Pika Sharing's Channel

ဆက်ဆံရေးတွေမှာ နှစ်ဦးနှစ်ဖက် အဆင်ပြေဖို့ဆို စည်း ဆိုတာကို ထားရပါတယ် ။ စည်း ထားတာ ဝေးသွားစေတာ မဟုတ်ပဲ နှစ်ယောက် ပိုနီးလာစေဖို့ပဲ ဖြစ်ပါတယ် ။ စည်းများ ထားခြင်း အကြောင်းနဲ့ ပတ်သက်ပြီး ဒီ podcast လေးထဲမှာ ပြောပြပေးထားပါတယ် ။

ဘယ်လို အဆိုးတွေပဲ ကြုံကြုံ ၊ ကိုယ့် ခံစားချက်တွေနဲ့ လုပ်ဆောင်မှု စွမ်းရည်တွေကို အထိခိုက် မခံပဲဖြစ်ဖို့ ဘယ်လို လုပ်ရလဲဆိုတာ ဒီ podcast လေးမှာ ပြောထားပါတယ် ။

သတင်းတွေ အပြည့် ၊ အရာရာ သင်ယူနိုင်တဲ့ ခေတ်ကြီးမှာ ဟိုကတွေ့လို့ လေ့လာလိုက် ၊ ဒီက တွေ့လို့ ‌ကြည့်လိုက်နဲ့ တကယ်တမ်းကျ ဘာကိုမှ သေချာမသိ ၊ ဘယ်ကိုမှ ခရီးမရောက်တာ နှစ်တွေ ၊ အချိန်တွေ ကြာလာပြီ ထင်ပါတယ် ၊ အခု podcast ထဲမှာ အဲ့ဒီ နွံထဲက ဘယ်လို ရုန်းထွက်လို့ ရနိုင်လဲ ပြောပြပေးထားပါတယ် ။

ဂုရုကြီးတွေလို ဘ၀ရဲ့ သော့ချက်ကို ရှာမတွေ့သေးတဲ့အခါ ၀မ်းနည်းစရာ မလိုပါဘူး ၊ ၀မ်းနည်နေမယ် အားမလိုအားမရ ဖြစ်နေမယ်ဆိုရင် ပိုလို့တောင် အချိန်ကုန်ပါသေးတယ် ။ အဲ့ဒီအစား ဘာတွေ လုပ်လို့ရလဲဆိုတာ ဒီ podcast လေးထဲ ပြောထားပါတယ် ။

သတင်းအချက်အလက်တွေ များလွန်းလာတဲ့အခါ ဘာကို ဘယ်လို လိုက်စားရမလဲ ဆိုတာ ဆုံးဖြတ်ရ ခက်ပါတယ် ။ လူတွေရဲ့ ကြားဖူးနား၀နဲ့ သတင်းအမှားတွေကြောင့် နစ်နာမှုတွေ အများကြီး ရှိနိုင်ပါတယ် ။ စတဲ့အကြောင်းတွေကို ဒီ podcast လေးထဲ ပြောပြပေးထားပါတာ် ။

အကယ်‌၍ ကိုယ်က တစ်ခုခု လုပ်ရမှာ ၊ စရမှာ မရဲဘူး ဖြစ်နေတယ်ဆို ဒီ podcast လေးက သင့်အတွက်ပါ ။

ဘ၀ဆိုတာ ကိုယ်လုပ်ယူသလောက်ပဲ ရတယ် ။ ဒါတောင် ရချင်မှ ရတယ် ။ ဒါပေမယ့် ဘာမှမလုပ်ရင်တော့ ဘာမှ မဖြစ်ဘူး ။ ဘာမှ မဖြစ်တာဆိုတာ တကယ်တော့ အမှားပါ ။ ကျနော်တို့ လူတွေဆိုတာ မြေဆီလွှာတွေလိုပဲ ၊ ကောင်းတဲ့ သစ်သီးပန်းပင်တွေ သစ်ပင်တွေ စိုက်ပျိုးမှ ကိုယ်စိုက်တဲ့ အသီးပြန်ရတယ် ။ ဘာမှ မစိုက်ဘူးဟေ့ဆိုပြီး ထားရင် ချုံနွယ်ပိတ်ပေါင်းတွေ ထလာပြီး ရှိနေတဲ့ အပင်ကောင်းလေးတွေဆီက မြေဆီလွှာကိုပါ စုပ်ယူလိမ့်မယ် ။ ဒါကြောင့် ဘာအပင်တွေ စိုက်မိနေလဲ ဂရုစိုက်ပါ ။ ဒီ Podcast လေးမှာ - မကြိုးစားပဲ နေချင်သလို နေပါဆိုတဲ့ Ideology မှန်လား မှားလား - ဘာတွေ လုပ်လို့ရလဲ - ဆိုက်ကားသမားတောင် ဘယ်အထိ ပေါက်ရောက်နိုင်လဲ ပြောထားပါတယ် ။

အလွယ်လမ်းတွေက ကျနော်တို့ကို ရေရှည်မှာ ကောင်းကျိုးမပြုပါဘူး ။ ကျနော်တို့ အတွင်းထဲက ခိုင်နေမှ အပြင်ဘ၀ကို ရင်ဆိုင်ရာမှာ အဆင်ပြေနေမှာပဲ ဖြစ်ပါတယ် ။ ဒီ podcast လေးမှာ - ကျနော်တို့ ဘာလို့ နေမပျော် ဖြစ်လာတာလဲ - ဘာတွေ သတိပြုရမလဲ - အတွင်းထဲက သူကို ဘယ်လိုရင်ဆိုင်ရမလဲ - ဘာတွေ လုပ်နိုင်လဲ ဆိုတဲ့ အချက်တွေ ပြောထားပါတယ် ။ အားလုံး အဆင်ပြေကြပါစေ ။

လုပ်ရင်းကိုင်ရင်း သွားရင်လားရင် ကျနော် တနှစ်ခွဲကျော် လုပ်လာတဲ့ ဗီဒီယိုများ နားထောင်နိုငိပါပြီ ။

အကြောင်းအရာ ၁၂ခု လောက် ဒီ episode ထဲက နားထောင်ရအောင် ကောက်နုတ်ထားပါတယ် ။ - အကူညီတောင်းတတ်ရတယ် 00:23 sec - ဒါလေးတောင် မသိဘူးလား အပြောခံရရင် 11:59 sec - အလုပ်ကြိုးစားပါ 12:48 sec - စစ လုပ်ခဲ့တုန်းက Pika ကြောက်ခဲ့လား 24:13 sec - 2020 မကုန်ခင် အဖက်တင်အောင် လုပ်ပါ 24:56 sec - ဆယ်တန်း မအောင်ပဲ အောင်မြင်တဲ့ စီးပွားရေးသမား တယောက် ဖြစ်နိုင်လား 27:37 sec - ကိုယ်ပိုင် အလုပ်လုပ်ရတာ မနိုင်နင်းတော့တဲ့ အခါ 29:48 sec - ‌အိုင်ဒီယာ ကောင်းတွေ ထွက်အောင် Pika ဒီလို လုပ်ပါတယ် 31:14 sec - ကိုယ့်အပေါ် မကောင်းတဲ့ အလုပ်ရှင်နဲ့ ပတ်သတ်ရတဲ့အခါ 32:30 sec - ခဏနေတာနဲ့ အိပ်ပျော်အောင် ဘယ်လို လုပ်ရမလဲ 34:17 sec - Pika လက်စွဲဆောင်ပုဒ် 35:10 sec - plan ချတတ်ပါစေ 35:52 sec

ဘ၀ကို ဖြတ်သန်းတဲ့နေရာမှာ အမြဲ ရုပ်ရှင်ကားထဲကလို ငယ်စဉ်က အပူအပင် ကင်းခဲ့သလို ဖြတ်သန်းချင်လို့ မရပါဘူး ။ အဲ့လို ဖြတ်သန်းနေမယ် ဆိုလည်း စုတ်ချာတဲ့ ဘ၀ပုံစံ ပေါက်လာပါလိမ့်မယ် ။ အဲ့ဒီတော့ တာ၀န်ယူစရာရှိတာ ယူပါ ကိုယ့်ကိုယ်ကိုယ်အတွက် တာ၀န်အပြည့်ယူပါ အပြစ်ထိုင်တင်နေတာတွေ ရပ်ပါ ဒီလိုနဲ့ စိတ်စွမ်းအားတွေ မြင့်တတ်လာပါလိမ့်မယ် ။

ရှာဖွေရင်း ရှာဖွေရင်း အချိန်တွေကုန် လမ်းပျောက်တတ်ပါတယ်။ အဲ့ဒီအစား ကိုယ့်အရည်အသွေးတွေ ကိုယ့်ဖြစ်ချင်တဲ့ လူပုံစံ ကိုယ်နေချင်တဲ့ ဘ၀ပုံစံရဖို့ ထုဆစ်ရင်း အချိန်သုံးစေချင်ပါတယ်။

ကျနော် ဒါကို 2019 ထဲက ပြောပြခဲ့ပါတယ် ။ ကျနော် ဖော်ပြခဲ့တဲ့သူတွေဆို attention တစ်ခု ကြောင့် အခုဆို အဆ 20လောက် ပိုအဆင်ပြေနေပါပြီ ။ ဒီ podcast နားထောင်နေတဲ့သူတွေ အတွက်လည်း နောက်မကျသေးပါဘူး ။ အဓိကက ကိုယ့်ဆော့တဲ့ ဂိမ်းကို နားလည်ဖို့နဲ့ ဇွဲနပဲ နဲ့ အဆက်မပြတ် ကြိုးစားဖို့ပဲ လိုတာပါ ။

တကယ်အဆင်ပြေအောင်ပဲ အာရုံစိုက်ပါ ။ သူများတွေ ဘယ်လိုထင်လဲ ဘယ်လိုမြင်လဲ အတွက် လိုက်နေထိုင်ပေးရင် အားအင်တွေ အလဟဿ ကုန်ပါတယ် ။ အဆင်ပြေဟန် ပြနေမယ့်အစား တကယ်ကြိုးစားပြီး အဆင်ပြေအောင် နေပါ ။

နေ့စဉ် ကျနော်တို့ရဲ့ emotional state တွေက အရေးကြီးပါတယ် သာမန် ပုံစံသာ ပြုမူနေရင် သာမန်ဘ၀တွေကိုပဲ ရမှာဖြစ်လို့ တခုခုဆို ကိုယ့်စိတ်ကို ထိန်းကျောင်းတတ်အောင် လေ့ကျင့်ယူသင့်ပါတယ် ။