DiscoverVita capita – radionovela
Vita capita – radionovela
Claim Ownership

Vita capita – radionovela

Author: Radiotelevisiun Svizra Rumantscha (RTR)

Subscribed: 2Played: 5
Share

Description

Si en las muntognas datti ina vischnanca - Surgonda. Ed a Surgonda stattan era ils Caflischs, ina famiglia che viva dapi generaziuns a Surgonda. Ma tgi èn ils Cafilschs? E tgi èn ils abitants da Surgonda? Tge èn lur plaschairs e pensiers? E pertge ston els mintgatant rir e cridar en ina? - “Vita capita”: ina radionovela che fa bain e mal al cor.
14 Episodes
Reverse
Episoda 926-930

Episoda 926-930

2016-06-2624:13

L'ultim stida la glisch Els bandunan la val: Ils giuvens, quels en ils megliers onns, ed era da quels pli vegls. I vegn quiet en il vitg. Tgi resta insumma anc a Surgonda? Ma almain quatter per in jass vegnan bain anc a restar. U na? In cumià cun Hans, Martin, Erenesta, ils auters vischins da Surgonda e blera nostalgia. L'ultima emna da «Vita Capita». Reschia: Michel Decurtins
Episodas 921-925

Episodas 921-925

2016-06-1916:15

La maridaglia Ina lunga istorgia è la stada, la relaziun tranter Lucia dal Volg e Roland Battaglia: Ina lunga istorgia plaina da grittas, frust e larmas. Però era ina istorgia da surpraisas. Uss maridan Lucia e Roland. La lunga istorgia po pia ir a fin cun in happy end. U na? Be tant: In vestgì piglia fieu. Reschia: Michel Decurtins
Episoda 916-920

Episoda 916-920

2016-06-1213:39

Speranza! «Oha» po dir Lucia dal Volg. «Oha» di era Duri Bachman il droghist da Surgonda. Lucia ha numnadamain cumprà in test da gravidanza en l'apoteca da Surgonda. La dumonda è uss simplamain: Per tgi è quest test propi? Duri smina ed: «Oha!» Reschia: Michel Decurtins
Episodas 911-915

Episodas 911-915

2016-06-0517:14

Dalunsch datiers Paula e Remo? In perin? «Quai na vegn bain betg ad esser», pensa Ernesta. Ma forsa schont? Paula, la sora d'Ernesta, aveva gì ina affera zuppada cun Remo Casty 'tanti anni fa'. Da lezzas uras aveva Remo refusà Paula. In grond drama. Ed uss? Tadlai sez Reschia: Michel Decurtins
Episodas 906-910

Episodas 906-910

2016-05-2916:27

Opziun optimala Oha! Ussa bain. Quella offerta na po Gabriel Schmid l'ortoped e marus da Paula betg laschar passar. Ir a lavurar en LA clinica per ortopedia a NY. E tge pomai di Paula da quai? Van las larmas, u è quai ad ella sco ins po dir uschè plastic «liongia»? Reschia: Michel Decurtins
Episodas 901-905

Episodas 901-905

2016-05-2213:55

«Ciao Surgonda»? La brev è vegnida. Ella po sa preschentar. Ma tgi e nua? Quai n'è betg uschè simpel da respunder, perquai ch'igl èn gist omaduas giuvnas da Surgonda: Marisa Demarmels po ir a sa preschentar en in biro da viadis a Turitg e Pirmina Caflisch en in hotel a Montreux. Ha quai bain baud num: «Ciao Surgonda»? Reschia: Michel Decurtins
Episodas 896-900

Episodas 896-900

2016-05-1516:47

Salut Montreux? Ditg na va quai betg pli enfin la fin da l'emprendissadi da Pirmina. E lura tge? L'offerta dal schef da Pirmina dad ir a lavurar Montreux vegn qua gist al dretg temp. Mo tge di ses marus Patrick da quai? Reschia: Michel Decurtins
Episodas 891-895

Episodas 891-895

2016-05-0817:34

«Wegen zu geschlossen» Ma tge èsi uss? La garascha da Jöri Gartmann è serrada. Vid l'isch penda mo in cedel. I n'è bain betg capità insatge? E tge è atgnamain cun Paula e Gabi? Anc tut bun, u na? Reschia: Michel Decurtins
Episodas 886-890

Episodas 886-890

2016-05-0114:22

Martin survegn la crisa Oje! Martin po festegiar anniversari. Mo sche pertge «Oje!»? Igl è il 49avel. Quai basta per ina crisa. Datti ina moto per Martin? E tge rolla giogan pomfrits? Reschia: Michel Decurtins
Episodas 881-885

Episodas 881-885

2016-04-2415:08

Regurdientschas vid il passà El vegn tuttina, l'expert dad UFOs, a guardar las curiusas encrennadas da Surgonda. Quai malgrà che tut è atgnamain mo ina filistucca da Jöri e Duri ed in martè da furar. Sa tge che Roland Battaglia fa uss cun l'expert? Dir la verdad? Roland Battaglia? Tgi sa? E tgi è quest expert? Reschia: Michel Decurtins
Episodas 876-880

Episodas 876-880

2016-04-1712:06

Segns vid la paraid Giu sper il dutg ha el chattà ellas: encrennadas en il grip. Però betg simplamain simpels sgriffels, na, messadis dad extraterresters ord il passà. Quai pensa almain l'ustier e da nov ufolog Roland Battaglia. Uss va quai pir endretg liber cun UFOs, resp. OSNIs a Surgonda. Reschia: Michel Decurtins
Episodas 871-875

Episodas 871-875

2016-04-1013:14

English first Yes please. Ma betg per Marisa Demarmels. Ils examens finals da lemprendissadi na stattan betg mo avant porta, na els vegnan cun lezza dad isch en. E la giuvna emprendista è gnervusa pervia da la clausura denglais, gea tant gnervusa chella dovra ina pirla da durmir. Ma bain betg ina giuvna uschè giuvna – u na? Reschia: Michel Decurtins
Episodas 866-870

Episodas 866-870

2016-04-0313:23

I manca la cultura Surgonda ha tut. U quasi tut. I manca però la cultura, manegia almain il droghist Duri Bachmann. E perquai vegni organisà a la spert sperta ina saira culturala. Quai sto bain ir per l'aua giu. U na? Reschia: Michel Decurtins
Episodas 861-865

Episodas 861-865

2016-03-2717:12

Sche ti bajegias, vegnani Uss è el tras, l'ustier da Surgonda. El crai en UFOs, resp. OSNIs e vul schizunt carmalar natiers in. U plirs. Ed: Dieus ans pertgira: il radio rapporta da tut. Quai na plascha gnanca in zichel al president da vischnanca Alfons. Reschia: Michel Decurtins
Comments 
Download from Google Play
Download from App Store