"#ПОПОРЧ БОЛДОГГҮЙ СЭДВҮҮД'' цуврал подкаст

Ардчилсан нийгэмд иргэд нь бие даасан үзэл бодолтой, идэвх оролцоотой байхад суурь ойлголт өгөх шинжлэх ухаанд тулгуурласан сургалт, мэдээллийн ажлууд чухал байдаг. Манай улсад олон нийтэд зориулсан улс төрийн боловсролд дэмжлэг болох үйл ажиллагаа хангалтгүй байдаг. Тиймээс МУИС-ийн Улс төр судлалын тэнхим, Монгол дахь Конрад Аденауэр сан хамтран иргэдийн улс төрийн боловсролд дэмжлэг үзүүлэх зорилготой "ПОПОРЧ БОЛДОГГҮЙ СЭДВҮҮД" цуврал подкастыг хүргэж байна. Энэхүү подкастаар Үндсэн хуулийн нэмэлт өөрчлөлтийн хүрээнд хэлэлцэгдэж буй 6-н сэдвийг сонгон авч тухайн чиглэлээр мэргэшсэн судлаачдын байр суурийг хүргэнэ. Мөн энэхүү агуулгийг телевизийн нэвтрүүлэг, нийтлэл хэлбэрээр хүлээн авах боломжтой.