Claim OwnershipThe Diwaxan Podcast
Subscribed: 171Played: 2,608
Subscribe
© Diwaxan Podcast
Description
پۆدکاستی دیوەخان پۆدکاستێکە کە پلاتفۆرمێک دابین دەکات بۆ گفتوگۆکردن دەربارەی جۆرەها بابەتی سەرسامکەر لەگەڵ کەسانی خاوەن باکگراوندی جۆراوجۆر بە شێوازێکی گەنجانەو پڕ لە تەنز.
121 Episodes
Reverse
لە ئەڵقەی ئەمجارەیان لەگەڵ کاک ئاسۆس هەرسین گفتوگۆ دەکەین دەربارەی بزنس و وەبەرهێنان و ئەزموونی کاکرکردن لە دەرەوەی وڵات، هەروەها باسی پەیوەندی پارە و
ماناداری لە ژیان دەکەین.
لە ئەڵقەی ئەمجارەیان گفتوگۆیەک دەکەین دەربارەی کێشەی فەڵەستین لە دیدێکی ئەخلاقیەوە، مەبەستی میدیا لە زەقکردنەوەی هەندێک ڕووداو و پشتگوێخستنی هەندێکی تر، ئەرک و ڕۆڵی ئێمەی کورد لەم پرسەدا.
لە ئەڵقەی ئەمجارە لەگەڵ تەلارساز سەهەند، گفتوگۆمان کرد دەربارەی پەیوەندی نێوان تەلارسازی و دیزاین، گرفتەکانی دیزاین لە کوردستان و چۆنێتی چارەسەرەکردنیان!
ئەڵقەی ئەمجارەمان لەگەڵ خاڵە حەمە کوردشە، کە یەکێکە لە بەناوبانگترین گەیمەرەکانی کوردستان. لەگەڵ خاڵە حەمە باسێکی یادگارییەکانی مناڵی و گەیمینگ ئەکەین.
2
پۆدکاستی ئەمجارەمان لەگەڵ خاتوو ڕەوا جەلیزادەیە، کە دایکێکی زۆر میهرەبان و بە توانایە، ڕەوا خان باسی چیرۆکی خۆی ئەکات کە بوون بە دایك چۆن ژیانی گۆڕی، خاوەنی براندی خۆی بوو و بەڕێوبەری کۆمپانیا بوو بەڵام وازی لە هەموو کارەکانی هێنا لە پێناو پەروەردەکردنی کچە تاقانەکەی.
ئەڵقەی ئەمجارە لەگەڵ دکتۆر سامان شاڵی باسی ئەزموونی زۆر دەوڵەمەندی چەن ساڵەی خۆی دەکات، یەکەم کەس بووە کە بڕوانامەی دکتۆرا بەدەستبهێنێت وەکو قوتابی زانکۆی سلێمانی لە وڵاتی بەریتانیا، و خزمەتێکی زۆری کردووە بە شۆڕشی کورد و پێشمەرگە لە شاخدا، دامەزرێنەری کۆنگرەی کورد بووە لە ئەمریکا و خزمەتێکی زۆری بە دۆزی کورد کردووە لە ئەمریکا. هەروەها باسێکی بارودۆخی سیاسی و ئابووری و ئەکادیمی کوردستان دەکات.
ئەڵقەی ئەمجارەمان لەگەڵ دکتۆر زانا ئەحمەد قەسابی زۆر ئازیزە کە دکتۆری دەروونی و دەروونشیکارە. دکتۆر زانا باسی جیاوازی نێوان ئیشی پزیشکانی مێشک و دەمار لەگەڵ پزیشکی دەروونی ئەکات و مێژووی سەرهەڵدانی نەخۆشییە دەروونییەکان ڕوون ئەکاتەوە. وە هەروەها باسی نەخۆشییە دەروونییەکان ئەکات لە ڕووی زانستی و ئیسلامییەوە. وە نەخۆشی خەمۆکی و چارەسەرەکانی لەگەڵ کاریگەری ژینگە لەسەری بە جوانی ڕوون ئەکاتەوە.
ئەڵقەی ئەمجارەمان لەگەڵ باریکان خانی زۆر ئازیزە، باریکان کۆمەڵناسێکی کوردە و زۆربەی ژیانی لە دانیمارک ژیاوە و یەکێک بووە لەو کەسانەی کە خزمەتێکی زۆری کردووە لە ڕێگەی سۆشیاڵ میدیا و لە ئێستادا خۆی کاندید کردووە بۆ یەکێتی نوێنەرانی ئەوروپا وەکو ئافرەتێکی کورد! باریکان باسی ژن و سەرکردایەتی و گرنگی زمانی دایک دەکات و ڕوونیشی دەکاتەوە کە چۆن پیاو و ژن هەردووکیان ڕۆڵ و بایەخی خۆیان هەیە. هەروەها باسی پەروەردەکردنی منداڵ و سەرکردایەتی ژنی ماڵەوە دەکات.
ئەڵقەی ئەمجارەی دیوەخان تەنیا خۆمانین! باسێکی جەژن و ماندووبوونی ڕەمەزان ئەکەین، هەروەها باسی خۆشترین ئەڵقەکانی دیوەخان و میوانەکان ئەکەین کە لە پشتی کامێرا چۆنین،لەگەڵ چەن ڕاستییەکی ژیان کە لەم ماوەیە بۆمان دەرکەوتووە.
ئەڵقەی ئەمجارەمان لەگەڵ دکتۆر نەوزاد یەحیا باجگرە، دکتۆر نەوزادی ئازیز دکتۆری دڵ بووە و ماوەی ٢٣ ساڵ خزمەتی کردووە، جگە لەوە پیاوێکی ئیشکەر بووە و ئێستا یەکێکە لە گەورەترین سەرمایەدارەکانی کوردستان و خاوەنی ٣٢ کۆمپانیایە، دکتۆر کەسێکی ئەکادیمیشە و نزیکەی ٤٢ کتێبی نووسیوەو تابلۆکێشیشە و، دکتۆر باسی چۆنێتی خۆ بەرەو پێش بردنی گەنج دەکات و باسی پارە و کارکردن و گرنگی خێزان دەکات
ئەڵقەی ئەمجارەمان لەگەڵ مامۆستا سۆرانی زۆر ئازیزە، مامۆستا بە زمانێکی شیرین باسی شێوازە جیاوازەکانی گەیاندنی دین ئەکات کە چۆن لە ڕێگەی تیکتۆکەوە ئامۆژگاری و ڕێنمایی خەڵک بە گشتی و گەنج بەتایبەتی ئەکات و باسی ئەوە ئەکات کە لە سەردەمی ئێستادا تیکتۆک بەکارھێنەرێکی زۆری ھەیە لە کوردستان و ھەبوونی کەسانی وەک ئەم لە تیکتۆکدا زۆر گرنگە و تێکەڵبوونی لەگەڵ گەنجدا و ھۆشیارکردنەوەیان بە شێوازێکی نەرم و گەنجانە و ھێنانیان بۆ سەر ڕێگای ڕاست وە چەند گرنگە بۆ کۆمەڵگا کە کەسانی بەسوود و کاریگەر ھەبن لەناو تیکتۆک.
لە ئەڵقەی ئەمجارە لەگەڵ مامۆستا ئەبوبەکر کاروانی باسی مێژووی کورد ئەکەین لە ناو ئیسلامدا و لە پێش ئیسلامدا. باسێکی ئەو هەموو کەسایەتییە مێژووەیەی کورد ئەکەین کە خزمەتیان بە ئیسلام گەیاندووە و پرسیاريکی گرنگ وەڵام ئەدەینەوە کە کورد هیچ سوودێکی لە ئایینی ئیسلام وەرگرتووە؟!
لە پۆدکاستی ئەمجارەمان لەگەڵ کاك عبدالسلام باسی چەن بابەتێکی گرنگی قووڵ ئەکەین کە سەرکردایەتی چییە؟ پێویست ئەکا هەموو کەسێك سەرکردە بێت هەروەها پرسیارێکی تر کە لە مێشکمان بوو و ماوەیەكە زۆر بیری لێ ئەکەینەوە، خۆ دۆزینەوە چییە؟ ئایا پێویستە هەموو کەسێك خۆی بدۆزێتەوە؟ باشە خۆدۆزینەوەش ئێستا بۆتە کێشەیەك کە پێویستە چارەسەری بکەین بەڵام لە سەرەتادا خۆی چارەسەرێك بووە بۆ کێشەکان.
ئەڵقەی ئەمجارە لەگەڵ کاك شێروان مزورییە. کاك شێروان تەلارسازە و لە بواری خانووبەرەیا ئیش ئەکات. لە پۆدکاستەکەیا باسی چیرۆکی سەرکەوتن و شێوازی ژیانی کاك شێروان ئەکەین، هەروەها باسی کۆمەڵە بابەتێکی قووڵ ئەکەین سەبارەت بە ژیان و مردن و کتێب خوێندنەوە و گەشت کردن و مامەڵەی ملیۆن دۆلاری!
ئەڵقەی ئەمجارە لەگەڵ کاك محەمەد ئامانجە کە قوتابی بە پێنجی پزیشکییە و خاوەنی یەكێکن لە گەورەترین کۆمپانیاکانی حەج و عەمرە لە سلێمانی و بەڕێوبەری گرووپی بێخودە. لەگەڵ کاک محەمەد ئەگەرێینەوە کاتی جارانی دیوەخان کە دانشتێنێکی گەنجانە نێوان ٣ قوتابی پزیشکی قۆناغی ٥ و ٦ کە لەگەڵ خوێندنەکە هەموومان خەریکی کارکردن و کۆمەڵە چالاکییەکی ترین. باسی ئەوە ئەکەین کە ژیانی زانکۆ لەگەڵ قۆناغی یەکەم چۆن گۆڕاوە وە چۆن کاتەکانمان ڕێك ئەخەین و کۆمەڵە بابەتێکی تریش!
لەگەڵ مامۆستا مورشید باسێکی قووڵی گرفتە دەروونییەکانی کۆمەڵگەی خۆمان کرد و بە تایبەتی ئەو گرفتانەی گەنج ڕووبەڕووی ئەبنەوە.
كە هۆکارەکان چییە دڵمان خۆش نییە و سەرمان لێ شێواوە و ناتوانین واز لە خووە خراپەکانمان بێنین چەنێك هەوڵ بدەین و چەنێك پەیمان ببەستین.
هەروەها زۆر بە شێوازێکی سادە و واقعی ڕوونی ئەکردەوە بۆمان کە چۆن ئێمە حەز و ئارەزووەکانی خۆمان نازانین و تێکەڵمان کردووە لە نێوان ئەوەی پێداویستیییەکانمان چین و حەزەکانمان چین.
مامۆستا مورشید ئەوەنە بە شێوازێکی زانستی و چێژەوە بابەتەکانی ڕوون ئەکردەوە دوای پۆدکاستەکەش بۆ چەن کاتژمێرێك هەر بەردەوام بووین لە پرسیارکردن و شی کردنەوە ئەو گرفتە دەروونیانەی لە خۆماندا هەستمان پێ کردبوو.
ئەم ئەڵقەیە کاریگەرییەکی ڕاستەوخۆی بەسەر شێوازی بیرکردنەوەت ئەبێ بەسەر کۆمەڵە بابەتێك لەبەر ئەوە ڕای خۆتمانمان پێ بڵێن!
لەگەڵ کاك محەمەد باسێکی سەرنج ڕاکێشێ مێژووی پڕ دەستەکەوتی میرنشینی بابانمان ئەکرد لەگەڵ مێژووی دامەزراندنی پایتەختی ڕۆشەنبیری، شاری سلێمانی لە لایەن ئیبراهیم پاشای بابان باپیرە گەورەی کاك محەمەد.
ئەم ئەڵقەیە جێگەیەکی تایبەتی لە دڵی ئێمەدا هەبوو چونکە کاك محەمەد بە شێوازێکی چیرۆك و زۆر سەرنجڕاکێش باسی زەمەنی زێڕینی میللەتەکەمان ئەکات کە چۆن دەسەڵاتیان بە دەستبووە و خاوەن فکر و زمان و تەلارسازییەکی پێشخۆیان بوونە.
زۆرجار خەم ئەخۆین لە دیوەخان کاتێك مناڵ بووین و لە ناوەندی و دواناوەندی قەدری کتێبێ کۆمەڵایەتی و مێژوومان ناگرت و مامۆستاکانمان بە جوانی و چێژەوە ڕوونیان ناکردەوە ئەم ئەڵقەیەش لەگەڵ کاك محەمەد گەشتێك بوو بۆ ئەو سەردەمە زێڕینەی کورد!
لەگەڵ مامۆستا قانع باسی ژینگەی کارکردنمان ئەکرد, و هۆکار چییە کە هەنێك شوێن هەر حەزەکەیت کاری تێبکەیت و هەنێك شوێنیش سەرەڕای پارەیەکی زۆریش ناتوانی کاری تێبکەیت.
مامۆستا قانع خاوەنی ئەزموونێکی زۆرە لە کارکردن لە کۆمپانیا نێودەوڵەتییەکان کە لە کۆکاکۆلا و هێڵی ئاسمانی قەتەری ئەزموونی هەیە. باسی ژینگە و شێوازی کارکردنی ئەو کۆمپانیایانە ئەکات و جیاوازی چییە بە بەراورد بە کۆمپانیا خۆماڵییەکان.
ئەوەی زۆر سەرنجمانی ڕاکێشا لە مامۆستا قانع کە شێوازی مامەڵە و توانای پەیوەندییەکی زۆر زۆر جوانی هەبوو کە بۆت دەرەکەوێت لەم ١٥ ساڵەی کارکردنی وەکو بەڕێوبەری سەرچاوە مرۆییەکان سوودی بۆ ژیانی تایبەتیشی هەبوو.
یەکەمین دیوەخانی ساڵی نوێمان لەگەڵ دکتۆرە ڕێواز فایەقە. لەگەڵ دکتۆرە کۆمەڵە باسێکمان کردەوە سەرەتا لەسەر ژیانی سیاسی دکتۆرە کە چۆن دەستی پێکرد و چۆن گەیشتە پۆستی سەرۆك پەرلەمان و ئەو ئاستەنگانە چی بوون کە هاتنە ڕێی؟
دوایی چەن پرسیارێکی گرنگی خەڵکمان کرد کە ئایا کێشەکانی پەرلەمان چی بوون و بۆچی هەنێ خەڵك ناڕەزابوون لە پەرلەمان و متمانەیان نەماوە.
هەروەها چەن پرسیارێکی گشتیمان هەبوو سەبارەت بە پەرلەمان کە لە سەرەتایە ئەرکەکانی چییە و ئەبێت چی بکات و چی هەڵە تێگەیشتنێك هەیە کە خەڵك هەیەتی.
لە کۆتایشدا دکتۆرە هەنێك باسی ژیانی تایبەتی خۆی بۆمان کرد وەکو دایکێك و دکتۆرەیەکی زانکۆ و لە ژیانی ڕۆژانە حەز و ئارەزووەکانی چییە.
زۆر سوپاسی سپۆنسەرەکانمان دەکەین، سەردانیان بکەن بۆ پشتگیری کردنمان:
ڤیژن ئێدیوکەیشن
/ visioneducation.official
شۆو مارکێت
/ showmarket.iq
رێترۆ میدیا:
/ retroomedia
کۆتا پۆدکاستی ئەم ساڵەمان لەگەڵ دکتۆری زێدە ئازیز دکتۆر عوسمان هەڵەبجەییە کە ماوەیەکی زۆرە هەوڵ ئەدەین ڕێکی بخەین لەبەر سەرقاڵی کاك دکتۆر و کەمی دەرکەوتنی لە هەموو میدیایەك ڕێك نەئەکەوت.
ئەو پەڕی شانازییە بۆ دیوەخان کە گەیشتبێتە ئاستێکی متمانەیی تاوەکو دکتۆر عوسمان هەڵیبژێرێت و پەیامی خۆی بگەیەنێت.
لەگەڵ کاك دکتۆر گفتوگۆیەکی زۆر پێویستمان کرد کە لەم سەردەمی ئەم هەموو فکر و مەزهەبە ئیسلامییە جیاوازە چۆن گەنجێك بتوانێ ڕێگەی خۆی بدۆزێتەوە؟ لە هەمووشی گرنگتر ئەو پرسیارەی کە لە بیری زۆربەمان نەماوە موسوڵمان بوون لە بنچینەدا چییە و چۆن ببینە موسوڵمانێکی باش؟
هەروەها موسوڵمان پێویستە چۆن ئاینی پیرۆزی ئیسلام بگەێنێت و چی شێوازێکی وتاری هەبێت و زۆر بابەتی تریش!
بە بۆنەی کۆتایی ساڵیشەوە، پرۆمۆ کۆدی 'Diwaxan' لە ئەپلیکەیشنی شۆ مارکێت بەکاربهێنن بۆ داشکانی 10% لە داواکارییەکەت!
سۆشیاڵ میدیای د. عوسمان هەڵەبجەیی:
/ dr.uthman_muhammed_gharib
زۆر سوپاسی سپۆنسەرەکانمان دەکەین، سەردانیان بکەن بۆ پشتگیری کردنمان:
ڤیژن ئێدیوکەیشن
/ visioneducation.official
شۆو مارکێت
/ showmarket.iq
رێترۆ میدیا:
/ retroomedia
Top Podcasts
The Best New Comedy Podcast Right Now – June 2024The Best News Podcast Right Now – June 2024The Best New Business Podcast Right Now – June 2024The Best New Sports Podcast Right Now – June 2024The Best New True Crime Podcast Right Now – June 2024The Best New Joe Rogan Experience Podcast Right Now – June 20The Best New Dan Bongino Show Podcast Right Now – June 20The Best New Mark Levin Podcast – June 2024
Download from Google Play
Download from App Store
United States
پادکستر عزیز، پادکست شما در گروه " دنیای اقوام " پادکست استور معرفی شد. https://t.me/ziipodcaststore پادکست استور حامی پادکست هاست. (برای دیدن ادامه این کامنت اینجا 👆 ضربه بزنید) در صورت اشتباه در ارائه اطلاعات مانند لینک پادکست یا نام پادکستر ما را از طریق پشتیبانی پادکست استور در تلگرام مطلع کنید. در ضمن شما دعوت هستید به دو گروه پادکستر ها https://t.me/ziiPcreationguide و شنوندگان https://t.me/ziicastboxLguide #پادکست #پادکست‌استور.....
سڵاو دەستخۆشیتان لێ دەکەم کارەکەتان زۆر بە نرخە. وێنەیەکم بۆ بانەری یوتوبەکەتان دیزاین کردوە لە چ رێگایەکەوە بۆتین بنێرم؟
وێلبیینگ، و چۆنیەتی ژیان، باش ژیان بەڕێوەبردن، تەندروستی شتێک نییه ئایین به ئێمه فێر بکات، ئەگینا، پێویستمان به دکتۆر و زانستی پزیشکی نەدەبوو، کڕۆنا نیشانی دا و تیشکی خسته سەر ئەوەی که زانست و مێشکی مڕۆڤ به گشت کەم و کۆڕیەو تەنیا ڕێنیشاندەر و منهجێکه که مرۆڤ دەتوانی لەسەری متمانەی ژیانی بێت.
له کاتێکدا پۆدکەستەکان دەبیسین، لانی کەم ڕوانگەی تازه و نۆێ دەکەنەوه بۆ مژارەکان نەک دووپات کەرەوەی مەلا و کۆڵان و شەقام بن! کاکه برا ئەگەر بەڕێزتان به کەر و وڵاخ و هوشتر له شارێکەو بۆ شارێ تر گەشت دەکەن، یان، به کاگڵ و خشت دار ماڵ و خانوو درووست دەکەن هەر دەتوانن دووپاتکەرەوەی بیر و هزر هەزاران ساڵ پێش بین... بەڵام کاتێ له بەرهەمگەلی جیهانی مودیڕن کەڵک وەردەگرین دەبێ بیر و ئاوەز و هزریشمان لانی کەم بە ڕوانگەی تازەوه بڕوانینه جیهانی دەوروبەرمان.
زۆر خۆشحاڵ بووم لەبەر ئەوەی پۆدکەستی کوردی زۆر کەمه. و پێ خۆشحاڵ بووم پۆدکەستێک هەیه که له ناو ملوێنان ئێپیزۆد و پۆدکەستەکان لاوانی کورد خەریکی کارن لەو بوارەدا...
زۆر زۆر بەداخەوه