Beñat Iturriozek ‘Enarak’ dokumentala aurkeztu du: euskarazko rockaren lehen urratsen memoria
Description
1967 urtean gaude, diktadura frankista betean. Askatasun egarri ziren gazte batzuek Donostiako seminarioan elkartu, eta apaiz izateko bidea utzita, bestelako fede bati ekin zioten: musikarenari. Hala sortu zen Enarak taldea, garai hartako Euskal Herrian guztiz arrotza zen zerbait eginez: pop, rock eta psikodelia estiloak euskaraz jotzen. Lau urtez hamaika kontzertu eskaini zituzten, jendea dantzan jarrita, baina 1971n, misteriotsuki, desagertu egin ziren. 50 urte geroago, taldeko abeslariaren semea, Beñat Iturrioz, aitaren eta Enarak-en arrastoen bila abiatu da. Haren dokumentalak, Enarak, bilaketa pertsonal eta kolektibo bat bihurtzen du istorio hura: ornitologia, collage estetika eta memoria historikoa uztartuz. Urriak 21ean Kafe Antzokian aurkeztuko da Enarak dokumentala. Gaur, Beñat Iturriozekin hitz egingo dugu, dokumental honen sorkuntza prozesuaz.
Deskargatu hemen.
The post Beñat Iturriozek ‘Enarak’ dokumentala aurkeztu du: euskarazko rockaren lehen urratsen memoria first appeared on Bilbo Hiria irratia.
United States
