Claim OwnershipԲիթրեյթ
Subscribed: 59Played: 579
Subscribe
© Im Radio - Bitrate
Description
Բիթրեյթը վերադարձել է նոր շնչով։ Այս եթերաշրջանում Մելանիի հետ ոչ միայն բացահայտելու ենք սաունդթրեքեր կյանքիդ ամենաէպիկ պահերի համար, այլ նաև ծանոթանալու ենք երաժշտական վերջին նորություններին ու ռելիզներին։
33 Episodes
Reverse
System of a Down-ը ելույթ կունենա ԱՄՆ-ում, Նիկի Մինաժը նոր ռեկորդ է սահմանել, իսկ Ռիհաննան էլ վերջապես խոսել է նոր ալբոմի մասին․․․ Շաբաթվա կարևորագույն երաժշտական նորություններն՝ այս էպիզոդում։
Ովքե՞ր են Forbes-ի հրապարակած տարվա միլիոնատերերի ցանկի երեք երաժիշտները, ի՞նչ նորություն է թողարկում Բիլի Այլիշը, և ինչու ենք դեռ սիրում այն երաժշտությունը, որը սիրել ենք դեռահաս տարիքում:
Երաժշտական այս հարցերի պատասխանները գտիր այս էպիզոդում։
Էլվիս Փրեսլիի ու այլ աստղերի երգեր հասել են Լուսին։ BTS-ի անդամներից մեկը ֆիլմ կթողարկի, իսկ մեկ այլ անդամ՝ նոր սինգլ։ Զեյնը խոսել է նոր ալբոմի ու դրա կոնցեպտի մասին։ Եվ սա դեռ ամենը չէ։
Այս շաբաթ քննարկում ենք BTS-ի անդամ Հոսոքի նոր ալբոմը, Դրեյքի բարեգործությունները, The Beatles-ի բացառիկ ֆիլմն ու ավելին։
Երբ բառերը մեզ շփոթմունքի գիրկն են գցում, օգնության են գալիս երգերը։ Այս էպիզոդում կգտնես այնպիսի երգեր, որոնք սիրային պոետիկ նամակներ են հիշեցնում։ Դե ի՞նչ՝ ո՞ւմ ո՞ր երգն ես պատրաստվում ուղարկել։
Բիթրեյթի այս էպիզոդում կգտնես երգեր, որոնք այնքան գեղեցիկ են ու պոետիկ, որ անպատասխան սիրահարված լինելն այդքան էլ վատ բան չի թվա։
Բիթրեյթի այս էպիզոդը սովորական օրերն էլ ավելի պինտերեստյան դարձնելու մասին է, երբ ապրում ենք պահը այն լուսանկարելով ոչ միայն մեր տեսախցիկով, այլ հիշողությամբ։
Բիթրեյթի այս էպիզոդում ծանոթանալու ենք հայտնի երաժիշտների այն գործերին, որոնք ստեղծվել են գրականությունից ոգեշնչված։ Չհնացող դասականներից մինչև նոր գրականություն․ հենց այստեղ գրականության կախարդանքը կմիահյուսվի երաժշտության ուժին։
Եկավ այն օրը երբ հայկական ռադիոալիքով մոտ 30 րոպե շարունակ կհնչի միայն քեյ-փոփ երաժշտություն, քանի որ այսօրվա փլեյլիսթում կգտնեք քեյփոփի լավագույն անունները։ Ավելի ճիշտ՝ դրանց մի մասը, քանի որ քեյփոփում դրանք շատ են։
Ձմռան ցուրտ օրերին չկա ավելի ջերմացնող բան քան դրսում տաք շոկոլադ վայելելը կամ մտերիմ մարդու հետ գրկախառնված ընկնող փաթիլներով զմայլվելը։ Այդ մտերիմ մարդը կարող է լինել սիրելիդ, ընկերդ, ընտանիքիդ անդամը կամ էլ հենց ինքդ․ այնպես որ Բիթրեյթի այս երգացանկը ձմեռը վայելող բոլոր մարդկանց համար է. կապ չունի միայնակ ես, թե ինչ-որ մեկի հետ։
Երբևէ՞ լսել ես որևէ երգ ու մտովի տեղափոխվել ֆենթըզի ժանրի քո ամենասիրելի ֆիլմ կամ գիրք, որոնց ներքո վիշապներ ես հեծնել, մուլտիվերսների միջով տեղափոխվել, անհավանական բարձր աշտարակներ մագլցել, ոսկով լի ամրոցներ գրավել, չտեսնված հրեշների հաղթել, էլֆերի դեմ գահի համար պատերազմներ սկսել, կամ էլ նրանցից մեկին սիրահարվելով պատերազմներ կանխել։
Բիթրեյթի այս էպիզոդում արի՛ տեղափոխվենք քո ամենաֆանտաստիկ երազների աշխարհ։
Եթե հնարավորություն ունենայիր ընդամենը մեկ հմայություն իրագործել կամ կախարդական ըմպելիք պատրաստել, ո՞րը կընտրեիր։ Աքցիո, էքսպելիարմուս, վինգարդիում լեվիոսա, թե՞ ամորտենտիա, կամ էլ գուցե ֆելիքս ֆելիսիս կպատրաստեիր։ Մինչ մտածում ես, առաջարկում եմ միասին լսենք մագլներից գաղտնի ստեղծված այս կախարդական փլեյլիսթը, որտեղ ընդգրկված երգերը նման են հմայությունների։
Դե՛ ընդունի՛ր, որ դու էլ ինչ-որ տեղ ինչ-որ պահի սիրահարվել ես միանգամայն անծանոթ մի մարդու ու նրա հետ անմիջապես սիրավեպ սկսել․ դե մինչև նա չի վճարել սուրճի հաշիվը ու լքել սրճարանը, կամ էլ իջել հաջորդ կանգառում։
Այս կարճատև սիրավեպերը, կարծում եմ, շատերիս կյանքի անբաժան ու ամենասիրուն պահերից են, երբ ընդամենը 10 րոպեում մեր մտքում մի ամբողջ կյանք ենք ապրում անծանոթի հետ, ընթացքում մեր աչքերում հայտնվում են սրտիկներ, իսկ գլխում էլ՝ հարմար սաունդթրեքեր։
Նման սաունդթրեքեր կգտնես Բիթրեյթի այս էպիզոդում, որոնք սրճարաններում ու մետրոյում մեզ հանդիպող հենց այն անծանոթի մասին են։
Շատերս գիտենք, որ աստղերին նայել սիրող մարդիկ կոչվում են աստրոֆիլ, իսկ գիտե՞ս, որ նույնքան գեղեցիկ անուն կա նաև ամպերին նայել սիրող մարդկանց համար։ Նրանց կոչում են նեֆոֆիլ, ու Բիթրեյթի այս էպիզոդը հենց այդ մարդկանց համար է։ Եթե դու էլ ես մեզնից մեկը, ապա առաջարկում եմ բարձրացնել ականջակալներիդ ձայնը, նայել վերև կամ ուղղակի պատուհանից դուրս, ու մեզ հետ վայել ամպերի գեղեցկությունը․ ու կապ չունի՝ օրվա ինչ ժամ կամ եղանակ է դրսում։
Բոլոր կանայք խիզախ են, խելացի, տաղադավոր, գեղեցիկ, հանճարեղ, կրակոտ ու ավելին քան իրենց վախերը, սեփական անձի շուրջ ունեցած կասկածներն ու տարակուսանքները։
Սեփական ուժը գիտակցելով միայն կարող ես ինքդ քեզ ընդունել այնպիսի, ինչպիսին կաս ու փոխել աշխարհը ոչ միայն ինքդ քեզ, այլ աշխարհի բոլոր կանանց համար։
Բիթրեյթի այս էպիզոդի երգերը կոչվ1ած են այն լսող բոլոր կանանց ու աղջիկներին այդ հարցում մոտիվացնելու համար, և ուրեմն լսիր այս փլեյլիսթը, երբ ուժեղ լինելու կարիք ունենաս։
Գարունն սկսված է։ Սա նշանակում է, որ շուտով փողոցները կողողեն բալենու ծաղկած ծառերի պաստելային գույներն ու անուշ բույրը։ Իսկ ի՞նչ է պետք գարունն ամբողջովին վայելելու համար․ դե՛, իհարկե՛ գարնանային շունչ հաղորդող թարմ ու մեղեդային երգացանկ։ Բիթրեյթի այս էպիզոդում էլ հենց կգտնես նման սաունդթրեքեր գարնանային մի գեղեցիկ օրվա համար։ Գնացի՜նք։
Պատահում է, երբ մեր հոգին գտնում է մեկին, ում հետ կարող ենք մինչ առավոտ զրուցել, ամեն օր հանդիպել, մեր օրը նրանով լցնել, մեր զգացմունքներով ու սիրելի երաժշտությամբ կիսվել՝ մտածելով, որ նրա հետ մեր հարաբերությունները՝ լինեն դրանք ռոմանտիկ բնույթի, թե պլատոնական, հավերժ կտևեն։
Սակայն, չենք էլ հասկանում՝ ինչպես, ամեն ինչ միանգամից փոխվում է, ու շուտով նրան նույնիսկ ողջունելը դառնում է բարդ, քանի որ այդ մարդը վերածվում է պարզապես մեկի, ում մի ժամանակ ճանաչել ենք։
Բիթրեյթի այս էպիզոդում ընդգրկված երգերը հենց նման իրավիճակների համար են, երբ հասկանում ենք, որ մտերիմներից արդեն դարձել ենք անծանոթներ։
Պատկերացրու՝ խաղաղ գիշեր է ու դու նստած ես Փարիզի մի գետի ափին՝ սիրելիիդ կամ ինքդ քեզ հետ։ Հեռվում երևում են Էյֆելյան աշտարակի հեքիաթային լույսերը, լսվում են լուսատտիկների հանգստացնող ձայները, դե իսկ դու էլ վայելում ես այս փլեյլիսթի իրավիճակային երգերը։
Անցումային տարիքային, կամ ինչպես ասում են անգլերենով Coming of age ժանրը առկա է թե ֆիլմերում, թե թատրոնի ներկայացումներում ու թե գրականության մեջ։ Այս ոճի գործերը պատմում են հերոսի՝ դեռահաս տարիքից դեպի հասունություն ճանապարհորդությունը․ որի միջոցով, անշուշտ, բոլորն են անցնում։ Գուցե մեզ այդքան ծանոթ լինելն է այս ժանրի գործերը էմոցիոնալ դարձնում շատերիս համար ու կապ չունի թե որ տարիքում կբախվենք նման ֆիլմերի կամ գրքերի, միևնույն է, դրանք միշտ մեզ յուրահատուկ ու ծանոթ զգացում են պարգևում։
Բիթրեյթի այս էպիզոդի երգերը ևս նման ոգի ունեն և հավաքվել են մեկ տեղում որպեսզի օգնեն կյանքդ պատկերացնել որպես անցումային տարիքի մասին պատմող մի վառ ֆիլմ։
Հոկտեմբերը տարվա այն ամիսն է, երբ սկսում ես հավատալ, կամ առնվազն կասկածել սև կատուների ուժին, վհուկների գոյությանը, ուրվականների՝ մարդկանց շուրջ աննկատ պտտվելուն ու Հոգուարթսի հրաշագործների դպրոցից քո նամակը պարզապես սխալմամբ չստանալուն։
Հենց այս պատճառով էլ ամսվա վերջին հինգշաբթին որոշել եմ բոլորիս միասին տեղափոխել կախարդանքով լի մեկ այլ տիեզերք, դե իսկ դա անելու ամենալավ միջոցը երաժշտությունն է։ Դե՛, ինչ, պատրաստեք ձեր թռչող ցախավելներն ու եկեք սկսե՛նք։
Comments
Download from Google Play
Download from App Store
United States