DiscoverBündnertalk
Bündnertalk

Bündnertalk

Author: Ramon Heeb

Subscribed: 2Played: 2
Share

Description

Bündnertalk – Ehrlich, spontan und mit Härz.


Ächti Gspröch ohni Skript. I, dr Ramon Heeb, träffa spannendi Menscha us Graubünda und vo wiiter wäg. Miar reden über ds Läba, Freud, Arbet, verruckti Idea und alles, was grad so passiert, genau so, wia’s im ächta Läba isch: nit perfekt, aber ächt. Immer patschifig und garantiert nia langwilig!


Mängi Episoda laufand noch ama kliina Ritual: Zerscht gits a Entweder-oder-Frog an da Gast, dänn törf dr Gast a Frog zrugg an mi stella, und zum Schluss wählt är a Zahl, wo a Frog us minera Lischta uftuat, ganz ohni Vorwarnig. Und dänn gits Episoda, wo miar vo Afang a über ai Thema reden, wo da Gast würkli beschäftigt. Beidi Mol gältet s Gliicha: ächt, ohni Skript und ohni Probelauf.


20 bis 40 Minuta, jedi zweiti Wucha am Donnstig am 5i am Morga.


Folg miar uf Instagram @buendnertalk. Schick miar dini Idee für mini Frogalischta, säg miar, wän du gera mol ghöra wötsch, oder mäld di selber, wenn du Luscht uf as Gspröch hesch. I läsa alli Nochrichta und antworta sälber.


Alli Episoda uf buendnertalk.ch


Bündnertalk, au gschriba Bündner Talk, isch dr Podcast us Graubünden, ufgnoh in Chur.


23 Episodes
Reverse
Dr Valerie isch zum zweita Mol do und miar fangand liacht a: Entweder Social Media oder Stand-up, Kaffi oder Tee, und a chli Gstürm über Zucker im Kaffi. Nocher chunnt d Zahl 7 und damit d Frag nach da Vorurteil. Dr Valerie verzellt, wia sini Frau us ra SVP-Familie chunnt und wia sini eigana Erwartiga do nit ufganga sind. Mir redand über da Spruch “ich bin eina vo da Guata”, über Momänt uf ama Spielplatz, wo plötzli s N-Wort ghait, und über ds Gspröch mit ra Lehrperson, wo ganz anderscht glofa isch, als as hätti sölla. As goht um sini zwei Kinder, wo für ihn Mischling sind und für alli andera schwarz. Um Glauba und drum, wia das zämapasst mit da Forderig, dass Lüt sölland verschwinda. Um Integration und drum, dass si für sini Muater nia so eifach gsi isch wia für ihn. Und um ds Sparkonto, wo bi da einta sälbstverständlich isch und bi da andera gar nia existiart het. I verzell au, wia i als Schwiizer in dr Sekundarschual jeda Tag ghört ha, dass i an schiss Schwiizer bin, und was das mit miar gmacht het. Am Schluss bliibt s Gliicha stoh: Vorurteil sind Schwachsinn. Was isch dis Vorurteil gsi, wo du abglait hesch? Schriib mirs in d Kommentär oder uf Insta. Hesch a Idee für mini 80er-Frogalischta, kennsch an spannenda Gascht oder wotsch selber mol ufnäh? Schriib miar uf Instagram: @buendnertalk Meh uf: buendnertalk.ch Wenn dr d Folg gfalla het: bitte abonniara und a Bewertig doloh. Das hilft meh, als ma maint. Werbig: Wechslisch gad s Handyabo? Do gohts zum yallo Agebot Alli Agebot: buendnertalk.ch/partner
I dera Episoda isch dr Thaddl, z Gast. Mir redand über d Angst vorm Versaga und wia si sich zeigt: mol as Lähmig, mol as Perfektionismus, wo ma sich i da Details verlürt. Dr Thaddl verzellt, dass er ez öppis macht, wo er vorhär nia gmacht het, und wia vill Freud do trotz allem drinn steckt. Denn chunnt ds Szenario: dis Hus brennt, drü Sacha dörfsch mitnäh. Vo dört uus landan mir bim Handyverlust nach am Wanderunfall vo Episoda 7 und bi dr Frog, wia ma eigentlich wiedr a sini Bank, sini Mails und sis ganz digitala Läba dra chunnt, wenn ds Handy für d Verifizierig weg isch. Wenn du do a bessri Lösig hesch: schrib si mir id Kommentär oder uf Instagram. Bi dr Frog Nummera 79 gahts denn ums Zwischamenschlicha. Spürt ma Chemie i da erschta Sekunda oder entstoht si erst mit dr Ziit? Dr Thaddl erklärt, warum jeda Mensch in Schublada dänkt, was ds Limbische System damit z tua het, und warum dr erscht Idruck sich scho nach am erschta Satz komplett chan ändera. Am Schluss stoht sin Appell: mach diar bewusst, dass du sortiersch, und gib da Lüt a zweiti Chance. Ds Experiment bis zur nächsta Episoda: gang uf öppar zua, wo du suscht nid aagschprocha hättsch. Hesch a Idee für mini 80er-Frogalischta, kennsch an spannenda Gascht oder wotsch selber mol ufnäh? Schriib miar uf Instagram: @buendnertalk Meh uf: buendnertalk.ch Wenn dr d Folg gfalla het: bitte abonniara und a Bewertig doloh. Das hilft meh, als ma maint. Werbig: Wechslisch gad s Handyabo? Do gohts zum yallo Agebot Alli Agebot: buendnertalk.ch/partner
Dasmol ganz anders: kei Gast, kei Studio, nur i, a Liegestual und ds Meer i dr Toskana. Noch gfüahlta zwei Minuta Nüt tua han i scho wieder zum Handy griffa. Wiso fallt’s üs eigentlich so schwär, eifach mol z sii? I verzell, wiso miar üs so schnell über Leistig definierand, wiso di erscht Frog meistens “Was machsch so?” isch und wiso miar immer und überall erreichbar sii wönd. I dänk zrugg a mini Kindheit, wo Langwiil no ganz normal gsi isch, und frog mi, wo d Grenz zwüscha Erholig und Prokrastination liggt. Und zum Schluss gits a Minuta nüt usser Meerrauscha. Wenn hesch du s letscht Mol würkli nüt gmacht? Schriib mir’s id Kommentär oder uf Instagram. Hesch a Idee für mini 80er-Frogalischta, kennsch an spannenda Gascht oder wotsch selber mol ufnäh? Schriib miar uf Instagram: @buendnertalk Meh uf: buendnertalk.ch Wenn dr d Folg gfalla het: bitte abonniara und a Bewertig doloh. Das hilft meh, als ma maint. Werbig: Wechslisch gad s Handyabo? Do gohts zum yallo Agebot Alli Agebot: buendnertalk.ch/partner
D Barbara isch 91 und het meh Liachtigkeit als di meista mit 30. Ufgwachsa z Pany im Prättigau, sächs Gschwüsterti und a Muatter wo nia gnuag Zit gha het. Mit 16 isch si furt vo dahai, spöter ei Johr Cambridge, ei Johr Paris, mitm Traum vo ra Hotelrezeption in Davos und mit Mönschaangst im Gepäck. “Dia Prättigauer chömmand nit druus”, het ma z Chur gsait, und irgandwenn het sis sälber glaubt. Hüt seid si: Ich lah mi vo niamaram meh verbüga. Miar redand über Muat und drüber, wia oft mas im Läba verpasst, öppis z säga. Über ihri Muatter, an dia si no jeda Tag denkt. Über Träum wo ganz andersch cho sind. Über Fründschafta und warum si hüt vill genauer uswählt, mit wem si ihri Zit verbringt. Über ihra Glauba, wo ihra Ruah git. Und über ihras Lebensmotto: trotzdem. Mitam beschta Stress-Tipp gratis dazua. Hesch a Idee für mini 80er-Frogalischta, kennsch an spannenda Gascht oder wotsch selber mol ufnäh? Schriib miar uf Instagram: @buendnertalk Meh uf: buendnertalk.ch Wenn dr d Folg gfalla het: bitte abonniara und a Bewertig doloh. Das hilft meh, als ma maint. Werbig: Wechslisch gad s Handyabo? Do gohts zum yallo Agebot Alli Agebot: buendnertalk.ch/partner
Dr Ahmed Ezaldin chunt us am Sudan und läbt sit füf Johr indr Schwiiz. Mir redan über ds Akoh, über sin erschta Winter, wo er fascht nur dahai gsi isch, und über das, was ihm hüt no fremd vorchunt a üs. Er verzellt, wia bi ihm dahai dr Nochbuur eifach ungfrogt dur d Tür inachunt, jeda Tag, und was as bedütet, wenn er plötzlich füf Täg nüm chunt. Mir reden über Gaschtfründschaft, wo vill meh isch als a Iiladig, über Hochzita mit über tuusig Lüüt und über Tee am Sächsi am Morga. Und mir frogand üs: Warum brucht’s bi üs so viil Muat, um öpper Frömds ahzquatscha, und dass as im Sudan ganz normal isch. A Episode über Nöchi, über Distanz und über das, was ma vermisst, wenn ma wiit wäg isch. Hesch a Idee für mini 80er-Frogalischta, kennsch an spannenda Gascht oder wotsch selber mol ufnäh? Schriib miar uf Instagram: @buendnertalk Meh uf: buendnertalk.ch Wenn dr d Folg gfalla het: bitte abonniara und a Bewertig doloh. Das hilft meh, als ma maint. Werbig: Wechslisch gad s Handyabo? Do gohts zum yallo Agebot Alli Agebot: buendnertalk.ch/partner
loading
Comments