Otsailaren 26tik aurrera eskainiko dizugu EITB Podkasten, Holobiontea. Harpidetu zaitezke edukira dagoeneko!  
Donostiako Zurriolako hondartzan izaki bat agertu da hilda. Izenik ez duen espezie arraro bateko izakia surflari batek topatu du itsasertzean. Munduko komunitate zientifikoaren arreta piztu du aurkikuntzak, Matthew Mendoza bera Euskal Herrira hurbildu da. Idurre Aldazabal EHUko biologia irakaslea deitu du Eusko Jaurlaritzak ikertzaile taldearen buru izan dadin. Segituan ohartu dira ordea, ez dela izakia sarean erori dena, baizik eta beraiek. Ez dago sailkatua espezieen katalogoan baina harraparia da. 
Holobiontea, 16-100 urte arteko gazteei zuzendutako soinu fikzio saila da, podcast formatuan ekoitzia. Zientzia-fikzioa eta thriller psikologikoa uztartzen ditu. 
ULU Mediak egin du sei ataletan banatutako soinu fikzio podcastaren ekoizpena EITB Podkasterako. Artxipelagoa soinu fikzio arrakastatsuaren kasuan bezala. Oier Aranzabal izan da taldearen zuzendaria, Xabier eta Martin Etxeberria anaiek egin dute gidoia, musika banda Maite Larburuk ekoizpenerako espresuki sortua da. Alain Urrutiak egin ditu irudiak eta Anatz Zuazuak zuzendu ditu aktoreak. Besteak beste:  Nagore Aranburu, Iban Garate, Asier Hormaza, Aitziber Garmendia, Klara Badiola,  Patxi Santamaria, eta BIEUSE, aktoreen elkarteko kideak. Kandido Uranga. Grabaketak Lasarteko ULU Studion egin dituzte Jon Gartzia eta Alai Ormazabalek.