Ва Уроцлаве паказалі фільм «Motherland» беларускіх рэжысёраў Ганны Бадзяка і Аляксандра Міхалковіча. Карціна распавядае пра ўмовы знаходжання і гвалт у арміі, масавыя пратэсты ў 2020-м, а таксама сямейныя і сяброўскія стасункі ў жыцці герояў.

<figure class="wp-block-image size-large"><figcaption class="wp-element-caption">Мікола Іваноў</figcaption></figure>

Думкамі пасля паказу падзяліўся прафесар Мікола Іваноў:

– Фільм, здаецца, вельмі добры. А добры перадусім, што ён ставіць шматлікія пытанні: Што далей? Што было раней з намі? Аб чым мы думаем? І не дае адказы на гэтыя ўсе пытанні. Ён змушае нас думаць.

Дарэчы, госця паказу Ніка адзначыла, што яна насамрэч не гатовая адразу дзяліцца думкамі пра ўбачанае – ёй патрабуецца час на асэнсаванне:

– Тут і такі жаль, і такія сентыменты ад усяго пабачанага. І гэты жудасны боль. Таму мне падаецца, што яшчэ тыдзень і я дзесьці буду пераварваць гэта ўсё, каб яно ўклалася ў галаве, і ў эмоцыях, і ў душы.

Адметна, што карціна  “Motherland” (“Радзіма”) атрымала гран-пры на адным з найбуйнейшых кінафестываляў дакументальнага кіно – CPH:DOX у Даніі. Гэтым жа разам паказ адбыўся ў рамках Фэсту незалежнай беларускай культуры.

Цалкам матэрыял:

<figure class="wp-block-audio"></figure>



<figure class="wp-block-image size-large"></figure>



<figure class="wp-block-image size-large"></figure>



<figure class="wp-block-image size-large"></figure>

Беларускае Радыё Рацыя

The post Ва Уроцлаве паказалі фільм «Motherland» appeared first on Рацыя.