Discoveroder au nid.
oder au nid.
Claim Ownership

oder au nid.

Author: Eva Gaudenz

Subscribed: 1Played: 24
Share

Description

Ziemlich planlos und bitzli chaotisch, dafür aber 100% ehrlich und aifach ungschnitta - willkomma uf mim podacst!🥳
Vo Nochhaltigkeit bis Yoga-Rant hets alles mit dabii: I labera und du kasch miar dabi zualosa - oder au nid 🤷‍♀️👼
31 Episodes
Reverse
Hoii iar allerliabschta menscha! hender mi vermisst? i eu scho, und drum gits hüt a neui folg "oder au nid.". Redemer doch mol drüber wia's üs im moment goht. Min Gmüatszuastand isch grad a riesa grossi Achterbahn und i verzell eu hüt gern mol bitzli vo mina Struggles und was mr in letschter Ziit alles so guat tua het. 💜🥰Fühlt euch gedrückt! 😘
Hello, it's me 🙃 S'isch bitzli länger här sit dr letschta Folg, hüt verzelli eu wieso.the bad news: es wird in zuakunft bitzli weniger "oder au nid." geh.the good news: es wird dafür umso meh "glichzitig" geh; en feministischa podcast, woni mit nara guata fründin und ma feina drink jedi wucha anahocka und für eu wiiterplaudera. losend mol drii; i versprech eu, iar werdend nid enttüüscht sii 💜talk to you soon (oder au nid 🙈) und schick eu gaaanz viel liebi! 😘
Bitte sägend miar, dassi nid di einzig bin, wo im ÖV aifach uf ihres Handy starrt statt ind Wiiti. Grad nochem Ufwacha griffi scho noch mim Handy, sogar bim Zähputza luagi oft YouTube Videos, und natürlich kann au ii (wia glaub alli andera Menscha au nid) nidamol ufs WC ohni dassi uf Instagram scrolla. Du au? Denn los gern mol in dia Folg ina – oder au nid 🤷🏼‍♀️🥰Und, was hesch du grad noch/oder während dera Folg BEWUSST gmacht? Schriibs mr gern uf: 0775050545. Übrigens: uf dera Nummera könnder miar au gern via TWINT Trinkgeld schicka, falls eu dia Folg, oder min Podcast gfallt – oder au nid 🥰, 1.-, 5.- oder 20.-, de Betrag isch ganz diar überloh und isch natürlich absolut freiwillig! Mit oder ohni Geld: han eu liab und danka für eura Support! 💓💓
Episoda 25! Whoooooo 🥳. I han mr in letschter Ziit oft Gedanka drüber gmacht, wiani min Podcast so gstalta kann, dassi nochhaltig Freud drah han und z'gfühl han "es lohnt sich". Nai, i möcht nid riich werda mit mim Podcast, aber s'wär schön wenn wenigstens d'Kösta deckt wärend 🙈. Neu könnder miar drum en Betrag twinta, wenner gern möchtend: 0775050545. Öb 1.-, 5.- oder 50.-, jeda no so klinsti Betrag treit dazua bii, dassi de Podcast no ganz lang wiitermacha kann/werda. Wieso i mi für das Podcast-Handy entschieda han und wasi susch no so alles damit vorhan, erfahrender i mim hütiga Podacst – oder au nid 🥰
I werda das Johr 27, schaffa vollziit und han mini eigeni Wohnig: i bin also ganz klar erwachsa, oder au nid? I reda in dem Podcast mol drüber; was Erwachsa sii eigentlich bedütet, was für Definitiona iar so hend, und wieso i mi würkli erwachsa fühla, oder wieso i mi eba nid erwachsa fühla. Es goht um de Druck, Karriera macha z'müassa, umd Gorifizierig vo Erfolg in üsera Generation und drum wieso i so wahnsinnig Müah damit han, dass mr so a sich selbst-hypendi Generation sind 😝. Losend doch mol drii – oder au nid 🥰
Was machi eigentlich so, wenns mr mol nid so guat goht, und was für Alltagspraktika beiflussend mini Stimmig positiv? I verzell eu hüt mol, wasi so vo Yoga halta, wieso i gern min Hushalt macha und was miar amel hilft, wenn mol gar nüt meh goht!Wichtig: falls du gar kein Uswäg meh gsehsch oder duurhaft am struggla bisch – trau di und hol diar hilf. Du muasch nid allai mit allem fertig werda 💜Hilfriichi Ahlaufstella:Dargebotene Hand: 143Pro Juventute: 147Hotline bei Angststörung & Panik: 048801109Hotline Pro Mente Sana: 0848800858Plattform für psychische Gesundheit rund um Corona: dureschnufe.ch
Happy new Year, not so happy old me! Hüt mol bitz persönlicher und nid so happy wia susch, dafür aber genau so verwirrt wia immer. 🙃Zwüscha Johresvorsätz, Corona-Ahschiss und Läbenskrisa: danka fürs Zualosa und sorry falls i eu zuasätzlich deprimiara (ab Minuta 15 wirds bitzli fröhlicher) 💜😘
Wohoo, nomol so en Johrensrückblick 😅. Was het sich in dem Kanada-Johr eich so verändert bi miar, und hani's gschafft zum de kanadischi Vibe mit uf Züri z'neh? I reda bitzli über mis 2020, was i so für Erkenntnis gmacht han in dem Pausa-Johr und wieso's imfall würkli nid schlimm isch, wenn miar nid jedes Johr 200 Läbensziel erreichend und üs komplett neu erfindend. Graduslaufa statt de Berg duruf; isch imfall au schön 💖Und es grosses DANKE fürs driilosa, danke für eura Support, danke dasser mi vo Anfang ah mit miner Podcast Idee unterstützt hend, danke dasser immer no do sind: soo viel Liebi für eu alli!! 🥰
Covid und z'Pflägsystem: isches würkli am Ahschlag? Wia gsehts im na schwiizer Spital so us, und wia isches eigentlich als Dipl. Intensivpflägfachfrau uf nara Corona Station z'schaffa? Hüt mit Special Guest Lea. Losend gern mol drii. P.S: ab Minuta 60 beantwortet Lea euri Froga, spualend also gern vor 🥰. P.P.S: au für mi ischs a absolut neui Situation gsi, a Gästin i mim Podcast z'ha. Entschuldigend drum di bitz schlechter Ton-Quali, und dass mr bitzli Ziit burcht hend zum üs finda am Afang 🙈Danke fürs Zualosa, danka an Lea, dass sie mit dabii gsi isch, und danka an alli wo sich täglich dafür iisetzend, z'Gsundheitssystem ufrecht z'erhalta ❤️
I'm baaaaack!! Zruck ind Schwiiz, zruck in Züri, zruck uf mim Podcast! ♥️Kliises Life Update gfälligst? Flüga während Corona, Abschied vo Kanada und wieder alles bim Alta in Züri? Plus: es paar vo eurna liaba Froga am Schluss. Los doch mol drii – oder au nid 🥰
Mindfulness, Meditation und Atemüabiga? Nützt de ganz Seich öpis? Wia verschwendet ma weniger Energie in Sacha, wo ma nid ändera kann. Und was machi so wenn's mr mol nid so guat goht? Haltend eu fescht, hüt wirds richtig deep, lol! Losend gern mol drii – oder au nid 🥰Du suachsch es Gsicht zu mim Podcast? Folg mr uf Instagram @evagaudenz 😘
Vor zwai Wucha hani mr Läder Schuah us China bstellt. OMG! Und gester hani 4 verschiedeni Gricht mit Fleisch g'essa. OOMMMGGG!! Und trotzdem würi mi als vegetarierin oder sogar als "plant based" bezeichna, und trotzdem bini absolut gäg fast fashion. Jo, nochhaltig läba isch nid ganz aifach, macht aber bitzli meh spass, wenn ma nid immer de Ahspruch het perfekt z'sii. ♻️🙃 Los doch mol drii – oder au nid 🥰. Und folg mr uf Instagram @evagaudenz – oder au nid 😉❤️
Es Füürzüg, wo so usgseht wia a kliini Pistola? Mega lustig fürd Fasnacht, nid so lustig zum Reisa, lol. I verzell nomol a bitzli usem Nähkästli (seitma das überhaupt uf Schwiizerdütsch😅?) und teil mit eu zwai wiiteri, ziemlich lustigi Reisgegschichta 🤗.Viel Spass bim zualosa – oder au nid 🥰P.S: folgend mr gern au uf Instagram: @evagaudenz ♥
Hender eigentlich au grad bitzli Fernweh? I nämli ganz fescht! Drum verzelli eu hüt es paar luschtigi, skurrili oder prägendi ereignis, wo mr während mina Reisa so passiert sind. Ratta usem Klo retta, läbenslangi Fründschafta, Autounfäll und gföhrlichi Wanderiga: los doch mol drii – oder au nid 🥰P.S: du suachsch es Gsicht zu miner Stimm? Folg mr gern uf Instagram: @evagaudenz.
Kömmer bitte mol alli ufhöra nur an üs selber z'denka und damit afoh üsi Privilegia z'erkenna und sie so iizsetza dass anderi, weniger privilegierteri Menscha au davo profitiara könnt? Gönd go wähla, spendend Geld, positionierend eu uf Social Media und/oder vor allem: Erkennemer doch aifach mol dass miar selber nid immer de fucking Mittelpunkt vo dera Welt sind. Danke, lol! Um das goht's hüt: es wird deep, und es isch mängmol bitzli ahstrengend, aber: sini Privilegia z'erkenna & dafür dankbar z'sii isch würkli sehr beriichernd! Also, los doch mol drii – oder au nid. 🥰Du suachsch es Gsicht zu mim Gelaber? Folg mr gern uf Instagram: @evagaudenz ♥️
Um was goht's do eigentlich? I han kein Plan, aber schön, dass du mit dabii bisch 😍!
Us dr comfort-zone usa, und in es neus Abentüür stürza? Veränderiga könnt wahnsinnig ahstrengend sii, sind miner Meinig noch aber au a super Beriicherig! Hüt redi drüber, wia sich mis Läba scho ganz bald wieder verändera wird, was i so macha zum guati Entscheidiga treffa und wieso s'sich mängol halt aifach lohnt, sis ganza Läba uf da Kopf z'stella 🤸.Los doch mol drii - oder au nid 🥰
Hello again! I meld mi zruck mit nara neua Folg. No bitzli planloser und chaotischer als susch, und wili z'fuul gsi bin und en hass uf mis handy kha han au ganz ohni Jingle oder Intromusik. Lifeupdate, Social Media Liabi und Hass und was mr susch während 40 Minuta grad so iigfalla isch 😅. Los doch mol drii - oder au nid! 💓
#11 Hormonfrei!

#11 Hormonfrei!

2020-06-2035:02

Hormonfreii Verhüatig und doch nid schwanger? Jo, das funktioniert tatsächlich! I reda hüt über de wiiblichi Zyklus, wieso i mi dazua entschieda han nüm hormonell z'verhüata und was das ganza Thema mit Selbstbestimmig & Vorurteil z'tua het. Los doch mol drii - #oderaunid 🥰P.S: Du suachsch es Gsicht zu miner Stimm? Uf Instagram findsch mi unter @evagaudenz
#10 Leistigsdruck

#10 Leistigsdruck

2020-06-0535:43

Fachfrau Gsundheit, Barista, Studentin, Foodbloggerin, Redakteurin... I han in mina 25 Johr scho einigi Jobs döffa macha. What's next? I han absolut kai Ahnig, und es isch absolut okay! 😌 In dera Podcast Folg goht's um Leistigsdruck; isch de in dr Schwiiz würkli so gross, oder setzemer üs selber unter Druck? Los doch mol drii - oder au nid 🥰P.S: Du suachsch as Gsicht zu miner Stimm? Uf Instagram findsch mi unter @evagaudenz
loading
Comments