香港人，盡做啦！

今集由我哋《香港人，盡做啦！》嘅製作團隊嚟圍爐討論一下近呢幾個月由台灣開始，燒到嚟香港嘅MeToo潮。一波接一波嘅MeToo最初係點開始嘅？台灣人同香港人對政治人物被MeToo嘅反應有咩唔同？受害者企出嚟指證加害者會唔會分散咗公眾嘅注意力？真心為民主進程著想嘅人係咪應該為咗大局而忍氣吞聲？講到尾，政治人物係咪戴咗光環，支持佢哋工作嘅人係咪要因為咁而不惜一切去保護呢個光環？傳媒嘅定位又喺邊度？我哋希望可以同大家一齊思考呢啲問題。註：今集於七月中錄製，耽誤到九月後製推出。香港人，盡做啦！嘅Instagram同YouTube而家上線喇！🎧Podcast: https://hktrybestla.buzzsprout.com📷 Instagram: instagram.com/hk.trybestla/▶️YouTube: www.youtube.com/@HKTryBestLa⭐️Credits:主持: Frances, Never編導: Kirbee社交媒體編輯：錦鯉設計師: Sakura剪接、技術支援以及監製: CM & SB

🌅「香港人，盡做啦！」 S02E03百萬懸紅律師新節目 《香港人，法律喎》畀港共政府用百萬懸紅全球通緝緊嘅任建峰竟然喺呢個時候開一個講法律嘅podcast？拍檔仲要係網上非法披露維權人士嘅網站指稱一直為黑暴提供法律援助嘅、喺2019年仲有份遊說美國國會通過香港人權與民主法案嘅蔡騏？佢哋嘅《香港人，法律喎》podcast將會講啲咩？佢哋又點睇《願榮光歸香港》禁制令一案？我哋今集請兩位嘉賓上嚟介紹下佢哋嘅新節目，亦都講下對於近期香港法庭線幾單新聞嘅睇法。蔡騏https://www.instagram.com/craig_choy/https://www.threads.net/@craig_choy任建峰https://twitter.com/kevinkfyam香港人，盡做啦！嘅Instagram同YouTube而家上線喇！🎧Podcast: https://hktrybestla.buzzsprout.com📷 Instagram: instagram.com/hk.trybestla/▶️YouTube: www.youtube.com/@HKTryBestLa⭐️Credits:主持: Frances, Never編導: Kirbee社交媒體編輯：錦鯉設計師: Sakura剪接、技術支援以及監製: CM & SB

喺上一集「英雄本識：葉錦龍」播出之後，因為我地同嘉賓嘅工作行程繁忙暫別咗大家兩個月，不過相信關注香港嘅你近期都有喺唔同社交媒體以及YouTube見到一條”Frances Hui - Glory to Hong Kong | 2023 Geneva Summit”嘅片。適逢《榮光》被禁，呢條片就更為廣傳。 今集Frances就會暫時放低主持嘅身份，成為我地嘅嘉賓！事源Frances之前就喺Geneva Summit度帶出「願榮光歸香港」，但其實本身佢演講嘅內容係咩呢？呢個日內瓦人權及民主峰會又究竟係做咩㗎呢？呢次演講嘅經歷、以及台上台下同世界各地嘅民主鬥士交流嘅經驗又帶左俾Frances、俾香港人一啲咩新嘅得著？今集我哋嚟聽下Frances分享返佢嘅日內瓦之行。Frances Hui – Glory to Hong Kong | 2023 Geneva Summithttps://youtu.be/4sPYmuxr-PMThe Hong Konger - 黎智英紀錄片https://www.youtube.com/watch?v=bRkuv-fOV7k香港人，盡做啦！嘅Instagram同YouTube而家上線喇！🎧Podcast: https://hktrybestla.buzzsprout.com📷 Instagram: instagram.com/hk.trybestla/▶️YouTube: www.youtube.com/@HKTryBestLa⭐️Credits:主持: Frances, Never編導: Kirbee社交媒體編輯：錦鯉設計師: Sakura剪接、技術支援以及監製: CM & SB

闊別大家4個月之後，「香港人，盡做啦！」返嚟喇！第二季我哋希望改改形式，儘量一集過以更深入方式展現訪問內容。打頭炮嘅有新系列《英雄本識》，希望為大家介紹多一啲可能唔係日日曝光喺鎂光燈下，但都值得關心香港嘅每一個人認識嘅英雄。佢哋可能係流亡嘅手足、社運人士或者議員，但可以肯定嘅係無論身在何地，佢哋每日仍然恆常咁努力光復香港。第二季第一集我哋有喺日本打緊國際線嘅前中西區區議員、最後一屆民間人權陣線副召集人，自稱「宅男愛妻號」嘅葉錦龍。葉錦龍同日本嘅緣起喺邊？喺好多人都流散左去英美澳加嘅時候，點解偏偏揀左去日本？住落之後對日本有冇咩唔同左嘅睇法？本來醉心日本文化同動漫嘅佢，同政治嘅緣起又喺邊？47人案開審之後，公眾嘅焦點都聚左喺某幾個人身上 —— 葉錦龍又點睇共事多年嘅前同事區諾軒？喺日本打國際線，日本當地人對政治同對香港人嘅態度自然係非常重要。日本人對政治係咪真係冷感？有冇人關心香港發生緊嘅事？日本人排外又係唔係真？「日本共產黨」又係咩一回事？香港人可以點樣走入日本人嘅社會，去爭取當地人嘅支持？至於喺日本嘅香港人社群，究竟有幾大，有幾多人仲關心香港？喺日本做倡議工作，會面對啲咩困難，對於日本政府同民間，又會向咩方向去倡議？嚟緊五月G7峰會將會喺日本廣島舉行，日本香港人將會利用呢個機會做啲咩倡議？其他國家嘅香港人又可以點樣幫到手？G7峰會將會於2023年5月19日至23日舉行，日本香港民主連盟發起連署。詳情：https://bit.ly/G72023聯署限期：2023年5月12日科勞我地嘅嘉賓 (葉錦龍)：https://instagram.com/samyip_hk香港人，盡做啦！嘅Instagram同YouTube而家上線喇！🎧Podcast: https://hktrybestla.buzzsprout.com📷 Instagram: instagram.com/hk.trybestla/▶️YouTube: www.youtube.com/@HKTryBestLa⭐️Credits:主持: Frances, Never編導: Kirbee社交媒體編輯：錦鯉設計師: Sakura剪接、技術支援以及監製: CM & SB

2019至今已經就嚟四年，美國已經喺2020年對反送中運動入面需要負上責任嘅相關官員實施制裁，但係英國作為中英聯合聲明嘅持份者，故然為流散香港人提供左BNO 5+1計劃，喺制裁方面就遲遲未有動作。我地今日請左俾港共名嘴屈小姐點名嘅英國重光團隊嘅Venus，嚟同我地傾下佢哋啱啱交左俾英國政府嘅Sanction Report，倡議制裁港共16位官員。英國重光團隊係幾時開始寫呢份制裁報告？點解揀呢個時機去公佈？呢個名單固然有林鄭、鄭若驊等人，亦都有一啲有英籍嘅警隊高層，咁呢個名單係點樣制定嘅？如果英國政府可以制裁呢班港共高層，有咩特殊意義，同已有嘅美國制裁又有咩分別？重光團隊喺英國推行制裁，要經過啲咩步驟，而家份制裁報告又係行到邊一步？咁係英國嘅香港人又可以做啲咩幫助推動呢次制裁？閱讀英國重光團隊Stand With Hong Kong嘅Sanction Report: https://www.standwithhk.org/uk香港人，盡做啦！嘅Instagram同YouTube而家上線喇！🎧Podcast: https://hktrybestla.buzzsprout.com📷 Instagram: instagram.com/hk.trybestla/▶️YouTube: www.youtube.com/@HKTryBestLa⭐️Credits:主持: Frances, Never編導: Kirbee社交媒體編輯：錦鯉設計師: Sakura剪接、技術支援以及監製: CM & SB

"由2019到而家呢三年之間，固然有好多人移居或流亡海外，但係亦都有好多人仲喺還押同囚禁之中。最近一個叫「佚名Somebody」嘅Channel就發起海外寫信師同筆友配對嘅計劃，希望可以提供一個平台去幫身處海外但依然想關注手足嘅朋友，去同牆內嘅人連繫。佢哋係幾時同點解會諗到發起海外寫信師嘅行動？呢個喺三年之後發起、而且係針對海外港人嘅寫信師征集，對於在囚手足同流散港人，又有啲咩特別嘅意義？三年之後嘅今日，有冇覺得在地同海外嘅手足熱情減退咗或者開始有心無力，兩位嘉賓有冇希望呢個筆友配對計劃可以有助改善呢個情況，或者達到啲咩長遠嘅目的？佢哋喺自己做寫信師嘅過程之中，有冇咩趣事或者特別深刻嘅經歷？對於有興趣做寫信師嘅海外港人，可以點樣參與呢個配對計劃？配對嘅過程會係點樣？寫信嘅頻率會係幾密？寫信嘅時候有咩需要注意？手足會鍾意睇啲咩嘢，唔鍾意睇啲咩嘢？我哋亦都會喺下面附上寫信攻略。有咩問題都歡迎通過「佚名Somebody」嘅IG向佢哋提問！"嘉賓：男、呂admin@Somebody 佚名Somebody.HK ig: https://instagram.com/somebody.hk石牆花寫信攻略：https://tinyurl.com/wallfarestrat香港人，盡做啦！嘅Instagram同YouTube而家上線喇！🎧Podcast: https://hktrybestla.buzzsprout.com📷 Instagram: instagram.com/hk.trybestla/▶️YouTube: www.youtube.com/@HKTryBestLa⭐️Credits:主持: Frances, Never編導: Kirbee社交媒體編輯：錦鯉設計師: Sakura剪接、技術支援以及監製: CM & SB

適逢中大理大攻防戰三週年，我哋今集請咗3位當日在場嘅手足同我哋分享吓佢哋當日嘅經歷。佢哋亦都同會同我哋分享吓佢哋而家流散海外嘅生活，以及流亡嘅佢哋點樣繼續為香港嘅未來努力。Ft. 銀, Venus, Wesley—————我係分割線—————廣告：由Students 4 Hong Kong 發起嘅理大圍城 Week of Remembrance campaign 由11月12號開始，內容包括12號喺線上嘅座談會，14至18號喺線下唔同大學嘅理大圍城電影放映會，同燭光晚會。希望藉住呢個星期嘅活動，可以同香港人一齊紀念三年前嘅理大一役，亦都俾世界各地嘅大學生去認識理大圍城同香港民主運動。如果聽緊嘅你想喺自己campus搞番呢個week of rememberance嘅活動，歡迎隨時聯絡我地(S4HK)，希望嚟緊呢個星期我地可以喺全球遍地開花！香港人，盡做啦！嘅Instagram同YouTube而家上線喇！🎧Podcast: https://hktrybestla.buzzsprout.com📷 Instagram: instagram.com/hk.trybestla/▶️YouTube: www.youtube.com/@HKTryBestLa⭐️Credits:主持: Frances, Never編導: Kirbee社交媒體編輯：錦鯉設計師: Sakura剪接、技術支援以及監製: CM & SB

為咗「慶祝」中共統治香港25年，最近香港政府就頻繁地嘗試喺世界唔同地方「說好香港故事」，而承繼咗港英政府駐外專員職能嘅香港經濟貿易辦事處（HKETO/經貿辦）自然就要喺海外去為港共政權洗白。今集我哋請到曾被文匯大公誤認為CIA嘅Brian Kern同我哋分享吓近日一眾在美港人點樣監察HKETO 嘅鬼鼠行踪，喺佢地舉行嘅連串活動上抗議同文宣，講返真實嘅香港故事比在地嘅美國人知。路人皆知嘅經貿辦洗白工程，又唔通真係要CIA先識篤爆佢，抑或係其實唔同海外港人都可以幫手「說好真實嘅香港故事」？各位聽眾對國際線監察同遏制HKETO海外嘅活動又有咩睇法？註：今集主要訪談以英文進行，附帶兩位主持嘅粵語後記香港人，盡做啦！嘅Instagram同YouTube而家上線喇！🎧Podcast: https://hktrybestla.buzzsprout.com📷 Instagram: instagram.com/hk.trybestla/▶️YouTube: www.youtube.com/@HKTryBestLa⭐️Credits:主持: Frances, Never編導: Kirbee社交媒體編輯：錦鯉設計師: Sakura剪接、技術支援以及監製: CM & SB

一直以嚟，都有唔同背景嘅香港人因為唔同原因喺唔同嘅時間點嚟到美國。我地喺HK Summit 就識左三位咁樣嘅朋友，今日就邀請左佢哋上嚟傾下偈。佢哋係幾時同點解會嚟到美國？對上一次喺香港係幾時嘅事，走嘅時候有冇啲咩回憶係特別深刻嘅？又係咩原因驅使三位決定喺美國做番啲同香港人有關嘅嘢？喺2019年之前對國際線有咩睇法，而家有冇改變？對於國際線嘅意義同唔同嘅崗位，又有咩見解？最後，我地請三位嘉賓寄語流散嘅香港人同留低嘅香港人——希望大家無論喺咩地方咩崗位，都可以「盡做啦」，我哋最終會喺煲底相見。香港人，盡做啦！嘅Instagram同YouTube而家上線喇！🎧Podcast: https://hktrybestla.buzzsprout.com📷 Instagram: instagram.com/hk.trybestla/▶️YouTube: www.youtube.com/@HKTryBestLa⭐️Credits:主持: Frances, Never編導: Kirbee社交媒體編輯：錦鯉設計師: Sakura剪接、技術支援以及監製: CM & SB

喺上個月兩個波羅的海國家－愛沙尼亞同拉脫維亞－繼立陶宛之後退出咗一個叫EU 16+1嘅計劃。咁呢個16+1計劃究竟係咩嚟嘅？點解兩個國家喺呢個時候決定退出？我哋今日就請咗喺愛沙尼亞嘅Iverson嚟同大家傾下EU 16+1。我哋知道呢個計劃係同中國嘅一帶一路有關，但係除咗宣傳一帶一路之外，佢仲有咩目的？喺俄羅斯入侵烏克蘭而中國被揭發係支持侵略行動嘅之後，歐盟國家對中國嘅態度有咩轉變，構成對中國喺歐洲嘅投資計劃嘅影響？佢哋係點樣去衡量繼續同中國合作喺經濟上嘅得益同政治上嘅損失，最後作出退出嘅決定？喺同中國合作與否嘅輿論戰入面，我哋都不期然會諗到共諜嘅存在－喺呢兩個國家入面，共諜係點樣去滲透？對香港人嚟講，呢件事對我哋又有咩影響，有咩可以從中學習？香港人，盡做啦！嘅Instagram同YouTube而家上線喇！🎧Podcast: https://hktrybestla.buzzsprout.com📷 Instagram: instagram.com/hk.trybestla/▶️YouTube: www.youtube.com/@HKTryBestLa⭐️Credits:主持: Frances, Never編導: Kirbee社交媒體編輯：錦鯉設計師: Sakura剪接、技術支援以及監製: CM & SB

正值九月開學嘅季節，我哋今日就邀請咗Students for Hong Kong (S4HK)嘅三位同學上嚟傾下偈。美國各大專院校一般都有Hong Kong Students Association，咁點解呢班嚟自唔同院校嘅學生又會成立多個S4HK？S4HK喺性質同目的上同HKSA有啲咩分別？咁樣又算唔算係同HKSA打對台？留學生好多時喺讀書嘅國家國只係過客，畢業後好難避免要返香港，咁有冇同學會擔心自己喺外國做倡議工作令到自己番唔到香港，而唔敢參與太多？聯盟方面又點樣解決呢個問題？至於學校方面，對於S4HK喺校內做嘅文宣工作，會唔會表現出立場？其他嘅本地同國際學生又有咩反應？經歷四間學校嘅三位嘉賓，對以上種種都有唔同嘅深刻經歷。香港人，盡做啦！嘅Instagram同YouTube而家上線喇！🎧Podcast: https://hktrybestla.buzzsprout.com📷 Instagram: instagram.com/hk.trybestla/▶️YouTube: www.youtube.com/@HKTryBestLa⭐️Credits:主持: Frances, Never編導: Kirbee社交媒體編輯：錦鯉設計師: Sakura剪接、技術支援以及監製: CM & SB

🌅「香港人，盡做啦！」 Ep.6今日我哋繼續同HKDC同SWHK嘅嘉賓傾下佢哋喺Hong Kong Summit嘅經歷同埋感想。兩日入面有咁多會開，不過大家最有興趣嘅可能都係俾大公文匯點名嘅FBI Workshop，咁其實呢個workshop係做咩嘅，FBI做嘅嘢同我哋海外香港人又有咩關係？除此之外，仲有咩環節喺嘉賓同主持心目中係特別印象深刻嘅？嚟呢個峰會之前，相信好多人都帶住好多問題而嚟，咁喺呢個峰會入面，又搵唔搵到答案，或者一個可以前進嘅方向？除咗日間嘅會議之外，夜晚嘅社交場合亦都令唔同嘅出席者感受良多－「圍爐」同「苦中作樂」其實只差一線，兩位嘉賓又點樣睇峰會一班香港人喺打緊國際線之餘飲酒聚餐，會唔會驚俾人話人血饅頭，又會唔會有罪疚感？由今集開始，我哋亦都會邀請每集嘅嘉賓分享每個人最思念香港嘅一樣嘢，同大家一齊思鄉。科勞我哋嘅嘉賓：🏷 Twitter: twitter.com/hkdc_us📨 Facebook: fb.com/hkdc.us🔗 https://hkdc.us/香港人，盡做啦！嘅Instagram同YouTube而家上線喇！🎧Podcast: https://hktrybestla.buzzsprout.com📷 Instagram: instagram.com/hk.trybestla/▶️YouTube: www.youtube.com/@HKTryBestLa⭐️Credits:主持: Frances, Never編導: Kirbee社交媒體編輯：錦鯉設計師: Sakura剪接、技術支援以及監製: CM & SB

🌅「香港人，盡做啦！」 Ep.5有睇大公文匯嘅各位愛國愛港人士都知，有班反中亂港份子喺上個月聚集喺美國華府，搞咗個香港峰會Hong Kong Summit。我哋今日就請咗兩大搞手嘅HKDC同SWHK嘅嘉賓上嚟同大家解下話，其實當初點解會諗到搞一個HKSummit，希望藉住佢達到啲咩目的？未開始之前對呢嗰峰會有咩期望，最後又覺得達唔達到？第一次喺現實生活中見到眾多平時只係透過網絡平台一齊做嘢嘅人，有冇咩特別深刻嘅回憶？經歷呢一次嘅線下會議，有冇覺得香港人團結咗，又有冇其他得著？坊間對呢個Summit有唔少傳言，喺呢度亦都想請兩位嘉賓解釋一下，例如大台「插旗」、政治審查、峰會嘅保密工作、兩個組織喺峰會期間嘅參與程度、對議會遊說工作嘅迷思等等。我哋一連兩集會從搞手嘅角度去分享下香港峰會嘅經歷，請繼續留意下集。科勞我哋嘅嘉賓：🏷 Twitter: twitter.com/hkdc_us📨 Facebook: fb.com/hkdc.us🔗 https://hkdc.us/香港人，盡做啦！嘅Instagram同YouTube而家上線喇！🎧Podcast: https://hktrybestla.buzzsprout.com📷 Instagram: instagram.com/hk.trybestla/▶️YouTube: www.youtube.com/@HKTryBestLa⭐️Credits:主持: Frances, Never編導: Kirbee社交媒體編輯：錦鯉設計師: Sakura剪接、技術支援以及監製: CM & SB

🌅「香港人，盡做啦！」 Ep.4 香港法治監察「香港法治已死」呢句我哋近年聽得越嚟越多，咁點解仲有新成立嘅組織係以香港法治監察為名？佢哋仲監察緊啲咩？一班有法律知識背景嘅專業人士喺2022年3月成立Hong Kong Rule of Law Monitor，佢哋點解認為香港仲有法治可監察？透過記錄同分析香港嘅法治狀況，佢哋希望達到啲咩目的，報告嘅對象係邊個？除咗案件判決之外，仲有咩係會影響香港嘅法治程度，佢哋需要記錄在案？法治監察嘅工作係咪一定要有法律背景嘅人先可以做到？海外嘅人如果想為在地香港人發聲，又有啲咩可以做？⚖️我哋以香港法治監察同多個海外香港人團體聯署，希望終審法院嘅非常任海外法官可以辭職嘅呢件事為例，睇下覺得自己可以成為香港法治最後一道防線嘅海外法官究竟係點樣淪為港共政府粉飾太平嘅橡皮圖章。🧑🏻‍⚖️🧑🏻‍💼IPAC有關香港司法獨立嘅法律意見：https://bit.ly/3OVAW9L科勞我哋嘅嘉賓：🏷 Twitter: twitter.com/HKRLM_ORG📨 Facebook: fb.com/hkrlm🔗https://hkrlm.org/香港人，盡做啦！嘅Instagram同YouTube而家上線喇！🎧Podcast: https://hktrybestla.buzzsprout.com📷 Instagram: instagram.com/hk.trybestla/▶️YouTube: www.youtube.com/@HKTryBestLa⭐️Credits:主持: Frances, Never編導: Kirbee社交媒體編輯：錦鯉設計師: Sakura剪接、技術支援以及監製: CM & SB

承上集，我哋今集繼續講吓俄烏戰爭入面歐洲各國以及唔同跨國組織間微妙嘅關係以及定位。我地上次提到北約，究竟「北約東擴」引致俄羅斯出兵烏克蘭嘅呢個理由其實成唔成立呢？相反，俄羅斯自己想做嘅軍事擴張，喺近年嚟又有咩蛛絲馬跡可以睇到？俄羅斯同北約之間嘅緩衝區，到底仲存唔存在？跟住我地會睇下歐盟各國之間嘅關係，究竟係咪真係咁團結，而歐盟呢個制度同美國嘅聯邦制以至世界上其他嘅聯盟例如東盟相比，又有咩優劣之處？今集亦會解構歐洲唔同嘅官方組織同埋喺俄烏戰爭開始之後，歐洲各國民間嘅反應同進展有啲咩係我地之後要密切留意。香港人，盡做啦！嘅Instagram同YouTube而家上線喇！🎧Podcast: https://hktrybestla.buzzsprout.com📷 Instagram: instagram.com/hk.trybestla/▶️YouTube: www.youtube.com/@HKTryBestLa⭐️Credits:主持: Frances, Never編導: Kirbee社交媒體編輯：錦鯉設計師: Sakura剪接、技術支援以及監製: CM & SB

俄羅斯入侵烏克蘭之後，好多唔同嘅報導同節目已經分析過戰爭形勢同國際關係，咁我哋今日又講啲咩呢？我哋今日邀請咗兩個喺歐洲嘅隊友嚟介紹下歐洲、歐盟同烏克蘭申請入歐嘅過程。歐盟其實最初係點嚟嘅？成員國喺考慮俾唔俾佢入，有咩考慮因素？土耳其、克羅地亞等國家曾經申請入歐等完又等，成功入歐究竟有幾困難？申請入歐嘅程序又有幾多步，而家烏克蘭去到邊度，成功嘅機會又有幾大？歐盟要考慮俾唔俾佢加入，係咪真係表面上咁一面倒嘅，一定要比佢入？又假設真係比佢入咗嘅話，對烏克蘭嘅意義有幾大，對呢場戰爭嚟講足唔足夠去力挽狂瀾？香港人從烏克蘭入歐呢件事上，又可以睇到啲咩？除咗歐盟之外，我哋都會討論下歐洲嘅另外一個組織、俄羅斯以佢作為藉口入侵烏克蘭嘅北約，佢嘅來歷、同歐盟嘅分別同係而家喺歐洲嘅作用。香港人，盡做啦！嘅Instagram同YouTube而家上線喇！🎧Podcast: https://hktrybestla.buzzsprout.com📷 Instagram: instagram.com/hk.trybestla/▶️YouTube: www.youtube.com/@HKTryBestLa⭐️Credits:主持: Frances, Never編導: Kirbee社交媒體編輯：錦鯉設計師: Sakura剪接、技術支援以及監製: CM & SB

「制裁」我哋呢兩年真係聽得唔少，近期美國參眾兩院又出咗封要求政府制裁國安法委任法官同檢控官嘅聯署信，咁制裁即係點？最初係點嚟嘅？我哋成日聽到嘅Magnitsky Act，又係點樣成為近代制裁法案－包括香港人權與民主法案－嘅基礎？一講到制裁，自然會聯想到侵犯人權嘅官員，但係作為「幫兇」嘅律師同法官，又有冇被制裁嘅先例？而家美國進行得最多嘅經濟制裁，又係邊個負責，點做到嘅？ 今集嘅「香港人，盡做啦！」我地會講「制裁」嘅由來同埋西方國家喺對俄羅斯、香港、以及中國制裁上嘅執行。本集音樂介紹：鋼鐵是怎樣煉成的 HOCC何韻詩香港人，盡做啦！嘅Instagram同YouTube而家上線喇！🎧Podcast: https://hktrybestla.buzzsprout.com📷 Instagram: instagram.com/hk.trybestla/▶️YouTube: www.youtube.com/@HKTryBestLa⭐️Credits:主持: Frances, Never編導: Kirbee社交媒體編輯：錦鯉設計師: Sakura剪接、技術支援以及監製: CM & SB

「香港人，盡做啦！」係一個點樣嘅節目？點解我哋會突然之間想做一個podcast？呢個名又係點嚟？坊間已經有唔少podcast，咁我哋又想通過呢個節目做到啲咩？第0集我哋開宗明義，講下錄呢個節目嘅初衷，介紹番我哋嘅製作團隊，同預告下之後嘅集數又會講啲咩。香港人，盡做啦！嘅Instagram同YouTube而家上線喇！🎧Podcast: https://hktrybestla.buzzsprout.com📷 Instagram: instagram.com/hk.trybestla/▶️YouTube: www.youtube.com/@HKTryBestLa⭐️Credits:主持: Frances, Never編導: Kirbee社交媒體編輯：錦鯉設計師: Sakura剪接、技術支援以及監製: CM & SB

香港人，盡做啦！嘅Instagram同YouTube而家上線喇！🎧Podcast: https://hktrybestla.buzzsprout.com📷 Instagram: instagram.com/hk.trybestla/▶️YouTube: www.youtube.com/@HKTryBestLa⭐️Credits:主持: Frances, Never編導: Kirbee社交媒體編輯：錦鯉設計師: Sakura剪接、技術支援以及監製: CM & SB