Holobiontea soinu fikzioaren 2. denboraldia abian da Urriaren 9tik aurrera EITB Podkasten.
Zurriolako hondartzan agertu zen izakiak, nazioarteko komunitate zientifikoaren arreta gune izaten jarraitzen du. Izan ere, Donostiako Aquariumeko laborategian berpiztu eta ihes egitea lortu ondoren hainbat pertsonari eraso eta hil egin zituen. Baina Holobionte hura Idurre Aldeazabal ikerlariak eta bere taldeko Imanol eta Aroaren artean akabatzea lortu zuten. 
Ez dute garaipena ospatzeko aukera handirik izan ordea, izan ere munduko puntu ezberdinetan, antzerako hainbat izaki azaldu dira eta Holobiontearen mehatxua mundu osora zabaldu da. Gizartean sortu duten izua kontrolatzen saiatzeko agindua jaso du Idurrek agintariengandik. Egoera uste baina larriagoa da, ordea. Task Corporationen ezkutuko interesak, eroskeria eta sentimenduak nahasten ditu Holobiontearen bigarren denboraldiak. 
Holobiontea, 16-100 urte arteko gazteei zuzendutako soinu fikzio saila da, podcast formatuan ekoitzia. Zientzia-fikzioa eta thriller psikologikoa uztartzen ditu. Beste 6 atalek osatzen dute ULU Mediak EITB podkasterako ekoitzitako soinu fikzioaren 2. denboraldia. Oier Aranzabal izan da taldearen zuzendaria, Xabier eta Martin Etxeberria anaiek egin dute gidoia, musika banda Maite Larburuk ekoizpenerako espresuki sortua da. Alain Urrutiak egin ditu irudiak eta Anatz Zuazuak zuzendu ditu aktoreak. Besteak beste: Nagore Aranburu, Iban Garate, Asier Hormaza, Aitziber Garmendia, Klara Badiola, eta BIEUSE, aktoreen elkarteko kideak. Grabaketak Lasarteko ULU Studion eginak dira.