Þvottahúsið#81 Ásdís Olsen fer sjálf undir yfirborðið
Description
Nýjasti gestur bræðrana Gunnars og Davíðs Wiium í hlaðvarpsþættinum Þvottahúsið er engin önnur en lífskúnstnerinn Ásdís Olsen.
Ásdís er marfaldur Íslandsmeistari á skíðum, sjónvarpskona, fyrrum flugfreyja, fræðimaður, kennari og fyrirlesari á sviði jákvæðrar sálfræði og núvitundar og hefur sérhæft sig í hagnýtum aðferðum til að auka vellíðan og hamingju fólks, sem sagt kona sem hefur komið víða við. Gunnar hafði orð á því í byrjun þáttarins hve ferilskrá Ásdísar væri löng og fjölbreytt, nánast heill doðrantur.
“Það getur vel verið að ég sé svo fokked up svo að ég sé bara að leita af sjálfum mér”
Ásdís er einna helst þekkt fyrir að vera stjórnandi spjallþáttarins Undir yfirborðið sem sýndur hefur verið á sjónvarpsstöðinni Hringbraut um nokkurt skeið. Í þættinum tekur Ásdís spjall með allskonar einstaklingum sem á einhvern hátt þrífast í andlegri leit og þá yfirleitt í kjölfar einhverskonar þjáningar og áföllum. Gunnari vakti forvitni á að vita hvaðan áhuginn á þessu sviði kæmi og svaraði Ásdís að auðvitað hefði hún alltaf verið mjög leitandi og forvitin en að hennar eigin áföll séu eflaust hvatin að þessari leit sem virðist enga enda taka enda nóg á að taka.
United States
