Жан әлемі

Хабар барысында психолог бұған дейін хат қоржынға келіп түскен бала психологиясына қатысты сұрақтарды тарқата отырып, тікелей толқында терапия өткізді. Сол арқылы туындаған негізгі мәселені анықтап беруге тырысты. Сондай-ақ, Нұргүл Молдабайқызы тыңдаушы тарапынан туындаған кез келген сұраққа жауап берді. «Жан әлемі» психологиялық-танымдық хабарының кезекті санында бала психологиясының мәселелері әңгімеге арқау болды. Хабардың тұрақты психологы: Нұргүл Молдабайқызы.

Адам тарихы құрсақтан бастау алып, жөргекте жалғасады. Адам болу үшін ит көйлек тоздыру арқылы балалық шақты басынан кешіреді. Яғни, әр адамның өмір жолы балалықтан бастау алады. Қазақ халқы ұрпақ тәрбиесіне, болашағына бей-жай қарамаған. Осы мәселеге маңыз бере отырып «Жан әлемі» психологиялық-танымдық хабарына арқау еттік.

«Психолог нені шешеді? Ұлттық ерекшілігімізге сай психология неге жоқ?» сынды сауалдарға жауап іздейтін боламыз. Сонымен қатар, психолог Нұргүл Молдабайқызы тыңдаушылардың санасында қордаланған сауалдарына да жауап береді. Қазақта, «Тән жарасы жазылар, жан жарасы жазылмас» деген сөз бар. Бүгін де тән жарасынан жан жарасы көп, олардың қатары артып келеді. Бұған да өзіндік себептері бар. Біріміз қоғам дейміз, […]