Бақтыгүл Әлімбекова  - параолимпиадалық чемпионы, Босфорды жүзіп өткен, үстел тенистің спорт шебері. Сонымен қатар скандинавиялық жүрудің инструкторы, коуч, Алматы Марафон мен Ironman-ге қатысушы. 

Сонымен қатар Бақтыгүл тауды сүйетін ару, тауда жиі серуендеуге барады. Сол туралы көбірек білгіміз келді. 

Бақтыгүл он бес жасында болған қиыншылықты жеңіп, басқа да шектеулерге қарамастан жүзу мен жүгіруді жоғары дәрижеге жеткізе алды. Бірақ ең бастысы ол қорқыныш пен күмәнін жеңген тұлға. 

Бақтыгүлдің спорт жолында көргені мен түйгенін, сонымен бірге сезінгені мен білгенін көрсетуді көздедік. Бақтыгүл өзінің ерекшелігі оның мүмкіндіктеріне шектеу бола алмайтынына кәміл сенеді. Сол сенімін айналасындағыларға, қыздарына сыйлап жүреді. Күнде іске итермелейтін нағыз күш жан дүниеңнен шығатынын дәлелдеп көпшілікке шабыт, жігер беретін жан. 

ALA.Tau подкасттың негізін қалаушылары әрқашан әйел мен қыздарға ерекше қошемет көрсетіп қолдауға тырысады. Өйткені әр әйел - жалғызымыз! 

Наурыз мерекесі құтты болсын, достар! 

p.s. Бұл әңгімені Айгүл жалғыз жүргізуге тура келді. Меруерт әкесінің ауыруына байланысты қатыса алмады. Кездейсоқ құбылыс болды ма, әлде солай болуы тиіс еді ме, өзіңіз ойлап көріңіз, Бақтыгүл де өз әкесін еске түсіріп, тоғыз жасында әкесінің қайтыс болғаны туралы ашық шын жүректен айтты. 

Бұл біз үшін адамдардың өзара байланыстың белгісі ретінде болды деп сенеміз. Оның үстіне Бақтыгүлдің батыр тұлға, әйел екеніне дәлел деп білеміз.