In the second of our reo-based episodes, we talk about the challenges that come with learning te reo as a second language.

In the second of our reo-based episodes, we talk about the challenges that come with learning te reo as a second language.

Te Reo Māori

By Kahu Kutia

Kia wawatatia e tātou te pae tawhiti. Kia tuituia e tātou he ao e ū ana ki te manaakitanga, ki te aroha, ki te kotahitanga. Ka mua, ka muri, ki te ao whai oranga. Ko He Kākano Ahau: Wawatatia te kaupapa e whai ake nei.

I te tau 2019 i whakaputaina e te kāwanatanga tā rātou whāinga kia kotahi miriona ngā tāngata reo Māori hei te tau 2040. He wawata nui, ā, he mīharo te whakaaro ki te ao e pērā ana. Te ao e kite ana i te katoa e whakamana i tēnei reo hei reo kōrero, hei waka anō hoki e kawea ana i ngā tikanga tūturu o tātou te Māori.

Heoi anō, te uaua te ara ki tō reo inā he Māori koe e ako ana i tēnei reo hei reo tuarua. I tēnei wāhanga o He Kākano Ahau, ka tūtaki tātou ki tētahi tokorua i ako i te reo Māori ahakoa tā rāua whakatipuranga reo Pākehā noa iho. Ka kōrerotia e mātou ngā piki me ngā heke o te ara ako, me ā rāua wawata mō te whakarauoratanga o te reo Māori me te ao Māori.

He kaiako a Tākuta Vincent Olsen Reeder kei te whare wānanga o Te Herenga Waka. Ko ia tētahi e whakaako ana i ngā tauira e tae atu ki te whare wānanga ki te ako i te reo Māori, Māori mai, tauiwi mai. Waihoki, ko te marae o Te Herenga Waka te marae tuatahi i whakaekea e ia. I taua wā, i whakapono ana a Vini ki te whakaaro, ko ia anake te Māori kaore e taea te kōrero Māori.

"I mua i taku haeretanga mai ki te whare wānanga nei, kāre ōku reo, kāre ōku mōhio ki ngā tikanga Māori. Ka mutu, i taua wā, kāre anō au kia ruku ki te ao Māori."

E hāngai ana tēnei wāhanga o He Kākano Ahau ki ngā āhuatanga o te whakamā, me ngā uauatanga o te ara kia tangata whenua anō ai tō reo Māori. I ētahi wā, kāore e taea te whai pūtea, kāore e taea te whai wā. Anō hoki, ka whakapuaki ngā āhuatanga o te tāmitanga ki a tātou i a tātou e ako ana.

Ko tēnei tētahi o ngā kaupapa kōrero i te taenga mai o He Kākano Ahau ki Tāmaki Makaurau. I kōrero a Kahu Kutia ki a Te Aweawe Ruawai, he kaimahi hāpai rangatahi kei te pokapū o te taone.

"This is also a big problem for a lot of our tauira, they're very similar to me. They're very dissociated from their haukāinga, they feel whakamā that they don't know their reo, or their tikanga."

Ka huri pērā hoki ngā whakaaro o Vini.

"Kāore au i hiahia hoki atu ki taku marae. Nā runga i te pōhēhē, ko au anake te Māori, kāore i kōrero Māori ana. I whakapono au ki tēnā…

Go to this episode on rnz.co.nz for more details