da & dunne

Was hend de Jozo und d'Alicia Keys gmeinsam? Beidi sind on-fire, aber de Jozo hett würklich brännt, während de Sven high uf Anästhesie-Medikament de halb Spital zum Uftritt iglade het. Das sind nume einigi Abentür, wo eui zwei lieblings Kulturaschaffende erlebt hend. Schaltet i und lönd eu entfüere, uf ä Reis, wo mer zum Glück keis Visum brucht. Ah und chömed an Live-Podcast, bis denn, Peace.​18 Dezember Da & Dunne live podcast im Exil Züri!Tickets: https://www.seetickets.com/ch/event/da-dunne/exil/3235839

Neui Wuche, neui Abentür vom Jojo & Ivan. Dini lieblings Reise-Vlogger, Film-Kritiker, Podcaster, Stilikone und Comedians in einem sind wieder abghockt zum sich es Lebensupdate geh. I dere Wuche redemer über Sache, wo eus prägt händ i de Jugend, im Alter und letscht Wuche. De Sven goht die besti Abmachig vo sim Lebe ih und de Jozo findet use, dass Dütschland es Dritte-Welt-Land isch. Viel Spass bim Lausche!

De Sven isch in de Ferie und ich iergendwo in Dütschland imene alte Zug und min Hotspot kämpft um sis Lebe. Darum kein grosse Text aber versproche Podcast isch super. Hier Stichwörter: Car Wash, Clowns, Estrich, Buch, Film, Uber, Lauch. Viel Spass.

So und wieter gohts, i dere Wuche isch viel passiert! De Jozo hät Premiere gfiert, en Blitzer gspielt und isch Dönermaa worde. De Sven hät en neue Spitzname und isch mehrmals umghaue worde. Alles in allem en super Wuche aso jo für euch als Zuhörer. Viel Spass.

Yo! No nie hend sich eui zwei Lieblings-Sprücheklopfer so frühe am Morge troffe (10:00) und so wichtigi Theme besproche: wo chame am beste schloffe bim Schaffe? Was hät de Jozo in diverse Printmedie verlore? Und wem gehört de Food Truck do dusse? Antworte uf die Froge und wiiteri wertvolli Lebensweisheite gits i dere Episode.

Liebi da & dunnerinne mir händ endlich mal en Gast im Podcast. De Milan Milanski hät eus bsuecht und verzehlt eus mol eifach alles über sich... aso er häts verseucht aber isch ständig unterbroche worde. Es git Gschichte us de Ferie, es wird über Musik gredet, de Jozo hät sini Comedy LAP bestande und vieles mehr. Sind lieb zunenad und Kuss ufs Aug.

Ey ihr Rabauk*innen! Dä Chip und Chap vo de Podcast-Wält sorget wider für Radau. I däre Episode platzt eus TV-Grössi Jennifer Bosshard in euses neue, topmoderne Studio. De Jozo isch jetzt Schwizer und de Sven erklärt euch wie ihr definitiv kein Job bechömed. 3, 2, 1 los gaht's!

Ay, ay, ay! I de hütige Episode vo dim 6. Lieblingspodcast sind de Sven & de Jozo grad ufem Heiweg vomene Event, wo ihri Männlichkeit komplett in Frog stellt. Doch nid nur die Stei am Strong(wo)men Contest sind schwer, sonder au die Stei wo sich die zwei Clowns vo de Seele redet. En Podcast, wo uf und ab goht, genau wie de Sven, wenn er d Schwizer Berge bewanderet. Mach der en Kafi, lehn dich zrug, und gnüss es.

OMG en neui da & dunne Episode vor GTA6?Unglaublich aber wahr! Sie sind endlich wider da! Bademeister Sven und Hundeversteher Jozo. Die zwei händ sich is bestusglüchtete Kämmerli vo Seebach verkroche und verzehled euch jetzt, wie sie es gschafft händ so brun z’werde, wie de Sven jedes Fahrzüg uf de Welt glenkt hät und wies um em Jozo sini Comedy Karriere stoht. Es wird tiefgründiger als am Sven sini Tauchgäng und oberflächlicher als am Jozo sini Fuessballkentniss.Viel spass!

Liebi da & dunnerinne! Sven und Jozo sind zurzit no de Rekord für die längsti Summerpause am ufstelle. De Jozo hät mal Pause vom sünnele gmacht und sin Keller ufgruhmt und siehe da... es sind verscholleni Episode uftaucht. Zur überbrückig bis es wieder losgoht (hoffentlich afangs September, lueg niemert glaubts aber mir probierets echt) gits 3 Episode wo de Jozo vergesse hät. Viel Spass, gnüssed euche Summer und bis bald.

Liebi da & dunnerinne! Sven und Jozo sind zurzit no de Rekord für die längsti Summerpause am ufstelle. De Jozo hät mal Pause vom sünnele gmacht und sin Keller ufgruhmt und siehe da... es sind verscholleni Episode uftaucht. Zur überbrückig bis es wieder losgoht (hoffentlich afangs September, lueg niemert glaubts aber mir probierets echt) gits 3 Episode wo de Jozo vergesse hät. Viel Spass, gnüssed euche Summer und bis bald.

Liebi da & dunnerinne! Sven und Jozo sind zurzit no de Rekord für die längsti Summerpause am ufstelle. De Jozo hät mal Pause vom sünnele gmacht und sin Keller ufgruhmt und siehe da... es sind verscholleni Episode uftaucht. Zur überbrückig bis es wieder losgoht (hoffentlich afangs September, lueg niemert glaubts aber mir probierets echt) gits 3 Episode wo de Jozo vergesse hät. Viel Spass, gnüssed euche Summer und bis bald.

hey, jozo hier. Ich han zu lang brucht zumd folg schniede und bin jetzt zu ungeduldig zum am sven schreibe damit er text tuet gegelese. Sooooory sven aber in dere folg wirds mega herzig, mir rede bizli ernster und über schöni sache losed eifach dri. Ah und sorry weg de ton problem, chunt nüm vor. lieb eu byeeee

Liebi Da & Dunner*inne, mir sind wieder zrugg! Nach langer Kreativ-Pause sind die zwei junge Herre usem Balkan wieder am Start und händ einigi Gschichte im Gepäck. De Sven hät sin innere Mr. Worldwide gfunde und isch euse Planet go entdecke und de Jozo hät sich 2 Monat lang mit emene lange Stock im Gips kratzt, damit Ameise weg gönd. Das und no viel meh Gschichte erwartet euch i däre Episode vom Lieblingspodcast vo dim C-Juniore Trainer, wo wahrschinlich Stefano oder Giusi heisst. Viel Spass, ihr Rabauke! FÜR JOZO VOTE: https://www.srf.ch/radio-srf-3/comedy/stimme-jetzt-ab-wer-soll-srf-3-best-talent-comedy-2023-werden Sven Insta: https://instagram.com/sven_ivanic?igs... Jozo Insta: https://instagram.com/jozo.brica?igsh...

ALARM - ALARM, die zwei digitale Scharlatane ziehet wieder um de Block! I de hütige Episode lernsch dä schüchi Sven und de aggresivi Jozo kenne. Du willsch wüsse welli Grüsel-Filme de Sven bstelle loht und warum de Jozo am Friedhof boxt? Denn los dri und spiel nie basketball gege Jesus, au wenn er Sandale treit.  Frage, Idee oder Fuessbilder? Schrieb eus es Mail an: info@daunddunne oder en DM!  Sven Insta: https://instagram.com/sven_ivanic?igs... Jozo Insta: https://instagram.com/jozo.brica?igsh...

Es hät müesse si. D'Welt isch i de Krise und jetzt häts din Lieblingspodcast au gnoh: Egal ob Džemper/Pullover-Grüsel Skandal, Fasnachts-Eskapade oder ić-Gate, da & dunne het überall ihri nach Zigarette schmöckende Finger im Spiel. Werdet sie em Druck stand halte und d'Welt  verbessere oder ibreche, wie Kriminaltouriste? Lehn dich zurgg und finds use und hör uf digitali Stei schmeisse. VOTE FÜR SVEN: https://www.vecernji.hr/vijesti/napeta-zavrsnica-citatelji-odlucuju-o-pobjednicima-vecernjakove-domovnice-2023-1658701 De Podcast als Audio: https://linktr.ee/da.dunne Frage, Idee oder Fuessbilder? Schrieb eus es Mail an: info@daunddunne oder en DM! Sven Insta: https://instagram.com/sven_ivanic?igshid=YmMyMTA2M2Y= Jozo Insta: https://instagram.com/jozo.brica?igshid=YmMyMTA2M2Y=

Uuuuii, uuuuii, uuuuii mir sind wieder da! Im Koffer debi: En toxische Jozo, en Gibon-Sven, es paar Lieder us de Heimat und Witz, aber nur wenig. Bi Kantić-Reisen zahlsch pro Koffer und Geld bringt de Podcast ja nonid. Viel spass du Hüetlispieler:in De Podcast als Video: https://youtu.be/1l9zhIn4Azw Frage, Idee oder Fuessbilder? Schrieb eus es Mail an: info@daunddunne oder en DM! Sven Insta: https://instagram.com/sven_ivanic?igshid=YmMyMTA2M2Y= Jozo Insta: https://instagram.com/jozo.brica?igshid=YmMyMTA2M2Y=

Achtung! Achtung! Ufpasse! Ufpasse! De Lieblingspodcast vo dim Germanistik-Studente-Kolleg isch wieder da. Hüt beginnt de Kampf, wo alles entscheide wird.De Kampf gege d'Technik und Maschine (chline Spoiler: de Boomer-Sven hat ihn scho lang verlore). Während de Svenjamin verwirrt versuecht sin windows 95 Computer am Lebe zhalte, schlaat dä tech-affini Jozovan mit gewohnt mässige Jokes um sich. Die Episode isch dank technische Problem ungefähr genau so, wie alli Junggeselle-Abschied mit Alkoholwägeli und Hüenerkostüm im Niederdorf: problematisch, sehr unagnehm und unverständlich, aber trotzdem iergendwie krass vo de Niceigkeit her, wie die Junge säge würdet. Viel Spass, du digital nativ! Frage, Idee oder Fuessbilder? Schrieb eus es Mail an: info@daunddunne oder en DM! Sven Insta: https://instagram.com/sven_ivanic?igshid=YmMyMTA2M2Y= Jozo Insta: https://instagram.com/jozo.brica?igshid=YmMyMTA2M2Y=

Es isch wieder so wiit: De Lieblingspodcast vo dim Grüstbauer-Kolleg isch wieder da! I dere Episode gits ganz viel Froge und es wird es bizli ernster. De Sven früscht sis Budget biz uf, idem er sini Seele (oder was davo no übrig isch) verkauft und de Jozo kämpft um en E-scooter und Argovia-Fest-Tickets. Wenn du usefinde möchtisch, was eusi lieblings Balkanwörter sind, was Gottesabeterine eigentlich für Kleider träget und wer eusi Lieblings-Simpsons sind, denn los dri. Viel Spass, ihr Hüetlispieler. Frage, Idee oder Fuessbilder? Schrieb eus es Mail an: info@daunddunne oder en DM! Sven Insta: https://instagram.com/sven_ivanic?igshid=YmMyMTA2M2Y= Jozo Insta: https://instagram.com/jozo.brica?igshid=YmMyMTA2M2Y=

Achtung, Achtung! D'Cervelat-Bande isch wieder unterwegs und triebt ihres Unwese. Kein Murmeli-Park, Regio-Bus, Maya-Höhli oder Euter isch sicher vor ihne. D’Lieblingspodcaster vo dim Kiesplatz-Autohändler sind nach langer Summerpause endlich zrugg und hend de einti oder anderi Ferie- und Medietipp für dich debi. De Sven verzellt vom wilde Mexiko und de Jozo vom no wildere Pfadi-Bundeslager. Gnüssets, ihr Lopovi (= Diebe, Schlitzohre) Frage, Idee oder Fuessbilder? Schrieb eus es Mail an: info@daunddunne oder en DM! Sven Insta: https://instagram.com/sven_ivanic?igshid=YmMyMTA2M2Y= Jozo Insta: https://instagram.com/jozo.brica?igshid=YmMyMTA2M2Y=