فيلم ثقافى

المبدأ من أجل الإنسان أم الإنسان من أجل المبدأ؟ لحد فين تقدر تتمسك بمبادئك لو ناس غيرك بتتأذي بسبب المبادئ دي؟في الحلقة الخامسة عن فيلم ( Silence )  دكروني وعطا بيناقشوا الأسئلة دي وهما بيحكوا لنا عن محاولة اليابانيين الحفاظ على هويتهم ومعتقدهم البوذي الوسطي الجميل في مواجهة "المد الفكري والغزو الثقافي الغربي"

.. الوسع مش دايما براح .. إحساس العزل الصحي إحساس السجين لما يدخل زنزانته لأول مرة أو العكس؛.. إحساس المحبوس لما ياخد إفراج .. لما سيبت المدرسة الثانوي ودخلت الجامعة  .. وأول مرة تنقل من بلدك الصغيرة وتتغرب في المدينة الكبيرة .. الخروج من دايرة ضيقة لدايرة أوسع .. أو انكماش عالمك من دايرة واسعة لدايرة أضيق .. دكروني وعطا من خلال فيلم النهاردة' Room ' بيستكشفوا خبرات وخيارات ومشاعر إنسانية جديدة وغريبة   .. زي ما كلنا بنستكشف حاجات جوانا دلوقتي في الظروف دي #فيلم_ثقافي #تعالى#Room

لحد فين تقدر تشتغل بضمير لو الوسط اللي حواليك في الشغل فيه شبهات أخلاقية؟وهل ممكن تكمل من غير ما تقع في الغلط بنفسك؟مراسل الأخبار أو المصور دوره تغطية الخبر ولا المشاركة في حل المشكلة؟دكروني وعطا بيناقشوا الأسئلة دي في نقاشهم عن فيلم 'Night Crawler' وعلى فكرة، لو مشوفتش الفيلم، هتتكيف برضه #فيلم_ثقافي #تعالى #NightCrawler

وصف الحلقة :  لحد فين ممكن ترد العنف بعنف؟ امتى يبقى معاك حق وامتى تبقى زودتها؟هل كل حد فينا جواه جوكر صغير؟ لو قدامك فرصة تقتل حد تقتل مين؟ وازاي السينما بتأثر على نظرتنا للمرض النفسي؟دكروني وعطا بيحكوا في كل الحاجات دي وبيسوحوكم معاهم وعلى فكرة، لو مشوفتش الفيلم مش مشكلة، هتتكيف برضه #فيلم_ثقافي#خليك_فى_البيت #تعالى #Joker

عن فيلم ( Marriage Story )راح فين الحب الأولاني؟هل فيه علاقة بدون تعقيدات؟وايه أثناء الانفصال ممكن يطلع أسوأ ما فيك؟   دكروني وعطا هيحكوا في كل الأسئلة دي ..  وغالبا مش هيوصلوا لإجابة كالعادة.. بس هتتكيف برضه بس خد بالك لاحسن الكلام يصحي جواك حاجة قديمة ولا حاجة الفيلم ده أخد ترشيحات أوسكار كتيرة وهو من أقوى الأفلام اللي تناولت العلاقات الرومانسية، بس بعد ما بتروح منها الرومانسية وعلى فكرة، لو مشوفتش الفيلم مش مشكلة، هتتكيف برضه  #انتي_اللي_طلبتي_تطلقي #فيلم_ثقافي #تعالى #MarriageStory

كل واحد وليه كيفه .. واحنا اتنين اصحاب كيفنا الافلام .. بس تجربتنا مع الفيلم مش بتخلص مع مشهد النهاية .. بالعكس دى بتبدأ  .. فى كل حلقة من بودكاست ( فيلم ثقافى ) هنحكى ملخص موجز عن فيلم جديد أو قديم .. وهنطلع منه بسؤال أو موضوع أو موقف .. ممكن نحط نفسنا مكان شخصية فى الفيلم .. ونشوف : هنحس بايه / هنفكر ازاى / هنعمل ايه ؟ .. هنتساءل , ونتشكك, ونتخذ مواقف, ونتبنى وجهات نظر .. هنتفق احيانا , وهنختلف كتير .. وهنط من سؤال .. لسؤال .. لسؤال .. لو ليك فى الافلام وبتحب الرغى .. أهلا بيك فى ( فيلم ثقافى)  .. #تعالى