Claim OwnershipSportunes HK
Subscribed: 222Played: 13,440
Subscribe
℗ & © sportsoho.com
Description
運動版圖由2012年起開展Sportunes Podcast頻道，多年來致力邀請不同嘉賓分享運動趣聞及專業知識，為聽眾帶來多元化運動資訊，積極發掘出現於您身邊的運動熱話大小事。搜尋Sportunes或Sportsoho即可收聽不同節目，亦可到 http://www.sportsoho.com/sportunes/ 收聽及重溫。
1268 Episodes
Reverse
貪玩係人類天性，經常喺大圍出沒嘅長青板仔仁哥，就係一個好例子。雖然即將踏入70歲大關，玩滑板嘅資歷暫時只得兩年，但投入練習嗰份毅力可能比起你、我、甚至係帶佢入坑嘅仔仔仲要大。年輕嘅仁哥玩過網球、賽車、滑雪板等等，貪玩嘅癮可以話深入骨髓。年紀大係事實，仁哥直言而家學嘢確實冇以前咁快，但都無阻佢要學好滑板嘅決心：除咗落街同後生仔切磋板技，仁哥仲會自己喺YouTube搵教學片進修。學海無涯，有辦你睇！ 主持：椰青 嘉賓：長青板仔 仁哥 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho
「大家都係一張白紙，每個人嘅起步點唔同，冇需要同人比較。」跑步女生杜寶玉（Jade）如是說。Jade 自己都係 2016 年先開始跑步，更加係 3 年前先真正投入跑步訓練，但係成績就相當不錯，金澤初馬已經做到 3 小時 22 分嘅佳績，其後第一次參加渣馬就做到萬金小姐。當人人都以為 Jade 係因為一直都順順利利先講得出呢句說話，但其實佢喺呢幾年都有迷失同崩潰過，正正因為鑽過牛角尖，先悟出跑步對自己嘅意義。點解冇目標咁跑步會唔Work? 如果想不斷進步，有啲咩說話要時刻記住？ 主持：牛英 嘉賓：路跑素人 杜寶玉 Jade Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho
形容自己係工作狂嘅業餘跑手陳熙雯（Tammy）試過日做夜做、不見天日嘅生活模式，捱到鬼剃頭先醒覺自己想要嘅人生並唔係咁。呢啲時候，有人會推翻自己曾經經歷過嘅嘢，重新出發，而 Tammy 就決定捉緊累積嘅經驗開拓新嘅生活體驗：曾經喺時裝採購打滾多年，Tammy 可以親自物色適合製作運動衫嘅物料；因為熱愛西洋書法，可以自己設計運動衫； 因為鍾意跑步，可以創立自己嘅運動品牌。推倒重來唔係個個做到，好似跑步咁，一步一調整會唔會更適合你？ 主持：椰青 嘉賓：ATOM Running 主理人 陳熙雯 Tammy Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho
每次聽到「後生仔玩太極」，大家都一副難以置信嘅樣；但年青香港武術代表 楊頌熹 講起太極，就一臉驕傲，因為太極係佢搵人體極限嘅一個途徑。細細個已經視李小龍為偶像，楊頌熹四歲就主動同爸爸提出要習武，如今已經喺武術路上修行咗二十年有多。喺楊頌熹眼中，自己係一個武術「表演者」，所以每一場比賽都要用心預備，耍嘅每一個套路都要形神俱備，否則觀眾睇到嘅嘢就「得個殼」。太極嘅極限喺邊度？比賽場上嘅太極，同老人家喺公園耍嘅太極，又有啲咩分別？今集《又係我牛英》，有2024國際武術邀請賽男子太極劍銀牌得主 楊頌熹 同你分享佢嘅太極哲學。 主持：牛英 嘉賓：香港武術代表 楊頌熹 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho
灣仔富德樓出名係一個文化及藝術集中地，點估到入面竟然有個地方孕育咗一班巴西柔術運動員？"Do Not Go Gentle Into That Good Night" 係一首嚟自威爾斯詩人 Dylan Thomas 嘅詩，同時係 Good Night Gym —— 一個運動文化空間嘅起源。形容為「空間」，因為參加者喺黑色嘅練習地墊上，除咗互相「糾纏」，仲有千百種互動嘅可能。參加「痛改前非肌肉班」、泰拳、巴西柔術等工作坊嘅人大部分都係文人，有鋼琴家、有編劇，亦有劇場中人，上堂前一齊睇一篇關於肌肉嘅散文、落堂寫封信畀一同練習嘅隊友⋯⋯運動嘅伸延，比我哋想像中更深、更遠。 主持：椰青 嘉賓：Good Night Gym 主理人 何倩彤 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho
成日聽人講大埔同馬鞍山係跑步好地方，但住過呢兩個地方嘅跑步新手馮健基（Morris），一年前根本唔明。一年後，Morris 除咗鍾意咗跑步，仲加入埋大埔民間體育會，幫手推廣跑步呢個運動。Morris 話以前嘅自己脾氣差又冇耐性，但跑步之後，照鏡都睇到自己嘅改變。跑步嘅好處，果然係跑咗步嘅人先分享得透徹，一個影響一個，跑圈就會愈嚟愈大。話就話主張 Fun Run , Morris 一樣跑到好成績，一年內玩完10K同半馬，嚟緊仲想挑戰埋全馬㖭！跑步冇你想像中咁難，由腳下一步開始就得，鍾意嘅話仲可以一班人一齊做同一件事，遍地都可以開跑！ 主持：牛英 嘉賓：大埔民間體育會成員 馮健基 Morris Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho
"Work Hard, Play Hard" 係唔少人嘅人生哲學，對香港空手道代表鄭栩彬（彬仔）嚟講亦然。無論係比賽定係玩，都要去盡先能夠獲得最大嘅滿足感。由青年組轉打成人組冇幾耐嘅呢位香港空手道新星，除咗早前喺亞錦賽凱旋而歸，亦曾經喺哈薩克攞過兩面亞青獎牌，但佢竟然話唔係咁想再去呢個地方？市民眼中嘅空手道運動員都比較嚴肅，彬仔喺呢個圈子係點自處㗎呢？椰青喺節目中同彬仔玩咗幾個殘酷二選一，今集《Sportsomate》一齊笑住聽吓呢位運動員嘅日常！ 主持：椰青 嘉賓：空手道搏擊代表 鄭栩彬 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho
大隻就跑得慢? 想跑得好就唔可以有靚身型? 曾經奪得十大傑出教練同全港卓越教練獎嘅 Coach Perrie Lau, 今日就用自身經驗證明畀你睇，一切都只係都市傳說。只要你夠貪玩、夠貪靚，又接受到苦行僧般嘅生活，要魚與熊掌兼得其實冇話唔得。Perrie 除咗隻手瓜大到嚇親主持牛英，佢嘅運動表現一樣震懾到人。除咗健身同跑步，Perrie 連 Iron Man 三項鐵人都玩埋，成績仲要相當不錯！想知 Perrie cheat day 會食乜？練緊跑步速度同長度嘅同時，又點先可以Keep住大隻？即刻收聽今集《又係我牛英》啦！ 主持：牛英 嘉賓：健身及跑步教練 Perrie Lau Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho
運動品牌 lululemon 早前喺美國舉辦咗一個名為 FURTHER 嘅超級馬拉松，本地巴西柔術運動員郭苡彤（Vriko）係其中一位挑戰者。一年前，Vriko跑1公里都要唞幾次；一年後，佢實現咗「每日跑50公里」呢個目標，順利用六日完成303.313公里。跑步對Vriko嚟講，一直都唔係一個好嘅回憶，其中包括求學時期被欺凌嘅往事。不過呢一年，佢就因為每星期練30個鐘而同跑步建立咗一段新嘅關係。呢六日嘅超馬究竟係點過？烈日下喺沙漠不停兜圈跑嘅佢諗緊啲咩？Vriko話今次接受挑戰除咗想證明自己，仲背負咗更遠大嘅期盼，唔知會聽今集《Sportsomate》嘅你又會喺其中得到啲咩訊息呢？ 主持：椰青 嘉賓：超級馬拉松挑戰者 郭苡彤 Vriko Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho
「你跳得好高喎！」咩係高？高嘅標準喺邊度？點解A球員同B球員跳起嘅高度相若，A球員長跳長有，但B球員喺第二場就受傷？除咗靠經驗同感覺去解答呢啲問題，其實用科學同數據去解釋，更有助提升運動員嘅表現。香港有好多好努力嘅運動員，不過資源分配不均嘅情況下，非精英級嘅運動員想攞到有關數據相對較難。有見及此，體能暨運動表現教練 Jacky Tam 就同拍檔開始咗 The Leapers Sports Lab，希望將運動科學普及化，令基層嘅運動愛好者都可以爭取到更有效嘅訓練，減少受傷機會，從而延長運動生涯。 主持：牛英 嘉賓：運動表現教練 Jacky Tam Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho
Voguing源自美國哈林區非裔及拉丁裔同志社群，當時嘅舞者因為搵唔到自己嘅容身之處，所以建立咗呢個能夠互相包容同照顧嘅「家」。喺保護罩下，舞者可以毫無保留地展現自己從未敢公開嘅一面，接納真我。時至今日，雖然歧視同負面評價已經大幅減少，但呢個「家」依然不斷擴展中，本地Voguing老師 KenKen Elle，亦係其中一位壯大香港Voguers社群嘅功臣。自大學接觸咗呢個舞種，KenKen同Voguing之間就多咗個等號：「我未必可以將紐約嘅Ballroom文化原汁原味咁帶返嚟，但我希望嚟到香港Ballroom嘅大家，一樣能夠感受當中嘅能量同愛。」 主持：椰青 嘉賓：本地Voguing老師 KenKen Elle Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho
襯年輕就要多嘗試，追尋自己嘅極限。許國安（小許）今年只得二十歲，極限未搵到，但就發掘咗自己多方面嘅潛能。除咗係十項全能賽青年組別嘅第三名，小許亦藉住自己喺中長距離跑步嘅優勢，積極投入訓練，同年第一次參加馬拉松已經Sub 3， 順利成為最年輕嘅萬金先生得主。要十二項運動都爭取到成績，事前準備一定要多下苦功，小許喺其中係點攞到平衡？最推動到小許求進步嘅一項因素，原來只係三個字？今集《又係我牛英》，一齊期待一位明日之星嘅誕生。 主持：牛英 嘉賓：2023渣馬最年輕萬金先生 許國安 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho
第一次渣馬就玩半馬，順利完成冇投訴！但嗰條有血跡嘅跑道、一班會喺西隧大嗌嘅跑手、冇睇跑步禮儀手冊嘅參加者⋯⋯對身心靈導師夢妮妲嚟講，全部都係考試題目。跑前預備，夢妮妲做嘅功夫同其他人有冇唔同？點樣可以將「來回地獄又折返人間」嘅跑步體驗視為一次長時間嘅冥想練習？身、心、靈，三方面喺跑步過程中係點樣互相影響？今集《Sportsomate》有雙腳貼地嘅夢妮妲，分享佢嘅半馬故事，提醒你關顧心靈同精神層面之餘，更要認真看待身體嘅需要。 主持：椰青 嘉賓：身心靈導師 夢妮妲 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho
喺上屆WNBF同時獲得健體新秀組別冠軍、健體公開組別冠軍及全場總冠軍嘅姜庭峰（Hayden），自18歲開始投入健身運動，去到今時今日已經係十年嘅時間。好多人話，街頭健身比較著重體能，對體型嘅要求唔高；而健體界別就正正相反。街健出身嘅Hayden認唔認同呢？由公園玩到上比賽舞台，Hayden覺得其中最大嘅分別係咩？ 如果某部分嘅肌肉操得太突出，又會唔會阻礙到Hayden做某啲街健常見動作呢？今集《又係我牛英》，同我哋一齊跟Hayden學平衡，自信地遊走於健身世界嘅不同領域。嚟，影張相打個卡先！ 主持：牛英 嘉賓：2023 WNBF三料冠軍 姜庭峰 Hayden Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho
當你見到復活節長假嘅出境人次高達76萬，就知去旅行係香港人深入骨髓嘅癮。有人去旅行為咗飲飲食食，有人為咗逃離工作⋯⋯而跑步教練陳培郁（Henry）就揀咗「以比賽為由去旅行」。2017年由荷蘭阿姆斯特丹嘅半馬跑起，呢幾年Henry嘅腳毛同汗水已經分別散落喺德國、西班牙、丹麥及日本等地，所以佢對外地跑遊都有一番心得：比賽前要做啲咩功課？報比賽可以喺邊幾方面入手？邊度嘅比賽最令佢難忘？自細就覺得自己唔及人嘅Henry，其實由學界開始已經堅持跑步20年，佢又點睇今時今日仍然喺起跑線上嘅自己呢？ 主持：椰青 嘉賓：跑步教練 陳培郁 Henry Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho
一個「衝」字，黃耀洪（Paul Gor）11年前喺香港開咗佢第一間健身工作室PT Pro Fitness、後來去到台灣落地生根就擴展咗佢嘅健身室版圖，最近仲協辦埋WNBF世界自然健美比賽——香港站，可以話係將健身呢項運動開支散葉。喺香港做過大型健身中心教練，「追數」壓力令Paul Gor決心跳出嚟自立門戶，如今港台都有學生嘅佢，對於兩地嘅健身文化同風氣有咩睇法呢？台灣美食咁多，周圍都係夜市，點解Paul Gor話台灣學生更加容易控制到飲食？今集《又係我牛英》，有Paul Gor呢位港台健身通同大家分享佢嘅健身界嘅軼事。 主持：牛英 嘉賓：資深健身教練 黃耀洪 Paul Gor Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho
聽過唔少人視「我冇運動細胞」為唔做運動嘅原因，但如果運動細胞其實就係你嘅身體＋心靈＋習慣＋生活模式，就係你呢個人，咁呢個世界仲會唔會有人係冇運動細胞㗎呢？今集《Sportsomate》有提倡「要活就要動」嘅獨立歌手Luna Is A Bep，唔同你講音樂，大條道理講運動。自從喺幾年前發現運動就係牽一髮動全身，能夠同時構建到一個人嘅健康、事業，甚至對知識嘅追求，Luna就不斷透過喺自己身上做實驗，去宣揚做運動嘅好處。 主持：椰青 嘉賓：獨立音樂人 Luna Is A Bep Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho
游完水再踩單車，踩完單車再跑步。三項鐵人呢項運動，聽幾多次都係覺得攰，連三鐵運動員葉德朗（Nick）都認同。不過三重訓練，並冇為Nick帶嚟三重受傷風險，反而因為呢項運動可以分散投資，唔同部分嘅肌肉都訓練到，少受傷之餘，樂趣亦維持三倍。幾歲就開始玩三鐵嘅Nick，早前正式脫離Junior行列，每星期訓練量由15個鐘大增至25個鐘，不過佢依然樂於擴闊佢嘅三鐵世界觀，更加喺受傷同失意之時，睇到更多三鐵發展嘅可能性。 主持：牛英 嘉賓：三鐵運動員 葉德朗（Nick） Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho
山長水遠嚟到，冇理由咩都唔做。或者因為咁，唐卓賢（唐狗）揀咗投身喺Pakour呢樣新興咗十幾二十年嘅運動。身為KOL，講嘢都浪漫過人：「Pakour係我用自己嘅肢體動作同障礙物排一隻好靚嘅舞。」視障礙為無障礙，唐狗先可以一往無前，用唔同嘅形式同方法推廣佢最鍾意嘅Pakour。粉絲對佢嘅象停留喺「危險嘅男人」呢個標籤，但唐狗喺拍片背後做咗幾多安全評估、練習咗幾耐，你又知唔知？今集《Sportsomate》，唐狗放低咗平時嘅偶像包袱，認真地分享咗自己想收埋又唔係好收得埋嘅一面⋯⋯ 主持：椰青 嘉賓：Parkour KOL 唐卓賢（唐狗） Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho
熱血真人騷《公司冇迫我跑馬拉松》完結，參與節目嘅保錡、阿神（曾贊學）仍然活躍於跑步圈，最近仲因為想用最專業嘅角度推廣呢項改變佢哋人生嘅運動，而報讀咗教練課程，以行動話畀大家聽：愛上跑步並唔係節目效果。兩位藝人嘅起跑故事唔同，從跑步中所領略到嘅嘢亦大相逕庭，不過推廣跑步呢個願景就出奇地吻合。由大埔出發，佢哋可以跑到幾遠呢？阿神喺節目中篤爆咗保錡一個唔係幾好嘅跑步習慣，兩個人你一言我一語會有啲咩火花？ 主持：牛英 嘉賓：保錡、阿神 @大埔民間體育會 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho
Comments
Download from Google Play
Download from App Store
United States