Беларуска-літоўская мяжа закрытая. Аляксандр Лукашэнка кажа што гэта “вар’яцкая афёра”, а ў Літве і больш шырэй у Еўразвязе лічаць, што гэта чарговы элемент гібрыднай вайны, якую кантралююць і правакуюць у Менску ды Маскве. Паветраныя шыры, меркавана, з цыгарэтамі, як і раней мігранты з розных краінаў, перакрочваюць еўрапейскія межы. Літва тут шукае асіметрычны адказ, а яго знайсці цяжка, заўважае палітычны аналітык інфармацыйнага агенцтва «Позірк» Аляксандр Класкоўскі.

<figure class="wp-block-image size-large"><figcaption class="wp-element-caption">Аляксандр Класкоўскі. Фота: “Фэйсбук”.</figcaption></figure>

– Нейкія сіметрычныя меры – невядома, што рабіць, хоць пра гэта і згадаў прэзідэнт Наўседа, але што яны шары з кантрабандай у адваротным кірунку будуць таксама запускаць? Таму яны думаюць, якое знайсці балючае месца і як ударыць па інтарэсах лукашэнкаўскага рэжыму. Таму што з боку Вільні ёсць цвёрдае перакананне, што гэта не нейкія там прыватныя асобы-кантрабандысты дзейнічаюць, а што гэта пад патранажам дзяржавы, як мінімум.

Пра вынікі такога кроку зараз казаць цяжка, тлумачыць Аляксандр Класкоўскі. Ён аналізуе, як і пасля закрыцця польска-беларускай мяжы таксама Еўразвяз станоўчых вынікаў не атрымаў. Хаця там быў вясомы аргумент – інтарэсы Кітаю. Працягвае аналітык інфармацыйнага агенцтва «Позірк».

– Таму вось пытанне, ці дасягнуць літоўцы нейкага эфекту такім вось спосабам, бо праз літоўскую чаргу транзіт меншы. І яшчэ б адзін чыннік я б тут абазначыў – гэта тое, што палякі разлічвалі на Кітай, паколькі ён зацікаўлены ў транзіце і думалі, што ён націсне на Лукашэнку. А ў літоўскім выпадку, на колькі я ведаю, кітайскага транзіту няма і ўвогуле паміж Вільняй і Пекінам вельмі кепскія дачыненні.

Нагадаем, Літва 26 кастрычніка закрыла абодва наземныя пункты пропуску на мяжы з Беларуссю. Гэта мера ў адказ на масавыя залёты на тэрыторыю Літвы з Беларусі аэрастатаў, як мяркуецца, з кантрабанднымі цыгарэтамі. 27 кастрычніка Літва выказала чарговы рашучы пратэст Беларусі ў сувязі з пастаяннымі парушэннямі паветранай прасторы. Беларускі МЗС у той жа дзень – уручыў ноту часоваму паверанаму ў справах Літвы ў Беларусі.

Цалкам матэрыял:

<figure class="wp-block-audio"></figure>

Беларускае Радыё Рацыя

The post “Сіметрычны адказ знайсці цяжка” appeared first on Рацыя.