القهوة و الكورة ؛

اتنين من اهم مكونات اليوم بالنسبة لناس كتيرة منا .

ناس كتيرة ما بتعرفش تبدا يومها من غير كوباية قهوة حلوة ؛ و مافيش لمة قهوة حلوة بتعدي من غير الكلام في الكورة او علي الاقل تعليق علي اداء ابو صلاح في ماتشات الاسبوع . بالصدفة اتنين من اقرب اصدقائي بيشتغلوا في مجال القهوة و بالصدفة دول اكتر ناس انا بتكلم و بتناقر معاهم في الكورة (و الحمد لله مافيش حد فيهم بيشجع ولا السيتي و لا تشيلسي)

باسل في لندن و هشام في مصر الاتنين مايعرفوش بعض ولا عمرهم اتقابلوا ؛ قررت اعمل قعدة معاهم احاول افهم اكتر عن مكون مهم في حياتنا كلنا زي القهوة. عملنا قهوتنا و شغلنا ماتشات الاسبوع و قعدنا نرغي في واحدة من اكتر الحلقات انسيابية و متعة بالنسبالي .

اتكلمنل في انواع القهوة و الفروقات مابين القهوة التجارية و القهوات عالية الجودة ؛ القهوة بتجيلنا منين و انهي بلاد قهوتها احسن . طرق التحضير و فروقات الطعم و الجودة و كل حاجة انت محتاجها عشان تختار قهوتك المظبوطة.

احنا سجلنا الحلقة في الاسبوع اللي قبل سباعية ليڤيربول في اليونليتيد و اداء ابو صلاح الخزعبلي " فحتلاقونا لسة بنتكلم عن الاداء المتذبذب للريدز .  ارجو ان الحلقة تعجبكم و انكم تشاركوا بتعليقاتكم و تعملوا شير ليها عند اصدقائكم  الحلقة متاحة عي  

Spotify  

applepodacst  googlepodcast     #nafezaty_3la_el3alam #coffee #london #premierleague #podcast #مصر #قهوة #قهوة_الصباح #كورة #بريميرليج #ليفربول #ارسنال

الحلقة متاحة علي يوتيوب

https://youtu.be/r7x0i3UZhzg