بهي الحلقة بستضيفنا محمد ربيع، الروائي والمحرر والناشر المصري بمكتبة خان الجنوب، يلي هي دار نشر عربية موجودة ببرلين، ووحدة من أفضل مكتبات بيع الكتب بأوروبا، لنحكي عن كتابة الرواية ,وأدب الخيال العلمي وأدب الأطفال بالعالم العربي وعن الكتّاب والكاتبات بأوروبا، والإيجو المصري والشامي بالأوساط الأدبية. وبنحكي كمان عن النشر بالعالم العربي وعن دور الناشرين بالثقافة.

كنباية هو بودكاست ثقافي بيقدمه أحمد قطليش ودلير يوسف.
طلعنا بكنباية كردّة فعل على حالة الانغلاق عن بعضنا وضياعنا بنقاشات السياسة اليومية. مع إنه السياسة بتضل جزء من حياتنا ومن رؤيتنا، بس مع الوقت سرقت منّا النقاشات اللي بتعنيلنا: الثقافية والفنية، وحتى المعرفية.
من هون إجا البودكاست كمساحة لنتنفس، نعيد توازننا، ونفتح مجال لحوارات أفقها أوسع من السياسة لحالها.
كل حلقة منسجّلها على "كنباية" جديدة: مرّة ببيت أحمد، مرّة ببيت دلير، ومرات ببيوت أصدقائنا. وبهالبيوت منفتح قصص جديدة ومنحكي عن قضايا ثقافية واجتماعية بتهمنا.
أحياناً منستضيف أصدقاء عاملين بالمجال الثقافي، وأحياناً هني بيستضيفونا ع كنباياتن. يعني بكل الأحوال، "الكنباية" بتصير مساحة للحديث، للسرد، وللمشاركة. بعيدًا عن التحرير والقصقصة.
كنباية هو حكي ثقافي بعيد عن هموم الحياة اليومية، مع إنه هموم هالحياة هي صلب هاد الحكي.
جرافيك: يسر أفغاني
لوغو البرنامج: نورا السوما