Гүлнұр — Қытайдың Шыңжаңында туып-өскен қазақ әйелі. 2012 жылы белгілі бір себептерге байланысты ол жақтан көшіп, өзге елдің азаматтығын алды. Бірақ оның көптеген туысы Шыңжаңда қалған, ал ағасы «саяси түзеу» лагеріне қамалған екен. Кейіпкеріміз бұған бауыры молда болғаны себеп болып отыр дейді.

Гүлнұрдың хикаясы — Қытай қазақтарынан келіп жатқан жанайқайға толы хикаялардың бірі ғана. Қытай билігі Шыңжаңдағы мұсылман жұртты қудалап, лагерьге қамап жатқаны туралы хабар келіп жатқанына, міне, төрт жыл болды.

Қытай билігі намаз оқитындардан неліктен сескенеді? Лагерьге қазақтар да қамалған болса, біздің билік неге үнсіз отыр? Masa.media Шыңжаң лагерьлерінде нақты не болып жатқанын, қазақтар сонда қалған туыстарын босату үшін қалай күресіп жүргенін айтатын «Бауырым» подкасын дайындады.

Кейіпкерлердің қауіпсіздігі үшін олардың аты-жөні мен кейбір деректі өзгерттік.