Carel in the Morning Podcast
Subscribed: 12Played: 375
Subscribe
© Chokarella Podcast Network
Description
Welcome to 'Carel in The Morning: The Podcast,' where you can catch all of the engaging and informative interviews from Chokarella's morning drive show. In each episode, host Carel sits down with a variety of guests, from musicians and actors to business owners and public figures. With his warm and friendly personality, Carel brings out the best in his guests and leaves you feeling inspired and informed.
229 Episodes
Reverse
Yon ti moman enspirasyon ak Mirline, otè liv “Sa Se Mwen”, kote li rakonte batay li kòm yon jèn manman, sòlda, ak fanm ki simonte doulè lavi. Nou pale sou adopsyon pitit li, batay li ak sante mantal, rekonstriksyon lavi li, ak lafwa ki pèmèt li kenbe tèt.
Dekouvri istwa ekstraòdinè Wildine Aumoithe—yon jèn fanm Ayisyèn-Amerikèn ki kenbe 2 rekò mondyal Guinness kòm fanm pi kout ki pa ka deplase ak pi kout modèl pwofesyonèl nan mond lan.Nan entèvyou sa a, li pataje istwa li: kòman li adapte nan yon mond ki pa fèt pou li, kijan li antre nan domèn fashion ak kontni kreyatif, epi kijan li itilize reyalite li pou enspire lòt moun.Wildine ap etidye graphic design, li deja defile nan New York Fashion Week, li sonje vizit li nan Ayiti, epi li di li ouvè pou parèt nan videyo mizik ayisyen.Li rakonte pasyon li pou mizik (li te chante nan yon gwoup), lanmou li pou Bedjine, K-Dilak, Misty Jean, ak J-Beatz, epi rèv li pou bay yon TEDx Talk sou mode ak enklizyon.
Nan entèvyou sa a, Alexandre Ade mete limyè sou 27yèm edisyon Haitian Compas Festival la. Li rakonte eksperyans li depi li te kòmanse kòm volontè, rive jodi a kòm Project Manager prensipal. Li dekri tout sa ki ap vini pou edisyon ane sa a: lineup atis yo, plan sekirite, inovasyon nan planifikasyon, ak objektif pou mete nouvo jenerasyon an devan. Yon ti rale anndan tout sa k ap fèt pou bay piblik la pi bon eksperyans posib pandan Fèt Drapo a nan Miami.
Nan entèvyou sa a nan Carel in the Morning, Gandhi “LeMetronome” prezante 3 liv li pral sòti ki baze sou eksperyans pèsonèl li. Li rakonte istwa dèyè Je pleure avec plaisir, yon liv pwezi ki pale sou emosyon, lanmou ak fragilite. Li pale de dezyèm liv la sou byen-èt natirèl, sante ak medsin fèy. Twazyèm liv la fouye pi fon sou espirityalite, koneksyon ak lanati, ak leson lavi ki soti nan tradisyon diferan.
Nan epizòd sa a nan Carel in the Morning, mwen chita pale ak Angie Bell, yon fanm ekstraòdinè ki kite tout bagay pou l retounen viv Okap epi mete tout enèji li pou ede chanje Ayiti. Angie se yon otè, yon antreprenè, yon aktivis, yon fanm k ap travay nan kilti ak edikasyon. Li se fondatè òganizasyon Poubel Ayiti, li ap dirije yon lekòl fanmi li te mete sou pye depi 36 ane, epi li lanse yon inivèsite ak yon pwogram espesyal sou lidèchip ak gouvènans pou fòme nouvo jenerasyon lidè Ayiti bezwen.Li kwè tout chanjman ki nesesè pou Ayiti dwe kòmanse nan edikasyon. Nan epizòd sa a, li rakonte istwa li, vizyon li pou lekòl, difikilte ak defi ki gen nan kesyon fatra nan vil Okap, angajman li nan devlopman kominotè, ak rezon ki fè li retounen lakay.
Carel Pedre resevwa Riva Précil pou yon bèl konvèsasyon sou nouvo album li Enkantasyon, ki soti 28 mas 2025. Nan entèvyou sa a, Riva louvri sou mizik li, sou vodou kòm fòm espirityalite, sou enèji fanm ak sou jan li itilize libète kreyatif li pou bati yon kominote ki konekte ak rasin li kòm Ayisyèn. Li pale sou eksperyans li pandan kreyasyon album lan, entansyon li mete dèyè chak mizik, chwa koulè wouj pou postè a, ak kolaborasyon ak atis tankou Steves J Bryan, Johan Dore, ak lòt ankò. Riva ouvè kè li sou tout evolisyon li atravè tan, kòm fanm, kòm manman, epi kòm atis ki vin pi klè sou vwa pa li.
Nan epizòd espesyal sa a, Carel Pedre resevwa istorisyèn Bayyinah Bello pou yon gwo chita pale sou 75yèm anivèsè Kongrè Fanm yo an Ayiti. Evènman sa a ap fèt soti 10 pou rive 12 avril 2025 sou Campus Henry Christophe nan Limonad. Se yon okazyon pou n sonje batay fanm yo, reflechi sou sa yo reyalize, epi mete aksan sou sa ki rete pou fè.Nan videyo sa a, yo pale sou istwa ki efase, memwa kolektif nou ki an danje, sistèm edikasyon ki pa reflechi reyalite pèp la, ak nesesite pou jèn yo re-aprann valè fanm nan batay pou libète, edikasyon, ak jistis sosyal. Bayyinah mete aksan sou jan listwa ekri pou fè n bliye, men Kongrè sa a se yon apèl pou sonje, pou òganize, epi pou bati yon pi bon demen.
Nan entèvyou espesyal sa a, Ti Klod rakonte tout wout li nan mizik: kòman li te kòmanse ak 5-Lan, eksperyans li ak X-Tassy, wòl li nan Kaï ansanm ak Richard Cavé, epi kòman li vin travay nan Reyinyon Carimi.
Gheriane “Kareen” Ulysse se yon fanm ekstraòdinè ki te kite lavi konfòtab li Ozetazini pou l tounen Cité Soleil, Ayiti, epi kontinye travay papa li te kòmanse: Centre Hospitalier de Fontaine. Nan entèvyou sa a ki plen emosyon, Kareen rakonte sakrifis li fè kòm manman, pitit fi, ak lidè. Li pataje jan li jere lopital la, jan li jwen finansman, epi jan li kontinye batay chak jou pou amelyore lasante ak edikasyon nan kominote ki pi marginalize yo. Misyon li se mete yon lopital ak yon inivèsite nan chak depatman an Ayiti, epi kreye yon sistèm ki fonksyone, ki fyab, e ki bay moun espwa.
Nan entèvyou eksklizif sa a, Francis Mercier rakonte karyè li soti Boudon, Ayiti rive sou pi gwo sèn mondyal yo. Li pataje jan li kenbe rasin li pandan li mete mizik ayisyèn sou beat elektwonik. Li pale de kolaborasyon li ak atis entènasyonal yo, eksperyans li nan festival atravè lemond, defi li ap fè fas, epi vizyon li pou lavni.
Nan konvèsasyon sa a nan Carel in the Morning, Marc Alain Boucicault louvri kè li sou eksperyans li kòm papa, kòm lidè, epi kòm sitwayen ayisyen k’ap viv deyò peyi a. Li rakonte kijan li te kite Ayiti pou al etidye, jan li jere lavi fanmi li pandan li tap travay nan MIT e dirije BANJ.
Nan entèvyou sa a, Lindsay François, Media Manager nan Children’s Trust, ap prezante pwojè espesyal “Young Talent Big Dreams”. Li eksplike kijan inisyativ sa ede timoun ak jèn Ayisyen nan Sid Florid, ki gen laj 8 rive 18 lane, devlope talan yo nan mizik, dans, pwezi ak lòt domèn atistik. Lindsay pataje objektif prensipal Children’s Trust genyen pou sipòte kominote Miami Dade nan defi yo rankontre, ansanm ak enpòtans opòtinite sa yo pou avni jèn nou yo.
Pou mwa mas, nou mete limyè sou endometrioz, yon maladi ki afekte anpil fanm men ki souvan neglije. Nan epizòd sa a, Ruth Lainé, yon jèn fanm ayisyèn k ap viv Ozetazini, pataje istwa pèsonèl li ak tout batay li ap mennen chak jou ak maladi sa a.Li pale sou doulè li te konn sibi pandan règ li, difikilte pou jwenn yon dyagnostik, operasyon li te oblije fè, ak jan sa afekte lavi li kòm fanm, kòm pwofesyonèl, ak kòm moun.
Nan entèvyou sa a Good Tang ouvè kè li pou pale sou pakou li nan mizik. Li rakonte kòman li te kòmanse kòm yon jèn ki soti nan yon fanmi mizisyen, eksperyans li ak gwoup X-Tassy ak Enposib, epi kijan li pran desizyon lanse premye pwojè solo pa li.Good Tang mete aksan sou vizyon li kòm atis, jan li viv mizik chak jou, e sa ki enspire li pou kreye mizik ki soti sou premye albòm li "Ma Muse".
Fito Hyacinthe, manadjè gwoup Kaï ak Carimi, pataje eksperyans li nan endistri mizik la ak kòman li te fè pou li mennen gwoup sa yo nan siksè. Nan entèvyou sa a, nou aprann sou pran risk, enpòtans ekip ak kolaborasyon, defi ak opòtinite pou mizik ayisyen nan yon mond ki toujou ap chanje, ak leson li aprann pandan li t ap travay ak pi gwo gwoup mizik Ayiti yo.
🔥 Nan epizòd sa a sou Carel in the Morning, Ruthie, yo rele “Dam Asirans la”, ban nou tout detay sou enpòtans asirans vi ak asirans sante, espesyalman pou kominote Ayisyèn lan. 🔥Li pataje eksperyans pèsonèl li, li esplike poukisa edikasyon finansyè enpòtan, epi li revele erè anpil Ayisyen fè ki mete yo an danje finansyèman. 💡SA WAP APRANN:✅ Poukisa asirans esansyèl pou tout moun?✅ Ki jan pou evite dèt lopital ak kriz finansyè?✅ Diferan tip asirans ki egziste epi kijan pou chwazi sa ki pi bon pou ou.✅ Ki jan kwayans Ayisyen sou asirans fè nou pèdi avantaj finansyè.✅ Estrateji pou pwoteje fanmi w epi bati eritaj (legacy) pou jenerasyon k ap vini yo.📌 Pa rate konsèy sa yo! Pataje videyo sa a pou plis moun ka aprann epi pwoteje tèt yo!
Manuel Mathieu, yon atis abstrè ayisyen-kanadyen, ap mennen atizay li nan yon nouvo direksyon. Apre li fin make non li nan mond penti ak eskilti, li deside antre nan "parfumerie", kote li kreye yon mak ki charye eritaj ak kilti Ayiti.Nan entèvyou sa a, li rakonte istwa li, eksperyans li nan mize entènasyonal, epi ki jan vétiver ayisyen vin youn nan eleman prensipal pafen li yo. Li pataje vizyon li sou fason atizay ka depase limit vizyèl epi tounen yon eksperyans sansoryèl.
Nou pale ak Joann Milord, Prezidan & CEO @LittleHaitiTrust, sou plan estratejik ki vize devlopman ekonomik, lojman abòdab, pwoteksyon kilti ak touris, epi sipò pou ti biznis yo. Plan sa a ap ede Little Haiti grandi epi vin pi atiran pou moun ki vle envesti ak devlope kominote a.Little Haiti Trust ap travay pou mete resous yo disponib pou kominote a epi ouvri pòt pou plis opòtinite. Genyen finansman pou moun ki vle fè aktivite, espesyalman pou Mwa Eritaj Ayisyen an. Si w vle patisipe epi fè tande vwa w, ou ka vizite sit entènèt yo an oswa kontakte yo dirèkteman.🌐 Sit wèb: littlehaititrust.com📞: 786-815-2315
Naomy Grand’Pierre, premye fi ki reprezante Ayiti nan Jeux Olympiques nan natasyon, pataje vwayaj inik li soti nan mond espò pou rive nan sinema ak direksyon atistik. 🏊♀️🎬 Avèk menm disiplin li te itilize pou reyalize rèv Olenpik li, jodi a li ap travay pou mete Ayiti sou map mondyal la atravè atizay, maketing, ak kreyasyon vizyèl. Li pale sou defi atlèt ayisyen yo, pwojè li pou Haiti House 2028 pandan Jeux Olympiques Los Angeles, ak fason li vle revolisyone reprezantasyon Ayiti nan endistri mizik, sinema, ak medya mondyal. 🇭🇹✨
Candice Mondesir, Direktè Egzekitif HACCOF, eksplike kijan òganizasyon an ap sipòte antreprenè Ayisyen nan Florid. Li pale sou fòmasyon ScaleUp, opòtinite finansman, mentora, ak rezo biznis pou ede yo grandi.
Comments
Download from Google Play
Download from App Store
United States