Teacher D

Unsay pinaka maayo nga balita nga imong nadungog?

Unsa nga Pulong sa Dios ang mitatak sa imong hunahuna? Sa unsang paagiha ka makabansay niining dakong grasya sa Dios kanato? Manghinaot ako nga isip Kristohanon namanduan kita sa Espiritu Santo kon unsay pamaagi kita makapasamwak sa pulong sa Dios. Tinood dili kiga takus, ang ato lamang mapasabot ang uban og pinaagi sa gahom sa ngalan ni Jesu-Kristo mahinlo kita ani nga pag-alagad.❣

Kinsa bay dili gusto og pasidunggan, pero mas maayp unta kon atong I share ang pulong sa Ginoo.

Ug sa unang higayon, ang mga tinun-an gitawag nga mga Cristohanon didto sa Antioquia. Mga Buhat 11:26 Unsa ka lawom ang imong pagka-Cristohanon? Nagtuon ka ba sa pulong sa Ginoo?

Ikaw og ako nga mga dili Judio nakadawat sa Espiritu Santo. Sa mga wala pa, makadawat ra unya, sa pagbuot sa Diyos. Pero kon mamati ka ani nga bahin sa Kasulatan, mas hugtan ta ang mga pag-ampo nato sa Diyos pinaagi sa ngalan ni Jesu-Kristo.

Kinsa si Saulo? Pamatia unsay kaagi ni Saulo sa pagka-kabig og pagkausab sa iyang pagtuo. Kon ingon ani kainteresado ang Ginoo nga mamahimo kitang mga instrumento nga mahimong sulugoon para sa iyang gingharian. Atong bansayon ang atong kaugalungon sa pagbaton og kahadlok sa Diyos. Og mas masinati ang gugmang mahinangpon sa kinabuhing dayon. Og nga dinhi palang sa kalibutan, atong mabatunan ang kinaiyang diosnon og subay sa Kristohanong pagkinabuhi.

Kaning bahina sa kasulatan, dayag nga nag imbitar kanato sa pagkinabuhi nga giniyahan sa Espiritu Santo. Kon atong kitaon unsa kalawom ang ilang pagsalig sa Ginoo nila Filipe og ang uban pang mga tinun-an ni Jesu-Kristo. Mao usab kalawom ang pagkinabuhi nila diha sa pagwali sa Maayong Balita. Unta isip mga binu nyagan man kita sa ngalan sa Amahan, sa Anak og Espiritu Santo. Kanus-a man kita magmaisugon nga makabuhat og maayo? Kon katawhan kita sa kahayag, ang atong mga buhat makapahayag sa uban. Atong i-ampo sa Ginoo nga magiyahan kita sa kanunay nga makabuhat unsay sakto. Para ang wala pa motuo nga may Ginoo walay ikasaway kanato nga sumusunod ni Jesu-Kristo.❣

Kinsa ninyo ang may kaila nga mga modelo nga Tatay, modelo nga nanay, nga nakasunod sa kabubut-on sa Diyos? Salamat sa Diyos kay nakatuman sila sa sugo sa Ginoo. Mao nga karong mga panahona, naglisod ba gihapon kita sa kinaiya nga mapuno sa Espiritu Santo. Diha sa atong pagsaksi sa gugma sa Diyos. Padayon kita ka masinungtanon sa Diyos. In the name of Jesus. AMEN

Nawong og Angel may nailhan ka ba nga sama niini? Sana all! Bitaw joking aside, God wants us to be like one. At this time, nakit-an mo na ba ang purpose sa imong kinabuhi diha sa presensya sa Ginoo? Malipayon ba ka ha ang Dios Amahan pagkita sa atong mga lihok? Atong likayan ang paghukom sa uban kay sila gitagaan sa Diyos og kahigayonan paghinulsol og pagbiya sa sala. Og sila gitagaan og panahon sa pagkighiuli sa presensya sa Diyos. Pugngan ta ang kaugalingon nga maghukom sa uban. Magkumparar sa iyang kagahapon, kay kitang tanan buhi diha sa kalooy sa Diyos.

Kinsa ba ang atong gisonod? Kinsa ang atong gihatagan og bili? Ingon pa ni Jesu-Kristo sa pagpangalagad usa lang gayud ang mas mulabaw. Dili kita maka serbi og duha ka agalon. Mao nga unta kitang nagsubay sa kinabuhing diosnon, mas molabaw ang kinaiyang Kristohanon. Usa lang ang atong Agalon sa ispiritwal nato nga paglakaw. Padayonon ta ang pagkamasinugtanon sa Dios para ang Espiritu Santo buhing nagalihok sa atong kinabuhi.

Kanus-a banhawon ang mga patay? Mahitabo kini sa panahon nga gitakda sa Amahan. Padayonon ta nga magmalig-on sa atong pagtuo og iwali kini sa uban. Itudlo ta ang kamatuoran, dili para magkabingkil, kon dili mapasikaran ang saktong dalan sa paaging ang Espiritu Santo maoy magagiya kanato.

Ang panalangin sa Diyos magsugod pinaagi sa pagbiya sa pakadaotan. Unsa ba ang mga lihok nga daotan? Ang lihok nga daotan mao ang mga pagbuhat og dili maayo. Dili maayo sa mata sa tawo og labaw na sa Diyos. Mao nga sa kanunay atong pangayoon kaniya ang pagpataas sa atong pagsabot sa iyang mga SUGO. Kauban sa simbahan nga atong gikauban para ang Diyos madayeg og mahimaya. Kay kita ania niining kalibutana para sa pag-alagad Kaniya aron pag andam sa gingharian nga gitagana alang adtong makabuhat sa maayo. Pangutana: Kanus-a mo ba biyaan ang pagkadaotan? Kanus-a ka man maghinulsol sa imong mga sala?

Kinsa ang mga mensahero nga buot ipasabot sa pagbasa karon? Unsay i-istorya sa mensahero?

Ang mga Apostoles: si PEDRO ang gibilinan sa pag-amping sa mga karnero, si JUAN nga gimahal ni Jesu-Kristo, si SANTIAGO igsoon ni Andres, si ANDRES ang nagduhol sa tinapay didto sa milagro sa 5000 katawo nga gipakaon ni Jesus, si FELIPE nga nagkalkula sa realidad nga imposible ang pagpalit og pan, si TOMAS nga magduhaduha, si BARTOLOME, si MATEO, si SANTIAGO anak ni Alfeo, si Simon nga patriyota ug si Judas anak ni Santiago og si Matias ang gipuli nila ni Judas Iscariote.

Dinhi makita og masinati ang buhat sa Espiritu Santo diha sa mga buhat sa mga apostoles, pagpakaylap sa Maayong Balita mahitungod kang Jesu-Cristo.

Kinsa kining gipasabot nga mga karnero? Ang mga karnero mao kadtong nakaila sa tingog sa Magbalantay og ang Magbalantay mao si Jesu-Kristo. Nakabati kana ba sa iyang pulong?

Maayong adlaw kanimo! Nakadawat ba tanan og ayuda? Pero si Jesu-Kristo nagpakita sa kamatuoran nga may Espiritu Santo nga iyang gibilin dinhi kanato. Mao kini ang maggiya kanato sa pagbuhat sa sakto, maoy makapa hinundom sa pagtulon-an ni Jesu-Kristo. Pero ang pangutana, kinsa man ang Iyang gihuyopan? Tama ang mga tinun-an. Busa padayon lamang kita sa pagkat-on.

Maayong buntag! Unsay bation nimo kon ang imong gisugo nakatuman sa imong sugo? Tama! Makalipay gayud kini kanato. Og makapasalamat kita kaniya sa iyang pagsunod. Mao usab unta kita sa atong espiritwal nga paglatas niining kinabuhia, kay kita gihimo o natawo aron ang Diyos himayaon diha sa tibuok natong kinabuhi, kusog, hunahuna, lawas og kasingkasing. Og nga kini buhi natong mapatuman ang pagpaila sa Diyos sa atong isigkatawo. Kay ang Diyos, mahigugmaon, gihimo niyang takus ang mga dili kasaligan. Naay tawag nga dapat natong pamation! Mao ngani nga si Jesu-Kristo gibalik-balik niya kini nga pulong kon may dalunggan ka pamati. Ang pulong sa Diyos may gahom, ang pulong si Jesu-Kristo. Si Kristo nga mao ang atong giya sa dalan sa kahingpitan ngadto sa Amahan. Temporaryo lamang kita nga magpuyo niining kalibutana, pero ang Immortal o kinabuhing dayon gitagana sa tanan. Pero may kalakip nga responsabilidad. Reward ba o punishment ang sampotan sa atong mga lihok. Ingon si Jesu-Kristo ang iyang pulong maoy maghukom. Unsa nga pulong Niya ang hingturok sa imong kasingkasing? Kay nag-ingon ang Ginoo nga "Kon magpabilin kamo kanako ug ang akong mga pulong magpabilin kaninyo, makapangayo kamog bisan unsa ug madawat ninyo kini." Juan 15:7 BUSA, padayon kita sa pagtuon igsoon ko diha ni Kristo. Mangayo kita para sa kaayohan sa uban. Dili sa atong kaugalingon lamang. Madagayaong Adlaw diha kanimo!

May giantos ka ba karon? Kalisdanan ba, O kagul-anan? O pagpanglutos? O kagutom O kakuyaw? Kay bisan gani ang kamatayon Walay makapahimulag kanato, sa Gugma sa Diyos, gawas sa atong SALA. Dili laing tawo kon dili kita lang usab mismo ang makapahimulag sa GUGMA sa Diyos sa panahon nga kita dili mosonod sa SUGO ni Jesu-Kristo og kauban sa mga sugo sa Amahan. Mao nga kon nag-antos kita karon hibalo-i kon kini makatarunganon diha sa mata sa atong Diyos. Isipon lamang nato nga kon kita may pag-antos aning kalibutana, basta wala lang kita makasala sa mata sa atong Amahan. Paglipay kay ang himaya sa Diyos maana unta kanato!❣

Yeheee, para sa mga nagtuon sa pulong sa Diyos. Pagkaanindot nga paminawon nga ang atong Ginoo nag-ampo sa iyang mga tinun-an. Manghinaot ako nga naa kita ana nahilakip nga grupo sa mga tawo nga gitawag sa Diyos nga himayaon siya.❣