ក្នុងឱកាសដ៏នក្ខត្តឫក្សនៃ ទិវាបុណ្យចូលឆ្នាំថ្មីប្រពៃណីជាតិខ្មែរ ឆ្នាំខាល ចក្វាស័ក​ ព.ស.២៥៦៥​/​គ.ស​ ២០២២​ ដែលនឹងឈានចូលមកដល់នាពេលដ៏ខ្លីខាងមុខនេះ សូមគោរពជូនពរ និងបួងសួងដល់ទេវតាឆ្នាំថ្មី ព្រះនាមកិរិណីទេវី និងគុណបុណ្យព្រះរតនត្រ័យកែវទាំងបី ព្រមទាំងវត្ថុស័ក្កសិទ្ធិទាំងអស់ក្នុងលោក សូមជួយបីបាច់ថែរក្សា ប្រោះព្រំសព្ទសាធុការ ពរជ័យ បវរសួស្តី សិរីមង្គលមហាប្រសើរ ជូនដល់បង​ ប្អូន ប្រុស ស្រី ញោមញាតិ ព្រមទាំងក្រុមគ្រួសារ​ទាំងអស់ សូមអោយមានសុខភាព ល្អបរិបូរណ៍ អាយុយ៉ឺនយូរ ប្រាជ្ញាវាងវៃ កម្លាំងពលំមាំមួន និងទទួលបាននូវជ័យជំនះថ្មីៗបន្ថែមទៀត ទាំងក្នុងមុខរបររកទទួលទាន និងការងារ​ ជាពិសេស​ សូម​ប្រកបតែនឹងព្រះពុទ្ធពរ ទាំងបួនប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។
អនុមោទនា

#គប្បីតាំងសេចក្ដីសុខនៅលើទិសដៅដែលយើងកំពុងតែព្យាយាមឱ្យបានសម្រេច. មិនមែនផ្ញើសេចក្ដីសុខនឹង អ្នកណា ឬ វត្ថុ អ្វី នោះទេ ។

ធម៌របស់ទេវតា៧យ៉ាងគឺ
១ សទ្ធា មានចិត្តភ្លឺថ្លាជឿជាក់ស្មោះត្រង់
២ សីល កាយសុចរិត វចីសុចរិតប្រកបដោយមេត្តា
៣ ហិរិ ខ្មាសខ្ពេីមនូវអំពេីអាក្រក់ គឺលោភ ទោស មោហ ជាដេីម
៤ ឱត្តប្បៈ ខ្លាច តក់ស្លុតនូវអំពេីអាក្រក់គឺលោភ ទោស មោហ
៥ សុត្តៈ ចេះស្តាប់ពិភាក្សា យោគយល់អនុគ្រោះគ្នា
៦ ចាគៈ ហ៊ានលះបង់ឈប់ធ្វេីអំពេីអាក្រក់ ហេីយក្លៀវក្លាធ្វេីអំពេីល្អគ្រប់យ៉ាង
៧ បញ្ញា ជាមនុស្សឆ្លាតវៃធ្វេី និយាយ គិតឲ្យមានប្រយោជន៍នាំមកនូវសេចក្តីសុខចម្រុងចម្រេីនខ្លួនឯងនិងអ្នកដទៃ។

អ្នកមានធម៌នេះអ្នកប្រាកដនិងបានជួបមិត្តដ៏ល្អរបស់អ្នកនៅថ្ងៃចូលឆ្នាំថ្មីទី១៤ខែមេសាឆ្នាំ២០២២នៅម៉ោង១០ព្រឹកពុំខាន។