001 - ملخص ومراجعة المسلسل التركي الطائر الرفراف
بتتمحور القصة حول الشاب المتهور وطائش اسمه «فريد» بيلعب دوره ميرت رمضان ديمير، رجع من الولايات المتحدة الأمريكية.. وعايش مع أسرته في اسطنبول.. بيعبث بحياته وبيدلع من غير اي اعتبار للعادات والتقاليد.. وده بيسبب له وﻷسرته عدد من المشكلات.. اﻷسرة بتاخد قرار أو بمعنى أدق الجد واسمه هاليس أغا أخد قرار انه حفيده يتجوز.. وقال للأسرة شوفوله واحدة من "عنتاب" وهي بلدة في جنوب تركيا.. مشهورة بالمحافظة على العادات والتقاليد بعكس مدينة اسطنبول.. بيتم اجبار الحفيد على الزواج.. هو بيوافق على الزواج.. مع التخطيط ﻷن حياته تظل زي ما هيا حتى بعد الزواج.. ﻷن عنده فتاة بيحبها.. وقرر أنه مش هيتخلى عنها حتى بعد الزواج.. وإنه عﻻفقته بيها هتفضل مستمرة.. وبيروحوا يختاروا له فتاة.. هو بيوافق لكن أثناء التقدم للخطبة مع اسرته بيقولهم إنه مش هياخد العروسة وعايز أختها.. هنا اﻷسرتين بيكونوا في موقف محرج.. لكن أبوه (أورهان) بيطلب إيد البنت الصغرى.. بطريقة مفاجئة وغير متوقعة من أسرة العروسة.. لكن والد البنتين (كاظم أغا) بيوافق ﻷنه مش فارق معاه هما هياخدوا مين.. هو فارق معاه هياخد إيه كثمن للجوازة.. بتتم الجوزاة بعد رفض البنت الصغرى (سيران) بتوافق ﻷن حبيبها تخلى عنها لخوفه من أسرة العريس.. وكمان ﻷن أبوها ضربها وحبسها.. فوافقت في اﻵخر.. بتتم الجوازة لكنها بتكتشف في ليلة الدخلة بحبيبة فريد واسمها (بيلين) موجودة معاهم في غرفة النوم.. وﻷنها كانت كارها الجوازة والعريس فوافقت على إنه جوزها فريد يستكمل عﻻقته ببيلين.. لكن.. كل حاجة بتتغير بعد كده..
للتواصل :
clacketpodcast@gmail.com
t.me/clacketpodcast
https://twitter.com/Clacketpodcast