У вёсцы Чыжы на Падляшшы прайшла ўрачыстасць, прысвечаная 100-годдзю беларускага паэта, публіцыста і грамадскага дзеяча Віктара Шведа.

<figure class="wp-block-image size-full"></figure>



<figure class="wp-block-image size-large"></figure>

У вясковай святліцы перадалі школьны штандар з выявай паэта, а на ганку школы, што нядаўна атрымала ягонае імя, адкрылі памятную шыльду.

І паўсюль былі папяровыя васількі, а ў вачах дзяцей, што іх рабілі — гонар і здзіўленне, што іх школа цяпер носіць імя чалавека, які так шчыра любіў Падляшша і слова па-беларуску. Так васількі сталі сімвалам свята — як у «Апокрыфе» Максіма Багдановіча: «Добра быць коласам, але шчаслівы той, каму дадзена быць васільком».

<figure class="wp-block-image size-large"></figure>



<figure class="wp-block-image size-large"></figure>



<figure class="wp-block-image size-full"></figure>

Пра тое, як у Чыжах васількі сталі знакам памяці і гонару, злучылі супольнасць у святочным шэсці да школы, і чаму Віктар Швед нібыта вярнуўся дахаты — слухайце ў рэпартажы Вольгі Сямашкі «Васількі для Віктара Шведа», урывак з якога прапануем паважаным слухачам:

<figure class="wp-block-audio"></figure>

Цалкам рэпартаж Вольгі Сямашкі «Васількі для Віктара Шведа», у якім гучаць галасы жыхароў Чыжоў, вучняў, настаўнікаў і гасцей урачыстасці перадачы школьнага штандара і адкрыцця памятнай шыльды ў гонар Віктара Шведа, слухайце сёння, 21 кастрычніка, на хвалях Беларускага Радыё Рацыя ў 15:10 паводле беларускага часу (14:10 паводле польскага).

Беларускае Радыё Рацыя

The post Анонс рэпартажу «Васількі для Віктара Шведа» appeared first on Рацыя.