Marian Gort da Flem è ipnotisadra e trenadra mentala. Ella ha fatg bler en sia vita: educatura d’uffants pitschens, teleoperatrice e scolasta primara fin ch’ella ha chattà sia clamada. Dapi sis onns ha Marian Gort si’atgna pratica a Flem cun il num rumantsch «Temps per tei». Tar ella vegnan persunas cun problems: cun temas, cun conflicts da relaziuns, da quels che vulan chalar da fimar u prender giu. Ed er persunas che sa sentan betg segiras da sasez ni ch’han traumas. L' ipnotisadra va en il subconscient, en las emoziuns. Il trenament mental ston ins exercitar, quel dovra pli ditg, di Marian Gort en il «Profil». Cun quai ch’ella fa uss, saja ella pli datiers da sasezza. Sco trenadra mentala ed ipnotisadra survegnia ella fitg bler da la glieud, malgrà che lezza vegnia tar ella cun problems.
Cun set onns ha Simon Zurfluh, oriund da Castrisch, cumenzà a far karate en il dojo a Glion, suenter l’emprima lecziun èsi stà cler, quai èsi.
Cun 33 onns è Alois Bearth da Curaglia suandà ses siemi da viagiar tras l'America latina. El è viagià trais giadas per plirs mais en Columbia. La quarta giada è el restà 13 onns. El ha avert là ina scrinaria cun sia partenaria Belsy Castaño. Nov onns han els gì success cun lur interpresa. L'onn passà è il «Medelin da Medellin» dentant returnà a chasa a Curaglia en Val Medel cun sia dunna Belsy. Pertge turnar en patria sche tut gieva bain en Coumbia? Davart experientschas, sfidas ed ils blers plaschairs che Alois Bearth ha vivì en sia secunda patria, la Columbia, ans raquinta l'um da 50 onns en il «Profil» da RTR.
Zoë Schurter è scolasta, inschigniera da lambient, pedagoga da museum. mumma giast dal Profil. Daco sa noda glatsch en l'aua e tge succeda precis sch'ins metta sal sisur? Pertge udin nus trasora insatge, sche gea ch'igl è tut ruassaivel enturn nus? Ha la glisch ina colur? E sche gie, tgenina? Daco vesain nus insumma colurs? E datti in spray da buna luna? Dumondas senza fin, precis talas dumondas fatschentan adina puspè la scolasta, inschignera da l'ambient e pedagoga da museum, Zoë Schurter (44). Pertge che sia gronda passiun nè betg sco tar ses frar Nino dad ir cun mountainbike, mabain da dar vinavant savida a moda creativa per fascinar giuven e vegl per las pli differentas tematicas. En il «Profil» raquinta la mamma da trais uffants, oriunda da Tersnaus, da sia lavur sco pedagoga en il Museum retic, da ses engaschi instancabel per intermediar a moda attractiva ils pli divers cuntegns a grond e pitschen e da sia relaziun cun Nino, ses frar pitschen.
Avant in onn è il pilot da helicopter crudà giu durant in sgol da transport en l'Italia ed ha survivì quest accident be per pauc. El ha spendrà e salvà bleras vitas en sia carriera da 40 onns sco pilot da helicopter, «l'anghel da Schlans», sco ch'el vegn era numnà dapi las malauras dal 2002. Savens saja el ì al limit per gidar, di l'um da 66 onns. Dal sgol fatal d'avant in onn na saja quai però betg stà uschia. Da ses accident, dal grev temp da guariziun en clinicas ed ospitals e cunzunt da sias strategias per puspè vegnir en il vair senn dal pled puspè en pe raquinta el en il Profil.
La cuschina – quai è ses mund. Suenter ses emprendissadi da cuschinier a Flem ha Martin Sialm lavurà durant pliras stagiuns en differents lieus da Lai fin a Crans-Montana. Durant quest temp è el dentant er adina puspè turnà a Mustér per sa gidar en lHotel Alpsu chel ha lura surpiglià, ensemen cun sia dunna, dals geniturs la fin dal 1995, e quai en quarta generaziun. Dapi indesch onns è el schefcuschinier en lARGO a Glion, la fundaziun grischuna per lavuratoris e dimoras per persunas cun impediments. En la cuschina da lARGO a Glion survegn Martin Sialm sustegn din segund cuschinier sco er da tschintg persunas cun impediments. Di per di cuschinan els en media 150 fin 180 gentars, quai betg mo per las cussadentas ed ils cussadents, mabain er per persunas externas sco er per diversas scolas da la regiun. Sper il cuschinar tutga tar la lavur da Martin Sialm er dorganisar, planisar e controllar. Cun strusch 30 onns ha Martin Sialm surpiglià lHotel Alpsu a Mustér dals geniturs che han manà lhotel passa 20 onns. El enconuscheva bain quest manaschi, uschia che quai na saja stà nagin problem. Ensemen cun sia dunna ha el manà lHotel Alpsu fin il 2010, avant che vender tut a la sora Annalisa chha manà 20 onns la Pizzeria Surselva gist da lautra vart da la via. Martin e sia dunna, in team chha collavurà fitg bain. Martin en cuschina, Stephanie en il restaurant ed en il biro. Durant quest temp èn els er vegnids «campiuns mundials da capuns». Cun la tratga da capuns han cumenzà gia ils geniturs e gia da lezzas uras han ils capuns cuntanschì in status da cult en lHotel Alpsu. Sper la lavur en cuschina giauda Martin Sialm cunzunt ses hobis en la natira. Dasper il dar golf chel fa gia dapi prest 30 onns ha el cumenzà avant dus onns dad ir a pestga. E gia dapi ses emprendissadi va el cun velo. Er il viadi a la lavur da Panaduz a Glion fa Martin Sialm, sche laura lubescha, adina cun il velo. Prest milli giadas ha el gia fatg quest viadi tras la Ruinaulta.
Marcel Köhle è stà plevon catolic. Ils 15 da fanadur 2018 ha el annunzià sia demissiun. Il motiv: l'amur tar ina dunna. Sco plevon è Marcel Köhle s'inscuntrà cun ina dunna. In grond ristg. La finala è el sa decidì da vegnir plevon catolic e da viver en il celibat. Quai sajan stads grevs muments, di Marcel Köhle en il «Profil» da RTR. I saja stà in cumbat da stuair decider tranter la baselgia e sia partenaria.
Co èsi da sa muventar tranter las linguas? Pirmin Bundi (36) sa co che quai è. El ha geniturs da la Surselva, è creschì si a Turitg, veva oz cun sia dunna ed il figl Laurin a Berna, lavura dentant en Svizra franzosa nua ch'el è professer a l'Universitad da Losanna. En l'emissiun «Profil» raquinta Pirmin Bundi da la sfida da navigar tranter las differentas culturas linguisticas, da clients che n'èn betg adina cuntents cun ils resultats da sias retschertgas e sia passiun per lamerican football, nua ch'el ha las hottas enta maun.
Franz Huber è atgnamain inschignier da maschinas. Suenter la Scola politecnica ETH ha el lavurà divers onns en firmas ed adina è carbon stà il material ch'ha accumpagnà el. L'entschatta 2023 ha el midà cumplettamain sia vita professiunala. El ha cumprà in affar da velos, maina quel uss ed è schef da dus emploiads – il carbon, quel dals velos, è restà. En il Profil raquinta el da quella midada radicala, ch'è gnanc uschè radicala sco tgi para e tuttina ha il surmiran e bab da famiglia sutvalità insatge. Cun lavurar independentamain è il temp liber per seser sez sin in velo ì a perder in pau – era perquai ch'el ha avant curt surpiglià in segund affar da velos.
La directura da las agenturas da la Banca chantunala en Engiadina Bassa, Val Müstair e Samignun di chella dovria raubas concretas e calculablas en sia vita. La vita professiunala ha Cilgia Rest passentà per gronda part tar la medema patruna da lavur. Dapi 24 onns lavura la dunna oriunda da Susch tar la Banca Chantunala Grischuna, dapi tschintg onns en la funcziun da directura da las agenturas en Engiadina Bassa, Val Müstair e Samignun. Il contact direct cun la clientella la stettia anc adina ferm a cor. Era schi dettia mintgatant situaziuns betg agreablas, per exempel sche la banca sto dar ina resposta negativa ad ina dumonda per in credit. «Dir na nè mai bel, ma fa mintgatant da basegn». Tschintg onns ha Cilgia Rest fatg ina pausa dal mund da banca. In da quels ha ella nizzegià per far in viadi enturn il mund. Cura che la dunna da 49 onns è turnada en Engiadina, ha ella manà durant dus onns in hotel a Zernez. Ella è però vegnida a la conclusiun chil mund da finanzas saja tuttina sia gronda passiun, uschia chella è puspè turnada sin banca. Recreaziun chatta Cilgia Rest lenviern faschond sport da naiv e la stad en ses iert.
El è quel dal chant, dal teater, da l'istorgia locala, dal sport, da las uniuns. Ma il pli fitg stat il rumantsch a cor ad Erwin Ardüser. Il rumantsch ha era da far cun ses interess per la cultura e cun sia vita professiunala. 31 onns ha Erwin Ardüser da Laax lavurà en las pli differentas funcziuns per RTR. Avant in pèr mais è el ì en pensiun anticipada.
Sco buob vuleva el be giugar ballape. Oz è il Sursilvan da 42 onns CEO dad in'assicuranza en Spagna. Sia vita è marcada da midadas, sfidas, aventuras e bler'ambiziun. Sco mecanist d'autos è el sa lavurà si enfin tar il CEO. El ha studegià a las pli differentas universitads, da Stanford enfin a la HSG a Son Gagl. Tut il mund da l'economia na fiss dentant nagut senza il sustegn da sia dunna e famiglia. «Jau sun in tip da famiglia, per mai èn emoziuns essenzialas», di el. Dapi passa sis onns viva el cun sia dunna e las trais figlias a Sevilla e taidla là Radio RTR.
Gion-Franzestg Schaniel da Tinizong ha divers animals en stalla – tut animals e razzas spezialas. Chauras stralas, nursas d'egliers nairs, asens, vatgas cun corna e dapi otg onns era chavals. Per el è cun ils chavals er ì en vigur in siemi d'uffanza. Cun ils chavals da la razza «Criollo», oriundamain ina razza da l'America dal sid, ha il pur surmiran da 47 onns era cumenza ina tratga d'animals. En il Profil raquinta el da ses plaschair d'esser pur, las sfidas, e ch'i dat era muments grevs, per exempel cura ch'el sto laschar ir in animal.
Sch'i vegn en Svizra cugliunà e lavà daners, siglientà bancomats, corrut funcziunaris, sustegnì gruppaziuns terroristicas u er dà vinavant savida per far armas a l'exteriur, lura è quai tut tenor er in cas per in Lumnezian. Maric Demont (45), oriund da Vella, è numnadamain dapi dus onns derschader al Tribunal penal federal a Bellinzona. Quella dretgira svizra tracta tranter auter ils cas internaziunals ed interchantunals da criminalitad economica, da criminalitad organisada u insumma delicts che cuntrafan a l'interess da noss stadi, pia da la Svizra. En il «Profil» raquinta il bab da famiglia, ch'è maridà cun ina Giapunaisa, da sia lavur sco derschader, da ses senn per giustia e tge ch'el spetga da pudair effectuar cun sia lavur.
D'engraziar sia vart sportiva ha Ursina Condrau a ses bab. Sco mattatscha ha ella cunzunt fatg passlung, era cursas. Dal sport ha ella emprendì da morder sin ils dents, da star vidlonder. E quai gida er en la vita professiunala sco tgirunza sin la staziun intensiva dal l'Ospital chantunal a Cuira. Il cumbat cun auters dovra Ursina Condrau per surmuntar sasezza. Lura mordins anc bler pli fitg, di ella en il «Profil». Ursina Condrau sa participescha cun ses partenari Sascha Deplazes al Swiss Epic. Quai è ina cursa da 5 dis, ch'è 341 kilometers lunga ed i va 11'400 meters ensi e 12'500 meters engiu. Tut quai sin il velo da muntogna, tranter La Punt, Tavau e Cuira. Il Swiss Epic fa ella per il plaschair. Igl è il plaschair d'ir ora en la natira, da mudregiar il corp, da participar ad ina tala cursa. Quai dat bleras emoziuns ed è in bel sentiment, di Ursina Condrau. La gronda sfida è, da betg s'exurir memia fitg il cumenzament da la cursa, da parter en l'energia. E lura er da baiver avunda e da mangiar per betg dar en ina rusna. Ed era l'ir engiu sa esser ina sfida, cunzunt sch'i avess da plover. Igl è l'emprima giada che Ursina Condrau participescha ad ina tala cursa da 5 dis. Ella spera, ch'ella dumogna fin la fin e che tut va bain, ch'i dat nagins accidents e naginas pannas pli grondas.
«Sut l'ischi 2024 – il teater è la versiun moderna da l'istorgia dal passà», dian Laura Schmed e Gian-Andrea Beer. La premiera dal teater en il liber en il rom da «600 onns Ligia Grischa» s'avischina. Ils davos set mais èn stads intensivs e fascinants per ils dus protagonists Laura Schmed e Gian-Andrea Beer. En il «profil» raquintan els co els han collià vita professiunala e studi cun il plan d'emprovas pulpì.
Enrico Bischoff ha fatg l'emprendissadi commerzial. Suenter la recruta è dentant stà cler per el che sia via professiunala restia tar il militar. El ha fatg la scola da sutuffiziers ed è daventà adjutant. Il mument è el adjutant da stab en la divisiun territoriala 2 ad Aarau. Per l'Armada svizra è el stà en il chantun Vallais, a Herisau, a Lucerna – nua ch'el abitescha – ed a Cuira. En il Grischun vul el era turnar en in pèr onns, per terminar uschia sia via militara. Ch'il Grischun ha ina muntada speziala per il Surmiran sa mussa cun il fatg ch'el è tant sco pussaivel a Savognin en sia patria, e lura è sin il program far sport e pestgar en in lai da muntogna.
Era sche Pia Valär po parter en ses temp da lavur sez, dovri ina gronda disciplina per ch'il quint va si la fin dal mais. Lillustratura engiadinaisa Pia Valär lavura dapi otg onns sco independenta en ses atelier a Turitg. Actualmain è ella handicapada. Ella sto purtar in chalzer aut vi dal pe sanester, suenter avair stgarpà gist duas giadas la tarschola d'Achilles. Il barat cun il rispli ed in fegl alv è il mintgadi da la dunna da 43 onns. Fin che l'illustraziun empustada è pronta sin palpiri dovri bler temp, persistenza ed inschign. Il temp da lavur possia ella parter en sezza, tut tenor las empustaziuns da la clientella. Da turnar ina giada en sia patria, l'Engiadina, na saja nagina opziun. Il ravugl d'amias ed amis chella haja a Turitg saja memia custaivel per bandunar la citad. Avant che Pia Valär ha fatg la scola d'art en Scozia, ha ella emprendì magistra ed è era stada a l'ester a lavurar. Tranter auter er a Catania, nua ch'ella ha fatg enconuschientscha cun la mafia.
Dapi in mez onn maina il giuven istoricher d'art la chasa da cultura ed exposiziun da la Val Lumnezia. «Jau sun fitg incantà da la plazza e ma sent propi en il dretg lieu». Cun 29 onns haja el gia ina plazza da siemi, di il giuven da Mustér ch'ha chattà a Lumbrein ina plazza che cuvra giu blers da ses interess. Qua possia el esser creativ, s'occupar cun art, dentant era far lavurs manualas ed administrativas e sviluppar la Casa d'Angel vinavant. Dapli dal giuven da Mustér ch'ha – sper ses flair per l'art – era benzin en il sang udis en il Profil.
Annina Dosch da Cunter è fravia d'aur ed istoricra d'art. Quai vul dir ch'ella lavura cun objects fitg custaivels, cun preziusadads. L'object il pli prezius ch'ella ha gì enta maun è stà ina bischutaria, in anè or da platin cun in tarment diamant. La valita: plirs milliuns francs. Annina Dosch lavura actualmain en in pensum da 20% en il Museum Retic a Cuira sco istoricra d'art. Là è ella responsabla per la collecziun textila. Quai èn passa 7'000 objects. Il motiv per quest mini-pensum sajan ils daners. La lavur va mai ora, di l'aurera ed istoricra d'art en il Profil dad RTR. Pervia da sia lavur spezialisada è il destin dad Annina Dosch da lavurar en plirs mini-pensums e per projects. Ella avess schon era gugent ina plazza dad 80% per avair ina paja fixa.