Атналык күзәтү.

Пәнҗешәмбе көнне Чаллыда  КАМАЗның 50 еллыгына багышланган тантаналар узды. Анда Татарстан  Президенты Рөстәм Миңнеханов катнашты. Бу атнада Татарстан башкаласында машина төзелеше, металл эшкәртү һәм эретеп ябыштыруга багышланган XIX халыкара махсуслаштырылган күргәзмә эшләде.

Балаларда милләтара аралашу культурасын булдыру — мөһим бурыч. Рөстәм Миңнеханов Татарстан Президенты каршындагы Милләтара һәм конфессияара мөнәсәбәтләр буенча совет утырышында шулай дип белдерде.

Татарстан  Президенты Рөстәм Миңнеханов Татарстанның муниципаль районнарында һәм шәһәрләрендә агросәнәгать паркларын ачу бурычын куйды. Төп максаты — җирле товар җитештерүчеләргә һәм фермер хуҗалыкларына ярдәм итү, авыл хуҗалыгы җитештерүчеләре һәм кулланучылар арасында дистанцияне кыскарту, арадашчылар санын киметү.

Республикада физик мөмкинлекләре чикләнгән кешеләр декадасы дәвам иттерә.