Súil siar ar an mbliain 1990 ar RTÉ Raidió na Gaeltachta: Dialann na Bliana le Máirtín Jaimsie; Insealbhú an Uachtaráin Máire Mhic Róibín mar Uachtarán ar Éirinn; An tEaspag Séamus Ó hÉigeartaigh ag trácht ar an gCairdinéal Tomás Ó Fiaich a bhí tar éis bháis; Pádraig Ó Gallchóir ag caint ag uaigh an scríbhneora Seosamh Mac Grianna; Aindreas Ó Gallchóir ag caint faoina chara Breandán Ó hEithir a bhásaigh go tobann; Tony Chatherine Antoine William Ó Cailín ag inseacht scéal faoi Naomh Pádraig do Sheán Ó hÉalaí & píosa ceoil le Píobairí Acla; Éamon Ó Cuív, Nollag Ó Gadhra & T.P. Ó Néill ag caint le Mícheál Ó Sé ar lá comóradh lae breithe Mhíchíl Uí Choileáin 100 bliain roimhe sin; Bob Quinn ag moladh go dtiocfadh muintir na Gaeltachta ar stailc teangan ar Lá Féile Pádraig & gan aon Ghaeilge a labhairt ar an lá sin & píosa de "Morning Merriment" (Siamsán Maidine) as Béarla!