1. Wolz huet mam Patrick Comes en neie Buergermeeschter, a Bech wäert no der Demissioun vum Jill Goerres een neie kréien. Dat ass d’Resultat vun de Gemengerotssëtzungen, de Moien, am Norden an am Oste vum Land
2. Steet en Enn vum russeschen Ugrëffskrich an der Ukrain virun der Dier? No der Entrevue tëschent Donald Trump a Wolodymyr Selenskyj, gëschter, a Florida gëtt Moskau all Zäit e Signal an déi Richtung
3. Am Schisprange fänkt haut zu Oberstdorf an Däitschland déi traditionell Vierschanzentournée un. Favorit op d’Schlussvictoire ass de Sloween Domen Prevc, dee gëschter schonn am 1. Qualifikatiounssprange bei Wäitem dee Stäerkste war