Claim Ownership

Author:

Subscribed: 0Played: 0
Share

Description

 Episodes
Reverse
Harin jirgin kasan Abuja zuwa Kaduna na ranar 28 ga Maris ya rutsa da mata 18 ciki harda masu ciki. Wadansu matan sun haihu a cikin daji a hannun maharan, sannan sun sako wata mai cikin da ke sa ran haihuwa ko yau ko gobe.Mai cikin da ta kubuta tayi mana bayanin yadda ta rayu a hannun maharan, ta kuma bayyana mana bukatar maharan.  
Zuwa yanzu ya fara zama zahiri a idanun duniya cewa Najeriya ta fada cikin taskun rashin tsaro da kullum yake mata barazanar cigaba da kasancewar ta kasa dunkulalliya mai shugabancin da ake yi wa biyayya. Tuni dai kasar ta ayyana kungiyoyin yan bindiga guda biyar a matsayin 'yan ta'adda. Hudu daga cikinsu a Arewacin kasar daya a Kudancin ta. To ko ta wadanne hanyoyi 'yan kasar za su hada kai da gwamnati domin ceto kansu da kasar su? Ayi sauraro lafiya. 
Bara daya ce daga cikin batutuwan da ke ci wa yawancin jama’a tuwo a kwarya, musamman wanda kananan yaran da ake turowa birni karatun allo suke yi.Shin yaya matsayin bara da mabarata a addinin Musulunci?Shirin Najeriya A Yau na wannan lokaci ya binciko wadanda aka yarda su yi bara da wadanda bai dace su yi  ba.
kawo yanzu dai kasuwar daliget ne ke ci a kasuwar siyasar  Najeriya, saboda karatowar zabukan fidda gwani a jamiyyun siyasar kasar.To sai dai kuma hankali ya koma kan gyaran da sabuwar dokar zabe ta yi kan wane ne daliget a zaben fidda wakilan da zasu wakilci jam'iyyun siyasa a zaben badi.Muna tafe da karin bayani kan dokar da ta tan-tan ce wane ne daliget da kuma fashin bakin cukumurdar da ta dabaibaye zabukan fidda gwanin da ake kokarin shiryawa. 
A ci gaba da murnar cika shekara daya da fara podcast din Aminiya, mun tuntubi abokan huldanrmu na ciki da wajen Najeriya domin jin yadda ta kasance a tsakaninmu da su kawo yanzu.Sun bayyana ra’ayinsu dangane da shirye-shiryenmu da kuma abin da suke fata mu inganta.
Yau rediyon Aminiya ta intanet ke cika shekara guda da fara yada shirye-shiyensa.Daga ranar 19 ga watan Mayun 2021 da muka faro zuwa yau, mun wallafa shirin Najeriya A Yau sau 171 da kuma shirin Daga Laraba guda 53.Shirin namu na yau ya yi waiwaye ne kan yadda muka faro da kuma ra’ayoyin wadansu masu sauraro kan shirye-shiryen mu.
Manoman da 'yan bindiga suka kora daga gidajensu na fama da zullumin yadda rayuwarsu zata kasance sakamakon rashin iya wata sana'a bayan noma; wanda a yanzu kuma babu halin yi. Wace barazana ke fuskantar Najeriya  a sakamakon rashin samun wadataccen noma da za a yi?
Mene ne kundin tsarin mulkin Najeriya ya ce kan wanda aka fusata shi ya dauki doka a hannunsa?Tun bayan abin da ya faru na zargin batanci ga Annabi Muhammad (SAW) a Sakkwato da daukar matakin da matasan Musulmi suka yi na halaka wacce ta yi batancin nan take, jama’a ke ta musayar ra’ayi kan matsayin shari’a kan wannan batu.Wakilinmu a Jihar Sakkwato ya fada mana halin da jihar ke ciki, mun kuma ji ta bakin wani mai fashin baki kan dokokin kasa kan abin da ya faru.
Shin akwai lokacin da zababbun shugabanni a Najeriya za su sauka daga kujerunsu idan suna son tsayawa takarar zabe?Kawo yanzu dai, dokar zaben da Shugaba Muhammadu Buhari ya sanya wa hannu a watan Fabrairu ta wajabta mishi sauke ’yan fadarsa masu niyyar shiga zabe.Shin wane tasiri wannan sauyi da sabuwar dokar zai yi ga dimokuradiyyar kasar?Wadannan da ma wasu batutuwan da suka shafi dokar zaben Najeriya ne batun da shirin namu ya mayar da hankali a kai. A yi sauraro lafiya.
Tunda daliban Jami'oi mallakar Gwamnatin Tarayya da na jihohi suka dawo gida sakamakon yajin aikin ASUU,  masu nazari suka shiga bibiyar kalubalen da zaman wadan nan dalibai zai janyowa Najeriya.Shin wane hali yajin aikin ASUU ya jefa daliban kuma wane tasiri hakan zai yi a kan kasar?
Alamu sun fara nuna yadda sauyin yanayi zai shafi daminar bana, bayan hasashen hukumomin Najeriya suka yi kan ruwan sama da kuma katsewarsa a farkon daminar. Ana ciki haka sai ga wata guguwa mai karfin gaske da ta shafi jihohin  Adamawa da Katsina a makon jiya.Mun tattauna da Hukumar lura da yanayi ta Najeriya da kuma masanin kimiyyar noma domin jin yadda za a tunkari wadannan kalubalenen. 
Tun bayan bayyana kudin fom din takarar jam’iyyar APC ’yan Najeriya suke zura ido domin ganin wadanda za su saya.Rahotanni sun bayyana cewa kudaden da jam’iyyar ta tara kawo yanzu, sun sa yawancin ’yan Najeriya sun saki baki saboda mamaki, lura da yadda APC din take yawan ambatar yaki da cin hanci.’Yan Najeriya da masu sharhi sun bayyana wa shirin Najeriya A Yau  irin kallon da suke yi wa jam’iyyar, da kuma makomar matakin jam’iyyar na sayar da fom din takararta a kan farashin da ya zarce na sauran jam’iyyu.
A lokacin da watan Ramadan ya taho karewa, ta wace hanya za a kammala ibadun da suka rage domin neman yardar Allah?Wane ne ya kamata ya fitar da Zakkar Kono da ake bayarwa a karshen azumin Ramadan, yaya ake fitarwa kuma me ake yi?Malamai sun yi wa shirin Najeriya A Yau gamsasshen bayanai kan wannan batu da kuma sauran ibadun da ake so Musulmi ya gabatar a watan Karamar Sallah. A yi sauraro lafiya.
Kwana 30 da harin Jirgin Kasan Kaduna zuwa Abuja da ya yi sanadiyyar satar mutane da dama, Hukumar DSS ta yi hasashen sabbin hare-hare a wuraren ibada da na shakatawa.wane shiri gwamanti da limamai da fastoci ke yi da samun wannan labari daga hukumar DSS?
Batun yawon bara da almajirai ke yi a birane da ƙauyuka domin neman abinci da sutura ya ɗauki hankalin mutane a Najeriya. Wai shin bara wani yanki ne na karatun Allo ko kuma saɗaɗowa al'adar ta yi har aka wayi gari ba a iya raba karatun Allo da yawon bara?Yaushe aka fara yawon bara a tsarin karatun Allo?Shin kuskure ne ko kuma daidai ne?Shirin Najeriya A Yau na wannan lokaci na tafe da amsoshin waɗannan tambayoyi dama ƙarin bayani. 
Daga shekarar 2015 zuwa 2022 jiragen Sojan Najeriya 11 sunyi hatsari, wanda sanadiyyar wannan hatsari anyi asarar rayuka da dukiya mai yawan gaske.ko mene ne ke sa jiragen sojan Najeriya yawan faduwa, in ya fado wace irin asara ake tafkawa, shin an kamo hanyar gyara kuwa?Akwai amsoshin wadannan da ma wadansu tambayoyin a shirin namu na yau.
Musulmin duniya baki daya na hankoron dacewa da falalar kwanaki goman karshe na watan azumin Ramadan.Sanin cewa a cikin wadannan kwanaki goma na karshen Ramadan ake riskan daren “Lailatul Kadari”, kirdadon wannan dare na sa Musulmin dagewa da ayyukan ibada.Wadanne ibadu aka fi son a yawaita a wadannan kwanaki masu alfarma?
Kudin takardun takarar babban zaben 2023 ya ninku akalla sau biyu a kan na zaben 2019.Daga Jam’iyyar APC mai mulki zuwa babbar jam'iyyar adawa ta PDP har da sabuwar jam'iyyar NNPP, abin samma-kal.Mene ne dalili Ko me ya sa hakan faruwa?Shirin Najeriya A Yau na wannan lokaci na tafe da karin bayani
Bayan shekara 38 da barin duniya, ’yan Najeriya na ci gaba da tunawa da Malam Aminu Kano a bangarori da dama.Jama’a da dama na kallon Malam Aminu Kano a matsayin wanda ya sauya akalar siyasar Najeriya ta hanyar zama mutum na farko da ya zabi zabi mace a matsayin ’yar takararsa ta mataimakin shugaban kasa.Shin kawo yanzu, burin Malam din na ganin an dama da kowa da kowa a fagen siyasa ya cika  kuwa?
Yafe wa tsohon Gwamnan Taraba Jolly Nyame da na Filato Joshua Dariye ya janyo ce-ce-ku-ce a tsakanin ’yan Najeriya.Abin da da dama ke kallo shi ne irin kudaden da wadannan bayin Allah suka salwantar a lokacin da suke kan karagar mulki.Mene ne abin da doka ta ce danagne da yafe wa wanda ya zalunci al’umma da dama? 
Comments 
Download from Google Play
Download from App Store