Claim Ownershipeuroradiofm
Subscribed: 1,003Played: 152,050
Subscribe
© All rights reserved
Description
Free Belarus Radio - Радыё для Беларусі ад 2006 г. Музыка СHR Top 40/Alternative Rock + навіны пра краіну і свет, дыскусіі, гісторыі, інтэрв'ю.
4997 Episodes
Reverse
Медыкаў арганізуюць, каб яны не нылі? — Еўразум за 13 красавіка | Новости Беларуси за 13 апреля by Euroradio
Перамовы ЗША з Іранам у Ісламабадзе, якія доўжыліся больш за 21 гадзіну, завяршыліся без падпісання мірнага пагаднення, і віцэ-прэзідэнт ЗША Джэй Дзі Вэнс пакінуў Пакістан ні з чым. Выглядае на тое, што такі ж вынік і ў “візіту падтрымкі”, з якім да Ісламабада Вэнс быў у Венгрыі, напярэдадні парламенцкіх выбараў у гэтай краіне. У Мінску таксама чакаюць візіцёра з Вашынгтона, але пакуль не Вэнса, а па-ранейшаму Коўла, ускладаючы на гэты візіт надзеі не толькі на вызваленне вялікай колькасці вязняў, але і на пачатак змен, пад прымусам ЗША, у рэпрэсіўнай палітыцы рэжыму Лукашэнкі.
Перамогай ці паражэннем стала для Трампа аперацыя ў Іране, і ці варта разлічваць на завяршэнне баявых дзеянняў у рэгіёне? Хто па выніку выйграў, а хто прайграў ад вайны, і ці атрымалася ў Лукашэнкі скарыстацца сітуацыяй вайны? Чым цікавыя сёлетнія выбары ў Каардынацыйную раду, і ці сапраўды рэжым гатовы дазволіць вяртанне ў Беларусь сваіх праціўнікаў з вымушанай эміргацыі? На гэтыя ды іншыя пытанні ў жывым эфіры Еўрарадыё адказвае палітычны аглядальнік Радыё Свабода Юрый Дракахруст
У лютым бягучага года ва Украіне выйшаў пераклад кнігі Алеся Плоткі “Bloodlands 20/22 Belarus/Ukraine”. Ці, больш правільна сказаць, артбук. Адметна, што пераклады з беларускай не выходзілі ва Украіне з 2021-га. Нельга сказаць, што гэта кніга, якая ў перакладзе атрымала назву “Сож”, прарвала ўмоўную плаціну, але неўзабаве свет пабачыў і пераклад на ўкраінскую мову рамана Альгерда Бахарэвіча “Дзеці Аліндаркі”.
Чым адметны пераклад твораў беларускіх аўтараў на ўкраінскую мову, і ці можна казаць, што гэта пачатак нейкіх змен у адносінах паміж нашымі народамі? Ці дапаможа літаратура вярнуць паразуменне паміж нашымі народамі і ці спрацуе культурніцкая дыпламатыя ва ўмовах вайны і перманентнай пагрозы з поўначы для Украіны? Як змяняецца антыкаланіяльны наратыў у людзей і ў цэлым у культуры? На гэтыя ды іншыя пытанні ў жывым эфіры Еўрарадыё адказвае паэт, музыка Алесь Плотка
Тэрыторыя Беларусі, намаганнямі Крамля і пры адсутнасці супраціву з боку рэжыму Лукашэнкі, ператвараецца ў пляцоўку, з якой Расія пагражае і Еўропе, і Украіне. Размова і пра “Арэшнік”, і пра станцыі для каардынацыі палётаў расійскіх “Шахедаў”, і пра размяшчэнне расійскіх баз, у тым ліку з “дронаводамі” на тэрыторыі нашай краіны. Усё гэта прымусіла Кіеў нарэшце ўвесці санкцыі непасрэдна ў дачыненні да Лукашэнкі (а не яго жонкі ці сыноў) і актывізаваць кантакты з беларускімі дэмсіламі. Зяленскі нават правёў адмысловую сустрэчу з Ціханоўскай і запрасіў яе ва Украіну. Што праўда, візіт гэты ўжо які месяц так і не могуць “узгадніць” канчаткова…
Што за апошні час змянілася ў стаўленні Кіева да рэжыму Лукашэнкі, і чаму дагэтуль не здолелі вызначыць дату паездкі Ціханоўскай у Кіеў? Як вайна з Іранам паўплывала на заходнюю дапамогу Украіне, і як мяняецца палітычны ландшафт Еўропы апошнім часам? Ці залежыць пазіцыя Кіева адносна рэжыму Лукашэнкі ад перамоў з Мінскам ЗША і ад таго, якую палітыку на беларускім напрамку ажыццяўляе ЕС? На гэтыя ды іншыя пытанні ў эфіры Еўрарадыё адказвае палітолаг, дырэктар украінскага Інстытута сусветнай палітыкі, эксперт iSANS Яўген Магда
У адрозненне ад папярэдніх выбараў у Каардынацыйную раду два гады таму, сёлетняй выбарчай кампаніі Офіс Святланы Ціханоўскай надае значна больш увагі. Хоць і не ўдзельнічае ў выбарах наўпрост. Што не замінае казаць пра наяўнасць “праофісных спісаў” сярод зарэгістраваных да ўдзелу. Як і спісаў крытыкаў існуючых структур дэмсіл. Вось толькі ўсё пералічанае (і не толькі гэта) не перашкаджае скептыкам казаць пра непатрэбнасць КР як інстытуцыі. І страту даверу да ўсіх іншых структур дэмсіл.
Чым адметныя сёлетнія выбары ў КР і якое стаўленне да гэтай інстытуцыі і выбарчай кампаніі ў Офісе Ціханоўскай? Ці не наспеў час для размеркавання ўлады ад Офіса і вывядзення КР з-пад падпарадкавання Ціханоўскай? Як змяняецца палітыка ЕС адносна рэжыму Лукашэнкі, і ці не час Офісу змяняць сваю стратэгію ціску на рэжым? Гэтыя ды іншыя тэмы абмяркоўваем у жывым эфіры Еўрарадыё з першым дарадцам Святланы Ціханоўскай Франкам Вячоркам
Ці прыслухаецца Мерц да Калеснікавай — Еўразум за 10 красавіка | Новости Беларуси за 10 апреля by Euroradio
Новы міністр інфармацыі асцярожна выказаўся наконт блакіроўкі YouTube у Беларусі. Паводле Дзмітрыя Жука, "калі мы дэкларуем, але не можам рэалізаваць, дык лепш увогуле не дэклараваць". Так што, хутчэй за ўсё, будзем глядзець ютуб далей.
Гэта, а таксама "нацыяналізацыю" і так нацыянальнай біятэхналагічнай карпарацыі, у якую ўлады папросту закапалі сотні мільёнаў долараў, абмяркуем з блогерам Аляксандрам Кныровічам. Абмяркуем таксама жарсці вакол выбараў у Каардынацыйную раду — Кныровіч збіраецца жорстка адказаць на абвінавачанні з боку Паўла Латушкі.
Дамова аб спыненні агню паміж ЗША і Ізраілем з аднаго боку і Іранам з другога нібыта дасягнута. Але гэта недакладна. Як і з Армузскім пралівам: ці то ён разблакіраваны для праходу танкераў ды іншых суднаў, ці то не — незразумела. Грошы ў любым выпадку Іран будзе за праход браць. Ці гэта будзе рабіць адмыслова створаная сумесная амерыкана-іранская кампанія. Ва ўсякім разе, на думку экспертаў, час танных энергарэсурсаў больш не вернецца. У тым ліку і для Беларусі, хоць да яе нафта ідзе не праз Армузскі праліў.
Чаму не варта чакаць вяртання нізкіх коштаў на нафту і газ, і якім бокам сітуацыя вакол Ірана і Армузскага праліва закранае беларускія НПЗ і кішэні беларускіх аўтаўладальнікаў? Ці ўратуюць Беллегпрам замовы ад расійскага ваенпрама, і чаму Лукашэнка так актыўна прасоўвае тэму масавага вяртання беларусаў з вымушанай эміграцыі? Чаму ў Мінску загадалі скараціць будаўніцтва жылля, і ці сапраўды беларусы пачалі менш выдаткоўваць грошай на прадукты? Гэтыя ды іншыя эканамічныя тэмы абмяркоўваем у жывым эфіры Еўрарадыё з прадстаўніцай па эканоміцы і фінансах Аб’яднанага пераходнага кабінета, эксперткай у сферы дзяржаўнага кіравання і міжнароднага развіцця, магістаркай эканомікі Алісай Рыжычэнка.
“ЕС павінен зноў адкрыць дыпламатычныя каналы з Лукашэнкам — для яго Еўрасаюз быў бы больш натуральным партнёрам”, — заявіла ў чарговы раз Марыя Калеснікава ў інтэрв’ю нямецкаму выданню TAZ.de, і прыгадала, што былая канцлерка Меркель была апошняй з нямецкіх палітыкаў, хто размаўляў з Лукашэнкам. “Магчыма, патрэбна новая спроба”, — мяркуе Калеснікава. І абыходзіць увагай пазіцыю і дзеянні лукашэнкаўскага рэжыму як у дачыненні да Літвы (і іншых краін Балтыі), так і да Польшчы, адносіны з якімі застаюцца напружанымі, а правакацыі з боку Мінска не спыняюцца.
Ці гатовы ЕС і Германія ў прыватнасці ў чарговы раз наступіць на старыя граблі пад назвай “паверыць Лукашэнку”, і ці магчыма гэта сёння? Пра што сведчаць дзеянні і планы злачыннай групы, якая планавала забойствы ў Літве, і ці гатова Еўропа супрацьстаяць гібрыдным пагрозам з Усходу? Што азначае перамір’е ў Іране, і чаго чакаць ад выбараў у Каардынацыйную раду? Пра гэта і шмат што іншае мы і разважаем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам .
Прадпрыемства ў структуры “БелАЗ-Холдынг” патрабуе ад калоніі №2 у Бабруйску тэрмінова павялічыць вытворчасць і ліквідаваць адставанне па пастаўках. Дакумент з такім патрабаваннем да кіраўніцтва бабруйскай калоніі аказаўся ў распараджэнні BELPOL. І з гэтага дакумента можна зрабіць адназначную выснову: людзей у калоніях, уключаючы палітвязняў, выкарыстоўваюць як танную і бяспраўную працоўную сілу для выканання планаў прадпрыемстваў. А што рабіць, калі санкцыі сапраўды б’юць па рэжыме, і эканоміць даводзіцца практычна на ўсім! Ну, акрамя патрэб самога рэжыму і, найперш, “сям’і”…
Ці многа нечаканасці ў тым, што прадпрыемствы карыстаюцца прадукцыяй, вырабленай на “прамках” зняволенымі, і наколькі гэта незаконна? Пра што сведчыць практыка выкарыстання працы вязняў калоній, і ці падстава гэта для ўнясення такіх прадпрыемстваў у санкцыйныя спісы? Што прымушае рэжым мераць прыбытак “чамаданамі грошай”, і ці не час Еўропе перагледзець сваю палітыку адносна Лукашэнкі? На гэтыя ды іншыя пытанні ў эфіры Еўрарадыё адказвае прадстаўнік ініцыятывы BELPOL Уладзімір Жыгар.
Ці з'есць Трамп торт — Еўразум за 9 красавіка | Новости Беларуси за 9 апреля by Euroradio
Напрыканцы сакавіка ў Еўрапарламенце прайшла канферэнцыя імя Міколы Статкевіча, на якую прыехалі прадстаўнікі Беларусі: ад нядаўна вызваленых і дэпартаваных з Беларусі палітвязняў да добраахвотнікаў і палітычных актывістаў. І калі пераважная большасць удзельнікаў галоўным у сваіх выступленнях зрабіла крытыку Офіса Ціханоўскай, Аб’яднанага пераходнага кабінета ды іншых “праофісных”, на іх думку, структур дэмсіл, то добраахвотнік Аляксандр “Лахвіч” Наўковіч сваё выступленне прысвяціў тэме інтэрвенцыі Расіі ў Беларусі і пагрозам, з гэтым звязаным.
Што ён канкрэтна мае на ўвазе, калі гаворыць пра расійскую інтэрвенцыю ў Беларусі, і ў чым бачыць праявы гэтай інтэрвенцыі? Ці магчыма стварэнне сіл супраціву гэтай інтэрвенцыі, і на тэрыторыі якіх краін? Чаму беларусы не запісваюцца масава ў добраахвотнікі, нават на курсы самаабароны, і што будзе, калі Захад пойдзе на замірэнне з рэжымам Лукашэнкі? На гэтыя ды іншыя пытанні ў эфіры Еўрарадыё адказвае добраахвотнік, блогер, сябра Каардынацыйнай рады ад фракцыі “Незалежныя беларусы” Аляксандр “Лахвіч” Наўковіч.
Адным з галоўных поспехаў Каардынацыйнай рады трэцяга склікання называюць дзейнасць на міжнароднай “арэне”. Да прыкладу, праца дэлегацыі КР у ПАРЕ. Што праўда, звычайныя людзі з дыяспары ўсё адно сумняваюцца, што гэты “міжнародны трэк” дэлегатаў КР неяк уплывае на іх жыццё і дапамагае вырашаць штодзённыя праблемы. А такія настроі фарміруюць як стаўленне да самой гэтай структуры, якую нехта называе протапарламентам, так і да ўдзелу ў галасаванні на выбарах у Каардынацыйную раду.
Якімі поспехамі можа пахваліцца міжнародная камісія КР і як гэта ўплывае на жыццё звычайных беларусаў — як за мяжой, так і ў Беларусі? Як на стаўленне да КР і іншых структур дэмсіл уплываюць тыя скандалы і канфлікты, якія ў дэмасяродку адбываюцца? Ці варта спадзявацца, што абноўлены склад КР верне гэтай структуры давер беларусаў, і чым сёння жывуць Народныя амбасады? На гэтыя ды іншыя пытанні ў эфіры Еўрарадыё адказвае кіраўніца міжнароднай камісіі Каардынацыйнай рады, актывістка беларускай дыяспары Славеніі Аляксандра Мамаева.
“Блок Пракоп’ева-Ягорава”, ці, як ён пазней стаў называцца, “Фракцыя Беларусы” (альбо проста “Блок” — нават мы ўжо заблыталіся), быў апазіцыяй да кіруючай кааліцыі ў Каардынацыйнай радзе трэцяга склікання. Адным з галоўных дасягненняў гэтага Блока-Фракцыі стала арганізацыя слуханняў у КР справаздачы Святланы Ціханоўскай. Здарылася гэта напрыканцы кадэнцыі КР-3. Пасля чаго “Блок” выйшаў з КР поўным складам. І неўзабаве заявіў, што браць удзел у выбарах КР-4 не будзе. Бо не бачыць у гэтым (ці ў самой КР?) сэнсу…
Чаму не атрымалася выканаць сваю “перадвыбарчую праграму”, і ці толькі Латушка ў гэтым вінаваты? Ці магчымае далейшае функцыянаванне КР без яе рэфармавання, і якой гэтая рэформа павінна быць? Чаму вырашылі не балаціравацца ў КР чацвёртага склікання, і ці сапраўды вынік выбараў ужо прадвызначаны? На гэтыя ды іншыя пытанні ў эфіры Еўрарадыё адказвае беларускі палітычны аналітык, метадолаг і былы сябра Каардынацыйнай рады Андрэй Ягораў.
9 красавіка ў эфіры Еўрарадыё — музыкант, акцёр тэатра і кіно, кіроўца аўтобуса ў Лондане Аляксей Шадзько.
Самае каштоўнае, што сёння можа здабыць чалавек — рабіць тое, што яму падабаецца, ад чаго ён атрымлівае задавальненне. Арыентавацца не на тое, каб спадабацца некаму іншаму, а каб зробленае табой найперш выклікала станоўчыя эмоцыі і падабалася табе самому. Пра што б размова не ішла: напісаныя музыка і вершы, роля ў кіно ці на сцэне тэатра, альбо праца кіроўцам аўтобуса. І трэба пазбягаць агрэсіі ў паводзінах і не шукаць ворагаў — гэтага і без нашых пошукаў наўкол хапае. Бо толькі любоў выратуе свет і нас разам з ім, перакананы Аляксей Шадзько.
Пра тое, чаму не “прыжыўся” на сцэне як беларускага, так і расійскага тэатра, чаму так важна захоўваць гонар і годнасць, ці гатовы вярнуцца на Радзіму, і пры якіх умовах, мы і разважаем у праграме “Ідэя Х” з Аляксеем Шадзько.
Ці варта адкрываць ІП у Беларусі — Еўразум за 8 красавіка | Новости Беларуси за 8 апреля by Euroradio
8 красавіка падчас адкрыцця новай паліклінікі Аляксандр Лукашэнка звярнуўся да беларусаў, якія з’ехалі: маўляў, пасядзіце яшчэ трохі там, а потым мы вас вернем, калі знойдзеце працу. Але ці варта давяраць такім заклікам? Што чакае людзей пасля вяртання — у сітуацыі, калі многія з палітычнай гісторыяй не могуць працаўладкавацца на Радзіме ўжо сёння, а за адсутнасць працы пры гэтым караюць? І дзе мяжа бяспекі, калі нават шанаванне беларускіх традыцый і беларускія святы, накшталт гукання вясны, рэжым расцэньвае як злачынства.
Таксама абмяркуем праблемы беларусаў за мяжой: паведамленні пра ануляванне пашпартоў, рызыкі паездак у Турцыю і падазроныя кантакты, якія могуць быць правакацыямі.
Да таго ж пагаворым пра выбары ў Каардынацыйную раду: ці сапраўды цікавасць да яе падае, і што гэта значыць. Пра гэта і не толькі слухайце ў размове з юрыстам Алесем Міхалевічам.
За тры гадзіны да заканчэння “ўльтыматуму Трампа” ЗША і Іран пры пасярэдніцтве Пакістана дамовіліся пра спыненне агню на два тыдні. Гэтае двухтыднёвае перамір’е з адкрыццём Армузскага праліва Трамп назваў “поўнай і абсалютнай перамогай ЗША”. Тэгеран таксама згодны на перамір’е, заявіўшы пра “вялікую перамогу над ЗША”. Перамогу, якая змусіла Вашынгтон прыняць іранскі план з 10 пунктаў наконт поўнага заканчэння вайны. Ну а ў беларускіх дэмсілах заявілі аб поўным завяршэнні рэгістрацыі спісаў удзельнікаў у выбарах у Каардынацыйную раду.
Перамогай ці паражэннем стала для Трампа аперацыя ў Іране, і ці варта разлічваць на завяршэнне баявых дзеянняў у рэгіёне? Хто па выніку выйграў, а хто прайграў ад вайны, і ці атрымалася ў Лукашэнкі скарыстацца сітуацыяй з вайной? Чым цікавыя сёлетнія выбары ў Каардынацыйную раду, і ці сапраўды рэжым гатовы дазволіць вяртанне ў Беларусь сваіх праціўнікаў з вымушанай эміграцыі? На гэтыя ды іншыя пытанні ў жывым эфіры Еўрарадыё адказвае палітычны аглядальнік Віталь Цыганкоў.
Пакуль у Міжнародным крымінальным судзе збіраюць доказы злачынстваў рэжыму Лукашэнкі, каб па выніку прымаць рашэнне аб тым, ці будуць выдадзены ордэры на арышт і супраць каго, Лукашэнка робіць усё магчымае, каб той ордэр быў выдадзены на яго імя. Мала таго, што рэжым здзяйсняе транспамежныя злачынствы і спрыяе атрыманню беларускімі прадпрыемствамі расійскіх ваенных заказаў, дык яшчэ і нібыта плануецца размясціць на тэрыторыі Беларусі аператараў расійскіх дронаў. А можа, і не толькі аператараў. У гэты час дэмсілы спрачаюцца адносна мэтазгоднасці выбараў у Каардынацыйную раду. І аналізуюць пагрозы, звязаныя з новымі звесткамі пра лёс Мельнікавай.
Ці лічыць доказам таго, што “Мельнікава пасля падману КР і крадзяжу грошай жыве сваё лепшае жыццё ў Беларусі”, тое, што яна нібыта набыла дзве кватэры ў Мінску, і хто за дзеянні Мельнікавай мусіць несці адказнасць? Што азначае адмова знакавых гульцоў браць удзел у выбарах у КР, і ці патрэбна гэтаму органу “перафармаціраванне”? Чым небяспечныя расійскія дронаводы ў Беларусі, і ці сапраўды Лукашэнка рыхтуе беларусаў да вайны? Пра гэта і шмат што іншае мы і разважаем у жывым эфіры Еўрарадыё з кіраўніком Народнага антыкрызіснага ўпраўлення, намеснікам кіраўніцы Аб’яднанага пераходнага кабінета, сябрам Каардынацыйнай рады Паўлам Латушкам.
На выбары ў Каардынацыйную раду зарэгістравалі 9 спісаў, агулам на 80 месцаў прэтэндуе 174 чалавекі. Пры тым, што шэраг фракцый з КР-3 адмовіліся браць удзел у выбарах, а яшчэ частка знакавых асоб, найперш з ліку нядаўна дэпартаваных з Беларусі палітвязняў, не выказала цікавасці да КР. І гэта без уліку палітыкаў і актывістаў, якія ад пачатку ігнаравалі і КР, і любыя іншыя структуры дэмсіл. Што праўда, кейс Мельнікавай, сітуацыя з Карпушонак, выхад з КР (часам са скандалам) часткі дэлегатаў жадання далучацца да працы гэтай інстытуцыі не дадавалі…
Чаму “Вольная Беларусь” так і не наважылася праверыць свае сілы на выбарах у КР і як удзел у гэтых выбарах уплывае на імідж палітыкаў? Што Каардынацыйная рада ўяўляе з сябе сёння, і пры чым тут “кейс Мельнікавай”? Чым небяспечныя пошукі ворагаў паўсюль, і ці магчыма захаваць адзінства дэмакратычнай супольнасці? Пра гэта і шмат што іншае мы і разважаем у жывым эфіры Еўрарадыё з сябрам “Вольнай Беларусі”, кіраўніком варшаўскага Цэнтра палітычнага аналізу і прагнозу Паўлам Усавым.
Download from Google Play
Download from App Store
United States
соловей, но молодой.
Все что показал Пазьняк, это уровень своего маразма. К сожалению.
Пустой пиздун - задушевник. Весь выпуск набор напыщенных фраз с нулевым смыслом.
у путена попросить помощи .... ой , ля , нечего дальше слушать.
Ладна, справядліва, што адказы былі і лепшыя, але праз самапавагі павагу да тэмы, я ўсё ж пакіну першапачатковы варыянт, што занадта вялікі для ютуба. Хай будзе, тэма - гонар! Беларуская нацыянальная ідэя, выключна на мой погляд, гэта дадзеная магчымасць, а каб не надавацца ў крайнасці, гэта магчымасць сёння для мяне і каханага мной чалавека, для вас і гледачоў, сялян і інтэлігенцыі, праваслаўнаму і каталіку, пісьменніку і таварышу маёру самому лічыць для сябе Беларуссю кожнаму сваё, гэта магчымасць для мяне марыць аб будучыні, каб не падвесці папярэднікаў, для кагосьці біцца ў сучасным дні за заўтрашні, гартуючы сэрца ў барацьбе ад самога ўчорашняга, для гісторыкаў спрачацца аб мінуўшчыне дзеля выключна нашае ды залежачае выключна ад нас будучыні; гэта магчымасць самому уяўляць сябе сваю Беларусь, гэта магчымасць марыць аб парламентскай рэспубліцы для палітыкаў, аб моцнай руцэ для чыноўнікаў, аб канстытуцыйнай манархіі для чалавека будучыні, аб нязбытным ідэалу для творцы, аб кутку н
Будаваць дарагу будзе сябр Пуціна?