Gjengevoll Pludrecast

Hei vår og hei april! Vi har hatt ei god og innhaldsrik påske kor vi har kome nokre dugelere skritt vidare til å verta klare til sesongen. Om tre veker startar lamminga, og målet er å få gjort så mykje som mogleg av det som hastar mest før den tid kjem. Det er ei kamp mot klokka å få hagen klar og logistikken på plass før alle plantene skal ut og alt allereie er overgrodd.  Nytt i år er at vi oppskalerer eggeproduksjonen og har mål om å byrja å ha hønsa på beite rundt omkring på eigedomen. No er dei gamle hønsa i drivhuset og 40 nye høner i fjøset, og begge deler må tømmast i løpet av dei neste vekene, så då må vi byggja ferdig dei mobile hønsehusa dei skal bu i. Travle tider!Facebook: Gjengevoll MangesysleriInstagram: @mangesyslerietEpost: hallo@gjengevoll.noP.S. Gi gjerne eit bidrag til å dekka utgiftene for å laga denne podcasten ved å vippsa oss eit valfritt beløp til Gjengevoll sitt vippsnummer 619794.

No har vi mykje nytt å melda! Kjetil har fått seg ny jobb (!), og det har på ein måte Mari óg (i meir enn ein betydning). Vil du vita meir, må du lytta til episoda :) Viss du har spørsmål eller tilbakemeldingar, så ta gjerne kontakt med oss på:Facebook: Gjengevoll MangesysleriInstagram: @mangesyslerietEpost: hallo@gjengevoll.noP.S. Gi gjerne eit bidrag til å dekka utgiftene for å laga denne podcasten ved å vippsa oss eit valfritt beløp til Gjengevoll sitt vippsnummer 619794.

Dagane vert stadig lysare og våren kjem stadig nærmare. Det er godt å kjenna at den mørkaste vinteren er bak oss og at vi har ei lang periode med lys og varme foran oss der naturen kjem til live igjen.I denne episoda snakkar vi om våre erfaringer med å arrangera dugnad på garden, og deler eit par tips til ting å tenkja på viss du skal gjera det same.Viss du har spørsmål eller tilbakemeldingar på episoda, så ta gjerne kontakt med oss på:Facebook: Gjengevoll MangesysleriInstagram: @mangesyslerietEpost: hallo@gjengevoll.noP.S. Gi gjerne eit bidrag til å dekka utgiftene for å laga denne podcasten ved å vippsa oss eit valfritt beløp til Gjengevoll sitt vippsnummer 619794.

Årets mest ettertrakta (?) episode!I denne episoda gjev vi deg alle dei saftige detaljane om økonomien i drifta vår og fasiten for året som har gått. Kva gjekk i pluss? Kva gjekk i minus? Kva for salskanaler har funka best? Kva for produkt har vi selt mest av? Kva for nokre erfaringer har vi gjort oss og korleis vil vi gå vidare med bakgrunn i lærdomane vi har gjort?Fest setebeltet og gjer deg klar for ein episode fullspekka av tal og godsaker!Viss du har spørsmål eller tilbakemeldingar på episoda, så ta gjerne kontakt med oss på:Facebook: Gjengevoll MangesysleriInstagram: @mangesyslerietEpost: hallo@gjengevoll.noP.S. Gi gjerne eit bidrag til å dekka utgiftene for å laga denne podcasten ved å vippsa oss eit valfritt beløp til Gjengevoll sitt vippsnummer 619794.

Vi har starta på eit nytt år, og med det er det på tide å venda om eit nytt blad i boka om livet på Gjengevoll. Vi har lagt jul og nyttår bak oss, og står i skjæringspunktet mellom å evaluera og reflektera over 2023, og leggja planar for året vi har foran oss.Ei spanande nyheit er at vi køyrer digitalt mangesyslarkurs denne seinvinteren, og at påmeldinga har opna no! Kurset har oppstart 5. februar, og du kan lesa alt om det på denne sida: https://gjengevoll.no/digitalt-mangesyslarkurs/Elles er Kjetil på jakt etter deltidsjobb, vi snakkar litt om salskanalar og moglege endringer i drifta, og - sist, men ikkje minst - ei snømus (!) har flytta inn i kjøkenskapet vårt.Viss du har spørsmål eller tilbakemeldingar på episoda, så ta gjerne kontakt med oss på:Facebook: Gjengevoll MangesysleriInstagram: @mangesyslerietEpost: hallo@gjengevoll.noP.S. Gi gjerne eit bidrag til å dekka utgiftene for å laga denne podcasten ved å vippsa oss eit valfritt beløp til Gjengevoll sitt vippsnummer 619794.

Jula og solsnu nærmer seg med stormskritt, og vi er to slitne bønder som byrjar å sjå lyset i enden av tunnellen.Det har vore ein travel haust og ein røff desember, og vi har fokus på å stå løpet ut fram til julefreden tek oss. I denne episoda prøver vi å muntra oss sjølv opp med å tenkja på kva vi er takknemleg for no når vi står midt i julestria.Vi takkar alle våre lyttarar for å ha holdt følgje med oss gjennom 2023. Riktig god jul, så snakkast vi på nyåaret! Viss du har spørsmål eller tilbakemeldingar på episoda, så ta gjerne kontakt med oss på:Facebook: Gjengevoll MangesysleriInstagram: @mangesyslerietEpost: hallo@gjengevoll.noP.S. Gi gjerne eit bidrag til å dekka utgiftene for å laga denne podcasten ved å vippsa oss eit valfritt beløp til Gjengevoll sitt vippsnummer 619794.

Vi speler inn denne episoda etter dagens lefsebakst. No er det snart desember og julemusikken har fått lov til å entra produksjonslokalet medan vi står og baker.Mari bruker lefsebaksten til å reflektera over livet som bonde og som mangesyslar. I jakta på lønsemd og draumen om å skapa sin eigen jobb, kan det vera lett å gløyma seg sjølv og kva som eigentleg er grunnen til at ein valte eit slikt liv i utgangspunktet. Mykje kan vera både lurt og lønsamt, men det er arbeid og oppgåver som ein eigentleg har lyst til å fylla heile livet med?Vi leser opp ein kronikk av gode Kathrine Kinn om kor bekmørkt det ser ut i landbruket for tida, og snakkar litt om nokre spørsmål:Må ein jobbe døgnet rundt viss ein vil vera bonde?Går det an å få til mangesyslarlivet på ein annan måte?Kva er det eigentleg som er viktig for ein i draumen om eit liv på landet?Viss du har spørsmål eller tilbakemeldingar på episoda, så ta gjerne kontakt med oss på:Facebook: Gjengevoll MangesysleriInstagram: @mangesyslerietEpost: hallo@gjengevoll.noP.S. Gi gjerne eit bidrag til å dekka utgiftene for å laga denne podcasten ved å vippsa oss eit valfritt beløp til Gjengevoll sitt vippsnummer 619794.

Ja, vi er her framleis, skjønt det har vore stilt frå denne kanten ei stund.Det har vore ein del som har skjedd, mellom anna ein del farting fram og tilbake og mykje introspeksjon, men no er vi i gong med juleinnspurten og all bakinga som skal gjerast fram mot jul.Elles: Mari har vunne EM i kor!Vi har flytta hønsa ut i drivhuset for vinteren.Og vi held på å rydda og mala litt i huset.Viss du har spørsmål eller tilbakemeldingar på episoda, så ta gjerne kontakt med oss på:Facebook: Gjengevoll MangesysleriInstagram: @mangesyslerietEpost: hallo@gjengevoll.noP.S. Gi gjerne eit bidrag til å dekka utgiftene for å laga denne podcasten ved å vippsa oss eit valfritt beløp til Gjengevoll sitt vippsnummer 619794.

I går sendte vi avgarde årets lam og sauer til slakt. Der vi tidlegare år har slakta ganske få dyr sidan vi har bygd opp flokken, slaktar vi i år ganske mange: sytten stykk. Og blant dei er nokre av dei vaksne sauene og. I denne episoda tek vi særleg farvel med gjerdehopparen Fride, dottera hennar Aurora og fjorårets flaskelam Valeria. Fride har vore med oss frå start, og det er ekstra tungt å ta avskjed med dei som har fått ein spesiell plass i hjartet.På den positive sida, har Mari fått bilen sin tilbake frå verkstaden og er tilbake på trening igjen for fyrste gong på tre (!) månadar. Framover ser ho fram til ein litt meir balansert og energisk kvardag.Og! I helga var vi på bondens marknad i Bergen for fyrste gong. Oppsummert: Vått og vindfylt!Viss du har spørsmål eller tilbakemeldingar på episoda, så ta gjerne kontakt med oss på:Facebook: Gjengevoll MangesysleriInstagram: @mangesyslerietEpost: hallo@gjengevoll.noP.S. Gi gjerne eit bidrag til å dekka utgiftene for å laga denne podcasten ved å vippsa oss eit valfritt beløp til Gjengevoll sitt vippsnummer 619794.

Vi har gjennomført vårt fyrste introduksjonskurs for mangesyslarar!Vi samla ein ordentleg triveleg gjeng med ulike folk som hadde det til felles at dei ønsker seg eit annleis og naturnært liv utanfor hamsterhjulet. Vi jobba, snakka, draumte og delte tankane våre ei heil helg i lag, og stemninga var heilt nydeleg.Dette gav meirsmak, og no tenkjer vi på korleis vi kan tilby fleire kurs framover og vidareutvikla konseptet.Elles: No er det haust, og med det kjem klipping, utrangering, slakt og planlegging av paring og vinterfôring for sauene. Plutseleg! Viss du har spørsmål eller tilbakemeldingar på episoda, så ta gjerne kontakt med oss på:Facebook: Gjengevoll MangesysleriInstagram: @mangesyslerietEpost: hallo@gjengevoll.noP.S. Gi gjerne eit bidrag til å dekka utgiftene for å laga denne podcasten ved å vippsa oss eit valfritt beløp til Gjengevoll sitt vippsnummer 619794.

Vi er godt slitne og legg ei innhaldsrik veke bak oss idet vi kan sjå tilbake på ei helg med både matfestival i Bergen og konsert på garden.Det er fyrste gong vi deltek på Bergen matfestival i år, som arrangerast for 24. gong. Vi går gjennom korleis vi førebudde oss, korleis standen såg ut, kva ein må tenkja på når ein står på marknad, og kva for type varer som selte bra. Alt i alt var det ei positiv oppleving og vi skulle gjerne stått der på laurdagen og!Då hadde vi imidlertid allereie planar om å ha konsert på garden, så laurdagen gjekk med til å rydda, laga mat og stella i stand til det. Vi snakkar om logistikken og økonomien i det å arrangera konsert - dette er noko vi har lyst til å gjera meir av, men vi må få det til å smaka litt betre.Denne veka har også gardsdrengen vår Sigrid reist heim til Danmark for godt, så no må vi bli vant til tilveret med berre to på garden igjen.Viss du har spørsmål eller tilbakemeldingar på episoda, så ta gjerne kontakt med oss på:Facebook: Gjengevoll MangesysleriInstagram: @mangesyslerietEpost: hallo@gjengevoll.noP.S. Gi gjerne eit bidrag til å dekka utgiftene for å laga denne podcasten ved å vippsa oss eit valfritt beløp til Gjengevoll sitt vippsnummer 619794.

Velkomen tilbake! Mari har vore fleire veker borte kjenst det ut som, på kurs og på fjelltur, men no byrjar kvardagen og hausten å slå inn.I dag er hovudtemaet (og frustrasjonen) lagringsplass, eller mangel på det, og tendensen mange (og kanskje særleg bønder) har til å samla opp ting. Mykje er ting som trengst i drifta, og særleg når ein er eit mangesysleri har kvar periode av året sine ting og sine verktøy som stadig skal hentast fram. For eit ryddig ordensmenneske kan det i seg sjølv by på sine utfordringar, men når ein - som oss - har påfallande stor mangel på fornuftig lagringsplass, kan det i alle fall vera vanskeleg. For korleis skal vi klara å ha ein kvardag og eit liv der ikkje alt berre er kaos?Ein skulle ikkje tru at mangel på plass var ein utfordring når ein har gard, men behovet for å få meir system og lagringsplass er absolutt noko som kjem til å trenga seg fram i tida og årene som kjem.Viss du har spørsmål eller tilbakemeldingar på episoda, så ta gjerne kontakt med oss på:Facebook: Gjengevoll MangesysleriInstagram: @mangesyslerietEpost: hallo@gjengevoll.noP.S. Gi gjerne eit bidrag til å dekka utgiftene for å laga denne podcasten ved å vippsa oss eit valfritt beløp til Gjengevoll sitt vippsnummer 619794.

Vi har hatt vår fyrste debiorevisjon! Det var mykje trivelegare og mykje mindre skummelt enn det vi såg for oss som relativt ferske øko-bønder.No har vi (framleis) økologiske grønsaker, urter og ville vekster, og til hausten vert det økologisk sauekjøt og også fleire økologiske foredla produkt.Elles er framleis ei av årets største nøtter (og årets største frustrasjonar) å finna ut av ein beiterigg som funkar for oss. Vi har i år gått for nofence som gjerde i det målretta beitet, men det er fleire ting som gjer det vanskeleg, mellom anna at nofence ikkje har fungert som det skal. No ser vi på ein stor jobb med å gjerda heile eigedomen med fysiske gjerder, eit arbeid og ein kostnad vi ikkje har tatt høgde for.Viss du har spørsmål eller tilbakemeldingar på episoda, så ta gjerne kontakt med oss på:Facebook: Gjengevoll MangesysleriInstagram: @mangesyslerietEpost: hallo@gjengevoll.noP.S. Gi gjerne eit bidrag til å dekka utgiftene for å laga denne podcasten ved å vippsa oss eit valfritt beløp til Gjengevoll sitt vippsnummer 619794.

Juli går inn i august og årstidene kverner sin vante gang. Det er framleis sommar, men seinsommaren har ei annan kjensle, ei anna luft og eit anna lys enn forsommaren.Vi har relativt god piff og er relativt optimistiske for tida som kjem, samstundes som vi førebur oss på at tempoet frå sommaren skal gli over i haust-tempo.Vi snakkar litt om årstider og korleis det å bu på gard har endra vårt syn på kva tid året startar og slutter. Vi pratar óg om retreaten vi arrangerte, ting som skjer til hausten og tek ein liten fot i bakken om drifta vår slik ho er no. Og sjølvsagt pratar vi litt om blomar, for no er dei her!Viss du har spørsmål eller tilbakemeldingar på episoda, så ta gjerne kontakt med oss på:Facebook: Gjengevoll MangesysleriInstagram: @mangesyslerietEpost: hallo@gjengevoll.noP.S. Gi gjerne eit bidrag til å dekka utgiftene for å laga denne podcasten ved å vippsa oss eit valfritt beløp til Gjengevoll sitt vippsnummer 619794.

Vi har kome oss heilskinna gjennom både bryllup og bryllupsreise, og har no vendt tilbake som nesten nye menneske. Halleluja!I denne episoda får du høyra mest om korleis bryllupet og den store bryllupsfesten vår var (spoiler alert: alt vart heilt fullstendig magisk), men óg litt om den korte, men deilige bryllupsreisa + og tida etterpå. Vi har til dømes hausta vår aller fyrste sommarhonning og er no litt meir engasjert over bieprosjektet vårt enn vi var for kunn ein månad sidan.Vi snakkar óg litt om dei spanande tinga som skjer framover, og avhengig av kva tid du høyrer på denne episoda, kan du lesa meir om dei her:PUSTEROM: Ein retreat frå 17.-20. juli: https://gjengevoll.no/pusteromSommarkafé kvar sundag frå 16. juli - 13. august: https://www.facebook.com/events/637995621589091/637995631589090?ref=newsfeedIntroduksjonskurs for mangesyslarar 8.-10. september: https://gjengevoll.no/introduksjonskurs-for-mangesyslarar/Og for å vita meir om Mari sin coaching og melda deg på nyheitsbrev, kan du gå her https://subscribepage.io/regenerativtlivViss du har spørsmål eller tilbakemeldingar på episoda, så ta gjerne kontakt med oss på:Facebook: Gjengevoll MangesysleriInstagram: @mangesyslerietEpost: hallo@gjengevoll.noP.S. Gi gjerne eit bidrag til å dekka utgiftene for å laga denne podcasten ved å vippsa oss eit valfritt beløp til Gjengevoll sitt vippsnummer 619794.

Vi lever! Jada, vi er her framleis og alt går sin gang på mangesysleriet. Men i tillegg til våronna har det vore litt ekstra mykje for oss å tenkja på dei siste vekene, for vi har samstundes jobba med å førebu oss til BRYLLUP.Er vi ikkje allereie gift, tenkjer du kanskje. Jo, det er vi, men festen fekk vi aldri hatt, og dei fleste fekk ikkje med seg at vi gifta oss heller, for det skjedde i smug i februar 2020. Så kom koronaen, den store feiringa måtte utsetjast, og så flytta vi på gard og hadde meir enn nok med å tenkja på det eit par år.Men no er vi endeleg her, tre år på etterskot, og jobbar med å gjera alt klart til ein skikkeleg fest. Til helga feirer vi tre dagars midtsommarbryllup på garden med nesten sytti gjestar. Vi er smått overvelda og podcasten er ein av dei tinga so har vorte nedprioritert i denne perioda. Tusen takk for at du heng med oss, vi kjem sterkare tilbake! Ha ein nydeleg midtsommar og nyt dei lyse dagane fram til vi høyrast igjen. Viss du har spørsmål eller tilbakemeldingar på episoda, så ta gjerne kontakt med oss på:Facebook: Gjengevoll MangesysleriInstagram: @mangesyslerietEpost: hallo@gjengevoll.noP.S. Gi gjerne eit bidrag til å dekka utgiftene for å laga denne podcasten ved å vippsa oss eit valfritt beløp til Gjengevoll sitt vippsnummer 619794.

No er det snart 1. juni og fyrste sommarmånad!Kjetil er veldig nøgd med å ha fått eit minisagbruk i posten, slik at vi no kan saga våre eigne plank og materialar. Vi snakkar litt om korleis det funkar.Vi snakkar óg litt om sjeldne potetsortar, dyrking av korn, framskritta i hagen og ikkje minst den nye åkeren vi held på å anleggja no midt i våronna.Viss du har spørsmål eller tilbakemeldingar på episoda, så ta gjerne kontakt med oss på:Facebook: Gjengevoll MangesysleriInstagram: @mangesyslerietEpost: hallo@gjengevoll.noP.S. Gi gjerne eit bidrag til å dekka utgiftene for å laga denne podcasten ved å vippsa oss eit valfritt beløp til Gjengevoll sitt vippsnummer 619794.

Det er vår! Det plantast! Lamma er ute på beite! Sola skin! Dette bondelivet innbyr til det fulle og breie spekteret av livets store kjensler. Vi er overvelda over alt som skjer i naturen akkurat no og over det faktum at vi får lov å vera ein del av det heile. Samtundes er dei store konstrastane sterke i augeblikka kor vi plutseleg må ta stilling til liv og død, eller til usikkerheita i vår eigen økonomi.I dag snakkar vi om våronna, naturen sine mirakel, bekymringene kring inntekt og framtida vår på garden, det lille lammet Selma, og kjensler i stort og smått.Vi annonserer óg våre planar om å starta med overnattingstilbod på garden, og vi fortel at kurset vi hadde planlagt i himmelfartshelga måtte utsetjast. Lenkje til skjema for å stemma over nye datoar finn du her: https://forms.gle/dj7M7of9tqsfKyo96 Viss du har spørsmål eller tilbakemeldingar på episoda, så ta gjerne kontakt med oss på:Facebook: Gjengevoll MangesysleriInstagram: @mangesyslerietEpost: hallo@gjengevoll.noP.S. Gi gjerne eit bidrag til å dekka utgiftene for å laga denne podcasten ved å vippsa oss eit valfritt beløp til Gjengevoll sitt vippsnummer 619794.

Nyheit! Påmeldinga til kurset vårt den 19.-21. mai, introduksjonskurs for småbrukarar og mangesyslarar, har opna. Les meir og meld deg på her: https://gjengevoll.no/introduksjonskurs-for-mangesyslarar/  Gratulerer med dagen! I dag er det 1. mai, og vi feirer kampen for eit rettferdig samfunn med å snakka om jordbruksoppgjeret og bøndene sin kamp for ei anstendig inntekt. Kva har skjedd med forhandlingane så langt i år? Kva er ståa? Er kravet høgt eller lågt? Kven kjempar for retten til å definera sanninga?  Det og mykje meir kjem vi innom i denne episoda, for alle dykk som ikkje heilt har fått med seg kva alt bråket går ut på.Vi feirer óg at vi er ferdig med lamminga og ha 20 flotte og sunne lam i fjosen. Også så startar vi episoda med ein liten rant om korleis musa har tatt for seg av småplantene våre, slik at vi er nøydd til å så mykje om att.Viss du har spørsmål eller tilbakemeldingar på episoda, så ta gjerne kontakt med oss på:Facebook: Gjengevoll MangesysleriInstagram: @mangesyslerietEpost: hallo@gjengevoll.noP.S. Gi gjerne eit bidrag til å dekka utgiftene for å laga denne podcasten ved å vippsa oss eit valfritt beløp til Gjengevoll sitt vippsnummer 619794.

Lamminga er over halvvegs, og det går unna i fjosen. Vi har fått mange fleire lam enn i fjor (og våre fyrste trillingar) og snakkar litt om kvifor lammetala varierer frå år til år. Vi kårer også dei beste sauemødrene våre, snakkar om riggen i fjosen og om beiting, parasittar og helse.Elles er det sjukt fine dagar for tida, noko som passar veldig godt sidan det er mykje å gjera ute i hagen. I helga hadde vi dugnad og fekk tatt nokre sjumilssteg i riktig retning fram mot å få plantene skal i jorda, men det er framleis masse å gjera og berre tida og vegen.Viss du har spørsmål eller tilbakemeldingar på episoda, så ta gjerne kontakt med oss på:Facebook: Gjengevoll MangesysleriInstagram: @mangesyslerietEpost: hallo@gjengevoll.noP.S. Gi gjerne eit bidrag til å dekka utgiftene for å laga denne podcasten ved å vippsa oss eit valfritt beløp til Gjengevoll sitt vippsnummer 619794.