كباية شاي سارّة

EP. 7 في الحلقة الأولى من نوعها في البودكاست، شرفني الصديق والزميل عبدالعظيم عطية كأول ضيف في البودكاست !! اتكلمنا عن تجربتنا كسودانيين عاشو الكم سنة الفاتو من حياتهم في السودان بعد ما قضّوا أغلبها في غربة، كيف كان تأثير السودان علينا ما بين زياراتنا ليه في فترة الغربة وبين استقرارنا فيه اخر فترة ما قبل الحرب. اتكلمنا عن التجربة الإجتماعية والإقتصادية بالذات فترة قبل وبعد الثورة اللي بدأت في ديسمبر 2018 استذكرنا بعض أوقات الطفولة والمراهقة وكيف اتعلمنا حاجات كتيرة من السودان وكيف اتعلقنا بيه الحلقة دي اتسجلت قبل ٣ شهور بس على قدر ما استمتعت بيها واستمتعت بوجود عبدالعظيم على قدر ما دموعي نازلة وقلبي حزين على السودان.. اليوم الذكرى السنوية الأولى لبداية أحزن حدث وأكبر مأساة تمرّ على السودانيين، ذكرى بداية الحرب اللعينة عايزة يكون اليوم دا مخصص للسودان بالدعاء أولًا والنشر وزيادة الوعي وتذكير الناس بالحاصل ثانيًا أتمنى تكون الحلقة عجبتكم ولو انها زادت الحنين للسودان ما تنسو تشاركوني آرائكم يا أصدقاء 🤍

EP. 6 في الحلقة السادسة من البودكاست اتكلمنا عن التسويف، تعريفه وأسبابه والعواقب الممكن يترتب عليها تسويفك لإنجاز مهامك والحاجات المفروض تنجزها، كيف ممكن يكون عائق في حياتك وكيف تقدر تساعد نفسك تتخطى العائق دا شوية شوية وبخطوات صغيرة. لأننا كلنا مسوّفين ممكن تختبر نفسك وتكتشف انت مُسوّف بنسبة شنو عبر اللينك دا: https://www.mindtools.com/agqsnqe/are-you-a-procrastinator أتمنى الحلقة تنال إعجابكم وتكون أفادتكم كمان، ما تنسو تشاركوني آرائكم تحت في الكومنتس او قسم ال interaction والأهم كمان انو ما تنسو تشتركو في البودكاست وتفعّلوا التنبيهات عشان الجايي أرهب من رهيب حقييييييقي 🔥🔥🔥🔥 مصادر الحلقة: https://www.mindtools.com/a5plzk8/how-to-stop-procrastinating https://positivepsychology.com/self-regulation/ https://www.mcleanhospital.org/essential/procrastination

EP. 5 في جرعتنا لهذا الشهر من الونسة اتكلمت عن كيف كانت الكتابة من اكتر وسائل الفضفضة الما كان عندي اي اهتمام بيهاو بكرهها و ما مقتنعة بيها، و اللي بقت حاليا من افضل الوسائل بالنسبة لي كيف اتحولت من حاجة بكرهها لحاجة بحتاجها؟ و شنو فايدتها؟ و اثرها شنو علينا؟ كلو حتسمعوهو في الحلقة دي و دوركم تشاركوني اراءكم و تجاربكم عن الموضوع دا تحت هنا و ما تنسو تشيرو يا اصدقاء!!! 3> *ملحوظة: ارجو المعذرة على الاخطاء الفنية، قاعدة اعمل كل البقدر عليه و ان شاء الله المرات الجاية افضل مصدر الحلقة: https://www.healthline.com/health/benefits-of-journaling#self-discovery

EP. 4 I've been crying every day since the 7th of October, everything feels too heavy to deal with. Everything I've been through from the moment I had to leave my home in Sudan just to be alive and feel safe to the moment I saw the very first videos of people in Gaza suffering just like my people and I, everything just feels hard to absorb and adapt with. Growing up surrounded by Palestinian friends, raised to know the one and only truth about Palestine and being a Muslim made me very attached to the Palestinian case. كان لازم افضفض معاكم عن مشاعر القهر والحزن دي عسى ولعل تكون مواساة لينا جميعا وتذكير بالدعاء لله انو ربنا يزيح الغمة عننا ويرحمنا وما تنسو تشاركوني آرائكم وفضفضتكم وكل حاجة في قلبكم يا أصدقاء

EP. 3 من أهم المناسبات النشأنا عليها كمسلمين، متعلقة بخير الأنام و خاتم الأنبياء حبيبنا النبي عليه الصلاة و السلام. حبيت تبقى الحلقة المميزة دي ضمن البودكاست عسى أن تزيد شوقنا و حبنا و تعلقنا به عليه أفضل صلوات ربي و أتم تسليماته 3> المصدر الاساسي للحلقة: كتاب السيرة النبوية لابن هشام

EP. 2 موضوع حلقتنا الثانية من بودكاست "كباية شاي سارّة" موضوع مثير جدًا للإهتمام، بيمسّنا و يهمّنا جدًا كشباب في مختلف الأعمار. كل ما فهمنا كيف نتعامل مع نفسنا و نفهمها حنقدر نحسنها بشكل افضل و يمكن اسرع كمان. أتمنى تعجبكم الحلقة و ما تنسو تشاركوني آرائكم يا أصدقاء!! مصادر الحلقة: https://www.verywellmind.com/what-is-self-esteem-2795868 https://my.uq.edu.au/information-and-services/student-support/health-and-wellbeing/self-help-resources/self-esteem-and-self-confidence https://en.m.wikipedia.org/wiki/Maslow%27s_hierarchy_of_needs و بتقدرو تنزلو الكتيّب الفيه التمارين من هنا: https://positivepsychology.com/self-esteem/

EP. 1 في أولى حلقات بودكاست "كباية شاي سارّة"، و تزامناً مع نهاية شهر 8 لعام 2023، حبيت أشارككم التجربة الخضتها في الشهر دا و الكمان اعتبرتو بداية جديدة لمرحلة و فترة جديدة في حياتي. أتمنى تعجبكم الحلقة و تلهمكم و نستفيد كلنا منها ما تنسو تشاركوني آرائكم يا أصدقاء!!

سعيدة جداً جداً و أنا بشارككم الحلقة التعريفية لبودكاست "كباية شاي سارّة" حاجة كان من زمان نفسي أعملها و أتمنى تستمعو بيها زي ما أنا مستمتعة بيها، و ان شاء الله تكون تجربة جميلة و بداية موفقة لحاجات أحلى و أحلى ما تنسو تشاركوني آرائكم يا أصدقاء!!