Найзууд подкаст

"Гайхамшиг гэж байдаг бол түүнийг л хэлэх" байх гэж хэн нэгний ярихыг сонсож байсан уу. Хамтдаа хамгийн гэгээлэг ертөнцөөр аялцгаая.

"Монгол тэмээ" хүүхдийн тоглоом. Үндэсний өв соёл, монгол ахуйг илэрхийлсэн хүүхдийн эрүүл мэнд болон байгальд ээлтэй жинхэнэ эко тоглоомыг жирийн малчны хотноос хөдөлмөрч, уран авьяастай нэгэн бүсгүй бүх сэтгэл зүрхээ шингээн урлаж монгол орон даяар болоод дэлхийн хүүхэд бүхэнд зориулан бүтээж байна.

Хүүхэд насны мартагдашгүй дурсамж, номтой нөхөрлөсөн түүх, багын хүсэл мөрөөдөл хэрхэн биеллээ олж буй, зөв зам харгуй гэдэг хүнд олон сайхан боломжийг нээдэг, сайхан учрал тохиол бүхэн утга учиртай байдаг, сэтгэлдээ тээж явдаг бодол хүслээ бодит биелэл болгохын төлөө хичээнгүйлэн зүтгэх энэ бүхэн амьдралыг илүү өнгөлөг,  үнэ цэнтэй, утга учиртай болгодог.

Зөв алхам, зөв сонголт, зөв нөлөөлөл гэдэг хүний амьдралд хэчнээн чухал болох, хөдөлмөрч тууштай зан чанараараа үргэлж урагш тэмүүлж, хийж буй ажилдаа үнэн сэтгэлээсээ хандаж, бусдын итгэлийг дааж, өөрөөсөө сайхныг түгээж байдаг нэгэн гэгээлэг бүсгүйн сонирхолтой яриаг хуваалцаж байна.

Зөв алхам, зөв сонголт хийснээр хүн өөртөө ямар олон боломжийг нээж болох, хичээж буй хүнд урагш түлхэх дэмжих багш хамт олны дэмжлэг, урам зорилгодоо үргэлж тууштай байхад нөлөөлөх хүрээлэл хэчнээн чухал болох талаар сонирхолтой яриаг хуваалцаж байна. Магадгүй та эсвэл таны ойрын хэн нэгэн мэргэжил сонголт хийх гэж байгаа бол тус болно гэдэгт итгэлтэй байна.

Энэ оны анхны хүндэт зочин Yolo.mn сайтын өсвөрийн сэтгүүлч Б.Мишээл. Түүнээс жинхэнэ эрч хүч, өөртөө итгэх итгэл, хөдөлмөрч зан мэдрэгдэнэ. Хийж буй ажилдаа маш хариуцлагатай, нямбай няхуур, зарчимч дээрээс нь маш хөдөлмөрч хичээнгүй нэгэн гайхалтай бяцхан хатагтайн ертөнцөөр хамтдаа зочилцгооё.

Найзууд подкастын Аяллын хорхойтон булангийн шинэ дугаарт Улаанбаатар Интернэшнл сургуулийн ахлах тогооч, үүргэвчтэй аялагч Н.Отгонбаатар оролцож 2010 оноос эхлэн үүргэвчтэй аялал хийсэн туршлага, сургамж, адал явдал, аялж явахдаа өөрийн сонирхол хоббидоо илүү их цаг завыг зарцуулж аялах нь аяллыг илүү сонирхолтой болгодог тухай мөн 30 гаруй улсын 100 гаруй хотуудаар аялж явахдаа тус улсуудад хэрэгжүүлсэн шинэлэг санааг Монголын аялал жуулчлалын салбарт ингэж хэрэгжүүлвэл аялал жуулчлалын салбар маань илүү хөгжих боломжтой гэсэн санаа оноогоо маш дэлгэрэнгүй, илэн далангүй хуваалцсан гэх мэт олон олон сонирхолтой сэдвээр ярилцаж мөн энэ удаагийн дугаараа LEAD.STYLE вэбсайтын сэтгүүлч, соло аялагч Ц.Мөнхжинтэй хамтран хөтөлсөн нь мэргэжлийн сэтгүүлч хүний асуусан асуулттай маш сонирхолтой дугаар болгосныг дуулгахдаа таатай байна. 

Найзууд подкастын Аяллын хорхойтон булангийн энэ намрын анхны цоо шинэ дугаарт өөрийгөө маш багаас нь олон төрлийн зүйлст сорьж өөрийгөө таньж өөрийн хувийн бизнесийг бий болгож Cose cosmetics компаниа үүсгэн байгуулж захирлаар нь ажиллаж буй С.Амуулай оролцож өөрийгөө үргэлж хийж үзээгүй шинэлэг зүйлсээр сорьж гүйх, цанаар гулгах, экстрим төрлийн аяллуудыг хийх, ууланд алхах, зураг зурах гэх мэт маш олон сонин содон сонирхлоороо дамжуулж амьдралын аз жаргалыг мэдэрдэг тухайгаа хуваалцсан ба сонсоод л эрч хүч мэдэрч ямар нэг хийх гээд л хойшлуулаад байгаа зүйлсээ эхлүүлэх эрч хүчийг өгсөн дугаар болсон гэдгийг дуулгахдаа таатай байна.  Та бүхэн зочны маань инстаграм, фб хаягууд болох amu sumiya хаягийг дагаж эрч хүчтэй амьдралын хэв маяг, адал явдлаас нь урам зориг аваарай :)

Найзууд подкастын Аяллын хорхойтон булангийн зочноор Эрүүл, эерэг Монгол гэр бүлийн группын үүсгэн байгуулагч, админ гэр бүл М.Баттулга, эхнэр Г.Ганболор нар группын гишүүдтэйгээ хамт Дээлтэй Монгол хэмээх ууланд алхалтын бүтэн өдрийн хөтөлбөрийг зохион байгуулж байх явцдаа буюу Цэцээ гүний оргил руу алхаж байхдаа хөлсөө урсган амьсгаадаж алхангаа ууланд алхах үед авдаг маш сайхан мэдрэмж, сэтгэл хөдлөлөөрөө тухайн үед сэтгэлд нь буусан үгсээрээ урсаж буй гол горхины чимээтэй хамт дүн өвлийн хүйтнээс эхэлж 123 хоногийн турш өглөө бүр өөрийгөө ялж эртлэн босч шуургатай, цастай, бороотой, дулаанхан, бие нь өвдөж хөндүүрлэж алхмааргүй үеүддээ ч өөртөө үнэнч, тууштай алхаж илүүдэл жингээ хаяснаар эрүүлжиж өөртөө итгэх итгэл, эерэг өөрчлөлтий бий болгосноор гэр бүлийнхэндээ цаашлаад нийгэмдээ бодит, зөв үлгэр дуурайллыг үзүүлж чин сэтгэлээсээ өөртөө үнэнч хандаж өөрчлөгдөхийг хүссэн олон хүмүүсийн хүсэлтийн дагуу группээ үүсгэн байгуулж өглөө бүр эртлэн хамтдаа бие биенээсээ суралцаж цэвэр агаарт байгалийн сайхныг бишрэн ууланд алхаж өглөөний цагаа хамгийн үр дүнтэй өнгөрүүлснээр олон өөрчлөлтийг түүчээлэхийн зэрэгцээ байгаль эх дэлхийгээ үнэ төлбөргүй эрүүлжих боломжийг олгосных нь төлөө талархаж Богд уулын хогийг түүж хийх уут авч явж уулын хогийг цэвэрлэж бусдыгаа уриалах, гэр бүлээрээ амьдралын зөв хэв маягаар амьдарч эхэлснээр гарсан өөрчлөлтүүд, тэдний өнгөрсөн амьдралын саад бэрхшээлүүд хамтдаа илүү хүчтэй байж өөрчлөлтийг хийх сэдлийг өгсөн гэх мэт тоочоод баршгүй олон сайхан түүх, сургамжийг хуваалцаж олон залуу гэр бүлүүд болон сонсогчидод маань урам зориг өгч чадах дугаарыг маань хүлээн авч сонсоно уу. 

Найзууд подкастын Аяллын хорхойтон булангийн энэ удаагийн дугаарт Бээжингийн багшийн их сургуулийн магистрант, Виртуал эксперт Д.Алтантяа оролцож өөрийн аяллын түүх, онцлог, аялж явахдаа тухайн улсын юуг илүү онцолж үзэж аялдаг тухайгаа мөн аяллаар дамжуулж юуг сурч буй гэх мэт онцгой содон түүхээ хуваалцсаныг хүлээн авч сонсоно уу.  Friends team

Найзууд подкастын "Аяллын хорхойтон" булангийн маань энэ удаагийн дугаарын зочноор Lead.style вэтсайтын сэтгүүлч, Эерэг БолГоё Фэйсбүүк бүлгэмийн модератор, аялагч Ц.Мөнхжин уригдан оролцож өөрийгөө сорьж тав тухтай бүсээсээ гарч хэдий аяллаа төлөвлөөгүй ч гэсэн ганцаараа зориг гарган аялсан аяллынх нь турш тохиолдсон бүх саад бэрхшээлүүд хичнээн хэцүү байсан ч гэсэн бүгдийг нь даван туулж өөрийгөө илүү их таньж, өөр улсын соёл орчин, нөхцөлд хэцүү бэрхшээл сорилтуудыг давах хүч чадал, боломж өөртөө байдаг гэдгийг бодитоор мэдэрч залуу насандаа хорвоо дэлхий ямар уужим хүмүүс бид хорвоо ертөнцийн ямар жижигхэн нэгэн хэсэг гэдгээ мэдэрч хийж, туршиж үзээгүй зүйлсээ бодол дотроо ямар хэцүүг төсөөлж шантрах бус бодитоор зоригтой алхам хийх нь ямар чухлыг мэдэрсэн тухайгаа маш дэлгэрэнгүй ярьсныг түүнчлэн хөл хориотой байгаа энэ үед дэлхий дахины алдартай музей болон бусад үзмэрүүдийг онлайнаар хэрхэн бодит мэт үзэж болох талаар вэбсайтдаа орчуулан нийтэлсэн нийтлэлүүдийн талаар ярилцсан сонирхолтой яриаг подкастаас маань хүлээн авч сонсоно уу.  Эерэг бүхнийг түгээе.  #Friendsteam

"Аяллын хорхойтон" булангийн шинэ оны хамгийн анхны дугаарын хүндэт зочноор "МОНГОЛДОО АЯЛЦГААЯ" уриатайгаар 20 жилийн турш  давхардсан тоогоор 79000 монгол иргэдийг төрж өссөн үзэсгэлэнт Монгол эх оронтой маань бодитоор танилцуулж ямар үзэсгэлэнтэй, дахин давтагдашгүй эх оронд төрсөн гэдгийг бодитоор мэдрүүлж эх орноороо яагаад аялах ёстой мөн яагаад ийм агуу өргөн уудам нутгаа эзэд нь болж төрсөн бид хайрлах ёстойг мөн аялал хүнийг хэрхэн хөгжүүлдэгийг нүдэнд харагдтал подкастаар маань ярилцаж үүнээс гадна Монгол оронд маань байдаг бүх хүрхрээ, бүх нууруудын аялал, баруун аймгуудын бүх үзэсгэлэнт газрыг нэг дор үзэх боломжийг олгосон уртын аялал, вансэмбэрүүний аялал, зүүн аймгуудын аялал, говийн аймгуудын аялал гэх мэт нэг зуны турш Монгол орноо бүхэлд нь хямд зардлаар мэргэжлийн аялал жуулчлалын арвин их туршлагатай багшийн хамт аялах боломжийг олгож аяллуудын талаар дэлгэрэнгүй мэдээлэл, эдгээр аялалд хамрагдсанаар юу юу үзэх, 2 аялалд яваад 3 дахь аялалдаа үнэгүй явах боломж, ХАМГИЙН ОНЦГОЙ зүйл нь тун удахгүй болох гэж буй "ГЭГЭЭН ВАЛЕНТИНЫ БАЯР"-аар хосуудад зориулсан ВИП аяллыг зохион байгуулах гэж байгаа ба тэр аяллын талаарх дэлгэрэнгүй мэдээллийг подкастаас маань сонсож амьдралдаа хэзээ ч мартахгүй ОНЦГОЙ дурсамжаа бүтээгээрэй гэж сонсогчдоосоо хүсч байна.  #FRIENDSTEAM #SHAREONLYPOSITIVECONCEPT

Манай энэ удаагийн подкастын маань зочноор 21 насандаа 21 аймгаар ганцаараа явган явах, автобус, трактор, унадаг дугай, замын унаанд дайгдах гэх мэт 69 төрлийн өөр унаагаар явж аялсан мөн 164000 төгрөгтэй байсан ч гэсэн зоригтой алхмыг хийж Зүүн Өмнөд Азийн 9 улсаар 3 сар аялж өөрийгөө ялж, амьдралынхаа хамгийн хамгийн сайхан дурсамжуудыг бүтээж хэцүү зүйл олон тохиолдож байсан ч гэсэн тэдгээр бэрхшээлүүдийг давж гарч эхлүүлсэн бүх аяллуудаа дуусгаж одоо дахин өөр нэгэн адал явдалтай аяллыг эхлүүлэн аялж яваа аялагч Хичээнгүй маань зочноор оролцож өөрийн сонирхолтой дурсамж, сургамж, ухаарал гэх мэт олон зүйлсийг хуваалцсан дугаарыг маань хүлээн авч сонсоно уу. Подкасттай маань холбоотой санал, шүүмжээ Dalai Oyun Фэйсбүүк хаяг болон dalaican инстаграм хаягаар ирүүлвэл маш их баяртай байх болно. #Friendsteam Сайн бүхнийг хуваалцъя

Өнөөдрийн хүндэт зочин бол Андра академийн багш, 1-р зэрэглэлийн модель, Хувцас загварын тэргүүн дээд Гоёл 2020 наадмын дэд шилдэг загвар өмсөгч Д.Дэлгэрмаа. Өөрийн хүсэл мөрөөдлийнхөө төлөө хичээнгүй хөдөлмөрлөж, тууштай байж үргэлж ботид үр дүн харуулж нийгэмд зөв үлгэрлэгч, хөдөлмөрч бүсгүйтэй ярилцсан гайхалтай дугаараа хүргэж байна. Мөн манай подкастаас "Аяллын хорхойтон", "Миний гэрийн номын сан" зэрэг подкастыг сонсох боломжтой. Сайхан бүхнийг хуваалцъя.

Аяллын хорхойтон булангийн энэ удаагийн дугаарын хүндэт зочноор Кристина нобел олон улсын хүүхдийн сангийн Монгол дахь салбарын үйл ажиллагаа хариуцсан менежер, аялагч, уулчин Амаржаргал оролцож 18 наснаасаа эхлэн жуулчдад хөтөч хийж эхэлсэн нь түүнд дэлхийгээр тойрон аялах, дэлхий дахины найз нөхөдтэй болж өөрийн адал явдлыг бүтээж 4 тивийн хэд хэдэн улсаар 7, 8 жилийн өмнөөс ганцаараа үүргэвчтэй аялал хийж өөрийгөө ялж, таних зоригтой алхмуудыг хийж мөн сонирхлоороо ууланд алхаж хичнээн бууж өгмөөр байсан ч гэсэн өөрийгөө ялж Монгол орныхоо Алтай 5 богдын Малчин оргил, Хүйтний оргил, Европ, Австрали тивийн ноён оргилуудад авиралт хийж тун удахгүй Африк тивийн ноён оргил Килиманджерод авиралт хийх болон бусад сонирхолтой аялалууддаа гарахаар бэлтгэж байгаа гэх мэт сонирхолтой адал явдал, түүний аялал, авиралтаасаа ухаарч ойлгож тэдгээр ойлгож суралцсан зүйлс нь амьдралд, нийгэмд, ажилд нь хэрхэн нөлөөлж байгаа талаар түүний сонирхолтой яриаг подкастаас маань хүлээн авч сонсоно уу. Сайхан бүхнийг хуваалцъя. Friends team

Энэ удаагийн хүндэт зочид бол Эерэг бол гоё монголд аяныг санаачлагч Б.Одмаа, Г.Түвшинбаяр. Бидний өөрсдөдөө дадал болгосон ганц л эерэг үйлдэл ямар их өөрчлөлтийг бий болгож болох, сэтгэлдээ сайн сайхан зүйл бодож төлөвлөж явахад бодит биелэлээ олох, зөв амьдрах гэсэн чин хүсэл үргэлж зөв зүйлд хөтөлж байдаг, үүний төлөө хичээдэг хамгийн эерэг хүмүүсийн ертөнцөөр хамтдаа зочилцгооё. Бусдадаа эерэгээр нөлөөлж хамтдаа хөгжье. Мөн манай "Найзууд" сувгаас "Аяллын хорхойтон", "Гэрийн номын сан" гэсэн подкастуудыг сонсох боломжтой. Сайхан_бүхнийг_хуваалцъя Friends team

Энэ удаагийн дугаарын хүндэт зочноор бяцхан охин байхдаа  "Дэлхийг тойрон аялах болно" гэсэн гэгээн мөрөөдөлтэй байсан тэр л мөрөөдлөө маш амжилттай биелүүлэн дэлхийн  20 гаруй улсын 50 гаруй хотоор өөрийн хүссэн маршрутыг өөрөө гарган, аяллынхаа  туршид юуг шинээр туршин хийж үзэж, харж болох, ямар ямар газруудад хэр хугацааг өнгөрүүлэх гэх мэт бүхий л аяллаа яг л өөрийн хүссэнээр төлөвлөж гайхалтай дурсамж бүтээж, туршлага хуримлуулж, хорвоо ертөнцтэй танилцаж, хүн хүсвэл бүхий л мөрөөдлөө биелүүлэх боломж хүн бүхэнд нээлттэй байдгийг өөрийн үйлдлээрээ харуулж яваа аялагч Эрдэнэбулган оролцож өөрийн үнэт туршлага, зөвлөгөө, адал явдлаа хуваалцлаа. Мөн Тэрбээр аялалд явж байхдаа найз залуутайгаа танилцаж байсан гэх мэт түүний нандин дурсамж, сургамжуудыг сонсож урам зориг, эрч хүч хайрласан зөвлөгөөг авч мөрөөдлийнхөө төлөө алхам хийнэ гэдэгт итгэлтэй байна. Бусдадаа эерэгээр нөлөөлж хамтдаа хөгжицгөөе. Манай "Найзууд" платформоос "Миний ертөнц", "Гэрийн номын сан" булангуудаар сонирхолтой, шинэ дугааруудыг хүлээн авч сонсох боломжтой. Сайхан бүхнийг хуваалцъя Friends team Episode performance All time Plays

Энэ удаагийн дугаарын хүндэт зочноор "Аялал бол амьдрал", "Гайхамшигт амьдрал" фэйсбүүкийн бүлгэмийг үүсгэн байгуулагч, админ, Гар урлалын багш, тун удахгүй өөрийн хийсэн бүтээлүүдээрээ, мөн бодит туршлага дээрээ үндэслэн бүсгүйчүүдэд зориулсан "Бүсгүйн жор" хэмээх номоо гаргах гэж буй аялагч Батчимэг оролцож зуны турш Монгол орныхоо хамгийн үзэсгэлэнт байгалиар 40 хоногийн турш аялсан аяллын адал явдал, сурсан зүйл болон хэрхэн тус аялалдаа зориулж хуримтлалаа үүсгэсэн гэх мэт олон сонин содон зүйлсийн талаар хуваалцсан дугаарыг маань хүлээн авч сонсоно уу. Бусдадаа эерэгээр нөлөөлж хамтдаа хөгжицгөөе. Манай "Найзууд" платформоос "Миний ертөнц", "Гэрийн номын сан" булангуудаар сонирхолтой, шинэ дугааруудыг хүлээн авч сонсох боломжтой. Сайхан бүхнийг хуваалцъя Friends team

Энэ удаагийн хүндэт зочин Америкийн Нэгдсэн Улсын LexisNexis Legal Software Solutions компанийн Программ хангамжийн инженер Б.Жамсрандорж. Мэргэжлийн ур чадвараа олон улсад үнэлүүлэх боломжийг бүрдүүлэх хүртэл өөрийгөө алхам тутамдаа бэлдэж, зорилгодоо үнэнч байж, маш хариуцлагатай, тууштай, хөдөлмөрлөсөн талаарх түүний үнэ цэнтэй яриаг хамтдаа сонсоцгооё. Бусдадаа эерэгээр нөлөөлж хамтдаа хөгжье. Мөн манай "Найзууд" сувгаас "Аяллын хорхойтон", "Гэрийн номын сан" гэсэн подкастуудыг сонсох боломжтой. Сайхан_бүхнийг_хуваалцъя Friends team

"Гэрийн номын сан" подкастын анхны дугаараар бид та бүхэнд "Тагтаа" хэвлэлийн газрын үүсгэн байгуулагч, орчуулагч, яруу найрагч Батсуурийн Баясгалангийн эмхтгэн орчуулсан "Дур булаам" дэлхийн нэн шинэ үеийн шилдэг өгүүллэгийн антологийг танилцуулж байна. Энэхүү антологид дэлхийн нэн шинэ үеийн уран зохиолд тод мөртэй 21 зохиолчийн 21 шилдэг өгүүллэг багтсан бөгөөд бүгдээрээ 1990 оноос хойш бичигдсэнээрээ онцлог юм. Энэхүү подкастаас сонсогч та бүхэн олон шинэ, шилдэг зохиолчдыг өөрсдөдөө нээнэ гэдэгт итгэлтэй байна. #Сайхан_бүхнийг_хуваалцъя Friends_team