Voice of Tibet

དེ་རིང་ཕྱི་ཟླ་ ༡༡ ཚེས་ ༢༥ ཉིན་མོ་འདི་ནི་རྒྱལ་སྤྱིའི་ཁྲོད་ International Day for the Elimination of Violence against Women ཞེས་བེུད་ལ་འཚེ་བ་འགོག་ཐབས་ཀྱི་ཉིན་མོ་ཞེས་སྲུང་བརྩི་ཞུ་བཞིན་པ་མ་ཟད། དེ་རིང་ནས་དབུ་འཛུགས་ཀྱིས་ཕྱི་ཟླ་ ༡༢ ཚེས་ ༡༠ བར་ཁྱོན་ཉིན་གྲངས་ ༡༦ རིང་ཕོ་མོ་དབྱེ་བ་ལ་བརྟེན་ནས་རྩུབ་སྤྱོད་འགོག་ཐབས་ཆེད་ལས་འགུལ་སྣ་ཚོགས་སྤེལ་གྱི་ཡོད་པ་ལྟར། དེ་རིང་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་ནས་དེ་འབྲེལ་བསྒྲགས་གཏམ་ཞིག་འདོན་སྤེལ་གནང་བའི་ནང་། ཉིན་མོ་འདི་ནི་མི་རེ་ངོ་རེར་བེུད་དང་ཕྲུ་གུ་བུ་མོར་འཚེ་བ་འགོག་ཐབས་དང་། གདོང་ལེན་བྱེད་པའི་འགན་འཁྲི་ཡོད་སྐོར་དྲན་སྐུལ་གལ་ཆེན་ཞིག་ཆགས་ཀྱི་ཡོད་ཅིང་། ཚང་མས་སྤྱི་ཚོགས་ཁྲོད་བེུད་དང་ཕྲུ་གུ་བུ་མོར་དྲག་རྩུབ་རིགས་སྤྱི་དང་བྱེ་བྲག་ཏུ་དྲ་ལམ་ཐོག་ནས་ཆགས་སྲེད་ཀྱི་བསུན་གཙེར་རིགས་ཡོངས་སུ་མཚམས་འཇོག་ཡོང་བར་ནུས་པ་མཉམ་སྤུངས་དགོས་པའི་འབོད་སྐུལ་དང་འབྲེལ། དེ་ལྟར་གནང་ན་བུད་མེད་དང་ཕྲུ་གུ་བུ་མོ་ཚང་མ་འཇིགས་སྣང་མེད་པའི་ཐོག་ནས་རང་དབང་ངང་འཚོ་གནས་ཐུབ་ངེས་ཡིན་པ་གསུངས་འདུག དེ་ཡང་བསྒྲགས་གཏམ་དེའི་ནང་། ཉིན་མོ་འདི་ནི་འཛམ་གླིང་ཡོངས་སུ་བུད་མེད་ཐོག་འཚེ་བའི་རིགས་འགོག་ཐབས་དང་། བུད་མེད་ཀྱི་ཐོབ་ཐང་རྩོད་ལེན་མུ་མཐུད་བྱེད་བཞིན་པར་དྲན་སྐུལ་ཞུ་རྒྱུའི་ཉིན་མོ་ཞིག་ཆགས་ཀྱི་ཡོད་ཅིང་། བྱ་སྤྱོད་དེ་རིགས་འབྱུང་སྐབས་གནོད་འཚེ་ཕོག་མཁན་གང་ཟག་དེའི་གཞི་རྩའི་རང་དབང་བཙན་འཕྲོག་ཙམ་མིན་པར་བདེ་འཇགས་ལའང་ཉེན་ཁ་ཆེན་པོ་ཆགས་ཀྱི་ཡོད་པས། དྲག་རྩུབ་རིགས་ལ་གདོང་ལེན་བྱེད་པ་ནི་བཟང་སྤྱོད་དང་། སྤྱི་ཚོགས་ཀྱི་འགན་འཁྲི། དེ་བཞིན་སྒྲིག་འཛུགས་བཅས་ཀྱི་ངོས་ནས་ལྡོག་ཏུ་མེད་པའི་ལས་འགན་གལ་ཆེན་ཞིག་ཆགས་ཀྱི་ཡོད་པ་གསལ་སྟོན་དང་ཆབས་ཅིག ཚང་མས་སྤྱི་ཚོགས་ཁྲོད་དྲག་རྩུབ་རིགས་སྤྱི་དང་བྱེ་བྲག་ཏུ་དྲ་ལམ་ཐོག་ནས་ཆགས་སྲེད་ཀྱི་བསུན་གཙེར་རིགས་ཡོངས་སུ་མཚམས་འཇོག་ཡོང་བར་ནུས་པ་མཉམ་སྤུངས་གནང་ཐོག བུད་མེད་དང་ཕྲུ་གུ་བུ་མོ་ཚོར་འཇིགས་སྣང་མེད་པའི་ཐོག་ནས་རང་དབང་ངང་འཚོ་གནས་ཐུབ་པའི་ཁོར་ཡུག་བཟང་པོ་ཞིག་བསྐྲུན་དགོས་པའི་འབོད་སྐུལ་གནང་འདུག མ་ཟད་འདི་ལོའི་བརྗོད་གཞི་སྟེ། དེང་སྐབས་མགྱོགས་མྱུར་ངང་རྒྱ་སྐྱེད་འགྲོ་བཞིན་པའི་བུད་མེད་དང་ཕྲུ་གུ་བུ་མོ་ཚོར་དྲ་ཐོག་ནས་ཆགས་སྲེད་ཀྱི་བསུན་གཙེར་རིགས་འགོག་ཐབས་ཞེས་པ་དེ་ཡིན་པ་གསལ་སྟོན་གྱིས། དྲ་རྒྱ་དར་ཁྱབ་བྱུང་བ་དང་བསྟུན་ནས། བུད་མེད་ཚོས་སྔར་མེད་པའི་རྩུབ་སྤྱོད་ལ་གདོང་ལེན་བྱ་དགོས་འཁེལ་གྱི་ཡོད་པ་དང་། དྲ་ཐོག་ཕོ་མོ་དབྱེ་འབྱེད་ཀྱི་རྩུབ་སྤྱོད་ཁོངས་སུ། དྲ་ཐོག་ནས་འཁྲིག་སྤྱོད་ཀྱི་གསང་བརྡ་གཏོང་བ་དང་། འཇིགས་སྐུལ་བྱེད་པ།  རྗེས་འདེད་གཏོང་བ།  བསུན་གཙེར་བཟོ་བ།  དགོས་མེད་ཀྱི་ཆགས་སྤྱོད་དང་འབྲེལ་བའི་བསམ་ཚུལ་འདོན་པ། མོས་འཐུན་མེད་པའི་ཐོག་ནས་ཆགས་སྤྱོད་དང་འབྲེལ་བའི་བརྙན་པར་དྲ་ཐོག་ལ་སྤེལ་བ། སྒེར་གྱི་ལོ་རྒྱུས་ཕྱིར་འདོན་བྱེད་པ།  ཟུར་ཟ་བྱེད་པ། ཡོངས་ཁྱབ་ཀྱི་ཐོག་ནས་ངོ་ཚ་བོ་བཟོ་བ། ཆགས་སྤྱོད་དང་འབྲེལ་བའི་འཕྲིན་ཐུང་བསྐུར་བ་སོགས་ཚུད་ཡོད་པ་གསལ་སྟོན་དང་འབྲེལ།  རྩུབ་སྤྱོད་དེ་རིགས་ཀྱིས་བུད་མེད་ཚོར་རང་འགུལ་གྱིས་སྤྱི་ཚོགས་དང་དྲ་ཐོག་གི་གླེང་སྟེགས་ཐོག་མཉམ་ཞུགས་གནང་བར་བཀག་སྡོམ་བྱེད་བཅུག་གི་ཡོད་པ་མངོན་གསལ་དང་ཆབས་ཅིག བུད་མེད་རྣམ་པའི་བསམ་ཚུལ་དང་སྐད་སྒྲ་རིགས་ཕྱིར་མངོན་གསལ་བྱེད་དུ་བཅུག་གི་མེད་པའི་མཇུག་འབྲས་ངན་པ་ཡོང་གི་ཡོད་པ་གསལ་འདུག དེ་བཞིན་བོད་མིའི་སྒྲིག་འཛུགས་ཀྱིས་བོད་མིའི་སྤྱི་ཚོགས་ཁྲོད་བུད་མེད་དང་ཕྲུ་གུ་བུ་མོའི་ལུས་སེམས་གཉིས་ཀྱི་བདེ་འཇགས་དེ་བཞིན་གལ་ཆེར་ངོས་འཛིན་ཐོག བཙན་གཡེམ་དང་དྲག་སྤྱོད། […] The post བེུད་དང་ཕྲུ་གུ་བུ་མོར་བརྡ་འཕྲིན་ཐོག་ནས་འཚེ་བ་འགོག་ཐབས་ཀྱི་ཉིན་མོ་སྲུང་བརྩི། appeared first on vot.

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༩༠ ཕེབས་པར་ལོ་འཁོར་མོ་བྱམས་བརྩེའི་ལོ་ཞེས་སྲུང་བརྩི་ཞུ་བཞིན་ཡོད་པའི་ཁྲོད། ཁ་ཉིན་ཕྱི་ཟླ་ ༡༡ ཚེས་ ༢༣ ཉིན་རྒྱ་གར་བྱང་ཤར་རྡོ་རྗེ་གླིང་ཁྱབ་ཁོངས་མི་རིགས་ས་གནས་སུ་རྟེན་གཞི་བྱས་པའི་འབོ་དཀར་བཤད་གྲྭ་འོས་འབར་འཆི་མེད་གླིང་དུ་༸རྒྱལ་བའི་གོ་སྟོན་དང་། བཤད་གྲྭ་དབུ་བརྙེས་ནས་ལོ་ངོ་ ༢༥ འཁོར་བའི་དུས་སྟོན་སྲུང་བརྩི་གཟབ་རྒྱས་ཞུས་འདུག་པ་དང་འབྲེལ། སྐབས་དེར་ཚོགས་མགོན་དུ་བྱམས་མགོན་རྡོ་རྗེ་འཆང་ཀྭན་ཏིང་ཏཱའི་སི་ཏུ་རིན་པོ་ཆེ་མཆོག་གིས་སྒྲུབ་བརྒྱུད་བསྟན་པའི་གསལ་བྱེད་དཔལ་༸རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་ཚུར་རྒྱ་གར་ལ་ཆིབས་བསྒྱུར་གནང་འདོད་ཡོད་པའི་དགོངས་པ་ཡོད་པ་བཞིན་མི་རིང་བར་༸རྒྱལ་དབང་ཀརྨ་པ་རིན་པོ་ཆེ་མཆོག་རྒྱ་གར་ལ་ཆིབས་བསྒྱུར་གནང་ནས་༸གོང་ས་མཆོག་དང་མཇལ་འཛོམས་ཡོང་བའི་ཐུགས་སྨོན་མཚམས་སྦྱོར་མཛད་འདུག དེ་ཡང་སྐབས་དེར་༸སྐྱབས་རྗེ་བསྟན་དགའ་མཆོག་སྤྲུལ་རིན་པོ་ཆེ་དང་། ༸སྐྱབས་རྗེ་འབོ་དཀར་མཆོག་སྤྲུལ་རིན་པོ་ཆེ། ༸སྐྱབས་རྗེ་འབོ་གངས་དཀར་རིན་པོ་ཆེ། ༸སྐྱབས་རྗེ་མཁན་ཆེན་རིན་པོ་ཆེ་མཆོག་གིས་དབུས་བླ་སྤྲུལ་རྣམ་པ། གདན་ས་ཆེན་པོ་རུམ་བཏེག་བཤད་སྒྲུབ་ཆོས་འཁོར་གླིང་། གདན་ས་དཔལ་སྤུངས་ཤེས་རབ་གླིང་། གདན་ས་ལ་བྷ་བཀའ་བརྒྱུད་ཐེག་ཆེན་གླིང་། གདན་ས་དཔལ་ཆེན་ཆོས་འཁོར་གླིང་། གདན་ས་བསོད་ནམས་དར་བསམ་གྲུབ་དར་རྒྱས་ཆོས་གླིང་སོགས་རྒྱ་བལ་འབྲུག་གསུམ་ཁུལ་གྱི་འབྲེལ་ཡོད་ཀཾ་ཚང་དགོན་སྡེ་ཁག་གི་སྐུ་ཚབ་བླ་སྤྲུལ་མཁན་སློབ་དབུ་ཆོས་ཕྱག་མཛོད་རྣམ་པ། ས་གནས་འབྲེལ་ཡོད་དཔོན་རིགས་རྣམ་པ། དེ་བཞིན་བོད་མི་མང་སྤྱི་འཐུས་ཀུན་དགའ་བསོད་སྟོབས་སོགས་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་སྐྱིད་ཁག་གི་སྐུ་ཚབ་འཐུས་མི་དང་བཅས་ཕྱི་ནང་གི་དད་ལྡན་མང་ཚོགས་སྟོང་ཕྲག་བརྒལ་བ་ནས་ལྷན་ཞུགས་གནང་འདུག བྱམས་མགོན་རྡོ་རྗེ་འཆང་ཀྭན་ཏིང་ཏཱའི་སི་ཏུ་རིན་པོ་ཆེ་མཆོག་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་དཔལ་༸རྒྱལ་དབང་ཀརྨ་པ་སྐུ་ཕྲེང་བཅུ་དྲུག་པ་རང་བྱུང་རིག་པའི་རྡོ་རྗེ་མཆོག་རྣམ་གཉིས་ནི་གང་ཉིད་ཀྱི་རྩ་བའི་བླ་མ་ཡིན་པ་བཀའ་སྩལ་དང་འབྲེལ། ༸དཔལ་རྒྱལ་དབང་ཀརྨ་པ་སྐུ་ཕྲེང་བཅུ་དྲུག་པ་ཞིང་ལ་གཤེགས་པའི་རྗེས་སུ་དགུང་ལོ་བདུན་གྱི་ཐོག་ལ་ཀརྨ་པ་སྐུ་ཕྲེང་བཅུ་བདུན་པ་ཨོ་རྒྱན་འཕྲིན་ལས་རྡོ་རྗེ་མཆོག་སྐུ་གོང་མའི་ཡང་སྲིད་འཁྲུལ་བྲལ་དུ་ངོས་འཛིན་དང་། དེ་ནས་༸རྒྱལ་དབང་ཀརྨ་པ་རིན་པོ་ཆེ་མཆོག་གིས་ཕྱི་ནང་གི་གནས་ཚུལ་མང་པོར་གཟིགས་ཏེ། རྒྱ་གར་ལ་ཕེབས་རྒྱུའི་དགོངས་པ་བཞེས་པ་ལྟར། གསང་སྟབས་ཀྱི་ཐོག་ནས་བཞུགས་སྒར་རྡ་རམ་ས་ལར་ཕེབས་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་མཇལ་ཁ་ཞུས་ཏེ། ༸མགོན་པོ་གང་ཉིད་མཆོག་གིས་དབུས་པའི་ཆོས་བརྒྱུད་ཁག་གི་བླ་ཆེན་མང་པོའི་སྐུ་མདུན་ནས་མདོ་སྔགས་དང་། གཞུང་ཆེན་ཁག དབང་ལུང་ཁྲིད་གསུམ་སོགས་ནང་པའི་ཆོས་ནང་ཡོངས་སུ་གྲགས་པ་ཐམས་ཅད་ཚུལ་བཞིན་གསན་བཞེས་གནང་བ་ཙམ་མ་ཟད། དེ་ལ་ཉམས་བཞེས་གནང་ནས་བོད་ཙམ་མ་ཡིན་པར། ཧི་མ་ལ་ཡའི་རི་རྒྱུད་དང་། ནུབ་ཕྱོགས་རྒྱལ་ཁབ་ཁག་གི་ནང་རིན་པོ་ཆེ་མཆོག་གི་མཛད་འཕྲིན་དུས་ཚོད་ཐུང་ཐུང་ནང་དར་འཕེལ་ཐུབ་པ་བྱུང་ཡོད་སྐོར་བཀའ་སྕལ་འདུག དེ་ལྟར་ནའང་༸དཔལ་རྒྱལ་དབང་ཀརྨ་པ་རིན་པོ་ཆེ་མཆོག་ཕྱི་ལོ་ ༢༠༡༧ ཙམ་ནས་ཕྱི་རྒྱལ་ལ་ཕེབས་ཏེ། ཚུར་རྒྱ་གར་ལ་ཆིབས་བསྒྱུར་གནང་མ་ཐུབ་པར་ལོ་བརྒྱད་ཙམ་ཕྱིན་ཡོད་པ་དང་། ༸རྒྱལ་དབང་ཀརྨ་པ་རིན་པོ་ཆེ་མཆོག་རྒྱ་གར་ལ་ཆིབས་བསྒྱུར་གནང་འདོད་ཡོད་པའི་དགོངས་པ་ཡོད་པ་བཞིན་མི་རིང་བར་༸རྒྱལ་དབང་མཆོག་མགྱོགས་ནས་མྱུར་དུ་གདན་ས་རུམ་བཏེག་ལ་ཆིབས་བསྒྱུར་གནང་ནས་བསྟན་འགྲོ་སྤྱིའི་འཕྲལ་ཕུགས་རྒྱང་གསུམ་གྱི་དོན་བསྒྲུབ་ཐུབ་པའི་ཐུགས་རེ་ཡོད་སྐོར་བཀའ་སྩལ་བ་དང་ཆབས་ཅིག ༸གོང་ས་༸སྐྱབས་མགོན་ཆེན་པོ་མཆོག་དང་དཔལ་༸རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་གང་མགྱོགས་ཞལ་འཛོམས་ཡོང་བའི་ཐུགས་སྨོན་མཚམས་སྦྱོར་མཛད་འདུག འདི་ག་རླུང་འཕྲིན་ཁང་ནས་ཐེངས་འདིའི་དུས་སྟོན་གཉིས་འཛོམས་དང་འབྲེལ་འབོ་དཀར་ངེས་དོན་ཆོས་འཁོར་གླིང་དགོན་པའི་སློབ་སྤྱི་བླ་མ་འཕྲིན་ལས་ལགས་སུ་བཀའ་འདྲི་ཞུས་ཡོད་པས་གོང་གི་སྒྲ་སྒམ་ནས་གསན་ཐུབ། གཞི་རྩའི་མཛད་སྒོའི་ཐོག་༸སྐྱབས་རྗེ་མཆོག་སྤྲུལ་རིན་པོ་ཆེ་དང་། ༸སྐྱབས་རྗེ་མཁན་ཆེན་རིན་པོ་ཆེ་རྣམས་གཉིས་ནས་༸རྒྱལ་བའི་ཐུགས་བསྐྱེད་དམ་བཅའ་བཞི་དང་འབྲེལ་བའི་གསུང་བཤད་གནང་ཡོད་པ་མ་ཟད། བསླབ་པ་མཐར་སོན་པའི་མཁན་པོ་བཅུ་གསུམ་དང་།  སྔགས་རམས་པ་བརྒྱད་ལ་ཕྱག་འཁྱེར་ཕུལ་ཏེ་མངའ་གསོལ་དང་མཉམ། ཕྱི་དྲོར་ཕྱི་ལུགས་མངར་ཟས་འདེགས་འབུལ་དང་རིག་གཞུང་ཁྲབ་སྟོན་སོགས་གནང་ཡོད་པ་རེད། The post ༸རྒྱལ་དབང་ཀརྨ་པ་རིན་པོ་ཆེ་མཆོག་རྒྱ་གར་ལ་ཆིབས་བསྒྱུར་གནང་ནས་༸གོང་ས་མཆོག་དང་མཇལ་འཛོམས་ཡོང་བའི་ཐུགས་རེ་ཡོད་པ་བཀའ་སྩལ་འདུག appeared first on vot.

CECC ཞེས་ཨ་རིའི་འཛིན་སྐྱོང་དང་གྲོས་ཚོགས་ཀྱི་རྒྱ་ནག་ཐོག་ལས་དོན་ཚོགས་ཆུང་གི་གོ་སྒྲིག་འོག ཁ་སང་ཨ་རིའི་གྲོས་ཚོགས་གོང་མའི་ནང་དུ་ China’s War on Religion: The Threat to Religious Freedom and Why it Matters to the United States རྒྱ་ནག་གི་ཆོས་དད་ལ་དྲག་གནོན་ཁྲོད། ཆོས་དད་རང་དབང་ལ་ཉེན་ཁ་དང་དེས་ཨ་རིར་ཤུགས་རྐྱེན་ཞེས་པའི་བརྗོད་གཞིའི་ཐོག་ཉན་ཞིབ་ཀྱི་ལས་རིམ་ཞིག་ཚོགས་པའི་ཐོག ཨ་རིའི་རྒྱལ་སྤྱིའི་ཆོས་དད་རང་དབང་གི་ཆེས་མཐོའི་སྐུ་ཚབ་ཟུར་པ་ Sam BrownBack སེམ་བྷ་རོའོན་བྷེཀ་ལགས་དང་ཨ་རིའི་གྲོས་ཚོགས་འོག་མའི་འཐུས་མི་ Jim McGovern ཇིམ་མེཀ་གྷོ་ཝན་ལགས་རྣམ་གཉིས་ཀྱིས། མཁྲེགས་འཛིན་ཅན་གྱི་རྒྱ་ནག་སྲིད་གཞུང་གིས་བོད་དོན་དཀའ་རྙོག་སེལ་བར་དབུ་མའི་ལམ་གྱི་ཐབས་བྱུས་ལ་ངོས་ལེན་མ་བྱས་ཚེ། ཨ་རིའི་ངོས་ནས་བོད་དེ་རང་བཙན་གཙང་མའི་རྒྱལ་ཁབ་ཅིག་ལ་ངོས་འཛིན་གནང་དགོས་ཀྱི་ཡོད་པ་བརྗོད་འདུག དེ་ཡང་ཁ་སང་ཨ་རིའི་འཛིན་སྐྱོང་དང་གྲོས་ཚོགས་ཀྱི་རྒྱ་ནག་ཐོག་གི་ལས་དོན་ཚོགས་ཆུང་གི་གོ་སྒྲིག་འོག་སྔ་དྲོ་ཕྱག་ཚོད་ ༩།༣༠ ནས་ ༡༡།༣༠ བར་ཚོགས་ཆུང་གི་ཚོགས་གཙོ་གྲོས་ཚོགས་གོང་མའི་འཐུས་མི་ Dan Sullivan དེན་སུ་ལི་ཝན་ལགས་ཀྱིས་གཙོ་སྐྱོང་དང་།  གྲོས་ཚོགས་འོག་མའི་འཐུས་མི་ Jim McGovern ཇིམ་མེཀ་གྷོ་ཝན་ལགས་གཙོས་པའི་ཚོགས་ཆུང་གི་འཐུས་མི་རྣམས་དབུ་བཞུགས་ཐོག་རྒྱ་ནག་ནང་གི་ཆེས་ཞན་པའི་ཆོས་དད་རང་དབང་གི་གནས་སྟངས་སྐོར་ཉན་ཞིབ་ཀྱི་ལས་རིམ་ཚོགས་འདུག་པ་དང་། ཉན་ཞིབ་ལས་རིམ་ཐོག་ཨ་རིའི་རྒྱལ་སྤྱིའི་ཆོས་དད་རང་དབང་གི་ཆེས་མཐོའི་སྐུ་ཚབ་ཟུར་པ་ Sam BrownBack སེམ་བྷ་རོའོན་བྷེཀ་ལགས་དང་། བོད་མིའི་ཕྱོགས་ནས་ཨ་རིར་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གི་ཉམས་ཞིབ་འགན་འཛིན་བུ་ཆུང་ཚེ་རིང་ལགས། དེ་བཞིན་ chinaaid ཞེས་རྒྱ་ནག་གི་འགྲོ་བ་མིའི་ཐོབ་ཐང་དང་ཆོས་དད་རང་དབང་ཐད་ཕྱག་ལས་གནང་མཁན་ཚོགས་པའི་ཚོགས་གཙོ་ Bob Fu བྷོབ་ཧྥུ་ལགས། དེ་བཞིན་རྒྱ་ནག་གི་བཙོན་ཁང་དུ་ཡོད་པའི་ […] The post དབུ་མའི་ལམ་གྱི་ཐབས་བྱུས་ལ་ངོས་ལེན་མ་བྱས་ཚེ་བོད་དེ་རང་བཙན་རྒྱལ་ཁབ་ཞིག་ལ་ངོས་འཛིན་དགོས་ཞེས་བརྗོད་འདུག appeared first on vot.

ཕྱི་ལོ་ ༢༠༢༡ ལོར་སྲིད་སྐྱོང་གི་འོས་མིར་བཞེངས་མཁན་དབུ་དཀར་ཚང་སྐལ་བཟང་རྡོ་རྗེ་ལགས་ཀྱིས། དེ་རིང་ཕྱི་ལོ་ ༢༠༢༥ ཟླ་ ༡༡ ཚེས་ ༢༡ ཉིན་ཁོང་ ༢༠༢༦ ལོའི་སྲིད་སྐྱོང་གི་འོས་མིར་བཞེངས་རྒྱུ་གསར་འགོད་གསལ་བསྒྲགས་ཤིག་བསྐྱངས་སོང་བ་དང་འབྲེལ། བཙན་བྱོལ་བོད་མིའི་སྤྱི་ཚོགས་ཁྲོད་དུ་བོད་ཀྱི་རྩ་དོན་དང་། ཆིག་སྒྲིལ། དཔལ་འབྱོར་སྲ་བརྟན་ཐོག་ཉམས་ཉེས་ཆེན་པོ་འགྲོ་བཞིན་པར་གཟིགས་ཏེ། བོད་དོན་ཁྱབ་སྤེལ་དང་མཐུན་སྒྲིལ་དམ་སྲུང་། སྒྲིག་འཛུགས་དང་དཔལ་འབྱོར་སྲ་བརྟན་བཅས་རྩ་བའི་དམ་བཅའ་གསུམ་གྱི་ཐོག་ཤུགས་སྣོན་རྒྱག་རྒྱུ་ཡིན་པ་གསུངས་སོང་། དེ་ཡང་གསར་འགོད་གསལ་བསྒྲགས་སྐབས། ཁོང་ད་རེས་སྲིད་སྐྱོང་གིས་འོས་མིར་བཞེངས་དགོས་པའི་རྒྱུ་མཚན་ནི། མང་གཙོའི་ལམ་ལུགས་ནང་དུས་ཐོག་འོས་བསྡུ་ཚོགས་དགོས་གལ་དང་། འོས་མི་ཚད་དང་ལྡན་པ་ཞིག་དང་མི་མང་ལ་འདམ་ཁ་དགོས་པ། དེ་བཞིན་མི་མང་གིས་འོས་བསྡུའི་ནང་ཆ་ཤས་བླངས་དགོས་གལ་བཅས་ཆ་རྐྱེན་གསུམ་ངེས་པར་དུ་ཚང་དགོས་ཤིང་། གལ་ཏེ་ད་རེས་འོས་བསྡུའི་ལས་རིམ་འདིའི་ནང་འོས་མི་ཚད་ལྡན་བཞེངས་མཁན་མེད་ཚེ། བཙན་བྱོལ་གྱི་མང་གཙོའི་སྒྲོམ་གཞི་སླ་པོ་ཆགས་རྒྱུ་དང་། ཕྱིའི་འཛམ་གླིང་ལ་ངོམས་སུ་ཆོག་པ་དེར་ངོ་ཚ་པོ་ཆགས་རྒྱུའི་ཉེན་ཁ་ཞིག་ཡོད་སྟབས། འཆར་གཞི་དང་འདོད་པ་མེད་ཀྱང་། བསྐྱར་དུ་བསམ་བློ་བཏང་སྟེ། ད་རེས་རང་ཉིད་ཀྱི་འོས་འགན་དུ་བསམ་ནས་ཡར་བཞེངས་པ་ཞིག་ཡིན་པ་མངོན་གསལ་གནང་སོང་། དེ་བཞིན་བཙན་བྱོལ་བོད་མིའི་སྤྱི་ཚོགས་ཁྲོད་དུ་བོད་ཀྱི་རྩ་དོན་དང་། ཆིག་སྒྲིལ། དཔལ་འབྱོར་སྲ་བརྟན་ཐོག་ཉམས་ཉེས་ཆེན་པོ་འགྲོ་བཞིན་འདུག་ཅེས་གསུངས་བ་དང་འབྲེལ། རྩ་བའི་དམ་བཅའ་དང་པོ་བོད་དོན་ཁྱབ་སྤེལ་དང་འབྲེལ་ནས་སྲིད་སྐྱོང་དུ་འཁོད་ཚེ་རང་གིས་སྣེ་ཁྲིད་པའི་སྒྲིག་འཛུགས་ཀྱིས་ནུས་ཤུགས་གང་ཐུབ་བོད་དོན་ཞུ་གཏུག་དང་བོད་མིའི་རང་དབང་འཐབ་རྩོད་ཀྱི་ཕྱོགས་སུ་གཙོ་འདོན་ཐུབ་པ་བྱ་རྒྱུ་དང་། འཆར་གཞི་དེ་འགྲུབ་ཐབས་སུ་བོད་དོན་ཞུ་གཏུག་གི་ལས་འགུལ་ལ་མི་རྒྱུ་གཉིས་ཐད་ནས་སྔར་ལྷག་ནུས་པ་འདོན་སྤེལ་བྱ་རྒྱུ་དང་། གནད་དོན་དེའི་ཐོག་ད་ལྟའི་ཆར་ལོ་འཁོར་དངུལ་རྩིས་ཀྱི་བརྒྱ་ཆ་ ༢༠ ལས་ཉུང་བ་མ་གཏོགས་གཏོང་མེད་ཅེས་གསུངས་བ་དང་། ལྷག་པར་ Look North Policy འམ་བྱང་དུ་ལྟ་བའི་སྲིད་ཇུས་གཏན་འབེབས་བྱས་ཏེ་འཕགས་བོད་ས་མཚམས་དང་། བལ་བོད་ས་མཚམས་སུ་རང་ཕྱོགས་ཀྱི་སྟོབས་ཤུགས་ཁྱབ་སྤེལ་གཏོང་རྒྱུ་དང་། ཧི་མ་ལ་ཡའི་མངའ་ཁུལ་དང་འབྲེལ་ལམ་དམ་དུ་གཏོང་རྒྱུ། ཨེ་ཤི་ཡའི་ལྷོ་ཁུལ་དང་འཛམ་གླིང་ཁྱོན་ཡོངས་སུ་བོད་དོན་རྒྱབ་སྐྱོར་གྱི་ཕྱོགས་སྒྲིལ་སྔར་ལྷག་འཛུགས་སྐྱོང་ཐུབ་པ་བྱ་རྒྱུ་ཡིན་པ་གསུངས་སོང་། གཉིས་པ་མཐུན་སྒྲིལ་དམ་སྲུང་དང་འབྲེལ་ནས་རིམ་པས་ཡིག་ངག་གཉིས་ཐད་ནས་ཞུ་རྒྱུ་ཡིན་ཞིང་། ད་ལྟའི་ཆར་ཆིག་སྒྲིལ་དང་ལྷག་བསམ། སྤྱི་སེམས་ཐད་ཉམས་ཆགས་ཆེན་པོ་འགྲོ་བཞིན་ཡོད་པ་དང་། རང་ཉིད་བོད་པ་ཡིན་སྙམ་པའི་འདུ་ཤེས་ཞན་དུ་ཕྱིན་ནས་སོ་སོའི་ལུང་ཚན་དང་གཞིས་ཆགས་སོགས་ཀྱི་ཐོག་ལ་དུས་ཚོད་དང་དོ་སྣང་མང་དུ་ཕྱིན་གྱི་ཡོད་སྟབས། ང་ཚོ་ཚང་མ་བོད་གངས་ཅན་པ་དང་རྩམ་ཟན་གཅིག་པ་ཡིན་པའི་ཆ་ནས་ཆིག་སྒྲིལ་དགོས་ངེས་ཡིན་སྐོར་གསུངས་བ་དང་འབྲེལ། གལ་ཏེ་ཆིག་སྒྲིལ་མེད་ཚེ། ༸རྒྱལ་བའི་སྐུ་ཚེ་དང་༸རྒྱལ་བའི་ཡང་སྲིད། རྩ་དོན། སྒྲིག་འཛུགས་རྒྱུན་གནས་བཅས་ལ་དོ་ཕོག་འགྲོ་གཞི་ཞིག་ཆགས་ཀྱི་ཡོད་གསུངས་སོང་། ལྷག་པར་ཁོང་རང་ཉིད་ཀྱི་དེ་འབྲེལ་གསལ་བསྒྲགས་སྤེལ་བའི་ནང་། དབུས་བོད་མིའི་སྒྲིག་འཛུགས་ཀྱི་ལས་དོན་རྒྱར་བསྐྱེད་བཏང་སྟེ། […] The post བོད་དོན་ཁྱབ་སྤེལ་དང་མཐུན་སྒྲིལ་དམ་སྲུང་། སྒྲིག་འཛུགས་དང་དཔལ་འབྱོར་སྲ་བརྟན་བཅས་རྩ་བའི་དམ་བཅའ་གསུམ་གྱི་ཐོག་ནས་ ༢༠༢༦ ལོའི་སྲིད་སྐྱོང་འོས་མིར་བཞེངས་རྒྱུ་ཡིན་པ་གསུངས་སོང་། appeared first on vot.

དྷེ་ར་རྡུན་གནས་བཞུགས་བོད་དོན་ལས་འགུལ་བ་འཇམ་དབྱངས་བསྟན་འཛིན་ལགས་ཀྱི་རྐང་འཁོར་སྐོར་བསྐྱོད་ཀྱི་ལས་འགུལ་ཐེངས་ ༧ པ་དེ་བཞིན་དེ་རིང་མཇུག་བསྒྲིལ་དང་སྦྲགས། བཞུགས་སྒར་རྡ་རམ་ས་ལའི་མང་ཚོགས་ནས་ཁོང་གི་སྙིང་སྟོབས་ལ་ཆེ་བསྟོད་དང་ཐུགས་རྗེ་ལེགས་འབུལ་ཞུས་སོང་། དེའང་ཐེངས་འདིའི་བོད་དོན་སྐོར་བསྐྱོད་ཀྱི་ལས་འགུལ་དེ་བཞིན་འདི་ལོའི་ཕྱི་ཟླ་ ༧ ཚེས་ ༦ ཉིན་༸སྐུའི་གོ་སྟོན་གྱི་འཁྲུངས་སྐར་དང་བསྟུན། རྒྱ་གར་ལྷོ་ཕྱོགས་སུ་རྟེན་གཞི་བྱས་པའི་གདན་ས་ཆེན་པོ་སེ་ར་ནས་འགོ་འཛུགས་ཀྱིས་ལམ་བར་ Typhoid ནད་གཞི་ཕོག་སྟེ་གནས་སྐབས་བར་ཆད་འཕྲད་ཀྱང་། སེམས་ཤུགས་ཞུམ་པ་མེད་པར་མུ་མཐུད་གནང་སྟེ། དེ་རིང་བཞུགས་སྒར་རྡ་རམ་ས་ལར་མཇུག་བསྒྲིལ་གནང་ཡོད། ཁོང་གིས་ལས་འགུལ་འདི་ཁྲོད་རྒྱ་གར་གྱི་རྒྱལ་ས་ཆེ་གྲས་ཁག་ལ་སྐོར་བསྐྱོད་དང་སྦྲགས། གཙོ་བོ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་སྐུ་ཚེ་ཧྲིལ་པོར་བོད་བསྟན་སྲིད་མི་རིགས་སླད་སྐུ་ངལ་ཚད་མེད་སྐྱོན་གནང་མཛད་པར་བཀའ་དྲིན་ཆེ་ཞུ་དང་། ༸སྐུའི་གོ་སྟོན་སྲུང་བརྩིར་དམིགས་ཏེ་མཆོད་མཇལ་དང་སྐུ་ཚེ་ཡུན་རིང་བརྟན་ཆེད་སྨོན་ལམ་གསོལ་འདེབས། གནས་ཡུལ་རྒྱ་གར་མི་མང་རྣམས་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མཛད་པ་འཕྲིན་ལས་དང་ཧིན་བོད་གཉིས་ཀྱི་འབྲེལ་བ། བོད་ནང་གི་ཛ་དྲག་གནས་སྟངས་སོགས་ཀྱི་ཐད་གོ་རྟོགས་གོང་སྤེལ། དེ་བཞིན་རྒྱ་གར་གཞུང་དམངས་གཉིས་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་དབུས་བོད་མིའི་སྒྲིག་འཛུགས་ལ་ད་བར་མཐུན་འགྱུར་རོགས་རམ་ཚད་མཐོར་གནང་བར་བཀའ་དྲིན་མཚོན་ཆེད་བཅས་ལ་དམིགས་པ་ཞིག་ཡིན་འདུག དེ་རིང་རྡ་ས་ས་གནས་གཞོན་ནུ་ལྷན་ཚོགས་ཀྱི་གོ་སྒྲིག་འོག་ས་གནས་མང་ཚོགས་ནས་འཇམ་དབྱངས་བསྟན་འཛིན་ལགས་སུ་དཀར་གཙང་མཇལ་དར་འབུལ་བ་དང་འབྲེལ་ཁོང་ལ་ཕེབས་བསུའི་སྣེ་ལེན་གཟབ་རྒྱས་ཞུས་པའི་ཁྲོད། གསར་འགོད་པས་ཁོང་ལ་བཀའ་འདྲི་ཁག་གཅིག་ཞུས་སྐབས། ཁོང་གིས་བོད་མི་གཞོན་སྐྱེས་དང་། རབ་བྱུང་ན་བོད་མི་ཡོན་ཏན་ཅན་རྣམས་ལ་བོད་དོན་ཆེད་ལས་འགུལ་མུ་མཐུད་སྤེལ་དགོས་ཤིང་། སེམས་ཤུགས་དང་འདུན་པ་ཡོད་ན་ལས་དོན་གང་ཞིག་ཡིན་ཡང་སྒྲུབ་ཐུབ་ངེས་ཡིན་པ་གསུང་སོང་། རྩ་བའི་བོད་དོན་ལས་འགུལ་བ་འཇམ་དབྱངས་བསྟན་འཛིན་ལགས་ཀྱིས་བོད་དོན་སླད་རྐང་སྐོར་བསྐྱོད་ཐེངས་དང་པོ་དེ་བཞིན་བཞུགས་སྒར་རྡ་རམ་ས་ལ་ནས་གནས་མཆོག་རྡོ་རྗེ་གདན་བར་དང་། དེ་རྗེས་དྷེ་ར་རྡུན་བདེ་སྐྱིད་གླིང་ནས་རྒྱ་གར་རྒྱལ་ལྡི་ལི་བར། ལ་དྭགས་མཁར་གདོང་ལ་ནས་རྡ་རམ་ས་ལའི་བར། དེ་བཞིན་ཨ་རུ་ན་ཅལ་མོན་རྟ་དབང་ནས་རྒྱལ་ས་ལྡི་ལི་བཅས་བོད་དོན་དྲིལ་བསྒྲགས་ཀྱི་རྐང་འཁོར་སྐོར་བསྐྱོད་ཀྱི་ལས་འགུལ་རིམ་པ་སྤེལ་མྱོང་ཡོད་པ་རེད། The post བོད་དོན་ལས་འགུལ་བ་འཇམ་དབྱངས་བསྟན་འཛིན་ལགས་ཀྱི་རྐང་འཁོར་སྐོར་སྐྱོད་ཐེངས་ ༧ པ་མཇུག་སྒྲིལ། appeared first on vot.

ཁ་སང་ཚེས་ ༡༩ ཉིན་རྒྱ་གར་བྱང་ཤར་ Assam ཨ་སྶཱམ་མངའ་སྡེའི་ Guwahati གོ་ཧ་ཊི་གྲོང་ཁྱེར་ནང་དུ་འཕགས་བོད་འབྲེལ་མཐུད་ཚོགས་པའི་གོ་སྒྲིག་འོག་ Tawang Tirth Yatra འམ་རྟ་དབང་གནས་སྐོར་ཞེས་བོད་དོན་གོ་རྟོགས་ཀྱི་ལས་འགུལ་ཐེངས་ ༡༤ པ་དབུ་འཛུགས་གནང་འདུག་པ་དང་། ལས་འགུལ་དབུ་འབྱེད་ཀྱི་མཛད་སྒོ་ཐོག་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་སྐུ་མགྲོན་གཙོ་བོར་ཆེད་ཕེབས་གནང་འདུག རྩ་བའི་ Bharat Tibet Sahyog Manch འམ་འཕགས་བོད་འབྲེལ་མཐུད་ཚོགས་པས་ཕྱི་ལོ་ ༢༠༡༢ ནས་འགོ་འཛུགས་ཀྱི་ལོ་ལྟར་རྟ་དབང་གནས་སྐོར་གྱི་ལས་འགུལ་འདི་ཉིད་གོ་སྒྲིག་གནང་གི་ཡོད་པ་དང་། དེའི་ནང་རྒྱ་གར་གྱི་ས་གནས་འདྲ་མིན་གྱི་བོད་དོན་རྒྱབ་སྐྱོར་ཚོགས་པའི་ཚོགས་མི་རྣམས་མཉམ་ཞུགས་གནང་བའི་ཐོག བོད་མིར་གདུང་སེམས་མཉམ་བསྐྱེད་དང་བོད་དོན་གོ་རྟོགས་ཀྱི་ལས་འགུལ་རྒྱ་ཆེ་སྤེལ་གྱི་ཡོད་པ་རེད། ཁ་སང་དབུ་འབྱེད་མཛད་སྒོའི་ཐོག་སྐུ་མགྲོན་གྱི་གཙོ་བོར་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་དང་། ཨ་སྶཱམ་མངའ་སྡེ་གྲོས་ཚོགས་ཀྱི་ཚོགས་གཙོ་གཞོན་ Dr. Numol Momin ནུ་མོལ་མོ་ནིན་ལགས་དང་།  མངའ་སྡེ་དེ་ཉིད་ཀྱི་རྩེད་རིགས་དང་ན་གཞོན་བདེ་དོན་བློན་ཆེན་ Nandita Gorlosa ནཱན་དི་ཏཱ་གྷོར་ལོ་སཱ་ལགས། མངའ་སྡེའི་གྲོས་ཚོགས་འཐུས་མི་ Bidya Sing Engleng བིདྱ་སིང་ཨེང་ལེང་ལགས། ཨ་རུ་ནཱ་ཅལ་མངའ་སྡེའི་གྲོས་ཚོགས་འཐུས་མི་ཟུར་པ་རིན་ཆེན་མཁའ་འགྲོ་ཁེར་མེ་ལགས། RSS འམ་རྒྱ་གར་རྒྱལ་ཡོངས་དྭང་བླངས་ཞབས་ཞུ་ཚོགས་པའི་ལས་བྱེད་ Shri Rupesh Kumar,RSS རུ་པེཤ་ཀུ་མཱར་ལགས། འཕགས་བོད་འབྲེལ་མཐུད་ཚོགས་པའི་དྲུང་ཆེ་ Pankaj Goyal པཱང་ཀཇ་གོ་ཡཱལ་ལགས། ཨ་སྶཱམ་འཕགས་བོད་འབྲེལ་མཐུད་ཚོགས་པའི་ཚོགས་གཙོ་ Kailash Sarma ཀེེ་ལཱཤ་ཤཱར་མ་ལགས། ལྡི་ལིར་རྟེན་གཞི་བྱས་པའི་འཕགས་བོད་འབྲེལ་མཐུད་ལས་ཁུངས་ཀྱི་འབྲེལ་མཐུད་པ་བཀྲ་ཤིས་བདེ་སྐྱིད་ལགས། […] The post སྲིད་སྐྱོང་མཆོག་དབུ་བཞུགས་ཐོག་རྟ་དབང་གནས་སྐོར་ཞེས་བོད་དོན་གོ་རྟོགས་ཀྱི་ལས་འགུལ་ཐེངས་ ༡༤ པ་དབུ་འཛུགས། appeared first on vot.

སིངྒ་པུར་ནང་དུ་རྟེན་གཞི་བྱས་པའི་མ་ཧཱ་ཏཱ་རེ་ཆོས་ཚོགས་ཀྱི་གོ་སྒྲིག་འོག ཁ་ཉིན་ཚེས་ ༡༨ ཉིན་ཡུལ་དེའི་ Jubilee Garden, SAFRA Toa Payoh ཚོགས་ཁང་དུ་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་དགུང་གྲངས་ ༤༠ ལ་ཕེབས་པའི་སྐུ་འཁྲུངས་སྐར་སྲུང་བརྩིའི་མཛད་སྒོ་གཟབ་རྒྱས་ཤིག་ཚོགས་ཡོད་པ་དང་། དེ་ནི་སིངྒ་པུར་ནང་དུ་རིན་པོ་མཆོག་གི་འཁྲུངས་སྐར་སྲུང་བརྩིས་ཞུས་པ་ཆེས་ཐོག་མ་དེ་ཡིན་འདུག དེ་ཡང་ཚེས་ ༡༨ ཉིན་ Singapore ནང་གི་མ་ཧཱ་ཏཱ་རེ་ཆོས་ཚོགས་ཀྱི་གསེར་བྱས་དགེ་བཤེས་དཀོན་མཆོག་རྒྱལ་མཚན་ལགས་ཀྱི་གོ་སྒྲིག་འོག་སྐྱབས་རྗེ་གླིང་མཆོག་སྤྲུལ་རིན་པོ་ཆེ་མཆོག་གུང་གྲངས་ ༤༠ ཕེབས་པའི་འཁྲུངས་དཀར་སྲུང་བརྩི་ཞུས་ཡོད་ཅིང་། སྐབས་དེར་སིངྒ་པུར་གྲོས་ཚོགས་འཐུས་མི་ལྕམ་སྐུ་ Diana Pang ཌཡི་ན་པཱང་ལགས་དང་ཡུལ་དེའི་སྲིད་བློན་ཟུར་པའི་ལྕམ་སྐུ་ Goh Chok Tong གོ་ཅོག་ཐོང་ལགས་རྣམ་གཉིས་ཀྱིས་དབུས་པའི་སིངྒ་པུར་ནང་དུ་རྟེན་གཞི་བྱས་པའི་བོད་བརྒྱུད་ནང་བསྟན་ལྟེ་གནས་ཁང་ཁག་ ༥ ནས་དགེ་འདུན་པ་གྲངས་ ༣༠ ཙམ་དང་ཡུལ་དེའི་དད་ལྡན་པ་ ༥༠༠ ལྷག་ནས་མཉམ་ཞུགས་གནང་འདུག མ་ཟད་༸སྐྱབས་རྗེ་དགའ་ལྡན་ཁྲི་ཐོག་ ༡༠༥ རྗེ་བཙུན་བློ་བཟང་རྡོ་རྗེ་དཔལ་བཟང་པོ་མཆོག་དང་ཤར་བྱང་ཆོས་རྗེ་རྣམ་གཉིས་ཀྱིས་དབུས་པའི་གཞན་བླ་ཆེན་ཁག་དང་། ཡུན་རིང་བོད་དོན་རྒྱབ་སྐྱོར་གནང་མཁན་སྐུ་ཞབས་ Richard Gere རི་ཆཌ་གིར་ལགས་བཅས་ཀྱིས་དྲ་རྒྱའི་བརྙན་འཕྲིན་གྱི་ལམ་ནས་འཁྲུངས་སྐར་གྱི་འཚམས་འདྲི་ཞུས་གནང་འདུག་པ་དང་། མཛད་སྒོའི་ཐོག་ཕེབས་པའི་དད་ལྡན་པ་རྣམས་ནས་བོད་དང་སོག་པོ། ཀོ་རི་ཡ་སོགས་གླུ་གཞས་གཟིགས་འབུལ་ཞུས་འདུག སྐབས་དེར་ཆེད་དུ་མགྲོན་འབོད་ཞུས་པའི་འབྲུག་པའི་གཞས་མ་ཕུན་འཛམ་ལགས་ཀྱིས་༸གོང་ས་༸སྐྱབས་མགོན་ཆེན་པོ་མཆོག་གིས་མཛད་པའི་ཞབས་བརྟན་གསོལ་འདེབས་དེ་ཉིད་མཆོད་དབྱངས་ཀྱི་ལམ་ནས་གཟིགས་འབུལ་ཞུས་པ་སོགས་དད་ལྡན་མང་ཚོགས་རྣམས་ནས་དགའ་དད་སྤྲོ་གསུམ་གྱི་ཐོག་ནས་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེའི་འཁྲུངས་སྐར་སྲུང་བརྩི་ཞུས་གནང་འདུག སྤྱིར་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་སིངྒ་པུར་དུ་ཆིབས་བསྒྱུར་བསྐྱངས་པ་དང་ནབསྟུན་ནས། མ་ཧཱ་ཏཱ་རེ་ཆོས་ཚོགས་ཀྱི་གོ་སྒྲིག་འོག རིན་པོ་ཆེ་མཆོག་ནས་ཚེས་ ༡༤ ནས་ ༡༦ བར་ཉིན་གྲངས་ ༣ རིང་དད་ལྡན་མང་ཚོགས་་༥༠༠ ཙམ་ལ་ལྷོ་མོ་ནོར་རྒྱུན་མ་དང་། རྣམ་སྲས། […] The post སིངྒ་པུར་ནང་དུ་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་དགུང་ལོ་ ༤༠ ཕེབས་པའི་སྐུའི་འཁྲུངས་སྐར་སྲུང་བརྩི། appeared first on vot.

དཀའ་ངལ་གང་འདྲ་ཞིག་འཕྲད་ཀྱང་ང་ཚོས་༸གོང་ས་མཆོག་གི་ལམ་སྟོན་འོག་འཐབ་རྩོད་མུ་མཐུད་བྱ་རྒྱུ་ཡིན་ཞེས་གསུངས་སོང་། The post དཀའ་ངལ་གང་འདྲ་ཞིག་འཕྲད་ཀྱང་ང་ཚོས་༸གོང་ས་མཆོག་གི་ལམ་སྟོན་འོག་འཐབ་རྩོད་མུ་མཐུད་བྱ་རྒྱུ་ཡིན་ཞེས་གསུངས་སོང་། appeared first on vot.

ཁེ་ན་ཌའི་གྲོས་ཚོགས་འཐུས་མི་ཁག་ཅིག་ལ་ཞུ་གཏུག་གྱིས་ལོ་འཁོར་མོ་བྱམས་བརྩེའི་ལོ་ཞེས་སྲུང་བརྩི་ཞུ་དགོས་པའི་འབོད་སྐུལ། The post ཁེ་ན་ཌའི་གྲོས་ཚོགས་འཐུས་མི་ཁག་གཅིག་ལ་ཞུ་གཏུགས་ཀྱིས་ལོ་འཁོར་མོ་བྱམས་བརྩེའི་ལོ་ཞེས་སྲུང་བརྩི་ཞུ་དགོས་པའི་འབོད་སྐུལ། appeared first on vot.

བོད་པའི་གཞོན་སྐྱེས་བསྟན་འཛིན་ཆོས་ལྡན་ལགས་དྲག་རྩལ་འགྲན་བསྡུར་ཞིག་གི་ནང་མཉམ་ཞུགས་གནང་བ། The post བོད་པའི་གཞོན་སྐྱེས་བསྟན་འཛིན་ཆོས་ལྡན་ལགས་དྲག་རྩལ་འགྲན་བསྡུར་ཞིག་གི་ནང་མཉམ་ཞུགས། appeared first on vot.

COP ༣༠ ཚོགས་ཆེན་དབུ་འཛུགས་དང་བསྟུན་བོད་ཀྱི་ཁོར་ཡུག་ལ་ཐུགས་བསམ་བཞེས་དགོས་པའི་འབོད་སྐུལ་གནང་འདུག The post COP ༣༠ ཚོགས་ཆེན་དབུ་འཛུགས་དང་བསྟུན་བོད་ཀྱི་ཁོར་ཡུག་ལ་ཐུགས་བསམ་བཞེས་དགོས་པའི་འབོད་སྐུལ་གནང་འདུག appeared first on vot.

༸རྒྱལ་བའི་མཛད་པ་རྣམ་ཐར་གླེང་བ་ཞེས་པའི་བརྗོད་གཞི་ཐོག་ Staub Kaeser ལོ་འཁོར་བོད་རིག་པའི་ཚོགས་འདུ་སྐབས་གཉིས་པ་འཚོགས་གནང་བ། The post ༸རྒྱལ་བའི་མཛད་པ་རྣམ་ཐར་གླེང་བ་ཞེས་པའི་བརྗོད་གཞི་ཐོག་ Staub Kaeser ལོ་འཁོར་བོད་རིག་པའི་ཚོགས་འདུ་སྐབས་གཉིས་པ་འཚོགས་གནང་བ། appeared first on vot.

ཟླ་བ་འདིའི་ཚེས་ ༧ ཉིན་རྒྱ་གར་ལྷོ་ཕྱོགས་ཀརནཱ་ཊཀ་མངའ་སྡེའི་མེངྒ་ལོར་ནང་རྟེན་གཞི་བྱས་པའི་ Nitte Usha Institute of Nursing ཞེས་ནི་ཊི་ཨུ་ཤ་སྨན་ཞབས་པའི་སློབ་གཉེར་བསྟི་གནས་ཁང་དུ་བསླབ་པ་མཐར་སོན་གྱི་མཛད་སྒོ་སྐབས། སྨན་ཞབས་པའི་ཉེ་བའི་ཚན་རིག་གཙུག་ལག་རབ་འབྱམས་པ་ཐོན་མཁན་བོད་པའི་བུད་མེད་འགྱུར་མེད་ལྷ་མོ་ལགས་ལ་ཡིག་རྒྱུགས་རྩེ་ཕུད་སོན་པར་མཐོ་སློབ་ཀྱི་གསེར་གྱི་རྟགས་མ་ཐོབ་འདུག འགྱུར་མེད་ལྷ་མོ་ལགས་ནི་རྒྱ་གར་བྱང་ཕྱོགས་བྷིར་ཅོན་ཏ་ར་ནང་ཆེན་གཞིས་ཆགས་ནང་འཚར་ལོངས་བྱུང་ཞིང་། གཞི་རིམ་འོག་མ་དེར་ཅོན་ཊ་ར་ སཾ་བྷོ་ཊ་གཏན་སློབ་དང་གཞི་རིམ་གོང་མ་དེ་བཞིན་མོན་གྷོཌ་འདོད་རྒུ་གླིང་ནས་སློབ་མཐར་སོན། དེ་རྗེས་ལོ་བཞི་ཙམ་གྱི་རིང་སྨན་ཞབས་པའི་ཉེ་བའི་ཚན་རིག་གཙུག་ལག་རབ་འབྱམས་པ་གནང་ཡོད་པ་རེད་འདུག འདི་ག་གསར་འགོད་པས་གནད་དོན་དེ་འབྲེལ་གསེར་གྱི་རྟགས་མ་ཐོབ་མཁན་འགྱུར་མེད་ལྷ་མོ་ལགས་སུ་བཀའ་འདྲི་ཞུས་སྐབས་ཁོང་གིས། ཐེངས་འདིའི་ཡིག་རྒྱུགས་ལེགས་གྲུབ་བྱུང་བར་དགའ་སྤོབས་ཆེན་པོ་བྱུང་བའི་ཚོར་བ་མངོན་གསལ་དང་འབྲེལ། ཁོ་མོ་དུས་རྒྱུན་ནས་ཉིན་གཅིག་ནང་དགེ་རྒན་གྱི་སློབ་ཁྲིད་ཟིན་རྗེས། རང་ངོས་ནས་བསླབ་ཟིན་པའི་སློབ་ཚན་རྣམས་བསྐྱར་སྦྱོང་གནང་གི་ཡོད་པ་དང་། འཛིན་གྲྭའི་ནང་དུའང་དགེ་རྒན་གྱིས་སློབ་ཁྲིད་གནང་སྐབས་དོ་སྣང་ལེགས་པོའི་ངང་གནང་གི་ཡོད་པ། མ་ཟད་དེ་སྔོན་གྱི་ཡིག་རྒྱུགས་དྲི་ཤོག་རྣམས་ལའང་དོ་ནན་པོས་བསྐྱར་སྦྱོང་བྱས་མཐར་ཡིག་རྒྱུག་གི་གྲུབ་འབྲས་ལེགས་པོ་བྱུང་བར་ཕན་ཐོགས་བྱུང་ཞེས་འགྲེལ་བརྗོད་གནང་སོང་། དེ་བཞིན་ཁོ་མོས་ལོ་བཞི་ཙམ་དཀའ་ལས་བརྒྱབ་ནས་གྲུབ་འབྲས་བཟང་པོ་དེ་ལྟར་སོན་ཐུབ་ན། ང་ཚོ་བོད་པ་གཅིག་མཚུངས་ཡིན་པའི་ཆ་ནས་ཁྱེད་རང་ཚོས་ཀྱང་འབད་བརྩོན་དེ་ལྟར་བྱེད་ན་གྲུབ་འབྲས་བཟང་པོ་སྨིན་གྱི་རེད་ཅེས་དང་། སོ་སོ་རང་ངོས་ནས་ངས་བྱེད་ཐུབ་བསམ་པའི་བསམ་བློ་དེ་དགོས་གལ་ཆེན་པོ་རེད་ཅེས་གསུངས་སོང་། གཞི་རྩའི་བོད་མིིའི་སྒྲིག་འཛུགས་ཀྱི་དེ་འབྲེལ་གནས་ཚུལ་སྤེལ་བར་གཞིགས་ན། འགྱུར་མེད་ལྷ་མོ་ལགས་ནི་ཁོང་མོའི་སྨན་ཞབས་པའི་སློབ་གཉེར་སྐབས་བོད་མིའི་སྒྲིག་འཛུགས་ཤེས་རིག་ལས་ཁུངས་ནས་སློབ་ཡོན་གནང་བ་ཞིག་ཡིན་པ་མ་ཟད།  ཁོ་མོས་སློབ་སྦྱོང་གི་སྦྱངས་འབྲས་རྩེར་སོན་བྱུང་བ་འདི་བཞིན་གཙོ་བོ་དུས་ཚོད་སྟངས་འཛིན་དང་སློབ་གཉེར་རྒྱུན་མཐུད། དེ་བཞིན་ནང་མི་དང་དགེ་རྒན། སློབ་སྟོན་པ་རྣམས་ཀྱི་རྒྱབ་སྐྱོར་ལ་བརྟེན་ནས་བྱུང་བ་ཞིག་ཡིན་པ་གསུངས་འདུག་པ་མ་ཟད། བོད་མིའི་སྒྲིག་འཛུགས་ཤེས་རིག་ལས་ཁུངས་ནས་ཀྱང་འཚམས་འདྲི་ཞུས་པ་དང་། མ་འོངས་པའི་བྱ་གཞག་ཐམས་ཅད་ལ་ལམ་ལྷོངས་ཡོང་བའི་སྨོན་འདུན་ཞུས་འདུག The post མེངྒ་ལོར་མཐོ་སློབ་ནས་ཡིན་པའི་བོད་པའི་བུད་མེད་ཞིག་ལ་གསེར་གྱི་རྟགས་མ་ཐོབ་འདུག appeared first on vot.

ས་གནས་འགོ་འཛིན་རྣམས་ཀྱི་འཛིན་སྐྱོང་ཚོགས་ཆེན་ཐེངས་ ༡༦ པ་དབུ་འཛུགས། The post ས་གནས་འགོ་འཛིན་རྣམས་ཀྱི་འཛིན་སྐྱོང་ཚོགས་ཆེན་ཐེངས་ ༡༦ པ་དབུ་འཛུགས། appeared first on vot.

འཆི་མེད་ལྷ་མོ་ལགས་འཛམ་གླིང་རང་དབང་ལྷན་ཚོགས་ཀྱི་མགྲིན་ཚབ་པར་འདེམས་ཐོན་བྱུང་འདུག The post འཆི་མེད་ལྷ་མོ་ལགས་འཛམ་གླིང་རང་དབང་ལྷན་ཚོགས་ཀྱི་མགྲིན་ཚབ་པར་འདེམས་ཐོན་བྱུང་འདུག appeared first on vot.

རྒྱ་གར་བོད་དོན་རྒྱབ་སྐྱོར་བས་༸གོང་ས་མཆོག་ལ་བརྟན་བཞུགས་བསྟར་འབུལ་ཞུ་རྒྱུ། The post རྒྱ་གར་བོད་དོན་རྒྱབ་སྐྱོར་བས་༸གོང་ས་མཆོག་ལ་བརྟན་བཞུགས་བསྟར་འབུལ་ཞུ་རྒྱུ། appeared first on vot.

Brussels སྐུ་ཚབ་དོན་གཅོད་ནས་ IPAC ལོ་འཁོར་ལྷན་ཚོགས་ཐོག་གཏམ་བཤད་གནང་བ། The post Brussels བོད་ཀྱི་སྐུ་ཚབ་དོན་གཅོད་ནས་ IPAC ལོ་འཁོར་ལྷན་ཚོགས་ཐོག་གཏམ་བཤད་གནང་བ། appeared first on vot.

༸སྐྱབས་མགོན་༸གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་རྒྱ་གར་ལྷོ་ཕྱོགས་སྦེལ་ཀོབ་གཞིས་ཆགས་སུ་མཛད་འཕྲིན་སྐྱོང་བཞིན་པ། The post ༸སྐྱབས་མགོན་༸གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་རྒྱ་གར་ལྷོ་ཕྱོགས་སྦེལ་ཀོབ་གཞིས་ཆགས་སུ་མཛད་འཕྲིན་སྐྱོང་བཞིན་པ། appeared first on vot.

སྐུ་སྲུང་ཟུར་པ་ཆོས་རྒྱལ་ལགས་ཉིན་གྲངས་བདུན་རིང་ཐུགས་དམ་ལ་བཞུགས་ཏེ་དེ་རིང་སྐུ་ཕུང་ཞུགས་འབུལ་གནང་འདུག The post སྐུ་སྲུང་ཟུར་པ་ཆོས་རྒྱལ་ལགས་ཉིན་གྲངས་བདུན་རིང་ཐུགས་དམ་ལ་བཞུགས་ཏེ་དེ་རིང་སྐུ་ཕུང་ཞུགས་འབུལ་གནང་འདུག appeared first on vot.

ཨིན་ཡུལ་གྲོས་ཚོགས་ནང་༸སྐུའི་གོ་སྟོན་སྲུང་བརྩི་ཞུས་པ། The post ཨིན་ཡུལ་གྲོས་ཚོགས་ནང་༸སྐུའི་གོ་སྟོན་སྲུང་བརྩི་ཞུས་པ། appeared first on vot.