ليه كل مناسبة لازم طنط تقولك مش هنفرح بيكي بقى، أو خالوا كل لما يقابلك يقولك مش ناوي تكمل نص دينك؟ و انت في سرك بتقوله مش لما استقيم على النص الأول بس.
مين قال ان الراجل قلبه مبيتكسرش؟ ليه مكناش بنسمع عن الطلاق زمان؟ وهل كلمة مُطلقة عيب؟

معاكم مقدمكم السنجل سام القشلان هتناقش في الموسم ده مع ضيوفي عن تجاربهم العاطفية من ارتباط، طلاق، خلع، خيانة و غيرها وازاى وجهة نظرهم اتغيرت. و بكده متحسش أو متحسيش انكم لوحدكم اللي بتعدوا بالتجارب دي و اننا كلنا في نفس دوامة الحياة بس كل واحد لابس عوامة شكل في اللي بتقدر تموف أون في أربع شهور وفي اللي بينزل الجيم و الكوتش يقوله العب بالدمبل زي ما هي كانت بتلعب بيك و غيرها بلاوي.

بودكاست النجاة في الحياة العاطفية من انتاج اركاست