أول يوم شغل بعد الأمومة؟ راما داخلة المكتب، ومشاعرها متلخبطة. لبسها حاساه ديّق، وثقتها في نفسها نازلة تحت الصفر. بتبص حواليها على باقي المهندسين، وبتسأل نفسها: هعرف أركّز؟ هقدر أفرّق بين التعب والشك؟ هعرف أرجّع ثقتي في نفسي؟ طب وإنت؟ قدرت تحطّ حدود بين شغلك وحياتك؟راما ستّ جدعة، حازمة لما يخصّ قيمها وحدودها، بس في نفس الوقت، قلبها طريّ على اللي حواليها. سنين وهي مش فاهمة ليه بتحس دايماً إنها مش ماشية على نفس الموجة. في الآخر، اكتشفت إن عندها ADHD، ومن وقتها وهي بتتعلم تمشي على إيقاعها هي.

في بودكاست "زحمة"، هنسمع معاها صوت الأفكار اللي بتجري في دماغها، المشاعر اللي بتتلخبط فجأة، وإزاي بتحاول توازن بين أمومتها، شغلها، ونفسها."زحمة" مش بس حكايات عن الشوارع والزمن الضيّعنا فيه... هي كمان عن الزحمة اللي جوانا.