今集想同大家分享我最近喺工作上嘅一個震撼體驗：
面對一位因家庭暴力而被限制見仔女嘅爸爸，佢聲淚俱下、話非常後悔。
喺嗰一刻，我竟然都有少少心軟——
令我終於明白點解好多受害者會不斷原諒施暴者。

同做 DV 專家嘅朋友傾過後，我先真正理解：

DV 循環（Domestic Violence Cycle）

施暴 → 道歉/悔意 → 平靜 → 再施暴
而施暴者嘅「悔意」好多時並非真正反省，而係想挽回控制權。
佢哋通常覺得錯嘅係其他人，而唔係自己。

真正嘅後悔係會：承認錯誤、理解伴侶害怕、停止騷擾、踏實改變。
否則，只係情緒勒索。

Oprah 的故事：創傷點解多年後都影響緊我哋？

Oprah 明明住豪宅，但曾經嚴重 panic attack。
一段校園槍擊新聞，令佢嘅童年恐懼記憶突然浮現——
細個時曾目睹患失智症嘅公公夜晚掐住婆婆嘅頸。

雖然成年後表面成功，
但大腦仍然活喺「夜晚會被襲擊」嘅模式。

童年創傷唔會因為大個而自動消失。

創傷如何影響成年關係？

我同一位媽媽傾過，她細個因嚴厲管教有選擇性緘默症，
長大後：

• 好難作決定
• 覺得自己唔值得被好好對待
• 往往會留喺傷害佢嘅關係入面

呢啲都係童年創傷嘅後遺症。

永遠唔會太遲：療癒可以而家開始

遊戲治療係讓小朋友建立安全感嘅方式；
而大人，就算童年已經過去，都可以重新學習照顧自己。

支持廣東話遊戲治療分享，請 Christal 喝咖啡:
https://www.buymeacoffee.com/christallau

廣東話遊戲治療分享由 Christal Lau 主持。
Christal 主修心理學，犯罪學碩士，遊戲治療碩士，為自閉症孩子作出早期干預。
這個 podcast 會由 Christal 分享與小朋友治療上的趣事，適合所有家長和對遊戲治療有興趣的朋友收聽。

Facebook: https://www.facebook.com/PlayTherapyInCantonese

Instagram: https://instagram.com/playtherapyincantonese