Hơriso 116:1-2

“Inh ‘mêm bơnê kơ Kră Yang, yua kơ Sư kơtơ̆ng nơ̆r inh. Păng kơtơ̆ng nơ̆r inh krao apinh.” (Hơriso 116:1)

Nơ̆r jet tơchĕng pơwao:

–               Tơdrong kiơ pơm kơ bơngai mă chih Sơ̆p hla bơar ‘mêm kơ Kră Yang? 

–               ‘Bok Kei-Dei “pơgling đon” wă khan kiơ?

–               Băt kơnăl tơdrong ‘nâu pơchŭt lu bơ̆n thoi yơ lăm tơdrong arih gah bơhngol?

Hơriso 116 dai sơ̆p hla bơar Hơriso Tơdrong Hơri đơ̆ng 113-118, păng jơ̆ lu Hơriso đei đŏk lăm năr ‘blŏk kơ phĕt Năm Brih kiơ̆ kơ tơdrong juăt lu bơngai Juđê. Lơ bơngai lăng sơ̆p hla bơar Hơriso ‘nâu jơ̆ minh lăm lu Hơriso tih hloh păng jô̆ lei lăi hăm Hơriso 23.

Bơngai chih pơih nơ̆r pơma blŭng a tơ’bôh hăm jơhngơ̆m “‘mêm bơnê kơ Kră Yang, yua kơ Sư kơtơ̆ng nơ̆r inh”. Đơ̆ng Tơ’ngla pơjing kơtơ̆ng nơ̆r hăm minh pôm tơmam iĕ ioch lăm teh đak tih să ‘nâu dei ba kơ bơngai chih năm lăm tơdrong tơ’bưh hăm ‘Bok Kei-Dei. Mă khan pơtao Đawit kư̆m hlĭch chrêu kơ đon kơplah băt tơdrong tơpă khan ‘Bok Kei-Dei bơih jur chă kon bơngai păng mơ̆ng nơ̆r lu sư krao khan (Hơriso 8:4).

‘Bok Kei-Dei ưh kơ sĭ mơ̆ng đĕch na “pơgling đon mơ̆ng inh”. “Pơgling đon” wă khan “drap kơkuh” dah “hue tơ minh pah” pơma kơ tơdrong hiơ̆k tơgŭm kơplah bơngai mơ̆ng păng lăng tơ bơngai pơma. Tơ’ngla “Pơgling đon” ‘noh bơih ‘Bok Kei-Dei, Tơ’ngla đei kơdih păng arih ling lang, Tơ’ngla pơjing tôm tĕch tơmam. Kră Yang ‘Bok Kei-Dei “Pơgling đon” wă mơ̆ng minh ‘nu kon bơngai iĕ ioch! ‘Bok Kei-Dei bơih Yang băt tôm tơdrong gơh mơ̆ng kơtơ̆ng păng lăng ‘bôh đơ̆ng tơdrong tơchĕng păng nơ̆r bơ̆n pơma (Hơriso 139:4), mălei tơdrong Sư “Pơgling đon mơ̆ng inh” pơma hơđăl khan Sư ‘mêm kơ bơ̆n, hiơ̆k tơgŭm, mơ̆ng, băt dôm tơdrong kiơ mă bơ̆n mơn hlôi bơih, păng mơnat ăn kơ bơ̆n.

Lăm tơdrong arih ưh kơ rơhơi hrei ‘nâu, phŏ lơ wơ̆t bơ̆n ưh kơ tôm mah jơ năr wă mơ̆ng buăl juăt bơ̆n roi pơma, păng kư̆m lơ wơ̆t bơ̆n kư̆m ưh kơ đei chă ‘bôh bơngai wă mơ̆ng păng tơdrong bơ̆n roi. Mălei bơngai chih đei băt mơn tơdrong hiơ̆k tơgŭm gĭt kăl đơ̆ng ‘Bok Kei-Dei yua kơ Kră Yang ling lang mơ̆ng sư, băt dôm tơdrong mă Sư oei tơ’bơ̆p păng mơnat kơ Sư. Lăm Hơriso 116:10-11, bơngai chih pơma kơ minh tơdrong đêl hlôi mơn tơdrong jĭ pơmat kơplah tơdrong hơlĕnh rai jơ̆p kơ anih, “Đĭ đăng bơngai tă kơ pơma hơlĕnh ngăl” đơ̆ng bơngai lăm teh đak truh kơ bơngai mă jê̆ hloh lăm khul tơpôl kon pơlei Kră Yang, păng tơdrong jĭ pơmat, ưh pă hơmĕng bơih, bơngai chih oei đei minh ‘nu Yang wă lui gơnang, wă roi pơma dơnuh ‘noh bơih ‘Bok Kei-Dei.  Sư bơih ‘Bok Kei-Dei ‘mêm mơnat, ling lang wei răk nơ̆r pơkă.

Băt kơ tơdrong ‘Bok Kei-Dei ‘mêm mơnat hiơ̆k tơgŭm, pơkă kơ bơ̆n khan mă khan đĭ đăng bơngai pơm kơ bơ̆n ưh kơ hơmĕng mălei ‘Bok Kei-Dei ưh kơ thoi noh: Đĭ đăng bơngai gô ataih kơ bơ̆n, pơma kơnê̆, blah lu bơ̆n, bơbĭt lê̆ đon hăm bơ̆n, mălei ‘Bok Kei-Dei ưh kơ pơm thoi noh. Sư oei chang gô bơ̆n, lăng ‘bôh tơdrong arih bơ̆n, pơgling đon mơ̆ng bơ̆n (Hơriso 27:10 , 13). Athei đĭ jơhngơ̆m bơnê kơ Kră Yang.

Kơkuh kơ Kră Yang, inh bơnê kơ Ih yua kơ Ih ling lang oei jê̆ inh lăm tôm tơdrong lăm chăl arih inh. Apinh Kră Yang tơgŭm inh ling lang oei jê̆ Ih, lăm tơdrong tơ’bưh  ‘mêm mơnat ‘nâu, krao khan yua anăn Kră Yang Yêsu Krist, Amen.

Bơ̆n hăm băt kơnăl Kră Yang ling lang hiơ̆k tơgŭm, mơ̆ng bơ̆n wă bơnê păng băt kơ Sư mơnat ưh?

Đọc Kinh Thánh trong ba năm: Giê-rê-mi 22

Kênh Youtube BHKTHN:

https://www.youtube.com/c/bhkthn

The post Bơnê Kơ Kră Yang Yua Kơ Sư Hiơ̆k Tơgŭm – 3/11/2025 appeared first on Hội Thánh Tin Lành Việt Nam.