blóm, njóta litlu augnablikanna, ferðast og rækta vináttu og sambandið við eiginmanninn.