Чытаю вам толькі тое, што падабаецца і агкукаецца самому!
Чарговы верш таго, каго раней не ведаў.

Янка Сіпакоў
"Адгукніся..."

Адгукніся
На стук у акно асцярожны;
Дай вады,
Калі просіць яе падарожны;
Абагрэй,
Калі той скарчанеў на марозе;
Накармі,
Калі доўга не еў у дарозе.
Ды не вер,
Калі вораг прыкінецца братам;
Не маўчы,
Калі смерць напаўняе гарматы;
Не чакай,
Каб цябе закавалі ў кайданы;

Не даруй
Ні за здзек,
ні за гвалт,
ні за раны!