Claim OwnershipSBS Hmong - SBS Hmong
Subscribed: 88Played: 1,644
Subscribe
© Copyright 2025, Special Broadcasting Services
Description
Independent news and stories from SBS Audio, connecting you to life in Australia and Hmong-speaking Australians. - Tshaj xov xwm ywj pheej thiab qhia tej dab neeg kom koj paub txog txoj kev ua lub neej ntawm teb chaws Australia thiab Hmoob Australia.
794 Episodes
Reverse
Teb chaws Demark yeej qhia tej txuj ntau compassion thiab empathy rau lawv tej me nyuam thaum tseem yau kom paub txog yus tus kheej txoj kev xav, lwm tus txoj kev xav, paub tswj yus tus kheej thiab pab kom tsim tau kev sib raug zoo nrog lwm tus. Tej no thiaj ua rau lub teb chaws no yog ib lub hauv ntiaj teb 10 lub uas muaj tej neeg muaj kev zoo siab tshaj plaws rau lawv lub neej.
Tau muaj lub koom txoos ua kev zoo siab rau Hmoob tuaj nyob tau 50 xyoo ntawm Australia. Lub koom txoos no yog ua coj los nco txog thawj 8 tus tub kawm uas tau pab tsim Hmoob community kom zoo li tam sim no, tham txog tias seb Hmoob lub neej zoo li cas tam sim no lawm thiab yog ib feem ntawm teb chaws Australia no yuav ua dab tsi ntxiv rau yav pem suab. Tau muaj tej nom tswv xeev (Jacinta Allan) xa lus mus koom, muaj Victoria Multucultural Affairs tus coj thiab tau muaj Labor tus nom Greenvale nrog rau tus neeg sawv cev ntawm lub tuam chav tswj tej dej num multicultural affairs, Hmoob tej tub koom siab thiab tub koom siab Nplog tau mus koom lub koom txoo hnub tim 20 lub 12 hlis ntuj xyoo 2025 ntawm zos Bulla, Hume Reception ze tshav dav hlau Melbourne.
Tej kws teeb txheeb cia siab tias yuav coj ib co system ceeb toom thaum ntxov qhia txog tus kab mob npaws yoov tshaj cum dengue fever coj mus sim siv rau ntawm Cob tsib tej chaw nyob npuab tus dej Mekong seb puas muaj peev xwm txog tau kom tej neeg tsis txhob tau tus mob npaws yoov no txog li ntawm 25 feem pua. Thiab seb cov system no ho siv puas tau hauj lwm zoo, yog zoo ces seb puas muaj peev xwm coj mus siv rau ntau thaj chaw uas tau tus mob no rau yav tom ntej.
Summer in Australia can be very hot, and as our climate continues to warm, heatwaves are expected to become more frequent and more intense. In this episode of Australia Explained, we cover what a heatwave is, why they pose such a significant risk to human health, who is at most risk, and how to best prepare to cope with a heatwave. - Tej zaum lub caij ntuj sov ntawm teb chaws Australia yuav sov heev, thiab lub tsam thawj uas tej huab cua sov txuas ntxiv no ntshe yeej yuav muaj tej huab cua kub sov heev ras los ua ib co xwm txheej uas pom muaj ntau zujzus tuaj ntxiv thiab muaj ceem zujzus tuaj ntxiv. Toom xov xwm Australia Explained no peb yuav txheeb txog tias 'heatwave' yog dab tsi, vim li cas thiaj yuav tsim tau kev phom sij ua rau tib neeg tsis tau txais kev noj qab nyob zoo, leej twg yog cov yuav raug tej teeb meem no, thiab tej xub ke twg yog cov xub ke npaj zoo tshaj plaws kom ntxeem dhau cov heatwave no.
Tus coj koom haum Hmong Victoria Society thiab Hmoob tej neeg nqua yas suab (Zhongpha Xiong, Monica Hang, Khong Yang, Ye Vang thiab Moua Her) xav li cas rau cov kev tuaj nqua yas suab.
Muaj neeg ntau txheeb tus sib sau ntawm Bondi Beach nco txog tej neeg raug neeg phem tua, tej koom haum neeg Jews txaus siab rau tsoom fwv tej tswv yim tshiab tawm tsam nrog antisemitism, Europe tej coj tseem npaj kom siv tau Russia tej nyiaj qev rau Ukraine siv, UN lub tuam chav pov puag tib neeg txoj cai hais tias muaj tej pej xeem ntawm Sudan raug tua tshaj 1,000 tus, NSW tsab cai pub neeg siv phom, tsoom fwv teb chaws thiab xeev cov kev tsis haum xeeb txog tej nyiaj pab zej tsoom, Reddit coj Australia mus hais plaub vim txwv tsis pub tej me nyuam hnoob nyoog qes dua 16 xyoo siv,...
Nod yog tej lus taw qhia ntawm lub koom haum Australian Food Safety Information Council uas muaj hom phiaj pab kom zej tsoom tau txais kev nyab xeeb rau tej zaub mov noj kom tsis txhob raug cov teeb meem food poisoning rau lub caij xaus xyoo laus uas yuav txog Christmas thiab xyoo tshiab 2025-26 no.
Nod yog ntau cov dab neeg txog tej kev mob nkeeg ntau yam thiab kev kho mob ntawm Australia xyoo 2025.
Dr Nyajkim Vaaj hais tias lub hom phiaj ntawm cov kev tsim lub koom haum Hmong US Committee 100 no yog 'xav kom peb Hmoob tau txais vaj huam sib luag, kom peb nce qib nyob teb chaws Meskas thiab tej teb chaws thoob ntiaj teb, kom peb haiv neeg Hmoob sib pab txoj kev kawm ntawv, txoj kev sib tw nrog luag ua nom ua tswv, thiab sib pab txoj kev ua lagluam. Thiab qhov tseem ceeb tshaj plaws xav kom muaj zeem muag tias peb yog ib tsav neeg kom peb nrog luag muaj haiv.'
Meskas lub tuam chav Depart of Justice yuav coj tej kws lij choj rau txim rau tej neeg tsim kev kub ntxhov ntawm tsev dawb mus hais plaub, tub ceev xwm Aaskiv yuav rau txim kom hnyav ntxiv rau tej neeg tawm tsam uas pheej tsim kev kub ntxhov rau tej neeg zejzog Jews, Pakistan hais kom Australia tej chaw nthuav xov xwm thov txim rau tej xov xwm yuam kev txog Bondi Beach, tsoom fwv Australia tej cai tshiab tawm tsam nrog cov kev sib ntxub, kev tsim kev sib tawg tswj thiab hloov sib tig ua neeg phem tua neeg, tsoom fwv teb chaws yauv kho tej cai tswj cov kev tsiv teb tsaws chaw kom tsis txhob pub visa rau tej neeg tsis nyiam neeg Jews tuaj xyuas thiab tuaj nyob, tej txim phua rau tus neeg tua neeg ntawm Bondi Beach, muaj ib tug txiv neej ntawm Sydney uas raug tub ceev xwm teb chaws txhom vim txhawb nqa kom lwm tus tsim kev kub ntxhov rau tej zejzog Jews, UN txhawj tias tsam cov kev tsis haum xeeb nom tswv ntawm Venezuela thiab Meskas yuav ua rau tsis tau txhais kev thaj yeeb rau cheeb tsam Carribean, Australia yuav nqes peev $100 million cog txiv Blue berry ntawm Nplog teb.
Trump yuav coj BBC mus hais plaub, tej ntees nco txog tej neeg raug tua ntawm Bondi Beach, Australia tej nyiaj puag xyoo, Congo tej neeg thoj nam, yuav kub siab daws cov teeb meem Antisemitism lub caij yuav tswj phom kom nruj ntxiv, cov neeg Australia tuaj ntawm Southeast Asia tuaj raug ntsuam tau tias mob cancer coob tshaj plaws, Askiv tus neeg caij tsheb nrau neeg rau kaw tsev laj cuj 21 xyoos, lwm pab nom teb chaws ncua nws tsab cai tswj dej num tsiv teb tsaws chaw, Ukraine tsim pawg neeg them nyiaj kho Russia cov kev tua Ukraine, nqe hluav taws xob yuav kim heev yog tsis siv tsab cai net zero policy, pej kum haiv lub chaw hais plaub tsis pom zoo nrog Israel kom tsog tseg cov kev tshuaj ntsuam war crimes ntawm Gaza strip, Cob tsib yuav nplua tej neeg tsim suab toog ntsej, Thaib hais kom Cambodia tso tseg cov kev xub tua Thaib rau lub caij tsev tsoom fwv pub siv nyiaj tshaj 2 billion Baht pab nws tej tub rog.
Learn useful phrases to talk about movies and going to the cinema. - Kawm txog tej sob lus siv tseem ceeb uas tham txog tej yeeb yaj kiab (movies) thiab cov kev mus saib yeeb yaj kiab ntawm tej chaw saib.
Rabbi thiab tej xwm txheej neeg phem tua neeg ntawm Bondi Beach, tus coj ntawm lwm pab nom teb chaws hais tias tsoom fwv Albanese tsis kub siab pov puag neeg Jews, tej koom txoos taws tswm ciab thiab tso paj hwm nco txog tej neeg raug neeg phem tua ntawm Bondi, nom tswv teb chaws cov kev thov kho Australia tej cai tswj kev siv phom, tej nqe ntiav tsev thiab yuav tsev nyob, zejzog pej kum haiv tej coj tej lus tawm tswv yim txog xwm txheej sib tua ntawm Bondi Beach, Suav cov kev tswj hwm democracy, Thaib thiab Cambodia cov kev sib tua raws ciam teb.
Cov xwm txheej neeg phem tua neeg ntawm thaj ntug hiav txwv Bondi Beach (14/12/2025).
Tau muaj Askiv lub tuam txhab Virtical Aerospace tau coj ib co qauv tsheb air taxi hu ua Valo los sim ya uas cia siab tias yuav coj los thaum neeg hauv tej nroog. Ua ke no los kuj yog ib kauj ruam uas ntiaj teb tej lagluam no yuav loj hlob thiab muaj hauj lwm rau sawv daws ua, thiab nom tswv Australia los kuj tab tom npaj tias seb puas tau siv ntawm Australia rau xyoo 2027-29 no. Txawm li cas los tej kws paub zoo txog tej hauj lwm no hais tias yuav tsum tau tshwm nyiaj los pab kom ua tau cov lagluam no, thiab tsim tej chaw nres rau ntau qhov chaw thiab tsim tej cai los tswj mas thiaj yuav siv thiab ua tau tej lagluam no.
Tau muaj Australia tej kws pab zoo txog kev nyab xeeb rau tej hav zoov kub hnyiab tau qhia tias ntau cov xwm txheej hav zoov kub hnyiav tsis ntev los no ntawm Tasmania, Western Australia thiab Central Coast New South Wales ua tau ua rau tej vaj tse raug kub hnyiab tseem yog ib co kev pib lub caij hav zoov kub hnyiab xwb, yog li ntawd thiaj ceeb toom kom tsis hais ib tug twg li uas tab tom ncaim nrug ntawm yus tsev npaj yuav mus holiday, mus camping yuav tau ua tib zoo npaj kom thiaj tau txais kev nyab xeeb rau yus.
Dr Lucky Vang yog Hmoob Meskas thawj tug kws phais mob uas phais tau ntau yam mob tau tham tias nws muaj peev xwm siv tus tes hlau da Vinci robotic surgery system coj los phais tau hom mob dab tsi, teb chaws twg tau siv tej technology kho mob no, siv puas tau txais kev nyab xeeb thiab yog kawm ne siv sij hawm ntev npaum li cas thiaj kawm tiav los ua ib tug general surgeon.
Connecting with Indigenous Australia can be daunting for a newcomer to the country. So, where do you start? We asked Yawuru woman Shannan Dodson, CEO of the Healing Foundation, about simple ways to engage with First Nations issues and people within your local community. - Cov kev sib cuag nrog Australia tej neeg txum tim yeej yog tej yam txhawj heev rau tej neeg tuaj tshiab rau lub teb chaws no. Yog li ntawd ne, ho yuav pib qhov twg tuaj? Peb thiaj tau nug Shannon Dodson uas yog ib tug poj niam neeg txumtim caj ceg neeg Yuwuru thiab yog tus coj lub koom haum Healing Foundation uas yuav qhia ntau txoj xub ke yooj yim pab kom peb sib ntsib sib cuag thiab koom tau nrog ntau yam ntawm neeg txum tim ntawm peb tej zejzog.
Australia tej nom tswv xeev thiab tus nom teb chaws uas tswj dej num noj qab hauv huv cov kev sib tham txog nyiaj pab zej tsoom tej tsev kho mob, Ukraine xa tej tswv yim tsim kev thaj yeeb uas nws tau txheeb rau Meskas, Tus neeg yeej cov kev nqua nkauj 2024 Eurovision thim nws cov khoom plig ua kev tawm tsam, neeg txum tim tej av ntawm Tiwi Island raug teev nrog Australia cov national parks thiab reserves system, muaj neeg txum tim tas sim neej coob tshaj plaws rau lub caij raug nom tswv ceev tseg rau lub sij hawm tshaj 40 xyoo, Australia cov kev txwv social media siv tau zoo, hau xeev Florida liam tias Council on American-Islamic Relations muaj feem cuam tshuam nrog Hamas, Coalition tau nqua hu ua ntuv zus kom txheeb txog tus nom Anika Wells tej nyiaj siv, neeg txum tim 61 yam qub txeeg qub teg uas Vatican tau thim rov qab, muaj ib tsab ntawv cej luam tshiab qhia tias tej neeg ua hauj lwm raws cov Pacific Australia Labor Mobility Scheme tseem khwv tau nyiaj tsawg, raug ua phem rau thiab ua hauj lwm rau tej chaw ua hauj lwm tsis tshua zoo, nom tswv Nplog tseem sab laj tias seb puas sau nqe siv kev tsheb 13th South, thiab txoj kev 12th, Thaib ceeb toom rau Cambodia kom tsis txhob siv lub tsev hauj sam qub los ua yeej tub rog tsam yuam cai Hague Convention.
Dr Pov Xaivkaub Thoj tawm tswv yim tias vim li cas thiaj ua lub koom txoos txwm 50 xyoo (Hmong Australia Festival 50 - HAF50), ua rau leej twg, ua coj los qhia txog dab tsi, thiab vim li cas thiaj xav kom ib tsoom Hmoob sawv daws mus koom.
Comments
Download from Google Play
Download from App Store
United States